وفي الجزء العاشر من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .
الجزء العاشر من رواية اريدك انت
نور صحت وطلعت ليهو بره قال ليها نهاية الاسبوع راجعين
،، قالت ليهو طيب ،، قال ليها تعالي اقعدي 
قعدت ،، قال ليها اخر شي بتذكري شنو ،، سكتت مسافه قالت ليهو كنت ماشه ادي القروش لي حسن
ودخلت المصنع وهو كان قال لي دقايق و جاي تاني حسيت بي ضربه على راسي و تاني م بتذكر شي ،، قال ليها امممم طيب دقايق… اتصل على الدكتور وقال ليهو ممكن احكي ليها قال ليهو اكيد بس لو حسيت انها بدت تتعب تسكت ،،، عاين لي نور قال ليها جاهزه تسمعي ،، قالت ليهو ايوة ،، قال ليها اهلك قلقو عليك مشو يشوفوك لقوك واقعه على الارض و القروش ماف ،، قالت ليهو الحقير بكون شالها
،، قال ليها بكون و ودوك المستشفى كنت غايبه عن الوعي لمدة شهر و بعد صحيتي انتي بقيتي وسكت ،، قالت ليهو بقيت شنو
،، قال ليها رجعتي كأنك طفله و ابوك م اتحمل و حصلت ليهو مشكله ،،نور راسها بدء يوجعها حسام سكت وهي بدت تكورك راسها وجعها ضامها ليهو و قال ليها اسف اسفه بعد مسافه زحت منه اعتذر ليها وقام مشى جهز ليها الاكل اكلت قالت ليهو كمل قعد جنبها مسك يدها وقال ليها ابوك اتشل و سفره على الهند سنه ونص رجع قبل فتره و بقى احسن ،، قعدت تبكي … حسام كان نفسه يضمها بس م قادر و م عاوز يقول ليها لانه خايف انها تتعب اكتر
تم الاسبوع ونور بقت كويسه و ممكن تسافر خلص حسام اجراءات السفر سافرو وصلو الخرطوم عمو عصام مسك نور وقعد يبكي
وهي بكت معاه و امها كمان بكت قلبو المطار بيت بكاء عديل رجعو و كان حسام عامل الكرامه و مفهمها ده ابوها كان البيت ملان و الناس بتبارك ليها انه بقت كويسه جات وحده من بنات اهلها قالت ليها واااي من راجلك عامل كل ده 
،،نور قالت ليها راجلي !!،، قالت ليها اي م قصر معاك والله ،، نور قالت ليها راجل شنو ،، قالت ليها حسام ،، نور قالت ليها حساااااام،، طلعت بره بتفتش عليهو اول م لقته قالت ليهو حسااااام و
قالت ليهو حساااام ،،حسام اتخلع لقاها معصبه
و بتحك في راسها شديد و جسمها برجف جاها قال ليها ايوة مالك ،، قالت ليهو انت انت راجلي ،، حسام انخلع والكل كمان قال ليها منو القال ليك ،، قالت ليهو حسااااام انت انت ر راجلي انا ،، حسام م ردة و ابوها جاء قال ليها نور تعالي ،، قالت ليهو لاااااااا
حساااام انت رد علي ،، بس حسام فضل ساكت ،، وقعت في الارض و مسكت راسها قوي حسام جرى عليها قالت ليهو حسااام انت انت راجلي ،، حسام قال ليها ايوة 
،، مسكت راسها قوي كان بوجعها شديد صرخت و وقعت في حسام شالها و رفعها دخلها رقدها في السرير وطلع قال ليهم مين قال لي نور ،، بت خالته قالت ليو انا ليه ،، قال ليها اوووووف ياخ م كان وقته وطلع بره ،، قالت ليهم م قصدي م قايلا انه حصل كده قالو ليها ولا يهمك …. نور بعد صحت قالت ليهم نادو لي حسام جاها قال ليها ايوه ،، قالت ليهو انا م متذكره شي و العرس ده م بعترف بيهو ،، حسام كان مصدوم شديد م رد ،، قالت ليهو م كنت في كامل وعي و يرضى عليك الموضوع ده خلصه ،، قال ليها نور انا 
،، قالت ليهو يرضى عليك انتو استغليتو مرضي انا م متذكره شي ،، وقف على حيله قال ليها انا كمان لمن عرستك كان مستغلني وطلع
نور كانت كل م تذكر شي تتعب بس م قدرت تذكر عن حسام حاجه ذاكرتها رافضه ترجع ذكريات حسام بس قلبها بضرب شديد لو فكرت فيهو او اتذكرت العطر حقه هي شامه كتير بس م قادرة تذكر في يوم نور فتحت الشنطه حقتها لقت تلفون فتحته لقت المكالمات اخر مكالمه قبل شهر مكتوب عليها حتام وجنبه قلب كان التلفون الجابو ليها حسام فجأه جاتها ذكره حسام وهو بدي فيها التلفون وبعلم فيها كيف تستخدمه واتصالها عليو مسكت راسها و زحت التلفون منها بعيد نزلت تحت لي امها قالت ليها عاوزة بندول راسي ح يطق ،، قالت ليها اتذكرتي شي ،، نور قالت ايوة ،، قالت ليها عن شنو ،، نور سكتت م ردت ،، قالت ليها حسام !!،، عاينت ليها ومشت …. حسام كان وضعه صعب شديد فاقد نور ضحكتها وكلامها خصوصا بليل كان صعب عليهو كان عنده ملابس ليها بطلعها يحضنها عليو وينام يصحى الصباح و يتمنى لو يفتح يلقى نور قدامه بس بتذكر كيف هي قالت ليهو العرس ده موضوع و لازم يخلص بتوجع شديد الوقت كله يعاين لي صورتها …. نور بدت تذكر شويه شويه عن حسام وفي يوم كانت زهجانه فتحت اللابتوت تحضر فيهو عشان الزهج يروح لقت مكتوب عرس نور قلبها ضرب قوي وعاينت مسافه و قررت تفتحه فتحته وقعد تتفرج دموعها مشت كيف ده هي ماسكه حسام و بتضحك مبسوطة كانت !! ولمن حسام وقف على حيله و قطع الحفله و ذاكرتها رجعت ليها يوم العرس كله و لمن بليل حضنت حسام مسكت راسها من الوجع وقالت حضنته ياربي م فاهمه شي انا ….. قفلت اللابتوب و فتحت التلفون اتصلت على حسام المسجل بي حتام 
وحسام انخلع رد عليها بي سرعة دلوعتي فيك شي انتي كويسة ،، نور سكتت ده شنو كمية الخوف الفي صوته ده قالت ليهو انا بديت اتذكر شوية شوية ،، حسام سكت ،، قالت ليهو م ح تتكلم ،، قال ليها اقول شنو ومرتي وحبيبتي البت البحبها بعيده عني شديد ،، نور قلبها ضرب شديد لانه كان بتكلم براحه وصوتو فيهو بحه غير احساس الوجع الوصل ليها ،، قالت ليهو ممكن اقابلك بكره ،، قال ليها طيب ،، قالت ليهو تصبح على خير ،، اخد نفس طويل وقال ليها تلاقي الخير
الصباح نور جهزت وطلعت اتقابلو في مطعم قالت ليهو ممكن تذكرني بي اي شي ،، عاين ليها وقال ليها ح تتعبي راسك ح يوجعك ،، قالت ليهو م مشكله بس وريني ،، حكى ليها عن يوم العرس من اول م شافها وكيف هي كان بتصر وشها كان مبسوط و هو بحكي عنها وفي نفس الوقت في ابتسامه مكسوره
على شفته قال ليها ولمن ركبنا الطياره وقلت ليك نحنا فوق بيت اهلك ،، نور مسكت راسها في ألم وقالت ليهو قلت ليك مش هم عرسو لي م عايزة ارجع ليهم
،،،، اداها مويه شربت قال ليها كفاك لليوم ،، قالت ليهو عاوزة اعرف،، قال ليها انا متشوق اكتر منك لانه تعرفي وترجعي لي قال ليها عندي ليك فكره جيبي تلفونك ادته ومشى بعيد حول حاجه و كان بتكلم وبعد مسافه رجع قال ليها ابدي بالفيديوهات و كل م تتعبي وقفي يلا ارجعك بيتكم
نور اول م رجعت فتحت الفيديوهات كان فيها هي و حسام وهي مبسوطه لمن قعدت في الارض وقعد معاها بمن تجي جنبه وبزح منها كان راسها بوجعها وهي بتذكر بس قاومت وكل فيديو تفتحه تذكر الموقف اخر فيديو فتحته كان حسام هو المصور جات هي حضنته وقالت ليهو حتام بحبك وهو قال ليها وانا بحبك قفلته و قعدت تبكي هي م بنفسها م فاهمه ليه بتبكي بس بكت شديد ارتاحت شويه و لقت التسجيل كان عباره عن
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الحادي عشر من رواية اريدك انت
لقراءة الجزء السابق : الجزء التاسع من رواية اريدك انت
للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح
جميع حقوق الرواية محفوظة للكاتبة نوحه صلاح
