وفي الجزء العاشر من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء العاشر من رواية زوجة المغترب
فتحت عيوني لقيت نفسي في غرفه بيضاء .. فيها سريرين.. واحد فيو انا والتاني فاضي.. والغرفه كلها فاضيه .. مافيها صوت غير صوت المروحه الخفيف..
بي صوت خفيف يمكن ما مسموع.. قلت نجوى..
ما حصل رد .. عليت صوتي شويه وقلت نجوى..
الباب اتفتح بس الدخل كان وائل!
حسيت روحي بحلم.. وائل في قطر! .. بس لمن قرب مني ومسك يددي عرفت انو حقيقي قدامي..
قلت ليو وائل انت متين جيت..
قال لي هشش م تتكلمي .. م تتعبي نفسك ..
ممكن اعرف انتي ليه بتعندي.. مش قلنااا نخلي بالنا من صحتناا واكلنا؟؟ مش؟؟
قلت ليو اي ليه حصل شنو؟؟
قال لي تسمم غذائي..
انتي فاهمه انو لوو اتأخرو شوية من الزمن الجابوك فيو كان ممكن نخخسر الطفل
؟
وما بعيد نخسرك انتي..
انا م عندي استعداد اخسركم يا رغد .. لو حصل ليكم شئ انا بموت بعديكم.. انتو بقيتو كل دنيتي
كان بتكلم بصوت حنين.. وصوت زول بالجد خايف
قلت ليو ما تخاف يا وائل نحن كويسين..
وانا ح ابقى عشره انو الطفل دا يتولد بخيرر حتى لو كلفني اي شي
ابتسم وباسني في رأسي وقال لي كيف انتي حسي؟؟
قلت ليو احسن بكتير الألم كلو راح
…………………….
جاتني فطومهه ووشها قالب .. قلت ليها مالك وشك دا بقع؟؟ قالت لي خليني في حالي يا مزمل..
قلت ليها لا بجد مالك؟؟
اخدت نفس وقالت وضاح قال نازل السودان.. وقال نأجل العرس
قلت ليها لالا ياخ.. نازل ليه؟؟
بت عمو اتوفت..
الله يرحمها .. طيب ليه انتي متضايقه؟ دي حاجه ما بي ارادتوو..
قالت لي وضيقي دا برضو ما بأرادتي
مشيت يدي على شعرها وانا بقول ليها .. فطومهه دا قضاء وقدر وبعدين هو ما قال خلاك؟ هو اجلوو بس .. وبعدين ياستي مش انتي ال كنتي بتقولي عايزه تعرسي بعد تخلصي قرايه؟؟ أهو جاتك فرصه .. اقري لحدي ما ظروفو تتحسن.. وكلوو لي خير ..
حسيت كلامي خفف عليها شويه.. ابتسمت وقالت لي ونعم بالله
بدون ما اشعر.. وبعد قطعت شوط كبير في اني انسى رغد .. لقيت نفسي بقول ليها .. مافي اخباار عن رغد؟؟
قالت لي طولت منها .. شويه كده وادق ليها اشوفها
…………………….
خرجوني من المستشفى في نفس اليوم .. وانا في الطريق دقت لي فطومه.. اتونست معاها وعرفت منها انو عرسها اتأجل.. كانت مبسوطه وهي بتقول لي اهوو دي فرصه انك تلحقيوو..
قلت ليها ان شاء الله .. لو الله ادانا العمر
طبعا هي استغربت فيني .. بس قالت بعد صمت مسافه ان شاء الله..
سألتني عن احوالي وقلت ليها كويسه .. وما جبت سيره عن موضوع التسمم وكده
بعد قفلت منهااا.. لقيت وائل بقول .. ح اوصل شوق وابوك وبعدين بلحقكم انتي وامي حاضر؟؟
قلت ليو طييب..
وفعلا مشينا.. ودخلت غرفتي طوالي انوووم..
صحيت نزلت اكل لقيت وائل قاعد في الكنبه.. وماسك راسو ب يدينوو مسكه زول مهموم كده قلت ليو متين جيت ..
قربت منو .. رفع راسو وعاين لي.. ولقيت وشو ما بتفسرر..
حاجه كده مزيج بين زعلان وغضبان..وزول شويه كده و ح ينفجر..
رجعت خطوتين ل ورا وقلت ليو وائل ؟؟ مالك؟؟.
قال لي ليه يا رغد؟؟
قلت ليو شنوو؟؟ .. قال لي شوق ورتني اي حاجه .. ليه عملتي كده يا رغد ليه؟؟؟
وعيونوو بعد كانت مليانه شرار.. اتملت دموع..
قعدت قصادو في الأرض وقلت ليو عشانك يا وائل.. عشان انت بتحب الاطفال.. ليه احرمك منهم؟
قال لي م كده لكن .. م كده..
بقدر اتبنى عادي .. بنقدر نعمل طفل انابيب عادي برضوو.. بس انتي؟؟؟؟؟؟
قلت ليوو بابتسامه بتقدر تعرس غيري عادي
قالت لي بتقدر تعرس غيري! بكل بساطه كده م رديت عليها اكتفيت بأني اديها نظره واطلع..
رغم أنها كانت بتكورك وائل.. ماشي وين؟ بس م اشتغلت بيها .. ولا رديت..
لاني انا زاتي م كنت عارف ماشي وين
لقيت يديني براها سايقه للمستشفى..
ططلعت واول ما لمحت الدكتور غضب الدنيا كلو نزل فيني..
بقيت بضرب فيوو وبكورك.. انت كيف توافق على كده؟؟ هاا كيف ؟؟ انت دكتور انت؟؟ عشان ما مرتك صح؟؟ ما فارق معاك .. عايز قروش بس مش؟؟ حتى لو على حساب حياتهاا!
بتكلم وبضرب فيو لدرجه نزف تحت يدي..
لحقوهووو وفكوه مني..
وبقوو يقولو لي يا استاذ دي مستشفى.. ما ينفع كده؟
نزلت بعد حسيت اني فضيت من غلي شويه.. بس لحقني الدكتور نفسوو وهوو بمد لي مفتاح عربيتي الوقع مني فوق.
قلت ليو بعد اخدت نفس شكرا
قالي حنستها.. واتكلم معاها اكتر من مره بس هي كانت مصرره.. وفي النهايه الموضوع حريه شخصيه ما بقدر اجبرها عليو
قلت ليو صح كلامك .. انا اسف على العملتوو دا قاطعني وقال..
قالي ما مشكله
سألتوو طيب ما ممكن نلحقهاا ووننزلوو؟؟
قال لي للاسف لا
طيب ولا اقدر اسفرهاا نشوف ليها حل بره؟؟؟؟؟
كنت بتكلم معاوو وعيوني كلها رجاااء انو يقول لي اي .. يديني امل امل انو ممكن تعيشش.. اني م خلاص خسرتهاا
اي من زمان بحبها وبكابر اقول ليها .. بس لو عاشت انا ح اعترف ليها.. ح أعيشها عيشه كلهم يحسدوها عليها.. م ح اصرخ فيها قدام الناس ولااا حتى ورا الناس.. بس هي تعيش
رد علي هوو وقال .. فكره السفر وهي اتجاوزت الخامس .. للحوامل الطبيعين م محبذه.. خلي حالتها هي!
سكتت مسافهه بعدين مسكني من كتفي وهو بقول ..
عارف الموضوع صعب .. وشديد كمان .. بس اراده الله ادعي ليها بس ولادتها تكون هينه.. وما تموت وهي بتتعذب
هزيت ليو راسي وقلت ليو هي حالتها دي اسمها شنو؟؟
وراني اسمهاا شكرتوو وطلعت..
يتبع …………
لقراءة الجزء التالي : الجزء الحادي عشر من رواية زوجة المغترب
لقراءة الجزء السابق : الجزء التاسع من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
