وفي الجزء العاشر من رواية قلب صخر يا تري هل سنري أحداث مدهشة فائقة الخيال تحدث مع ابطالنا ام لا ؟ دعونا نعرف إجابة هذا السؤال مع الكاتبة زهرة الشيخ في السطور التالية بإذن الله .
الجزء العاشر من رواية قلب صخر
بعد ربع ساعه طلع الدكتور
زياد: طمني يادكتور
الدكتور: من حضرتك
زياد: انا اخ عليا يادكتورر طمني عليها
الدكتور: البقيه ف حياتكم
زياد: ك كيف م مماتت
الدكتور: ايه
زياد: ان لله وان اليه لراجعون
الدكتور: تفضل استاذ جهز اوراق الدفن
زياد: سرح شوي تمام …
حلا قاعده ع سريرها وتذكر ف صوت زياد وحركاته وابتسامته …قاطعها صوت صريخ وعياط تحت لبست وشاحها ونزلت تجري
ناصره:تبكي وطبطب على سميه وتهدي فها….. مكتوب وصار
ميلاد: قاعد حاط ايده على راسه ومانزلتش منه ولا دمعه خصوصا بعد عرف القصه
اريج: قاعده وتبكي
محمود:يحكي ع التليفون اوك خلاص وقت توصل كلمني نبعتلك الولد تمام وصكر الخط
ميلاد:شن قالك المحامي
محمود: تنهد وقعد ع الكرسي تو كيف طالع بيمشي للمركز
حلا واقفه وتشوف وتسمع ومش فاهمه شس
حلا: مشت لعند اريج وقعدت جنبها ش شن في اريج شن صاير
اريج: تبكي وخلاص ماقالت شي
محمود : خوك بدر قتل عليا ماتت
حلا: بصدمه كيييف كيف قتلها وليش وليششش يقتلها هيي شن دارت وطاحت ف الارض تبكي
محمود: مكتوب وصار
خش زياد وذاف العيله كلها متجمعه 
زياد: ياعمي مشيتلكم للحوش مالقبتكم طلعتو هنا يتكلم وعينه ف حلا نبي كم ورقه لي المرحومه
ميلاد: منزل راسه وحابسس ادموعه تمام
رحمه وميسم قلبو القصر عياطات بعد عرفو بشلل مؤيد !!؟ اي مؤيد مامات بس انشل…
وصخر قلبب المدينه وهوا يدور على بدر ملقاه بعدها وصلوه اخبار انه كان ف المركز بعدها نقلوه للمشفى عند طبيب نفسي
فيصل: به وتوا شن بدير
صخر: ينفخ ف الدخان شن رايك
فيصل: من رايي تفوته حتى حالته الصحيه مش تمام وبعدين خوك غالط وهدا العيقاب من ربي عشان يتوب ومرات تتحسن حالته بعد فتره
صخر: برفعة حاجبه المستفزه هدا خووي كيف ماقلت خوو صخرر ومستحيله نفوتهاله بساهل
فيصل: تنهد وحاطط ايده ف جيبه وشن الحلل
صخر: اعرفلي اسم الدكتور لي يعالج فيه واحجزلي موعد عنده نبيه
فيصل: صخرر
صخر: بصوت واطي بدون ايا نقاش فيصل
فيصل: تمام وركب ف سيارته وهو متكنطي مشى
____♡____زهره الشيخ___♡_____
الصبح
انتشر خبر وفات عليا وانه خوها بدر لي قتلها و…و…و… وكل شوي يطلعو في اشاعه اكبر من لي قبلها ..
زياد ركب خيمة العزا ف حوش عمه ميلاد وكمل اجرائات الدفن وكل شي شوي وتصل بيه رقم غريب؟!
رد
ماجد: طايرتله ايوا وينك انت
زياد:؟ اوو ماجد امتى طلعت عشان تلحق وتاخد رقم اجديد
ماجد: ماطيرها ليا الزح نهار مغبر وامس راقد ف الحبس مش ناقص
زياد: 
تي وااااك باهي باه والمطلوب
تي وااااك باهي باه والمطلوبماجد: نا برا الحوش ان شالله مافي زحمه داخل
زياد: لامافي حد الزحمه كلها ف بيت عمك والعيله كلها غادي اريج وحلا والحرس بس
ماجد: تمام وجهك هي وصكر
زياد: كمل الشغل لي عنده ومشى للمشفى عند بدر اول ماوصل بينزل شاف صخر طالع من المشفى؟!! ..
خش لعند الدكتور
زياد:السلام اعليكم
الدكتور: ا ا وعليكم السلام ت تفضل
زياد:
خش وقعد ع الكرسي بنطمن على حالة بدر
خش وقعد ع الكرسي بنطمن على حالة بدرالدكتور: ااها اي اي عارف حالته زي ماهيا مافي اي تغير
زياد: كييف وامتى يتحسن ان شالله
الدكتور: مش عارف بضبط يبي شوية وقت ويبي راحه
زياد: تمام انا كل يوم بنجي ونطمن عليه شكرا وطلع
____♡____زهره الشيخ___♡_____
ياقوت تفطر هي وامها
الباب طق طق طق
ياقوت: خشش
طه: صحه صحه
كريمه: سلمك
طه: الدكتور عطاني ورقة الخروج
كريمه: بفرحه الحمدلله واخيرا
ياقوت:ليش بيعطيها ليك امي مازال تبي عنايه
طه: مانعرفش المهم هاك الورقه وهي وتي روحك انتي وياها
ياقوت: كلم صخر يجي يروح بينا
طه: عطاني سياره امس
كريمه:بفرحه الحمدلله هي دقايق ونطلعو
ياقوت: لشن يبي يوصل بضبط….
….تلم ف الدبش وصلتها رساله [صباح الحب والورد صباحك صخرر يا ياقووتي]
ياقوت: تنهدت اففف ليش ليش بس مش قادره نتحمله ولاني قادره نتأقلم معاه……حدفت الرساله وطلعت مع امها
____♡____زهره الشيخ___♡_____
حلا من الصبح ف غرفتها ماعندها جهد تطلع راسها بيتفجررر من لعياط امتاع امسس ناضت بسيف خشت للحمام وتوضت اول ماطلعت سمعت صوت الباب فتحت
زياد: صباح الخير
حلا: تتكلم بسييف وباين عليها الارهاق امتاع امس … صباح للنور
زياد: هدا حال الدنيا حلا
حلا: نزلت راسها ومش قادره تشد دموعها
زياد: بعد ماشاف الدموع ف عيونها حضنها من غير مايحسس …اششش خلاصص الا دموعك
حلا: حسييت باالامان لي عمره ماحسييت بيه الا ف حضن امي وزدت تمسكت فيه ونبكي لين فقت على روحي وبعدت بسرعه
زياد: اا اسف حلا بس كنت
حلا: قاطعاته وهي تمسح ف دموعها عادي عادي
زياد: تحشم ومش عارف شن يدير ومن داخله يسب ويلعن ف روحه .. ت توا بنمشي رد بالك على روحك تبي شي كلميني …
حلا: تمام
____♡____زهره الشيخ___♡_____
مؤيد: سرحان في رجليه شوي بدا يتفكر ف اخر لحظاته مع عليا
صخر: ف شن تفكر
مؤيد: عليا
صخر: على فكره انت السبب ف كل شي صار
مؤيد: عارف
صخر: انا قتلك من لول لو انك مش قد المشاكل ومش عارف كيف تحلها ماديرش مشكله من لول
مؤيد: نزلت منه دمعه
صخر: تقزز من المنظر وناض يتصل ب ياقوت
ياقوت: نهار احرف تو كيف وصلنا ردت ها
صخر: يقولو ايواا مش ها
ياقوت: بصوت غليض ايواا
صخر: بيضحك مش قادر ايوا هكي ياراجل
ياقوت: 
صخر: شني وصلتو
ياقوت: ايه
صخر: تمام افتحي لي امك الموضوع الاسبوع الجاي بنقرا عليك الفاتحه زي ماتفقنا يوم واحد وخلاصة
ياقوت: بخوف ت تمام شوي تاني نكلمها
صخرر ايوا خليك شاطره
ياقوت: بصوت واطي نننن مبردك
صخر: ياقووت
ياقوت: هااا
صخر: حركات لعويله فكنا منهم لانجي نكسر راسك
ياقوت: حاضر حاضر هي تو بنصكر ماما تبيني
صخر: تمام وصكر وقعد سرحان ويفكر شوي
شن لي خلاه يحبها او يعجب بيها وكيف بدا مجنون بها لهدرجه ؟!
ياقوت: يالطيفففف كان اتصال ومش متحملته كيف بنتحمله 24ساعه ف وجهي 
طه: ياقوووته
ياقوت: هااا
طه: جعان ديرلي شن ناكل بسرررعه
ياقوت: بأبتسامه حاضر
.
____♡____زهره الشيخ___♡_____
#تسريع الاحداث
بعد مرور 5ايام
حالة بدر كل يوم للأسوء وحولوه لمشفى الامرض العقليه .. وسبب تراجع حالته مش معروفه ؟
حلا تحسنت حالتها وكل يوم تزيد وتتعلق ب زياد
ميلاد وصلاته رسالة تهديد ؟!! و سافر هوا وسميه بسرر
مؤيد: حسس ولي اول مره يحسس ويأنبه ضميره وعليا ماقدرش ينساها
ياقوت تحاول انها تتأقلم مع صخر بس ماقدرت وقررت انها تعترفله ….
كريمه حالتها تحسنت وبدت تتحرك ع راحتها
____♡____زهره الشيخ___♡_____
ميسم: مش معقولا لا اكييد تبصررر
صخر:بصوت عالي صكرررري بعد نحكي مع امك فمك انتي يبدا مصكررر ماليك علاقه ف الموضوع …
ميسم: خافت وصكرت فمها
رحمه: لا مستحيلل كنتي نبيها تكون من عيله محترمه وراقيه مش بنت بياع الخضره والبواب لي يشتغل ف القصر مستحيييل البنت هدا تكون من عيلتنا وانهي الموضوع
صخر: نا جااي نعطيكم العلممم بسس ماقلت كل وحده فيكم تعطيني رايها البنت عجبتني وبناخدها مادخلني ف بوها ولا جدها
تمشي معاي باهي مابتمشي واللهي شي يرجعلك
رحمه: واللهي الا مش ساهله بنت البواب من توا معبيتلك راسك وجاي تعلي ف صوتك على امك
صخر: واقف بيمشي عازمكم على عرسي الخميس كان بتحضرو …. ورفع مفاتيحه وطلع
ميسم: بدموعها وقححححححح مستحيلللل اشرشوحه ياقوت تبدا مرت صخر لا لا يام بللهي ديري حل
رحمه: توخر ف قصتها واللهي انا لي عليا درته وهوا لي فراسه بيديره
مؤيد:في عالم تاني….
____♡____زهره الشيخ___♡_____
كريمه: انا وصيت على صطول كعك مازال ماوصلو
ياقوت تاكل ف شبسس هي وخوها …لي شن الكعك يام
كربمه: باستغراب شن هوا لي شني لي فرحك
ياقوت: اهاا به
كريمه: وانتي شن مش ناويه ديري شي
ياقوت: مش عارفه ماعندي نيه ف شي لاكن تو بنفكر
كريمه: استغفرالله برادت دم زي دمك ماريت
طه:
ياقوت: مشت لغرفتها تجري وصكرت الباب وتصلت ب صخر
صخر: اول ماشاف رقمها رد
ياقوت: ايوا
صخر: ياهلا
ياقوت: فاضي
صخر: اي امالا تبي تشوفيني
ياقوت: لا بس نبي نقولك شي ضروري
صخر: يطلع ع لوراق تمام احكي
ياقوت: صخر انا نبي نعترفلك بحاجه
صخر: شن
ياقوت: انا مش مرتاحه معاك صخر حاولت نتأقلم معاك بس ماقدرت مش عارفه ليش مع انك انسان طيب بس ف نفس الوقت تخووف مانقدرش اني نعيش معاك بخوف و…..
صخر: بسسسسسسس ياقوت هوا الموضوع مش بكيفك قدرتي ماقدرتي انتي بتعيشي معاي تبي ولا ماتبي واااخر مره تعاودي ه الكلاام نصييحه ولا حتشوفي وجهي لي حيعجبك وصكر الخط …… اول ماصكر الخط قلب الطاوله لي قدامه وبدا يكسرر في ايا شي يجي قدامه
فيصل خش للمكتب
فيصل: بكل برود شن فيي
صخر: بصوت عالي اططططططلع اطططلع
فيصل:
عمره ماشاف صخر بهدا المنظر ف داخله زعما شن قاتله
وطلع
عمره ماشاف صخر بهدا المنظر ف داخله زعما شن قاتله وطلعياقوت: انصدمت من ردت فعله
صخر:
يتبع ………
لقراءة الجزء التالي : الجزء الحادي عشر من رواية قلب صخر
لقراءة الجزء السابق : الجزء التاسع من رواية قلب صخر
للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ
جميع الحقوق محفوظة للكاتبة زهرة الشيخ .
