وفي الجزء العاشر من رواية عشقها لعنة للكاتبة ميشو محمد ، يا تري ماذا سيحدث من مواقف جميلة ومميزة مع ابطالنا ؟ وهل سيظهر بطل جديد يغير مجريات الأحداث ؟ لنعرف إجابة هذا التساؤل سوياً في السطور التالية بإذن الله .
الجزء العاشر من رواية عشقها لعنة
عزو يتغدى مع مريم
عزو: افطري بسرعه بنمشو حوش جدي
مريم: حاظر
عزو: هو مفروض مانمشوش لكن جداي ست الحبايب عزمتنى ع العشي عندها
مريم: حسيتك مدلل عند جداك وجدك
عزو: مافيش حد مدلل ز دارين واخده القلب والعين
مريم بغيرة: واخده قلب وعين مني؟؟
عزو شافلها ضحك: قلب وعين جدي طبعاا حطي ف راسك انه اني ودارين خووت وديما نهدرزو مع بعض ونقري فها قبل قصدي باش متفهميش غلط اختي نعتبرها وهي نفس الشي
مريم: ابصر شن شجوها هي
عزو: اكيد حتى هي عزموها جدي ميقدرش يقعد بلاها ياكبدي
مريم ضحكت: محلاكم
ــــــــــــــــــــــ
دارين صلت وجهزت السفرة
وقعمزت مع سميه وعائشة يتغدوا
سميه سمة بسم الله وذاقت وبعدين شربت ميه
دارين حست انه ف شي ذقاته لقاته كسكسي ملللللح ساده: علاش هكي
عائشة ساكته
سميه: معليشي صار خير عادي
دارين زعلت: عمتي صدقيني ذقته قبل شوية ومافيه شي
حمزة خش سلام عليكم
دارين عيونها تعبو دموع وقامت السفرة
حمزة شاف الغدي قعد ف السفرة: خيركم تغديتوش
سيمه: شي شبعنا
حمزة: الصحن معبي كيف شبعتو
دارين خشت دموعها نزلو: ياعمتي سامحيني معاد تتكرر
سميه زادددت ماكبرت ف عينها دارين انها اعتذرت وبكت وخافت من عمتها لانه سميه لم كانت بتتوض شافت عائشة ادير ف الملح وهزبتها وعائشة قاللتلها تستر علها وحلفتها انه الموضوع معاد يتكرر وتسبلت انها خافت تخسر خدمتها بسبب دارين وبدت تبكي لـ سميه وسميه تحشمت وسترت علها
حمزة: شن في؟؟؟
دارين مسحت دموعها: اني درت غدي وممكن مش منتبها زدت ملح بزياده
حمزة: اي وشن صار عادي تصير
سميه شافت ف عائشة وبتاكلها بعيونها وعائشة منزله راسه متحشمه ع اساس
سميه: خلاص يادارين معليشي مصار شي بري انتي وعائشة ديرو سندويتشات نتغدو
مشوو الزوز للمطبخ
عائشة فتحت الدولاب ومتعصبه طلعت تن وهريسة وبدت تقص ف الخبزة
دارين قربت تقص الخبزة معاها
عائشة سحبت منها السكين: اني تو ندير خلاص
دارين تحشمت هلبااا يناري… قربت تاخدي كاسات العصير بس قربت عائشة وخدتهم صبتهم
دارين حست انه عائشة متعصب تراجعت للخلف ومنحرجه
عائشة جهزت السندوتشات ورفعتهم ومقالتش لدارين تعالي تغدي او قالت انها غالطه او شي لالالالا بلعكس زاد تحرق ف دمها
سميه تنادي ع دارين: داريين ياداريين
دارين هدت: نعم ياعمتي
سميه: تعالي سلم بنتي تغدي مصار شي عادي
دارين: لالا تغدو صحتين
حمزة: تعالي ممكن سرحانه ومش بقصدك تغدي لانه جدك يتصل من بكري قال جيبولي بنتي تتعشى عندي
دارين ضحكت: اتصللل بيك واخير متصل بيا اني
حمزة: مانعرفش تعالي تغدي عشان نرفعك
دارين: لالا مانبيش… وخشت المطبخ تغسل ف الماعين
عائشة دخلت السفرة الغدي
دارين: اني كملت بنمشي لحوشي انتي رتبي الصحون لاني مانعرفش انتو كيف نظامكم بتعبك حبيبتي
عائشة بغيظ: باهي اغسلي السفرة والكاسات واني نرتب الصحون
دارين: حاظر يلا
وغسلتهم وطلعت
دارين: تبي شي عمتي
سميه: سلامتك
حمزة: اركبي البسي وانزلي تلقيني ف لسيارة
دارين سلمت ع عمتها وركبت لحوشها غيرت ونزلت
سميه: سلميلي ع جداك ونساوي عمامك
دارين: سلمك يوصل
حمزة. ماتبي شي من برا ياام
سميه: سلامتك
عائشة طلعت فلوس من جيبها: حمزة عادي تاخدلي كروت بيهم
حمزة خداهم: تمام هي سلام.. وطلعو
ـــــــــــــــــــــــــ
ف حوش العيلة
عبدالواتق وحمزة وامجد وايوب وعزو
والعمام هشام اب عزو وحسام اب امجد وايوب وجاسم اب دارين
متجمعين ويهدرزو
ـ
ف الصالة داخل
زهرة وجنبها دارين ومريم
ونساوين عمامهم
مرت اب عزو وفاء و بشرى مرت حسام
زهرة: الحوش بلاااك مايسوا شيييي
دارين ضحكت: عرفتو قيمتي
بشرى: حق خسارها قبل تجي تهدرز عليا ومرات تناديلي ننزل ونشربو قهوتنا توا خلاص
دارين: عيب اهيي جتكم مريم
مريم هادية وساكته
عزو خش: سلام عليكم
كلهم: وعليكم السلام
عزو سلم ع دارين: كيف الحال هبلتي ولا عقلتي
دارين ضحكت: لالا عقلت هحممم مسؤالية بديت
عزو: حمزة برا يشكي قال الامبة حرقتهم وقال التلاجه تنسى فها مفتوحه
كلهم يضحكو
دارين ضحكت: بالك مرتك مش اني غير انت تلكح
عزو تحشم من كلمة مرتك: هحمم كيف حالك جداي
زهرة: حمدلله نحسبك شفتنيش
عزو ضحك: حرام عليك سلمت عليك بكري وانتي متصدقي شكلك
وفاء: سلم عزو متنساش تشوف التلفزيون قبل ماتروح
زهرة: خيرة تلفزيونكم
وفاء: مافيشي صورة ابصر خيره
عزو: حاظر اهو راكبله… وطلع
زهرة: مريم اكيد قالك عزو انه امه ميته ووفاء مرت بوه مش امه
وفاء اضيقت
مريم انحرجت بس قالت: اي قالي الله يرمحها وقالي اني عمتي وفاء ف معزة امه واكثر قال الام هي لتربي مش لتجيب
وفاء 
: ربي يحفظه كان عندي صغار مانحبه كيفهم
: ربي يحفظه كان عندي صغار مانحبه كيفهمـــــــــــــــــــــــ
عزو خش:ياام شفته وعدلته تو تمام التلفزيون،دارين قالك جدي تعالي للمربوعة
دارين ناضت عدلت وشاحها:اي هي مسكين حتى السلام ماسلمت عليه
وفاء تبصر:قريب يهبل بسرعه بري
دارين ضحكت:كان يسمعك توا نقوله 
كلهم ضحكو
دارين طقت وخشت المربوعة:السلام عليكم
كلهم وعليكم السلام
دارين سلمت ع جدها:كيف حالك
عبدالواتق ببصارة ضربها بلعكوز:لاتتصلي لاتسالي لاشي بري من عليا
دارين ضحكت: باه ملا نوض ياحمزة نروحو يلز فينا
عبدالواتق:بري روحي حمزة يقعد
دارين:حييي واني هدا غير تتصل وجيبولي بنتي وجيبولي دارين وقالت جداي كل صبح وليل يقول ياحسرة نبي دارين
ايوب وحمزة ضحكو
وسلمت عليه بعدين وسلمت عليهم كلهم
دارين قعدت واقفه: اي لم اتصلت هو ف خدمته روح قالي وجينا
عبدالواتق:تعالي قعمزي جنبي هني
دارين قعمزت تضحك
عبدالواتق يوشوشلها: معاد تنوضي اني اتصلت وقلت جيبوها مش جداك معنها قعمزي جنبي اني
دارين:حاظر اهو جنبك
هشام: يركب معاي يقول خسارة دارين
دارين ضحكت:اي قالت جداي قريب يهبلها
ترررررررن ترررررن
عائشة تتسبل بـ الكروت اتصلت بـ حمزة
حمزة وقف: عن اذنكم اتصال من الحوش… وطلع
حمزة: ايوواة
عائشة بصوت هادي: حمزة اني مستعجله ع الكروت شن صار خديتلي
حمزة: اهااا تمام ياعائشة تو نبعتلك رصيد اني لاني مشريتش
عائشة سكتت 
حمزة صكر الخط
دارين طلعت: خير في شي
حمزة: لا شي عائشة تبي رصيد
دارين: اهاا
حمزة: ف السيارة عندي كرت نمشي نجيبه انتي عبية وابعتهولها تمام
دارين: تمام جيبه
حمزة طلع لسيارة
امجد طلع من المربوعه يتصل يتصل وباين متعصب
دارين: امجد خيرك
امجد: لاشي
دارين تعرف انه بلقيس وامجد ع تواصل
امجد ترددد: دارين مش انتي وخيتي وعادي نقولك
دارين: قول متحشم مني
امجد: تي لااا مش متحشم اني نتحشم اصلا للمهم امس كلمت بلقيس وقالت مريضه وصوتها مبحوحه واليوم نتصل بها متردش
للمهم امس كلمت بلقيس وقالت مريضه وصوتها مبحوحه واليوم نتصل بها متردشدارين: نهارها احرف تو نورها تو نكلمها
امجد: وردي عليا بعدين نتصل بيك بنطلع اني فهمتي مشغول متتصليش انتي تو نتصل اني
دارين: تمام
امجد: صحيتي.. وطلع
حمزة خش وعطاها الكرت
دارين عباته ف الجنان وبعتتهولها
عائشة فكرت انه رقم حمزة اتصلت: ايوواة شكرا وصلني الرصيد
دارين: سلمك
عائشة عرفت انها دارين حاولت تولع النار بينهم : اهااا دارين صحيتي حمزة قالي بيبعتلي المهم عادي يلا باي
دارين: اي قالي انك اتصلتي وقالي نبعتلك عادي سلام .. وصكرت
اتصلت ببلقيس
دارين:الو شجو
ووووووووووو
بلقيس:اي مريضة سو تغدية
دارين:علاش مقلتيش انك ف المستشفى
بلقيس:خفت يسمع امجد مانبيش ينشغل باله
دارين: تصدقي انه مشغول عليك وهو كلمني
بلقيس:اي يتصل مانبيش نكدب عليه اني الساعه سبعه عشيه بنطلع اصلا وبعدين نكلمه
دارين:باهي الف لاباس
بلقيس:سلمك حبيبتي باي
دارين:بايات…صكرت وخشت لجدها
عبد الواتق:نوض عزو وايوب جهزو مكان العشي ز ماتفاهمنا
عزو:عريس اني
ايوب:اي محنينك ملا نوض معاي بلاجو نوض 
طلعوو
عبدالواتق ودارين وحمزة بس ف المربوعة
عبدالواتق: دارين بنتي بوك قاعد مش راضي وقال لو ترجعيله حرجانه يوم واحد تطلقي ع طول
دارين: بدل مايدعيلي يفكر ف طلاقي اني حتى شهر ماصكرته
حمزة: معليشي هو مشوش ممكن او خايف عليك
دارين: سلمت ع مرت عزو؟!
عبدالواتق: لالا مسكينه قعد مشفتهاش خلي انوض نسلم علها… وناض طلع
دارين: استاحست داري مشفتهاش
حمزة: حتى دارك لفي حوشنا استاحشتك
دارين: اي صح معاد تكلمها عائشة هادي بنت غريبه مفروض ماتخدش رقمها
حمزة ؛ شغالة امي شي طبيعي ناخد رقمها لو صار شي كيف بنعرف
دارين: اهاا اي صح
ــــــــــــــــــــــــــــــــ
بعد المغرب
عزو خش لصالة طقطق
دارين لبسة وشاحها: خش
عزو خش: اتصلي براجلك يجي يتعشا
دارين: اتصلو بيه انتم مش صاحبكم
عزو: اتصلي لطربقك بلوسادة
مريم: اي صح اتصلي انتي احسن
عزو ابتسم: تعلمي منها
دارين ضحكت: يتغزلو ف بعض قدامي يلي ميتحشمو
عزو حدف علها الوساده: اتصلي يابارده..وطلع
دارين اتصلت: الوو وينك
حمزة: خيرك في شي
دارين: لاشي قالولي نتصل بيك تجي تتعشى معانا
حمزة: اهاا لالا اني ف المركز مشغول
دارين: ربي يعاونك
حمزة: نكمل خدمتي ونجيك اني بنخش للمكتب ماتتصليش بيا
دارين: اوكى
حمزة: تمام مع السلامه
دارين: سلام… وصكرت
دارين طلعت لجنان: عزو حمزة ف المركز جاته خدمه تعشو مدوروشي
عزو: اهاا تمام
دارين خشت
الساعة 12:30 في اليل
عزو روح هو ومرته
عبد الواتق: ديما يروح متاخر هكي
دارين: لالا
عبدالواتق: الباين انه كويس ف خدمته ميقدروش يوتقو ف غيره
ترررررن ترررن
دارين ناضت طلعت لجنان: الوو
حمزة: اسف ياقلبي توا شفت الساعه والوقت بسرعه فات رقدتي ولا نجيك
دارين: لالا مرقد حد سهرانين
حمزة: تمام جاي
دارين: تمام .. وصكرت
دقايق ووصل حمزة
حمزة: سلام عليكم
كلهم وعليكم السلام
حمزة: متوخزنيش ياعم رفضت عزومتك لكن جتني خدمه
عبدالواتق: صار خير
تررررن تررررن
حمزة شاف هاتف: ايوواه خيرك….. الوراق معاي اني خديتهم…. الصبح نسلمهم… اي المغرب جابو اربعة…. حققنا معاهم اني و فادي…. تمام الصبح نتفاهمو تصبح ع خير… وصكر الخط
عبدالواتق: شن في من شادين
حمزة: متشغلش بالك بيهم مشكله ونحلت
دارين لبسة ععبايتها وسلمت وطلعو
ـــــــــــــــــــ
تتبع……….
لقراءة الجزء التالي : الجزء الحادي عشر من رواية عشقها لعنة
لقراءة الجزء السابق : الجزء التاسع من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
