وفي الجزء السادس توقع معنا هل ستكون الأحداث سعيدة ام حزينة يا تري مع ابطالنا ؟ دعونا نعرف ذلك في السطور التالية بإذن الله من رواية حتي الممات للكاتبة الموهوبة نور عبدالسلام .
الجزء السادس من رواية حتي الممات
احمد : لف وشاف رهف مصطنعه الابتسامه
احمد : ابتسملها هيا سكر
رهف : قربت منه مع تهدرز تخون فيا
احمد : عارفه مليح اني نعشق الخيانه
رهف : رفعت حواجبها يعني عادي لو خنتك
احمد : يوم المنى هذا
رهف : هزت راسها بابتسامه
احمد : نرفعك تخونيني وغمزلها عندي لك واحد
رهف : هو حلو وعضلات
احمد : اي لو كنت بنت مانهلبش نوريك صورته
رهف : وريني ترا
احمد : حط تليفون على وجهها ويشبحلها
رهف : يجننن محلاه ارفعني توا له
احمد : هيا
رهف : وشن نقولو للعيلة
احمد : نقولو مستاحشين بعض مزلنا عرسان ولا شني
رهف : باه
روان : ليان مالك غداء
مالك : ليان نكملو هدرزة ف الحوش
ناض وهيا على طول وراه تنفض رمله
احمد : بنمشو هيا رهف
خديجة : علاش اسم الله ياوليدي اللطف تغدو بعدها امشي وهيا تروح معانا
احمد : يمي مرتي ونبيها معاي
سعد : ابتسم خلي شباب ع راحتهم ياخديجة
خديجة : على كيفكم
احمد : هيا رهف
رهف : باي
هند : تبكي مدمره نفسيا
امها : يابنتي هيا نعاينوك
هند : ياماما تعبانه حاسه روحي بنموت
امها : بعد سو عليك حبيبتي بعيد سو
هند : يارب يارب غلطت نا يارب سامحني
تبكي بالعبره طبعا هند طلع عندها مرض
الخبيث اللهم احفظنا هند كانت صاحبة
احمد زمان ذكرتوها ورهف خذتها تجهض
الجنين هذي هيا هند تبكي ف حضن امها
وامها اطبطب عليها
في الليل خشيت لدار لبست بجامتي ونزلت لقيت
مالك حاط يديه ع صالون ومغمض عيونه
ليان : مالك غير حوايجك ولا بتطلع
مالك ابتسم ب نعس : تي كنك مرة تدوي شرقاوي مرة غرباوي لخطبتيني معاك وليت ندوي زيك
ليان : نحب نقرا القصص عشان هك
مالك : رفع حواجبه قصص ليبية
ليان : مهم نوض هيا
مالك : طالع شوي اخرى
ليان : مالك مش قلت بنحكو
مالك : تعالي به
ليان : قعمزت جنبه
مالك : اسألي واني نجاوب
ليان : علاش تشوف فيا زوجتك المرحومه معقوله ف حد يحب حد هك حتى لمًا يموت
مالك : بشرى اول واخر حب في حياتي من صغرنا
نحبو بعضنا كبرت بين عيوني نا حافظ كل شي فيها
مجرد ولت ثانوي خطبتها واجوزنا طول كنت فرحان
بيها لما حملت طرت من الفرحة اني ف شي يربطنا
يبقى شي من دمي ومن دمها كانت حامل ولدنا بنسموه يزن وتينا غرفته ملابسه مع بعضنا ف يوم
كنت طالع نغيرلها نفسيتها من تعب الحمل وهرمونات وقفو علينا كلاب قطعو طريق فكوها مني
حاولت حاولت اني نمنعهم كتفوني كانو كثار شفت
اخر حاجة شدوها وذبحوها ع خاطر مش منقبه
ليان : جسمها رعش ودموعها كيف المطر
مالك : عيونه دموع التفت لجهة ثانية
ليان : مالك مش حل انك تعيش هكي انت تحرم فيا اني نعيش وتحرم ف نفسك ارضى ب قدر الله ادعيلها ب رحمة حاول تنسى انت تشوفني هيا
صح حاول تحبني ك ليان مش ك بشرى
مالك : فنص فيها
ليان جمدت مكانها وقلبها يدق بصوت عالي من الخوف
مالك : ضغط يديه ع خدودها اطولي تولي بشرى
ليان : تبكي
مالك : اطولي يانجسه
ليان : الكلام يذبح فيها ذبح
مالك :كل قوة يده ع خدود ليان قريب ماتت بين يديه
سعد : ضرب احمد كف وكان غيث وبو ليان مصبين جنب رهف
سعد : يكر ف احمد من شعره يانجس ياحقير ادير ف مرتك
غيث : ياعمي اسمحلي اوكي نحنا نسابات لكن اللي صار مع بنت عمي مانبي يصير مع اختي بناخذ حتى ليان
سعد : منصدم مالك شن ذنبه هدا ذنب خوه
غيث : واختي شن ذنبها نا مش هنستنى اللي صار مع رهف يصير مع اختي ولا شني ياحاج
اب ليان : اسمحلنا ياسعد حتى ليان بناخذوها ونفضو ه نسب وكانو ع فلوس عملية ولد خوي
متخافش هنردوهم لكم
سعد : عيب مش بينا ه كلام ومهما تقولو معاكم حق
قبل 5 ساعات
رهف سمعت مكالمة احمد وصاحبه انصدمت
على طول جرت اتصلت ب غيث وقاللها افتحي
تسجيل وهيا لما مشت كان غيث يراقب فيهم
وصلو استراحة صاحب احمد ورهف ترعش
صاحب احمد تيم شعره بني فاتح جسم وجمال
فتح باب يامرحب يامرحب كانت استراحه افخم
من فيلا عيلة احمد كأنه مش ف ليبيا نهائي
تيم : نورتو
احمد : هاه جت ب رضاها
رهف :
تيم : اهلين ياحلوة شن جو
رهف تذكرت كلام غيث ماتتحسسيهم ب شي
ردت تمام وانت
تيم : ياحظك يااحمد شن ه صوت عذاب
احمد : خوذها هدية
رهف : شافت ل احمد بصدمة
وطبعا تليفونها يسجل هدا كله يبقى دليل
تيم : خذيت مصلحتك يلا امشي توا وخليني نستمتع نا والعسل هادي
احمد : خلينا نتفرج نحب جو هدا
تيم : ياوسخ مرات تغار
احمد متخافش منغارش
تيم : متأكد
احمد : اي اي
ويخش غيث يضرب احمد ويضرب تيم
الان
احمد : حتى هيا تخون فيا تهدرز مع شباب شوفو تليفونها
غيث التفت لرهف بصدمة
رهف : خليني نشرحلكم اتفقت ع خطة اني وصاحبتي قتلها اديري ايميل وهمي ع اساس
شاب نبي نتأكد من احمد يغار ولالا لانه قبلها
جاب صاحبه لشقة ويخبط يبيني نفتحله ونطلع
لصاحبه خفت يحششو ويسكرو ف شقة ومش مرة
ولا اثنين عشرة نا خفت نتكلم يقتلني ونفس الوقت
عيلتي عملية خوي وتأكدو من ايميل بس تفضلو
تليفون
سعد : ضرب احمد كف
خديجة تسمع ف الكلام منصدمه وتخبط ع وجها يانهاري ياغبارتي سوده
الباب يطق ب قوة بقوة
مالك : فتح الباب شاف غيث
غيث : ليان اطلعي
مالك : مرتي مش هتطلع لمكان
بو ليان : ليان هيا يابنتي معش تعيشي اكثر من هك مع حد متبيش
مالك :
ليان : شن تبو اهني وكانت مضروبه جسمها علامات ورقبتها معلمه
بوها وخوها انصدمو
ليان : تبو تكملو انجازكم لعبتكم اني ليان تعالي ليان امشي ليان ليان ليان ونا نسمع ونفذ خلاص عيييت نا ياربي نموت لا اب لا اخ لا راجل لا حد يفهمني
انتو كلكم مصالحكم وبس تهمكم نا خذيت قراري
واللي هو
يتبع …
لقراءة الجزء التالي : الجزء السابع من رواية حتي الممات
لقراءة الجزء السابق : الجزء الخامس من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
