الجزء العشرون من رواية عكس ما تمنيت

وفي الجزء العشرون من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .

الجزء العشرون من رواية عكس ما تمنيت

محمد م معقولة يا روبا لي خمس شهور كل يوم بعتزر منك كل يوم ي حرام عليك انا تعبت والله تعبت نفسي نرتاح ونرجع أسرة زي زمان روبا نحنا م اتهنينا مع بعض ولا عيش مبسوطين لي ختى الماضي عقبة في حاضرنا ومستقبلنا
روبا اشان الماضي انا م قادرة اتجاوزو قلبي واجعني
محمد طيب اعمل شنو وريني اعمل وانا بنفذه
روبا م عارفة
محمد لبتين طيب
روبا م تضغط على
محمد انتي شكلك م بتحبني زي زمان انا ح اسافر ي روبا ح ارجع محل م جيت ولو على بتي برسل ليها تجي تقعد معاي فترة ولو حابة نطلق م عندي مش مدام م قادر اسعدك يبقى م في داعي لوجودي وطلع
روبا محمد استنى بس خلاص طلع برة البيت انهارت اعمل شنو م قادر هو وجعني شديد عارفة بسببي م قادرة أتجاوز فكرة انه بابا مات بسببه م قادرة وبتبكي لحدي م سمعت جرس الباب بدق نزلت تفتح الباب
روبا انت الجابك هنا شنو ي حسن حسن ممكن احكي معاك
روبا م في بينا حديث
حسن ارجوك
روبا طيب اتفضل
قعدو وضيفته
حسن انا م ح أطول عليك محمد مظلوم يا روبا في حكاية موت والدك
روبا كيف
حسن انا عارف اني واطي بس محمد م كدا صراحة ياسمين هي السبب في فراقكم من خمس سنين وسبب المشاكل
روبا كيف سبب المشاكل
حسن بعد محمد سافر ياسمين سافرت وراه واشتغلت وانا وهي كنا على علاقة واتصال ببعض محمد كان بشتغل ليل ونهار اشان يصل للوصل ليه كان همه يكون الرجل البتتمني م اكتر فكرة الانتقام زراعتها ليه ياسمين وانتي عارفة الزن أمر من السحر
روبا بس هو من هنا قال عايز ينتقم مني
حسن بس م كانت فكرتو كدا كان عايز يغيظك بأنه يقول ليك هو اتزوج ياسمين م اكتر بس هو م متزوجة ياسمين هي الحرضتو واستغل غضبه منك م تتخيلي الرجل لمن انجرح من مرتو بكون عامل زي الأسد المجروح بأذي اي زول حتي نفسه هو بحبك على قدر حبه كان غضبه
روبا بس هو سمع منها
حسن ختى نفسك مكانه انسان مجروح وبراه واتخذل وخسر ابنه ومرتو وخلى بلده الحصل معاه كفيل انه يدمرك وفكرة. الصفقةهو كان رافض الفكرة من الأساس بس ياسمين نفذتها وهو رضا بيها بعدين صدقيني هو بحبك سامحي
روبا هو وكلك محامي ليه
حسن لا هو م عارف اني هنا انا جيت اوريك اشان عرفت يعني شنو حب اشان م داير حياتك تتدمر انسى الماضي والمه وجرحه وعيشي العمر بتعاش مرة واحدة نحنا ربنا سمانا انسان اشان ننسى ونتجاوز وبعدين الحب سماح سامحي اشان ترتاحي م تضيعي لحظات سعادة من عمرك الحلو انك تحب والاحلى انك تنحب الأروع انك بتحبي وبتنحبي روبا محمد بعشقك م تبعدي عنك م تخسري حبك عاقبي زي م دايرة بس م تخسري انا حبيت ياسمين وم ح اخسرها بربيها من اول وجديد
روبا سكتت وم ردت
حسن سكتي اشان عارفة اني صاح
رجعي حبك ليك وعيشي السعادة اسرقي من الدنيا لحظات فرحك
أسألك انتي بتحبي
روبا شديد بحبه شديد
حسن يبقى م تخسري
روبا حاضر
حسن ربنا يسعدك بس داير منك طلب واحد
روبا اتفضل
حسن سامحني انا وياسمين ياسمين حامل وانا وهي اتزوجنا سامحنا اشان نكون سعيدين في حياتنا
روبا سامحتك وشكرا على جيتك
حسن دا الواجب مع السلامة وربنا يسعدك
روبا امين وطلع
روبا طلعت اخدت دوش ورتبت البيت وطلبت اكل وجهزت الغرفة ولبست فستان وميكب حلو انتظرت محمد بس للأسف م جا
مر يومين محمد ما رجع البيت م زول عارف عنه حاجة مشت الفندق وعند أمه برضو م في تلفونه مقفول
روبا كانت قاعدة وقلقانة على محمد تلفونها اتصل وكانت ام محمد
أمه الووو يا روبا الحقي محمد قبل م يسافر
روبا يسافر وين
أمه مسافر لندن اليوم في طريقه للمطار
روبا طيب ياماما
أمه انسى ي بتي وعيشي السعادة انا م كنت عايزة اتكلم معاك اشان م انحاز لطرف بس انتو الاتنين روحكم في بعض امشي وجيبي حبك واسرقي لحظات سعادتك اعملي فيه م بتعمل بس م تهدمي بيت الحلال والحب خلي حبكم يتجاوز الصعوبات والمطبات الحب الصمد خمس سنين بصمد اكتر امشي ي بتي رجعي حياتك وسعادتك
روبا حاضر يا ماما وقفلت منها وطلعت على المطار دخلت المطار كانت زي التايه بتفتش فيه في كل مكان واخير لقتو ختم الجوازات وماشي على كافي المطار
روبا محمد
محمد أتلفت على صوتها
روبا جرت حضنتو وقعدت تبكي
محمد شدد من ضمه ليها اشششش اهدي خلاص اهدي
روبا تاني عايز تبعد تاني لي.
محمد انتي م سعيدة معاي وانا م قادر اسعدك روبا احساسي بالعجز قاتلني حاسي نفسي م قادر احتويك م قادر اخد بيدك لمستقبلنا فكرت اهرب يمكن اقدر ارتاح واريحك
روبا طلعت من حضنه غبي متخلف غشاش وضربته في صدره انا بكرهك بكرهك وانفجرت في البكا
محمد دموعو نزلت حضنها شديد وهم الانتين بكو بكوووو شديد المطار كلو مركز معاهم بقى بقولو أصدق لحظات الحب بتكون في المطارات والمستشفيات
محمد سامحني يا روبا ارجوك والله م كان قصدي انا اتجرحت م اكتر انا اتعذبت خمس سنين في بعدك م كفاية عذاب اعفي عني
روبا طلعت من حضنه وعاينت حولها
الناس سامحي سامحي وبقو يهتفو ليهم
روبا اركع
محمد كيف
روبا ي غبي لو م ركعت وطلبت من الزواج من تاني ح اسامحك كيف
محمد بالجد
روبا ايوا ي غبي م تخليني اغير رأي
محمد لالا خلاص وداير ينزل
روبا استنى
محمد والجمهور في شنو تاني
روبا  الخاتم ح تخطبني من غير خاتم 
محمد موجود وفتح جيب شنطته وطلع علبة في طقم حق دهب كامل
ونزل على رجله وحدة تسمح ملكتي تتكرم وتوافق على الزواج مني
روبا اممممم افكر
محمد روبااااااا
روبا اوف خلاص موافقة يعني م اعيش اللحظة
محمد لبسا الخاتم وباقي الطقم وشالها لف بيها والمطار كلو بقى يصفق ويصفر لهم نزلها وضمها شديد الحمدالله انه ربنا جمعنا تاني.
روبا ومحمد رجعو البيت وكانو مبسوطين حنين كانت في المدرسة
محمد انا داير ادوش لو في اكل اعملي لي
روبا حاضر حضرت الاكل وشاي وشالتهم وطلعت الغرفة
محمد طلع يا سلام دا شنو الرضا دا كلو
روبا اكل وبطل غلبة
محمد حاضر
روبا قامت انا داخلة ادوش
محمد اكلي معاي
روبا م جعانة
محمد اشاني ممكن
روبا حاضر وقعدو يا كلو كنت وين اليومين الفاتو
محمد كنت في فندق  قريب من هنا
روبا محمد نحنا مفروض نستفيد من تجربتنا دي خلينا نتعلم من تجربتنا انا غلطت اني خبيت عليك الموضوع وانت غلطت لمن سمعت من ياسمين محمد دايما الطرف التالت في العلاقة بخربها دايرين نبدأ مع بعض على صراحة وثقة واحترام وحب
محمد كان مبتسم وبعاين ليها
روبا انت معاي ليسا بعاين ليها….. محمد
محمد عيون محمد
روبا بعاين لي كدا مالك
محمد اشان قلتي نبدأ ونحنا
روبا يعني خليت كلامي كله وركزت في ديل
محمد لا ديل بالجد البداية لانه نحنا دي بداية
روبا طيب نرجع لموضوعنا
محمد انتي كلامك بقى كتير ي روبا
تعالى اسكتك حبة
الصباح روبا كانت نايمة محمد صحى عمل الشاي وجابو ومعاه فطور
محمد كان شايل ورد بتحبها روبا ورد الجوري والبنفسج كانت في فاظا كل نوع براه شال وردة مشي لروبا
محمد مشي الوردة على خدها وانفها روبي روبي اصحى كفاية نوم حياتي وباس خدها وعيونها
روبا صباح الورد قالتها بصوت ناعس بعد م فتحت عيونا.
محمد يسعد صباح وردة  حياتي
روبا الليلة الغزالة رايقة 
محمد والناس الحلوة
روبا حمودي
محمد اسي عليك الله انا حمودي يا روبا م بالغتي 
روبا  اعمل شنو دلعك كدا
محمد شوفي واحد يليق بي شوية
روبا اممممم  مودي كيف 
محمد النبي فيك بطلي تلعبي في اسمي عايني انا بقول ليك وردة  حياتي وانتي قولي لي حاجة زيها
روبا تاج راسي لا سيد الرجال قديم اممممم فكري يا روبا فكري 
محمد انتي دايرة تحلي مشكلة فلسطين والأمم المتحدة 
اخلصي
روبا نوارة حياتي
محمد حلو يا زهرتي وباس خدها
يلا قومي ادوشي
روبا حاضر ادوشت وجات شربت الشاي
محمد امي عازماكم انتي وحنين غداء وانا عندي شغل بخلصه وبحصلكم
روبا اوكي انا اشتقت ليها
محمد خلاص بنزلكم وفي طريقي
بطلع على الشغل
روبا اوكي
ليسو وطلعو بيت أمه نزلهم وطلع خلص شغلو ورجع ليهم نهاية اليوم اتغدو واتونسو
محمد روبا انا عملت حاجة م اخت اذنك فيها
روبا عملت شنو
محمد مفاجأة حلوة اتمنى انها تعجبك
روبا طيب وين
محمد لمن نصل البيت
روبا طيب
وصلو وشال حنين لأنها نايمة وشال العبها الجابتا ليها حبوبتها دخلها غرفتها
محمد تعالى ومسكها من يدها ودخل غرفة فتح النور
روبا واو…الجد واو حلوة شديد محمد
محمد عجبتك
روبا روعة انا كان نفسي في غرفة أطفال البيبي الجديد
محمد انا جهزتها ليك دمجت ما بين الأزرق والبمبي احتساب لو بت أو ولد تعالى دي الهدوم ودي الألعاب وحاجات البيبي حقت العناية اي حاجة بتحتاجيها انا طلبتها الحاجات دي انا موصي عليها من. شهرين وصلت امبارح لأنها اتصنعت بمواصفات معينة
روبا بالجد شكرا ليك
محمد تعالى مشو غرفتهم فتح ضلفة ودا ليك انتي كان عبارة عن فساتين وقمصان بيت
كل حاجة بتحتاجيها متوفرة هنا
روبا حضنتو شديد بحبك
محمد واني لمولع بكي زهرة حياتي انا عارف انه فاضل ليك شهر بس للولادة اشان كدا حبيت اريحك
روبا تسلم وتجيب لي ربنا يخليك لينا
محمد وانا وصليت لحنين على حاجات جاية بس جبت ليها العاب اشان م تزعل
روبا يسلم لي نوارة حياتي
محمد في حاجة كمان بس اخر اعتزار لي منك مشى لدرج حق المكتب حقه طلع ورق  ومد ليها
روبا دا شنو
محمد أوراق ملكية الفندق والشركات اي حاجة باسمك
روبا فتحتها هي كانت قايله نقلهم ليها بس اكتشفت انه مسجلة في اسمها من تاريخ المزاد انت سجلتها باسمي من يوم المزاد
محمد احم لمن بكيتي وحضنتي اليوم دا حسيت بالجد انه انا ملجأك فطلبت من حامد ينقلهم ليك ولمن بقسى عليك كنت بليل بجي اطمن عليك يوم رجلك وجعتك وجاتك حمى جيت بليل نضفتها ليك بس من غير م تحسي حتى اني رفضت اصحيك انا صحيت من خمسة صباحا ولمن الدكتور قال محتاجة راحة انت كنتي مفكرة انه م بجي بزورك بس كنت بجي لمن تنومي انا اصلا كنت خاتي كمرا في غرفتك براقب كل تصرف منك لمن القاك بتبكي كنت بكون عايز اجي واحضنك ودمو نزلت بس كرامتي بتمنعي بس حبك دايما بنتصر علي ودا الحصل يوم كنا مع بعض الصباح لمن صحيت ولقيتك في حضني صدقيني كنت سعيد وكأني ملكت الدنيا كلها انتي صحيتي وطلعتي مشاعري ليك اثبتي لي انه انا بحبك وحبك م مات جواي رغم السنين والحصل بس كان في وموجود وقوي كنت عايز اقول ليك نبدأ صفحة جديدة بس زكرى اليوم داك طاردتني تاني واتصرفت التصرف الغبي معاك
روبا عاين ليه بعيون مليانة مشاعر بحبك
محمد بحبك
روبا اشتقت ليك
محمد وانا اكتر وضمها شديد
روبا نهاية حزن والم وماضي
محمد وبداية امل وحب وراحة ومستقبل جديد وحياة جديدة

خمسة سنين تحديد في بيت حسن
جاتو بتو جارية
حسن يا روح بابا برراحة بتقعي
بته بابا انا داير اعرس مهند
حسن ومحمد وروبا وياسمين ضحكو 
حسن بس انتو صغار ليسا وبعدين الولد هو البخطب البت يا رغد
رغد مام م لي دعوة انا دايرة اعرسو اشان فاطمه م تعرسو هي (بت جيرانهم مهند بلعب معها)
محمد خلاص اكبرو وانا بعرسو ليك
رغد بالجد يا عمو
محمد بالجد ياروح عمو جرت حضنتو بحبك ي عمو
روبا طيب وين حنين ومهند
رغد حنين بتقرا ومهند بلعب برا مع فاطمة وانا خليتهم اللعب
روبا طيب نادي مهند وتعالى
رغد حاضر نادتو وجات
روبا مهند لي مزعل رغد
مهند م زعلتها بس هي م دايرة انه انا العب مع فاطمة وفاطمة صحبتي
روبا خلاص العبو انتو الاتنين جوا وم تشكلها مش انت ولد فالح
مهند حاضر مامي ودخلو
مهند وياسمين ومحمد وروبا بقو اصدقاء وحسن ومحمد اتشاركو

*م محبة الا بعد عدواة والصداقة الببتكون بعد العداوة أصدق العلاقات وبدوم *

*الحب حلو وبستاهل نعيشو بكل تفاصيله بس مع الشخص الصاح *

* سامح وادي فرصة جديدة بس للشخص البستاهل النادم بالجد على غلطو معاك وناوي يصلح كل البدر منه ويعوضك*

*اسرقو لحظاتكم وسعادتكم ابسطو نفسكم بنفسكم كن أنت مصدر سعادتك وسعادة الآخرين *

*الحلو انك تحب والاحلى انك تنحب فاللهم حلال يشبه أحلامنا *

لقراءة الجزء السابق : الجزء التاسع عشر من رواية عكس ما تمنيت

للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر

جميع الحقوق محفوظة للكاتبة روبا جعفر