الجزء العاشر من رواية سرقت قلبي

بسمه حست الاهان من امها ع جنات

جنات مشت لصالة بدون مشاكل

بسمه بصوت واطي: علاش هكي

ابراهيم يشوف ف مرت بوه وساكت

فريال: شن جايبهالي هادي

ابراهيم : حوشي نحرق تبيني نرقدها ف الفنادق

فريال دمها محروق: تي طلللقها

جنات ايدها ع فمها وكاااتمه دمعتها

ابراهيم بعصبية: مش مطلقها

فريال بحرق وصوت عالي: نهاااري مغبر تي كلمتلك البنت اني وغزلان موافقة تكون زوجتك التانيه

ابراهيم بعصبية: مانتزوجش ع مرتي اني

فريال: شن جاب هادي لـ هادي خيييرك سحرراتك؟

ابراهيم بعصبية: شن تقوليلي شن جاب هادي لهديكا تي تحشمي ي امي خيرك توا مرتي تتقارن بـ غزلان (شاف بسمه ) بسمه جنات تتقارن بـ غزلان تكلمي (بهزوة شاف ف امه ) كانك ع الشكل غزلان مزيته تمام وربعه وعشرين ساعه وني طالعه ف كافيات تمام… قاطعاته بسمه

بسمه: ودايره زوز عماليات تجميل وحده ع انفها والتانيه ف فمها

ابراهيم ضحك: ي امي خليني ف حالي تربحي اهي طلعت دايره عماليات تجميل الزفت تي شن بتاخديهالي

فريال: دلوعه وتتكلم بصوت واطي وقنينه وتلبس ع موضه وتتكلم انجليزي … قاطعتها بسمه

بسمه واقفه ضد امه وتولع ف النار بينهم ؛ دلوعها جمعت ووواوو ويااااي واومايقاد وكان ع قلتيلي صوتها ديما واطي تي ضحكتها تلعلع ف التانوية ي ماما صوته زي خالي بوعجيلة وكان ع الانجليزي تدلع قدامك بكلمات مافي حد مايعرفهمش سبرايز و وواوو واووو ماي قاد وووو المهم جنات احسن

فريال فصلت: بسمممه

بسمه حكت راسها بضحكه: حاضر حاضر

فريال متعصبت: تي مرتك ديما ساكته ومكتومه زي المسبوها

بسمه: لكن انتي ديما تقوليلي اسكتي السكوت زينة

فريال تشوف ف ابراهيم: اسمع سلم ولدي غزلان خيرلك

بسمه بصوت واطي تنفعش راه واصلا مفروض سموها طرزان مش غزلان

فريال شاف نظره لـ بسمه

بسمه: اهاا سكتت

فريال: عيلتها معروفه وبنت ناس

بسمه: حتى جنات بنت ناس وكويسه

ابراهيم: بلكيف بلغصب هادي مرتي ومش مطلقها تمام هدا الموجود عندي وصحيتي ي امي ع حسن الاستقبال..ويمشي لصالة

فريال شدت مرفقة: تي اني امممك اسمع مني هادي بنت منتوفه بوها يسكر وامها عاجزة تي عيلة مش منا

ابراهيم: بوها يسكر؟ اي وين المشكلهة حتى ني بوي الله يرحمه كان يسكر علاش متزوجتيه

فريال متعصبه بتتكلم قاطعها

ابراهيم: جنات اطلعي لسيارة

فريال: هدا حوش بوك خليكم

ابراهيم تلفتت لمرت بوه: العفو منك الحوش حوشك

فريال هدت: خلاص خليكم هني .. وطلعت لدور التاني بتغير ملابسه

بسمه شافتلهم: ماما ونعرفها هدا اسمه الهدؤ قبل العاصفه استعدو

ابراهيم : تي امك حيوانه

بسمه شدت جنات ودخلتها للمطبخ وكملو تجهيز العشي

فريال غيرت ونزلت وقعبسمه وجنات حطو العشي عبارة عن بيتزا وشاورما ومشروب وشربة سلاطات وقعمزوو

فريال خدت طرف بيتزا وفتحت فمها بتاكل

بسمه:ذووقي ماكلة كنتك ي ماما

فريال رجعت الطرف:ماخطريش اني..وناضت قعمزت ع الكنبة وتتفرج التلفزيون

ابراهيم ناض من السفرة بعصبية:تصكروو النية انتم بعون الله هي ليلة هي وتفوت بس…ولطلع لدور التاني ف غرفته

جنات وقفت: عن اذنكم.. وبلحق ابراهيم

طططق

جنات طقطقت

ابراهيم: خشي

جنات خشت وصكرت الباب: ابراهيم

ابراهيم اتكه ع سرير: تعالي

تتتررررن ترررن

ابراهيم شاف الرقم رد متحمس: ايوووه…. تبصصر… تمام وماتقول لحد سلام… وقف بحماس

جنات: ويين

ابراهيم: حبيبي خليك انتي هني فوتيهم لوطى ارقدي ديري اي جو المهم فوتيهم.. ونزل ويجري

بعد مرور تلاته ساعات حمه

الساعه 12 ف ليل

ابراهيم داهش من الضرب: اني ي كلابش تحرقولي حوشي

علي صاحب خليل يتوسل وفمه ينزف:گک اسفييين

ابراهيم:تي شن اسفين شن اسسسسفين راسي قعد ملفوف بضماد وتقولي اسفين ماتتحشمش..وضربه

خليل وجها دم:شنو المطلوب

ابراهيم قعمز ع الكرسي وقام رجليه فوق الكرسي لقدامه وتكه:خليلوو حبيبي لحرقته رح تصلحه انت وجراويك باهيوو

خليل يتوجع:اي اي

حسام صاحب خليل: نصلحوو نصلحوو

ابراهيم: اي اكييد هدا امر مش طلب ي حلوين قصدي اني مانخدش ف رايكم راه (بصوت عالي) مفهووووم

خليل وعلي وحسام:اي

ابراهيم شاف نادر:نادر منور ي سيدهم وربي منور

نادر:مش بينا برهوم

ساعة 1 ف ليل

طططق طق

جنات ناضت فتحت باب الدار:تفضلي بسمه خشي

بسمه:عادي تجي معاي لداري ولو ماتبيش عادي راه

جنات ابتسم: اوكى اسبقيني لغرفتك واني جاية وراك

بسمه:اوك..ومشت لغرفتها

جنات لبسة وشاح خايفه تتلقى مع زياد المهم خشتلها:بسسست

بسمه وربعت فوق السرير وقدامها صحن تشيبس:ج جنات تسهري معاي لعند مايجي راجلك وامشي

جنات:اي حتى اني سهرانه نستنى فيه شن ف

بسمه:صايعه تستني فيه نبصر نبصر المهم

جنات:

بسمه:جنات..وسكتت سمعت صوت سيارة وناضت بسرعه لشباك بحركه:جوزك جي

جنات شافت من الشباك كان معاه واحد اسمه نادر.من هدا

بسمه ابتسمت:هدااا صاحب ابراهيم هلبا هلبا هو ونزار

جنات:اهاا شن اسمه هدا

بسمه:اسمه غيرر متوفر قصدي نادر

جنات: صح هو نادر غير متوفر

بسمه:اه جنات شن رايك فيه

جنات:حليلي يهبل غزالي

بسمه:ااااااه متزوجه ي حيوانه

جنات:حيوانة انتي اني نتكلم زوجي

بسمه تقلد فها:زوجييك واااو باه طيري لزوجيييك

جنات:غضوا انهدرزو باي..وطلعت

جنات طبعاا قعدة يومين بنفس التوتة بسبب ملابسها صح ف وحدات مانحرقوش لكن فيهم ريحه النار

جنات سمعت صوتة مشي جهة الدار قعدت وراى الباب وخش ابراهيم وسوريته فيها بقع دم جنات شافت الدم ع سوريتة

جنات شدت مرفقة لفاته لها:منين الدم

ابراهيم ابتسم وهي تشوف ف صدره وبقع الدم:خايفه عليا

جنات قامت تشوفله كيف مبتسم:منين الدم شن توزع ف ابتسماتك

ابراهيم باسها

جنات وجها احمر

ابراهيم بصووت :الدم مش مني هدا ي عمري دم خنازير

جنات:خنازير؟

ابراهيم:تعودي عليه المنظر هدا لاني شرطي للاسف وعششقي هدا الشي

جنات شدت رقبتة السورية:باهي مش حرام تضرب فيهم

ابراهيم ضحك ع البرائه:ي عمرري نييي مش حرام

جنات ابتسمت:اممم هادو ناس مش كويسين؟

ابراهيم ضحك ويده وراى ضهرها:ي عمررري مصغريتك فرخه انتي اي مش كويسين

جنات تعصبة:انييي فرخه تي احترمني حتى شوية اني مرتك ونقرا ف كليا هكي كبرها

ابراهيم ضحك:ووووه قصيرونة وايديك صغيرات شن كبرك ترا قوليلي

جنات:مهوو ي عموو

ابراهيم:اييي كملي ي عموو

جنات:انيي تزوجت توا يعني كبيرة فهمت

ابراهيم ضحك ع حركاتها وكيف تتكلم لدرجه طاح ع السرير

جنات خافت:حييي ع العار هدا مش حوشنا نقص صوتك

بسمه ف غرفتها وتاكل ف التشبس وفاتحه النت وتتفرج ع الصور ال السري

بسمه:الزح قداش بنقعد نتفرج ع خليقتك تي النم قريب نرسملك لوحه ف باب الحوش باش تفهم

تاني يووم

فريال ف المطبخ من صبح ربي ادير ف كيكه

جنات فاقت و ابتسمت:هوومه

ابراهيم نومه خفيف وفاق لكن مغمض عيونه

جنات قرصة انفه:نوض هومه نوووض

ابراهيم يسمع ف صوتها الناعس ومغمض عيونه

جنات ابتسمت:عموو الشرطي

ابراهيم مقدرش يخفى ضحكته ضحك

جنات:خيرك تضحك شن في

ابراهيم ابتسم وزاد جبدها:اني عمك الشرطي؟

جنات:لالا انت جوزي

ابراهيم:جوزك بس

جنات:اي بس

ابراهيم جبد الهاتف وصفر تصفير الطويلة:رقدنا واجد ي وليتي

جنات:تعرف تتكلم شرقوي حلوو بكل

ابراهيم:جميع اللهجات نتكلم اني

جنات:اهاا

ابراهيم ناض البسي ونضمي امورك وتعالي نفطرو برا اني ف السيارة تمام؟

جنات لبسة عبايتها وطلعت وركبت معاه

ابراهيم ولع ومشي:جنات بتتحمليه الاسبوع هدا عند امي حصلت حوش ونضمت اموري يبي تفريش واتات وهكي

جنات:حتى بنختار اتات بلييز

ابراهيم:تريحيني وللهي

جنات:وين ماشيين توا

ابراهيم:ملابسنا نحرقوو بناخدو ملابس المهم حاجات ع الماشي

جنات:اهااا اليوم بيجو ضيوف

ابراهيم:بللهي فوتيهم ضيوف امي خليك ف دارك مشاكلي معادش يكملو

جنات:صاحبات امك اني شن بيقعمزني معاهم اصلا

ابراهيم وجنات خدوو ملابس ع الماشي وهكي ونضمو ع السريع

بسمة ف الجنان تنشر ف الملابس وتغني

نادر طقطق ع الباب الخارجي وساكت

بسمه فكرتها بشرى اختها ماتوقعتش صاحب ابراهيم يجي من الصبح وفي وقت زي هدا

بسمه تقرب ع الباب وفتحت بدون ماتشوف وهي وراى الباب فتحت:جايه من صبح ربي خشييي هيااا

نادر ابتسم:ابراهيم قعد

بسمه وجها نسلخ:سامحني نحسبك اختي اا لالا ابراهيم طلع وللهي

نادر:تمام عادي ولايهمك سلام

بسمه صكرت الباب: حمارة طووول عمري حمااارة

نادر سمعها وركب سيارته:ليجي ع راس لسانها تقوله هادي شكلها ..وولع ومشي.

بسمه تدخلت السلة متع ملابس وهي ترقص ف الممر

زياد شافها:نفتحلك اغنية

بسمه تلفتت:بللهي تربح خلي يومي حلو واقلب وجهك

زياد:غير لالا تعالي طربقيني كفف

بسمه:باهي ي زياد بااااهي تتسهوك باه برا تعارك وامل وتعالى قولي سوووومه صالحينا باهي

زياد:باهي مادوري شي توا اموري لوز ياقشورة

بسمه:انيييي قشورة

زياد:خييرك النمم لوزة ي همي لوزة انتي غير اقلبي وجهك عليا بس

بسمه خشت:اني متواضعه ليك هلبااا شكلي الحققق مش فيك لكن…ومشت

زياد:تي لااا غير راك اطيحيي..وطلع

جنات رجعت دارت دوش سخوون لبسة توتة حمراء وبيضا جديده مع توكه حمراء وقعدت ف غرفة ابراهيم واتصلت بـ امها

جنات:الوو ماما كيف الحال

سامية:الحمدلله كيف حالك انتي وبراهيم

جنات:الحمدلله شن اخبار بنتك للحيوانة لـ معادش عدلت عليا

ساميه:هديل قالت امس استاحشاتك وبتجيك اليوم

جنات توترت:اهاا ماما اني ف حوش عمتي

ساميه:الله اهااا ملا توا انكلمها

جنات:لالا توا انكلمها اني يلا سلام

ساميه:سلامات..وصكرت الخط

جنات اتصلت بـ هديل:هاااي حمارتي

ابراهيم وقف ع الباب يسمع ف اسلوبها مع اختها

هديل:كلبتيي الصغيرة كيف حالك

جنات:الحمدلله حمارتي شن وين العكسه

هديل:ف الحج ي حبي تعالي كسدي

جنات:متع حج هلبااا انتي وللهي

هديل:نشالله نزوره وانتي جنبي

جنات:نشالله نشالله

هديل:اي وين حق ي حيوانه لسمعته

جنات:كل شي سمعته صح مافي شي ومصارش معاي

هديل:فداكم حبي عادي عادي ابراهيم معبي تو يصلحه

جنات:برهومتي هدا حليلي ني وخلاص

هديل:لاه لاه

جنات: شن جوك

هديل:اهووو مكسده شن اديري انتي بنقولك موضوع

جنات:تفضلي اني بروحي مامعاي حد

ابراهيم نزل

هديل:جوجوو اني حامل

جنات:من مني حامل

هديل:من ابراهيم تي شن من مني ي حيوانه ي فانص

جنات:غير استنى نستوعب انتي هديل بتربي بيبي وبتصيري ام

هديل:اي اني هديل بنصير ماما

جنات:لاحول لله ي رب يسخخف ووللهي يسخخف

هديل؛مني يسخخف؟

جنات:نزار قرة عينك يسخخف مسكين توا بيربي زوز عواويل لاحولله

هديل:زمرري ي حليمه زمرري ي حمارة ي تافها اني اعقل منك واختك الكبيرة

جنات:الكبير ربي مهو قتلك عيل المهم سلميلي عليه نزار وقوليله ربي يعينك

هديل:مايعرفش نزار

جنات:Excuse me انتي شن تقولي

هديل: غير اسمعي طلعني هو باهي مافي حد يعررف انتي بس وطبعاا قتله نبي الصيدالية وحاجات نسائية وهكي وخديت الجهاز باهي وطلعت حامل نبي فكرة حلوة بليييز

جنات:اهااا شوفي كيف اديري ملا وحلوة الفكرة تجنن……………….

ف العشية جت صاحبة فريال هي ام غزلان اسمها سهام

فريال خشت لغرفة ابراهيم:انزلي سلمي ع الناس لوطى

جنات:حاضر

فريال طلعت

جنات مع مكياج خفيييف ونزلت سلمت وتفاجاة ف لبسة غزلان للعااااار

غزلان لبسة سروال متني من لوطى لااااااااصق بينفجر رايحه زي العصبانه مهو سمينه ولاصق هلباااا مش سروال عادي جينز ازرق وسورية بيضا قصيرة وفوقها جاكيت جينز ازرق ورج احمررر هداكا متع الصدرة

وريحه تعفلق ف الصالة

غزلان تتكلم من رااااس لسانها زي السحنونه:انتي مرت ابراهيمم

جنات بصوت واطي وبحترام:اي اني

غزلان:اهااا اني غزززلان

بسمه:بنات تعالو نقعمزو ف الجنان

غزلان:اوكي يلا

وناضو قعمزو ف الجنان ع الطاولة

غزلان:جنات اسمك قالت فريال صح

بسمه:فررريال امك شن تلعب معاك ملا قولي عمتي فريال او قولي فريال خانم تي ي ودي قولي حتى ام توفيق

غزلان:بسمممه خيريييك

بسمه:اولا حبيبتي ي طرزان قصدي غزلان اسمها الكلمة خيرك مش (تقلد ف صوتها) خيريييك

غزلان:بسمه صوتك زي بوعجيلة ووه عليك شن هدا

بسمة:لا بوعجيلة بودومان هدا اسمه سحنانه يعني صوتك سحنون

الباب الخريجي من بعيد نفتح ابراهيم بدون مايركز عليهم دخل السيارة للقراج ولمحهم

بسمه شافت جنات:جنات حبي نوضي مانبوش نلزوك قصدي شوفي راجلك تحركي

جنات ناضت :باهي ي بسمه هكي

بسمه:امزح ي حبي عرفتيني دمي تقيل الله غالب

جنات خشت للقراج ووركبت ف السيارة:ي روحي شجو

ابراهيم ابتسم:اهلا شجوك انتي

جنات:شن جاي تبي ف مراة داخل

ابراهيم:اي شفت غزلان معاكم مفروض سموها دبان مش غزلان حرام الاسم

جنات :عيبب

ابراهيم:تعرفيه العيب انتي

جنات:اي ملا شنو نعرفه العيب زي لنديرو فيه ..وايدها ع فمها

ابراهيم ضحك من قلبه ع حركتها العفوية:

جنات فتحت باب السيارة:باي

ابراهيم شدها وصكر الباب ويضحك: محلاه دينمك بلاحمر بيضا ولابسه احمر هلباا هكي

جنات ابتسمت بخوف:ننزل خير ماتخش بعضها ملا اني

ابراهيم شدها وجبدها :شن درتي اليوم

جنات:معادش تسب الدين حرام

ابراهيم:الله حررررام؟

جنات:اي ربي يحطك ف النار

ابراهيم متفاجا:لالا تبصررري

جنات بعفوية:وحق ربي هي باهي

ابراهيم يضحك :شن رايك ندخلك هكي

جنات فنصت فيه وتضرب ف صدره بتنزل :العااار نزلنني

ابراهيم نزلها: بنخش دبريلي كيف

جنات بعدت خصلات شعرها وراى وذنها:مافي حد المراة ف الصالة وبنتها دبانه ف الجنان من الخلف مع بسمه نخش معاك كان تبي راه عادي ولا كان تبي حاجه نجيبهالك هني…قاطعها

ابراهيم شد كتافها: اهدي اهدي بشوية وانتي ترغي لسانك يرتاح تلفوني ف الشحن فوق جيبيه وجيبي البطاقة المصريفيه ودخان

جنات باهي ومشت تجري زي البيبي توتة حمراء وبيضا وهي بيضا الله

تتبع

لقراءة الجزء التالي : الجزء الحادي عشر من رواية سرقت قلبي

لقراءة الجزء السابق : الجزء التاسع من رواية سرقت قلبي

للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .