وفي الجزء العاشر من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء العاشر من رواية المشوه
غياث طلع
ركب سيارته متعصب بينفجر شاف هاتف والع شاف مكالمات من لميس اتصل بها ووولع السيارة ومشي بسرعه
غياث يسمع ف صوت بكي لميس ع السماعه بعصبية قال: معااااد تبكيي
لميس مش قادرة تتكلم: غياث مادير شي تربح
غياث ضرب الدومان وبعصبيه فال: كيييف ماندير شي تي وووووصل ف شرفك وانتي تبكييي ومرعوبببه تي مانبداش رااااجل كان منكوماش ف مكانننه نعيش راجل محبوس ولا نعيش راجل يحكو ع شرف مرته… وصكرالخط
وصل لشقته نزل بسرعه خدي مسدسه وركب قربع الباب اتصل بـ عدنان
غياث: ايووه بنسالك وين حوشه وليد ولد اختك
عدنان: ل ل لا ياوليد صلى ع الرسول م ماتخليش الشيطان يلعب بعقلك
غياث يمتل انه هادي: لا ياعمي غير نبي نحكي معاه بس… وشاف المسدس 
عدنان: نشالله خير حوشهم جنب المغسله في،،،،، رد بالك
غياث:تمام صحيت…وصكر عليه
غياث زااد السرعه واتجه لـ العنوان
وصل نزل للمغسله
غياث عدل المسدس ف سرواله من الخلف وخطاه بلجاكيت الجلد البني
غياث:سلام عليكم نبي حوش وليد قالولي جنب المغسله
صاحب المغسله اشرله ع حوش:هدا حوش وليد الوحيد ف الشارع
غياث:ربي يعاونك…وطلع
غياث وقف ع الباب رن الجرس تلاته مرات بقوة وعصبيه وهوووبه طلع وليد وشده
غياث شده من رقبة سوريته عيوووونه حمممر:اني شن مداير ف حياتي فهمننننني شن في بيني وبييننننك اددددير هكييي
كان يتكلم بصوت عالي
عيلة وليد طلعووو
بو وليد طلع وسلمى طلعت وكنتهم طلعت
بو وليد قرب بيبعدهم عن بعض
غياث دفه ع الارض وليد طاح ومرعوب غياث سحب المسدس
بو وليد ارتعب وووقف جمد ف مكانه
سلمى نهارت ع الارض وتعيط وتندب
كنتهم ايده ع فمها برعب
غياث قام المسدس ع وليد: عذبتك لانك لمستها لكن الباين انك مش رح تتربى بتعدب الراي نقتلك نرتاح ونريحك من الانتقام منها
وليد:لالالالا
سلمى:وووووووه عليااا لاااا
بو وليد :تي منييي انتتت من هدااا
غياث بعصبيه:اني خطيب لميس،لميس لمخطوبه وولدك حاط علها عينه ،لميس لـ مرتك طلعت علها كلام بشرفها (شاف لـ سلمى)لو مش كبيرة وف عمر امي ندفنك جنب ولدك
طلع اخ وليد هيثم:من انت
غياث:لعند هني وبس كل مشاكلي بسبب هدا
هيثم ابتسم: بتقتله بيحبسوك وبعدين لا بتاخدها لا انت لاهو
غياث شافله: عادي حتى لو مانخدهاش المهم نحمها….طقققققق
سلمى عيطت
كنتهم قعمزت من الرعب
بو وليد قرب لولده لـ غارق ف دمه
غياث عدل المسدس ف سروال بدون رحمه: توا هكي نكون كملت لـ عليا (شاف سلمى) عظم الله اجركم
بو وليد يهز ف ولده: ياعديم الرحممممه
غياث شافله بعيون حممر: عندي رحمه لكن لم يوصل الموضوع ف الشرف معادش نرحم وولدك هدا رحمته هلبااا لدرجه هزي عليا
هيثم جاااامد ف مكانه
وسلمى تبكي
غياث طلع هاتفه وصور وليد لغارق ف دمه وبعتها لـ لميس
غياث: اني عندي خدمه عظم الله اجركم لو تبو تشكو عليا تلقوني ف شقتي جنب صالة الرياضيه ف شارع……،،، وطلع
.
.
.
جهاد حاول يلحقه لكن ملحقش عليه رجع للحوش
لميس جاها اشعار ع الواتس من غياث فتحاته وعيطت:لاااااا 
واتصلت بيه معادش قدرت تبكي معادش قدرت تتكلم 
غياث: دموعك نقتل عشانهم اني
لميس لسانها مربوط من منظر الصورة
غياث يسوق: مانعرفش كيف لكن لم نسمعك تبكي نحس ف روحي مانستاهلكش
لميس ساكته
غياث: نعيش عمري كلله محبوس لكن ماحد يقول عليك حرف
لميس ساكته
غياث:انتي خططط احمر
لميس تسمع وساكته من المنظر لفي اصورة
غياث: حطي ف راسك اي شخص مزال يضايقك ننهيه تسمعي فيا لو حتى نضايقك اني رح نقتل روحي
لميس: انت شنوو انت قتلته مافكرتش فيا ما…قاطعها
غياث بصوت واطي: المهم ماحد يقرب منك بسسس وليد حاول يغتصبك عذبته تعذيب بسيط وضربته لكن هو الباين انه مفكرني عيل ويلعب معاي
لميس: تمشي تقتله علاش تقتله اني من رح يكون معاااي
غياث: مقتلتاش اني ملازم يعني نعرف وين نضرب المنطقه لضربته علها مش رح يموت
لميس قعمزت بررعب:تخوف انت
غياث اذكر الناس تقوله يامشوه وانت تخوف: نخوف؟ اني نخوف؟(بصوت عالي)لمسسسسسك كيييف تبييييني تصرررررف
لميس وتبكي: علاش هكي
غياث ضرب الدومان: اني هكي ربي خالقني عصبي مريض نفسي عاجججبك
لميس: بعدين بنكلمك توا نبي نعرف شن صار فيه مات او لا ….وصكرت اخط
غياث حرق العجللللله 
وزاد السرعه ويسوق
وزاد السرعه ويسوق.
.
.
بعد اذان المغرب الدنيا ليل
غياث ف شقته متكي ع الكنبه ويشوف ف السقف
تررررن ترررن
غياث:ايووه
لميس:تعالى
غياث قعمز:وين
لميس:اني ف الحوش تعالى
غياث: تمام جاي…صكر وناض خدي جاكيته
.
.
.
وصل ونزل خش لجنان
لميس فتحت الباب شفاته نزلت تجري شفاته يمشي ف الجنان عيونه ف الارض لابس سروال اسود تيشرت اسود وجاكيت بني جلد
لميس قربت تجري غياث شافت تجري تجاها
غياث ابتسم :مجنونه
لميس: نحببك
غياث ايدها ع ضهرها وحاضنها 
لميس وقف قدامه : اتصلت بيا عمتي
غياث ضربها كف ببصارة:وين الوشاح
لميس شعرها ديل وحصتها ع عيونها سروال جينز وتيشرت ابيض
لميس: خطيبي انت عااادي وله
غياث: كان يشوفك بوك
لميس:مافي حد،غير اسمع اتصلت بيا عمتي باهي…قاطعها
غياث يشوفلها : ديما حلوة هكي انتي
لميس ضحكت: اسمععع اتصلت بيا وقالتلي نقولك….قاطعها
غياث قرب منها شد ايدها وايده التانيه ع ضهرها: خليني من عمتك تمشي تملح هي وراجلها وولدها خليني فيك توا…وقرب
لميس: نحبك
لميس: عمتي اتصلت قالت انه وليد حالته كويسه ومش رح تشكي فيك واعتذرت مني
غياث:نعرف لدرته نعرف شن رح يصير
لميس شافتله:تييييي اني نحبك نعشقك نموت فيييك
غياث: نحرق الناس عشانك
لميس ايدها ع لحيته: انت حقيقي مش حلم صح
غياث ضحك:مش لدرجه هادي عاد
لميس ابتسمت: لميس تحبك
غياث:غياث يحبك لميس
لميس: غياث نبض لميس
غياث:لميس قلب غياث
لميس طلعت الهاتف وقفت قدامه وضحكو مع بعض بعفوية وتشك صورت
وصورت ايديهم ودبلاتهم وصوراته
وصورت ايديهم مشبكت ف بعض
ترررن تررررن
غياث شاف رقم جواد: عمري عندي خدمه بنرد
غياث رد:ايووه
جواد:وينك
غياث:علاش شن في
جواد: اني قدام شقتك
غياث:اهااا اني برا اني جايك هي
جواد:تم
غياث:مية مية…وصكر الخط
غياث باسها ع راسها: تصبحي ع الف خير
لميس ابتسمت:وانت بخير
غياث لمس خدها:احلا يوم ف ساعه ف حياتي
لميس ابتسمت
غياث طلع ولميس ركبت للحوش تجري فرحانه .
.
.
.
ف المستشفى عدنان مع الدكتور يراجع
وجهاد نزل لـ وليد ف الدور الاول وخش
سلمى شافتله بكره:اطلع
جهاد شاف وليد: تستاهل شوية فيك وربي راجل انه ضربك افهم انه اختي واخدها رااااجل
وليد لف وجها ع جيها التانيه
سلمى:لعنة الله عليكم
جهاد: بدل ماتنصحي ولدك ع حاجه صح وتوريه الصح من الغلط ادافعي عليه توا تكبري وتشوفي روحك شن زرعتي هدا لديري فيه مع لميس رح تحصديه اضعاااف ربي مينسى حدد ربي يعطيك ع قد نيتك
وتلفتتت وشاف طاهر اب غفران
جهاد عدل جاكيت الدكتور وقربله:انت
طاهر ابتسم بوجه بشوش:اذكرتني
جهاد حط ايده ع كثف طاهر:سامحني كان غلطت فيك ولا حاجه ولا انزعجت مني
غفران قربتلهم ومنبهتش لـ جهاد لانه كان عطيها بظهره ومعاها خوها الصغير ليقرا صف رابع
غفران مدت لبوها الدواء وشيشة اميه:تفضل
جهاد تلفتت وهوب غفران شافتله
غفران فنصت بدون مينتبه بوها لانه ياخد ف الدواء
جهاد نزل عيونه لـ خوها الصغير لمسله شعره وابتسمله وخوها كرم ابتسمله
جهاد انتبه ع الدواء لفي ايد غفران 
بدون مايحس قال :شن الدواء هدا عندك ورم؟
بدون مايحس قال :شن الدواء هدا عندك ورم؟طاهر:اني لعندي
جهاد: من دكتورك هني
طاهر:الدكتورة سناء
جهاد: طلبت عليك عمليه؟
طاهر:اي طلبت لكن مش ناجحه
جهاد: كم نسبة نجاحها ؟
غفران:35%
جهاد:اي وبدير عملية؟
طاهر:مش ناجحه ياوليدي مانقدرش نديرها ونموت ونخلي صغاري مخاطره
جهاد:ياعم لازم اديرها نسبة النجاح باهيه ممكن تنجح العملية بما انه الورم يكبر ولو كبر رح تموت
غفران:حتى اني قتله هو رافض
جهاد شافله: علاش سافر لو تبي ممكن ربي يكتبلك عمر وبطول عمرك نشالله
طاهر: لالا
جهاد:وين وراقك ترا نشوفهم
غفران فتحت شنطته ومدتله وراق
جهاد خداهم بدون مايشوفلها وبدي يشوفلهم وقعمز جنب طاهر
جهاد نصدم ف الوراق:الورم ممكن ينزل ع عيونك ياعم خيرك انت تنعمى لازم ادير العملية ضروري
طاهر سكت
جهاد:خيرك تي حجم الورم صغير ناجحه العملية بعون الله
غفران شافت جهاد.بابا مايقدرش يسافر لانه معنداش مع مني يسافر
جهاد ميبيش يشوفلها يشوف ف طاهر: معندكش مع من تسافر اني مستعد نسافر معاك
طاهر:يبارك فيك بس اني مش موافق
غفران:يابابا حرام عليك
كرم:ديرها يابابا
غفران:بابا عشانا
جهاد:صغارك يترجو فيك اجبر بخاطرهم
طاهر:قلت لاا(وقف) هيا اطلعو
جهاد لحقه وقف قدامه: ناجحه عمليتك حرام عليك حجم الورم صغير صدقني عشان ولدك مزال صغير يشوف ف بوه يموت قدامه عشان ولدك
غفران شافتله وف داخلها،احول هدا ولا خيره، خيره مش خاطري اني 
طاهر شاف ولده
جهاد: مش رح تندم توكل ع ربي بس
طاهر: القصة مش قصت فلوس ولا قصت عملية القصه قصت صغاري وين رح يكونو
جهاد:كيف يعني خليهم مع حد من اقاربك
طاهر:اني مش من هني اني جديد ع المنطق
جهاد: كيف يعني وين اقاربك ناسك
طاهر: مرتي توفت وخوت ماعنديش وامي وبوي متوفيين
جهاد:الولد عادي نخليه مع عيلتي ويكون عندي لعند ماتروح وبنتك تسافر معاك
طاهر: كيف يعني
جهاد:كون هاني ولدك يقعد عندي وامانه عندي وبلعلامه جيارنك يعرفوني عمي جارك
طاهر: عمك؟
غفران: بو نورس ونباء يابابا
طاهر:اهااا
جهاد:كون هاني
طاهر:الدنيا ليل توا غضوا ساهل
ممرضة قربتلهم وعدنان ف الكروسه:دكتور
جهاد خدي منها كروسة بوه: وهدا بوي
طاهر سلم ع عدنان:كيف حالك
عدنان:حمدلله كيف حالك
غفران داخلها:محلااااه كيف يهتم بمرضه ويهتم بناس ويهتم بـ بوه لو واحد غيره كان مستحيل يعالج بوه ف مستشفى ليخدم فيه
جهاد: شنو قلت نحجزلك معاي
عدنان:وين ع خير
جهاد:لندن يابوي اني والحاج
طاهر:شنوو لندن شنو نديرو العملية ف تونس
جهاد:لندن افضل
.
.
.
غياث مع جواد
جواد يحكيله ع قصة مداهمه: اي وبعدين شدوهم
غياث سرحان
جواد طق صوابعه ف بعض قدام غياث:وين سرحان
غياث ضحك:لا شي كمل
جواد جت عينه ع دبلة:اهااا فهمت
غياث:شن فهمت
جواد اشر بعيون ع دبله
غياث: تي مش سرحان
جواد:اي نعرف 
غياث بيتكلم قاطعه
تررررن ترررن
غياث شاف للهاتف جواد اسم (نوسة )
)غياث:ربي كبير
جواد خدي الهاتف وناض: اختي
غياث:اي صدقتك خصوصا ان جنب اسمها قلب
جواد حدف الوساده عليه وطلع:تصبح ع خير
غياث اتسطح بسرعه واتصل بها:الهاتف ف ايدك شكله مسرع رديتي
لميس: خلاص تو نصكر باهي
غياث ضحك: لالا عيب عاد مش هكي
لميس: استاحشتني؟!
غياث:بلهلبا
لميس: مسرع
…وكملو هدرزه
فاتو اربعة ايام
جهاد وغفران وطاهر ف الطيارة
ووصلو ونزلو
جهاد:طبعاا عندي شقه من ايام القراية اجار هني بناخدكم لها واني ندبر اموري ف فندق ولازم تجهز امور عشان العملية غضوا الصبح…طلبو تاكسي ووصلو لشقه
طاهر:واسعه وكبيرة اقعد معانا وخلاص علاش كترت المصاريف
جهاد قام شنطه:لالا ارتاحو انتم
طاهر:لا مانقدرش نقعد ف حوشك وانت ف فندق خلاص انت خليك هني واني وبنتي نمشو للفندق
جهاد حط الشنطه:لالا هني اريح ليك خلاص …وقعدو التلاته ف الشقه
.
.
لميس:كرم نديرلك سندوتش اوشي
كرم:لالا شبعان
لميس: نتصل بمحمد ولد خوي يجي يلعب معاك
كرم:من محمد مانعرفاش لكن
لميس:هو يقرا صف اول
بااختصار تاني يوم دارو العملية
غفران قدام الباب تدعي ومتوترة
غفران قعمزت
جهاد قعمز جنبها لكن ف بينهم كرسي فاضي : مزال تبي وقت العملية
غفران:مش مهم المهم تنجح يارب
فجآة
جي واحد اجنبي وطبعاا الاجانب مايعرفوش قرب من الكرسي وكان عمره حوالي 32.. 33 قعمز جنب غفران وحط ايده خلف غفران
جهاد شافله
غفران قعمزت ف الكرسي لجنب جهاد
جهاد: ماتاخديش ف بالك اجانب مايعرفوش
غفران ناضت وقفت جنب الباب:اوووف هيااا
ممرضة طلعت
جهاد: ميليساء ماذا حدث؟
ميليساء تتكلم عربي:لا شي انه بخير اناني استدعي ممرضة اخرا تكون معنا بداخل
جهاد: انا سوفا ادخل…ومشي معها جهز نفسه ولبس وخش
وكملت العملية بخير ونجحت العملية
بعد نص ساعه طلع جهاد
جهاد:الحمدلله ع سلامته
غفران ضحكت بفرح:صحيت شكرررا بجدد 
جهاد بغرور: الدكتور طالع وراي تقدري تشكريه… ومشي مع الممرضة
غفران شافتله يمشي 
:خيره هدا مرررض
:خيره هدا مرررضوطلع الدكتور
وفات يوم عادي
تاني يوم
جهاد طلع من شقته واتجه للمستشفى لانه غفران وبوها قعدين ف المستشفى خش
جهاد:صباح الخير
غفران:صباح النور
خش دكتور يتكلم انجليزي: يمكنك ان تخرجي لتناول الافطار
غفران سكتت ماتبيش ترد ع الدكتور
جهاد يترجملها : قالك انزلي افطري
غفران:فهمت عليه معادش اترجملي
جهاد وقف ع الشباك وعارف انه غفران ماتعرفش انجليزي
الدكتور طلع
خش واحد تاني: Good morning(صباح الخير)
جهاد:Hello (اهلا
الدكتورشاف جهاد وبدو يتكلمو انجليزي عن حالت طاهر انه كويس وهكي
الدكتور بيطلع
غفران: Thanks for your help(شكرا ع مساعدتك
الدكتور هز راسه بمعنى عفوا وطلع
جهاد فنص فها
غفران
فاقت طاهر وقعد تلاته ايام ف المستشفى
طاهر وقف عشان يخرجوه
الدكتور: You will be all right after a faw days.(ستشفى بعد بضعة ايام
غفران:Thanks for your help شكرا ع مساعدتك
الدكتور هز راسه وطلع
جهاد خش مع الممرضة ويضحك
غفران شافتله وطلعت تاخد اميه
خدت امية من الكافتيريا وركبت شافته مع ممرضة قدام الغرفة يتكلمو انجليزي ويضحكو
غفران قربت بتخش
الممرضة شافتلها وقفت قدامها : How are you?)كيف حالك
جهاد: ماترديش علها تتسهوك راه
غفران ابتسمتلها بستفزاز: very well thank you (بخير شكرا
الممرضة تكلمت فصحه:انها تتحدث جيدا هاده المرة انتظار سوفا اسالها شي
الممرضة بتتكلم قاطعها
جهاد: اصمتي غفران انتي من فترة معادش كليتي انزلي افطري معاي
غفران:لا صحيتي…بتخش لبوها الراقد
جهاد:بوك راقد انزلي افطري مانبيش نحصل فيك لم ادوخي وجهك اشحب عفكرة
غفران تلفتت: انتم امشوو اني رح نفطر بعد شوية
جهاد نزل ولحقاته الممرضة
بعد نص ساعه
غفران خدت فلوس ونزلت تفطر
جهاد شافها قرب:نترجملك قوليلي شن تبي واني نقوله
غفران شافت القرسون:can you find me seat(نبي كرسي لو سمحت
القرسون خدها لـ كرسي
جهاد مصدوم:تزبطي لغات؟
غفران شافت القرسون:Give me coffee(نبي قهوة
القرسون مشي
جهاد سحب كرسي: كويس
غفران شافتله بستفزاز: علاش مغرور هلبا انت قصدي كان دكتور عادي راه
جهاد:اني مغرور؟
غفران بهزوه: لا اني
الممرضة جتهم:Hi
غفران شافت جهاد: نوضها من طاولتي او وربي نوض نقلب الطاولة ع راسها
جهاد مات 
:محلاها لهجتنا
:محلاها لهجتناممرضة تضحك معاه 
غفران: جهاد نوض معاها
جهاد يضحك
غفران خبطت الطاولة وناضت:زيد اضحك بعدين نشوفو من بيضحك…وطلعت من الكافيتريا
جهاد لحقها يجري ويضحك لحق علها:خيرك فاصله يابنتي اهدي
غفران عيونها معبيات دموع: شن الدراه لجايبها هادي
جهاد: كارين هادي اسمها
غفران: اني مقلتش شن اسمها
جهاد:انتي عكس البنات خيرك
غفران:تبيني نضحك زيها؟ اسفه ربايتي ماتسمحش كان انت عندك عادي اني لا جهاد: المعنى اني مش متربي
غفران: فهمك كفايه…ومشت
جهاد: دراه
.
عدنان: لميس
لميس:نعم
عدنان: اتصلي بتاكسي خلي نطلعو مع الوليد قالق
لميس: تاكسي ؟
؟عدنان:اي خيرك نطلعو مع كرم
لميس: كلم علي يطلعنا او نطلعو للمزرعه
عدنان: نمشوو للمزرعه ياكرم؟
كرم:عادي
وطلعو للمزرعه
يتبع ………
لقراءة الجزء التالي : الجزء الحادي عشر من رواية المشوه
لقراءة الجزء السابق : الجزء التاسع من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
