وفي الجزء السادس والعشرون من رواية عاصفة الصمت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء السادس والعشرون من رواية عاصفة الصمت
مكرم يشوف لنزار بنظرات كره متع شن ايدير هدا اهنا وقال : ان شاء الله خير يااستادي
بلقاسم : تعرف عيلة مصباح فﻻن
مكرم : ايه هدا راجل عمتي عﻻش
بلقاسم : تمام … معناها محلولة يانزار … مكرم هوا اللي يمشي معاك
مكرم : وين
بلقاسم : نزار بيخطب بنتهم
{وفي نهاية طلع هالشنطوح قريبها }
وقف مكرم وقال : شنو ! قلت
بلقاسم : قعمز واضبط نفسك
مكرم : تي شن نظبط نفسي شنو … تتي انا نبيها وعاطي فيها الكلمة
نزار : عاطي طياح سعدك مش غير عاطي …
مكرم : تي خيرنا ياديناري البنت قريبتي وانا ادرى
نزار : ولد عمها صاحبي ويندري عليا نبيها من قبل حتى ماتروح انت
مكرم : اتكلم فيها
نزار : ﻻ مانكلمش فيها
مكرم : خﻻص البنت رايدتني وانا رايدها
نزار : رايدة #@$ مش غير رايداتك هني روحك
مكرم : به وكيف عرفت معناها اتكلم فيها
* واخر كرسيه بلقاسم وشرب رشفة من الابسليوت الفرنسي وقعد يتفرج *
نزار : مانكلمش فيها لكن ولد واخد الكلمة من ولد عمها حاتم !
مكرم : الكلمة يا من اﻻم يا من الاب وانا مكلم امها والبنت نبيها وتبيني باش تفهم انتا
نزار : امعش اتقول انها تبيك ياعافن …شن بدير بيك ضلال متع تصفية
مكرم : وانت شن بدير بيك شخص مئيدز اشبح قداش فاضله ويموت
نزار : اﻻعمار بيد الله انا مريض صح لكن مرات يومك قبل يومي وين تندري انتا واﻻ تعلم بالغيب استغفر الله ياربي
مكرم : ماعندناش بنات لزواج .. وكيف هوا هكي تو نتجوزها ومن اليوم
نزار : تتجوز حويلتك يا #@$/ اصﻻ مش حترضى بيك
مكرم : ههه وين تندري انت ؟؟ خاش فقلبها
اتنرفز نزار وقال : ايه ومافيش غيري
* ابتسم بلقاسم ونفث دخانه وحط ايده ع لحيته *
مكرم : شاك فيك اتكلم فيها
نزار : حتى ولو ماذا انت بفاعل؟؟؟
مكرم : ماتستهينش بيا ياديناري
نزار : ايه باهي انكلم فيها قريب 4 سنين من قبل حتى ماترجع انت من سفرك … ورينا هي …
مكرم : باهي نهار جدها اكحل اماﻻ
وقف نزار قدام مكرم وقال : ونهارك متزورق لو درت فيها حاجة اهو قتلك
* مكرم بيضرب نزار بونية شدله يده وعصرها وعطاه بونية جاته ع سنونه *
نزار : وحق ربي يامكرم … انوريك راهو… هني روحك واكسر الشر والبنت ليا … ونبيها وراضية بيا باﻻيدز متاعي اطلع منها …
مكرم : به به ياديناري … تو نشوفوا ياتريس كانك خديتها
نزار : غصب ع خشمك
مكرم : يا #@$^&
بلقاسم : يكفي خﻻص اكتفيت منك انت وياه …. البنت مدامها موافقة بيه خﻻص البنت لديناري يامكرم
مكرم : تي كيف هكي تي قريبتي مش قريبتك بش تحكم ف الموضوع
بلقاسم : كيف اتكلمني بلهجة هادي… منين ليك الحق …
مكرم : اسف اسف
بلقاسم : يا رجب… رجب
* خش رجب فجأة وقال : نعم يااستادي
بلقاسم : تره خود معاك هالبهيم فهمه شوية اسلوب ومنطق
مكرم : بالله سامحني يااستاد بلقاسم
بلقاسم : برا معاه خليه يعلمك وماتزيدش وﻻ حرف …
* طلع مكرم مع رجب … ورجب شخص طويل ورقيق … مهمته ععند بلقاسم انه يعطي كفوف وراء بعض لنوعية اللي زي مكرم
نزار : بارك الله فيك …
بلقاسم : بنسبة لمكرم مدوراش … وتو نبعت معاك سكرتير متاعي بش يخطب شخص معروف… ودبلوماسي نوعا ما حيتفاهم مع بو البنت
نزار : مشكور استاد بلقاسم …
* فتح بلقاسم الهاتف وقال : عبدالله تعال عندي
عبدالله : ان شاء الله هي
* خش بلقاسم وقال : نعم …
بلقاسم : عبدالله … برا مع ديناري بيخطب بنت من بوها … لخبطه يمين يسار وقوله انك تشتغل تحتي والكﻻم هدا
عبدالله : تمام … بتمشي توا ديناري ؟؟
نزار : ايه …
عبدالله : هي اماﻻ..
صفاء : الله ياربي واخيرا بيجي حد يخطبنا يامروة
مروة : ايه لامس بس كنت نبكي ان ماحد دق بابنا وخطب …
صفاء : الحمدلله الله كريم .
مروة : زعما ليا واﻻ ليك
صفاء : العلم عند الله …
عبدالله : شن اسمهم العيلة
نزار : مصباح فﻻن
عبد الله : اها ااوكي … هي توكلنا ع الله
* طق طق نزار عالباب وفتحله حاتم
حاتم : كيف الحال ديناري
نزار : الحمدلله شن اخبارك حاتم
حاتم : كويس بخير …شن سر الزيارة
نزار : جاي لحوش عمك …
حاتم : والسبب
نزار : بنهدرز على عمك
حاتم : اااه نويت يعني
نزار : حاجة زي هكي
حاتم : خش للمربوعة تو نركب اناديه
نزار : تمام …
* ركب حاتم لحوش عمه … ونادى عمه … وخش هوا وياه للمربوعة
ع مصباح : السﻻم عليكم
عبدالله و نزار : وعليكم السﻻم
ع مصباح : كيف الحال
عبد الله : بخير الله يبارك فيك
نزار : بخير الحمدلله …
* بعد سبعة دقايق …من اهلين وسهلين وشن اﻻمور شن اﻻخبار
عبدالله : انا عبدالله العنتالي نشتغل في السلك الدبلوماسي .. وسكرتير بلقاسم الحبيب …
* اندهش عمك مصباح وعرف بلقاسم الحبيب … ابتسم وقال : مرحبتين بيك
عبد الله : وبيك مرحب … وهدا نزار خليفة … عنده مكتب استشارات هندسية …
ع مصباح : اهلين بيه
نزار : وبيك اهلين … الحق ياعمي مصباح انتو عيلة ماشاء الله … وانا طالب القرب منك في بنتك …
عبدالله : طبعا نزار شاب كويس ومايتعيبش ومن خيرة الشباب … وسيطه في كل مكان مافيش حد مايعرفاش باستشاراته الهندسية
يصمم لناس القناقل وديما مطلوب
حاتم : ههههههههههههه
* فنص نزار ف حاتم …
ع مصباح : خيرك تضحك ياولد
حاتم : ﻻﻻ شي عجبتني كلمة قناقل بس
عبدالله : عموما يا عمي مصباح خلينا ف موضوعنا
ع مصباح : باهي شن عندك حوش او
نزار : ﻻ بس اﻻيام الجاية حنشري دوبلكس ان شاء الله
ع مصباح : امممم ووين عيلتك
نزار : قلت نجي انا اﻻول لو اقتنعت بيا كمواصفات بيا انجيب عيلتي
ع مصباح : وتعرف حاتم او
نزار : حاتم صاحبي راس من ايام الثانوي
ع مصباح : شنو ياحاتم
حاتم : تي هدا متع…
* تفنيصة من نزار مات حاتم ف مكانه
حاتم : قصدي ماشاء الله عليه … شاب كويس ومتع كلوو ومن اﻻخير ياعمي يعجبك تريس رسمي…
ع مصباح تلفت لحاتم و يوشوش : لكن انت عارف روحك متع شنو بالك صاحبك زيك
حاتم : هههههه ﻻﻻ ياعمي ﻻ … شهادة لله ماعمره حط حاجة خايبة ف فمه كون هاني فيه الموضوع هدا …
ع مصباح : على بركة الله قول للعويلة يتفضلوا ..بش يبدى الموضوع زي العادات
نزار : ان شاء الله بإذن الله حنقول للعويلة ونتصل بحاتم بش يبلغك
ع مصباح : تم وبإذن الله خير …
عبدالله : ان شاء الله
ع مصباح : وسلمونا على استاد بلقاسم هلبا
عبدالله : ان شاء الله…
نزار : سﻻم عليكم
عبدالله : سﻻم تو
ع مصباح : وعليكم السﻻم …
* طلع نزار وعبدالله من عند عمك مصباح ومروحين … كيف طلعوا من الباب لقوا مكرم كيف درس سيارته ونزل ووجه منفخ
من كفوف رجب …
مكرم : والله اﻻ @$/&&$# و #/&/#@ يا /#@$/&&# تي انت #$/#@&*#
خ عايشة اتبيت من فوق وتشبح ف مكرم ايسب ف زوز شباب طالعين من عندهم …
طبعا اللي هوا نزار و عبدالله…
نزار : ماعندي مانقولك الله يسامحك … الله يسامحك
مكرم : ايه ايه دير روحك عاقل
نزار قدم بحداه وقاله : اسكت حتى كلمة والله نكسرلك سنونك
عبد الله : شنو ماشعفتش من كفوف رجب واﻻ كيف …
مكرم : حنفضحك عند العيلة يا نزار النمي
نزار : جرب وديرها
عبد الله : ياويلك من بلقاسم يامكرم لو فركشت الموضوع … هكي حيأثر على نزار ومش حيخطط وبتالي استاذ بلقاسم حيتصرف معاك تصرف وﻻ عمرك ريته
* برطم مكرم وتلفت عليهم وخش للحوش وطربق الباب …
خ عايشة : ﻻﻻ نبيها ل مكرم
ع مصباح : اطلعي منه الموضوع ﻻ مكرم وﻻ واحدة .. هدا باين عليه املير وواصل حتى خدمته امقومة
خ عايشة : واصﻻ مكرم دكتور وعنده عيادة اما خير
ع مصباح : ولد خوك هدا مش خاشلي راس ومش مرتاحله … صكي عليه الموضوع
خ عايشة : تي ياودي هدا منا وفينا واللي نعرفوه خير من اللي مانعرفوشي
ع مصباح : اسمعي معش تناقشيني فيه الموضوع …الولد باين عليه واصل…وانا محتاج ظهر…اﻻيام هادي اللي ماعنداش ظهر يطيح ع وجهه
خ عايشة : الصبر ياربي الصبر
ع مصباح : نوضي نوضي حطينا الغدي
خ عايشة : باه باه
خ عايشة تفكر >> ياودي كان واحد من الشباب هدوكا الزوز باين عليهم محترمين … ع قد ماسبهم مكرم ماردوش عليه …. لكن اللطف خيره مكرم ﻻش هالسب هد كله
نزار : السﻻم عليكم
صفاء و مروة : وعليكم السﻻم …
صفاء : هاك جبتلك اميا د
ضنزار : صحيتي والله عطشان
* شرب الميا وبيحطها عطاولة جاته مروة وقتله : مدايرتلك الغدي رز مخلط و مبطن ومشقشقات
نزار : اياح مقيومة اليوم
صفاء : تكدب انا درته الرز المخلط
نزار : معش تتعاركوا انتي واﻻ هيا بارط الله فيكم المهم درتوا
نزار : وين امي ؟؟
صفاء : راقدة انوضهالك ؟؟؟
نزار : ﻻﻻ خليها راقدة
صفاء : وااله عادي انوضهالك
نزار : ﻻ خلي المراة مرتاحة … بنخش نرتاح شوي ف المربوعة قوليلي لما يوتى الغدي
صفاء : ان شاء الله به …
قعمز نزار في المربوعة … واتصل بغادة
نزار : يا شن بيقول فمي
غادة : هههه خيرك حبيبي
نزار :مكرم طلع قريبك !
غادة :تعرفه قصدك ؟؟؟؟
نزار : نعرفه قريب ليا عامين توا
غادة : ومنين تعرفه
نزار : معرفة سطحية متع خير خير
غادة : اها … باه كان ضربني واﻻ حاجة
نزار : هههه مايقدرش…المهم مش هدا موضوعنا
غادة : امممممبه
نزار : حبيبي … وعمري وروحي غدوشي
غادة : ياقلبي انت بجد مش مصدقة وحق ربي مامصدقة ان حنكونوا لبعض … وتعرف لما امي قتلي والله طرت من فرحتي
نزار : مع العشية عندي ليك مفجاة تانية
غادة : قولي قولي
نزار : ﻻ مش توا …
غادة : نيزووو بيبي
نزار : الللا مانيش قايل
غادة : هههه باهي بيبي اسمع انا توا بنحط الغدي مع امي … تو نكلمك مع القايلة
نزار : ردي بالك ع روحك ياروحي
غادة : حتى انت بيبي … سﻻمات
نزار : سﻻم
{حبي غدوشي بتصير ليا انا بس … حق خلي نمشي لضرسي نقولها على الخبر }
طلع نزار وقال : وين ضرسي مش باينة يامروة
مروة : اونيه في الدار … شن تبي فيها
نزار : تو انقولك غير خلي نكلمها
بس
* توجه نزار للممر ومنه لدار … لقي لبنى فاتحة اغنية … وتنخ بشعرها وزاد طول اكثر من اﻻول هههه وبدل مايخش قعد يتفرج عليها ففجأة وقفت وقعمزت
خش وقالها : غير زيد اشوي مارينا شي غير زيد اشوي …
لبنى : هههههه والله تبي القتل هي باهي او
نزار : ههه عﻻش
لبنى : تتلصلص عليا وتقولي عﻻش
نزار : عادي ماتلصلصتش ع غريب انتي ضرسي
لبنى : ضرسك وياريتك حاس بيه ان شاء الله اتجيك سوسة بش اتحسسس
نزار : ههههه باه ياستي اسف
لبنى : ﻻ مش مسامحاتك
نزار : لبنى بطلي عاد مانحبش حد غالي يحرج مني …
* لبنى ربعت يديها وتلفتت عليه *
نزار : بطلي يازعولة
لبنى : نسامحك بشرط
نزار : شنو
لبنى : امممم خلي انفكر
نزار : به
لبنى >> هدا معش ينفع معاه ﻻزم انطيحه بس جربت كل المحاوﻻت ياربي شن اندير … شن اندير .. اه صح نقوله يرقص معاي بالك على وعسى ايحس بيا وينظرلي على اني انثى … زعما … لكن بالك ايكشخ عليا واﻻ يعطيني كلمة فسنون …
نزار : تي شنو الشرط
لبنى : ترقص معاي
نزار : ش شنو هههههههههه بري روحي امشي
لبنى : اماﻻ خﻻص مش مسامحاتك
نزار : ماتسامحينيش …سبحان الله تلصلصت عليها حرجت وطلبت طلب اكبر من تلصليصة
* انحرجت لبنى ووقفت وكيف بتمشي شدلها يدها ووقف مقابل ليها وقالها : حرجتي ؟
لبنى : ﻻ ماحرجتش عادي …
نزار : والله مانعرف نرقص شن الشرط هدا اللي شرطيه
لبنى : اعتبره طلب
نزار : استغفر الله شن خﻻك تطلبي مني طلب هكي
لبنى : ماعنديش غيرك نزار … افهمني انت كل شي ليا …
نزار : اهو ان شاء الله تتسهل اﻻمور وتتجوزي
وترقصي مع حﻻلك
لبنى شدت ايد نزار
بين يديها وقتله بصوت سحنون معسول بنبرات دافئة : انت يانزار … كل يوم نتخيل فيك ترقص معاي
{الصبر ياربي والله متاكد اﻻ مسلسل تركي هي باهي او}
لبنى : ارجوك نزار …
نزار : باهي باهي شوية بس …
لبنى : هيييي خلي نفتح اغنية
نزار : عينك مش توا … خلي ف ليل وقت يرقدوا العيلة توا مان بتشوفني امي بديرلي قصة هكي كبر كبرها
لبنى : خﻻص موعدنا ف الليل وعد
نزار : وعد لكن موعد عينك ياشفشة …
صفاء : نزاااار … امي تبيك
نزار : اهو جاااااااي هي
لبنى : يﻻ ادعس عند خالتي
نزار : ديما اتلهي فيا بمواضيعك ماخليتينيش نقولك الخبرين اللي جاي بنقولهملك
لبنى : به شوف خالتي وتعال نكملوا هدرزتنا
نزار : خليها بعدين ﻻن بنهدرز مع امي وبنتغدى وبنطلع عندي مشاوير لبنى : اوكي …
* عبر النيمبز *
مكرم ~ ياحمارة الحمارات انا تبدليني بالكلب نزار
غادة ~ حشاه مش كلب
مكرم ~ ياقردة نبيك افهمي
غادة ~ وانا مانبيكش وخﻻص نزار جي تقدم رسمي انت شن تبي يااكرم
مكرم ~ عافنة انا نقولها نبيك ونحبك وهيا تتجكتر تاريتها تبي واحد تاني خزيه وخﻻص . .اصبري تو نفركشها ننخر زي السوسة لعمتي لين ترفضك
غادة ~ كﻻمك مايفيد شي
مكرم ~ اسمعي حاجة ومتاكد منها مش حتحسي بيه زي مااتحسي بيا وحتطلقي واتجيني تجري وقتها نعفس عليك ونمشي
غادة ~ 
خ رقية : المهم وافق بوها واﻻه ؟
نزار : ايه … تو غدوة نرفعك انتي وصفاء بش تخطبوها
خ رقية : به يستر الله من امها اللفعة كما ادير فينا زي مرة اﻻولى
نزار : ﻻﻻ ماعتقدش … المهم فيه شاب كويس ماشاء الله عليه … خلوق ويصلي ومﻻخير … شايف لبنى … وقال يبي يخطبها
خ رقية : اشششيه ماشاء الله سعدكم جي مع بعضكم ف نفس اليوم
نزار : ههههه المهم قتله نشوف العيلة ونرد عليك
خ رقية : خﻻص … غدوة نمشوا نخطبولك وبعد غدوة قول للعويلة يتفضلوا
نزار : ماتبيش تسئليها
خ رقية : ﻻﻻ مدامه صاحبك كويس ومايتعيبش خلي البنت اطب نصيبها … ايتيمة ياناري بالك ولد حﻻل و يسعدها
نزار : اللي اتشوفيه يمى … ومع هدا زيدي اسئليها ماتعطيهاش امر متع موتي وتجوزيه
خ رقية : ﻻﻻ نعرف كيف نتصرف هههه
مروة : يمى نزار …هيا الغدي
خ رقية : هي جايين
* تغدى نزار وطلع طول …
وقعمزو البنات التﻻتة بحدى خ رقية ويستنوا ف اﻻخبار واكيد الشخص الوحيد اللي مش مهتم هيا لبنى …
صفاء : هيا بشرينا يمى
مروة : هيا يمااااا
خ رقية : النصيب وقت ايدق الباب الواحدة تتسهل وخﻻص
مروة : ايه اكيد
خ رقية : والبنت ماليهاش غير حوش راجلها
صفاء : طبعا طبعا
خ رقية : والشاب حسب ماقال نزار مايتعيبش … وشاف لبنى وانعجب بيها وتقدملها
* انصدمت لبنى ومعش عرفت حتى تتكلم
صفاء : لبناااااا
مروة : يافرحة ماتمت
خ رقية : ﻻ عﻻش ف الحالتين فرحة سواء ليكم واﻻ ليها … ونزيدكم من االخير نزار غدوة بيخطب وتي روحك ياصفاء …
* وقفت لبنى وبتتكلم معش قدرت شدت راسها وطاحت سايخة …
يتبع…….
لقراءة الجزء التالي : الجزء السابع والعشرون من رواية عاصفة الصمت
لقراءة الجزء السابق : الجزء الخامس والعشرون من رواية عاصفة الصمت
للإطلاع علي فهرس اجزاء الرواية : رواية عاصفة الصمت ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
