هيا بنا لنبدأ سوياً قراءة الجزء الخامس ونري ماذا سيحدث من أحداث شيقة مع ابطال الحكاية، هل يا تري سنري شيء جميل ورائع معهم ام هناك بعض الخبايا الخفية ؟ كل هذا وأكثر سوف نعرفه في السطور التالية .
الجزء الخامس من رواية ضوء في آخر النفق
مؤيد … تى كانا صار موضوع منى ليك حااااااااااااااااااااااجه بعدها تقتلى روحك طووووول ههههههههه … هيا شنى حوايجه ماشيه ؟؟ هيا اطلعى لسياره هيا … سهيله حنا طالعين هيا الحقينا فى سياره وبتعطلى اقعدى فى الحوش ..
سهيله …. باهى باهى وانت تقول العروسه زفت ارزن شوى …
مؤؤؤيد … شنى قووووووووولتى ؟؟
سهيله …..لا لا شى لحقاتكم خلاص هيا نلبس فى كندرتى بس … منو حبيبتى ونبى المعاين الا فى لودنيو اغسليهم بالله عليك .. يالا سلام حبيبتى
سقدت منى اهلها واتصلت بهدى وقالتلها ….
منى …. واخيرررررررررررررا 
هدى …. مش مصدقه انا مؤيد رح يكون ليا … منى انى نحس ربى واخيرااااا استجااب لدعائى ..
منى …. معاش تبكى بيسيح المكياج هههههههههه ياخفيفه لهدرجه تحبيه على عموم انتم زوز خفاف زى بعض يعنى من الاخير داقره ولقت مغطاها هههههه عقبلى ياااااارب منين نلقى مغطة طنجرتى الا قداش ليا ندور علييها ياررررب … قوووووليلى شنى استقريتى على اى لبسه من تلاته مقترحات ههههههههه ..
هدى …. مش عارفه بجد والله خلاص نحس بيغمى عليا مش مصدقه وخايفه ومرتبكه قصدى كيف بتجى عينى فى عينه خايفه نشوفه تقعد نبكى نقوله علاش هدا وين شفتلى يامجرم ههههههههه وانى ليا 5 سنين مافيش فى قلب الا انت
منى …. انى فرحانه بجد انا مؤيد هوا اول حب فى حياتك … تعرفى علاش ؟؟ لانا يكون اقوى واعمق حب هوا الحب على الاول على قولت حسين الجسمى << مانحبو الا للحبيب الاول الجرح من ايده يطيب .. >> فا ياااااارب نشوفكم مع بعض لين تكملو عمركم كله … برى ياكلبه خلاص خليتينى نبكى وانتى تبكى ومكياج سال ونهار ابيض ههههههههههه
هدى …. منووووووووو نحبككك هلببببببه
منى …. ههههه حاضر توا نوصلها لمؤيد اول مايروح صدقينى
هدى ….. خزززززى عليك ياكللللبه هههههه انتى فهتنى صح
سكرت منى التلفون وقعدت تضحك وتبكى وبعدين جتها عبرة بكى ماقدرتش تشدها لانا للحظه كانت تتمنى انا هيا تكون مكان هدى ووائل هوا الايطلب ايدها من بوها ..
سكرت هبه تلفون وفتحت روشن قلبها ودكريتها وتفكرت كل دكرياتهم ووعدهم وحياتهم … بينما هدى لبست وجبدت شعرها وقعدت تشبح لشيشة برفان مؤيد وتدكرة لما كانت هيا ومنى يضموفى دارمؤيد ومنى جت بتلوحها وبعدين هدى خدتها منها وقعدت كل يوم تحضن وتشم فيها وكل يوم كانت ماترقدش الا وهيا تحتها …
وهنا خدت شيشة البرفان قامتها وضمتها وطبعت قبلة رضى وفرحه طالعه من وسط خاطرها وفتحت الكمدينو وحطتها وسكرت الكميدنيو … ومافاتتش لحظه الا وسمعت امها تنادى فيها وتقولها …
امها … هدى حبيبتى تعالى وتى شاهى ودخليه ناس يبو يسلمو عليك وشوى ونوضى وتى روحك باش بيخش مؤيد ويشوفك ويتكلم معاك شوى …
هدى …. ماشى ماما … ومشت هدى للمطبخ طول وتت صفرة شاهى وحلويات وحطتها على انترى ووقفة على مرايه شوى واسة شعرها وملمعها وابتسمت ابتسامة هبل حب على المرايه وخدت الصفره وخشت بيها وسلمت عليهم وقدمتلهم وقعمزة حكت معاهم لحد ماامها اشرتلها بعينها وهنا طلعت وماهى الا 10 دقايق الا وامها قالتلها …
امها … هدى لبستى حجابك ؟؟ خلاص مؤيد يستنى فيك مع بوك فى صالون ..
هدى …. ماشى ماما .. يااااااااااااربى ياربى خايفه وبنبكى وفرحانه ااااااااااااااااااه …
<< وطبعا مسافه ولت طويله وقلبها ينبض بالقوه وماوصلت لصالون الا وقلبها قريب وقف واول ماوصلت طلقت سلام وعيونها لوطه واول كرسى نهلبت عليه من الخوف …
وقعد بوها يحكى معاه شوى وهيا ماقامتش عينها ابدااااااااااا عليه وبعدين استأدن بوهم شوى وطلع وهنا ساد الصمت شوى وهيا مازال ماقامتش عينها فيه وبعد هدوء دام للحظه نطق مؤيد وقال …
مؤيد … <<بصوات واطى جدا >> الحياه بقى لونها بمبى وانا جنبك وانت جنبى …. وابتسملها ابتسامه على جنب وقام حاجب ونزل حاجب وهنا هيا ضحكت وتدكرت موقف حمام وبعدين زادت انفلقت يضحك وهوا يضحك وهيا تضحك وبعدين سكتت وقامت عينها فى عينه شوى وهنا قاللها …
مؤيد …. واخيرااا ياست الحسن الجمال رضيتى علينا وقمتى عيونك فينا واخيرااااااا عبرتينا
وهنا اكتفت هدى باانها تبتسم ابتسامه على جنب وتسكت وفى عيونها لهبة الحب الاقريب تغرقهم دموووع …
مؤيد …. اسمعى نبى نقولك كلمتين قبل ماتطب علينا الحكومه هههه انى نبيك ونببك ونبيك ومش رح تكونى لحد غيرى وبشرق بالغرب بتحبينى وبتموتتتتى فيا ويتغيرى عليا ههههه ايوووووووا واى شروط من توا انى موافق عليها ماشى وسامحينى قولت الاعندنى فى اللحظه هيا لانا بوك حاليا فم باب وهيا شبحتله بستغراب متع كيف عرفت وقامت عينها من هنا ولقت بوها بالفعل واول ماشافت بوها انفلقت بضحك من غير قصد وخاصة بعد ماشافت ملامح مؤيد وهنا بوها شبحلها وشبحله … متع خيركم شن فى ؟؟
ومؤيد شبحله شبحة الله غالب ربى رزقنا بمهبوله وبنتحملوها انى وانت .. ودار روحه مؤدب ومادرش شى بكلللللل
قعمز بوها هنا وهيا ناضت من هنا وخشت لدارها تجرى وقامت تلفون باش تتصل بى منى تحكيلها شن الاصار واول ماقامت تلفون قالت ….
منى … الو ..
هدى …. منننننننننننننننننننننننننننننننننى خوك شيطان يامنننننننننى خلانى نضحك زى مهبوله قدام بابا حى علياااااااااااااا .. بعدين سكتت شوى وقالتلها … منى خيرك ؟؟ شن فى خيرك تبكى شن صار ..
منى … لا لا حبيبتى ماكنتش نبكى بس رقدت شوى فاتغير صوتى ..
هدى …. لا لا انتى تكدبى كنتى تبكى .. منى خيرك ادوى …
منى …. لا لا والله هادم دموع الفرحه بيكم بس ويارب نشوفكم طول العمر مع بعض يارررب … شنى تمام ولاحسيتى روحك مش مرتاحه ..
هدى … بجد …. اكيد تبصرى صح … تى انى قريب ننزل نعطى موافقه من توا هههههههههه
منى … باخفيفه هههههههههه على فكره انى متأكده حتى خوى زيك حاليا … بجد بجد ربى يهنيكم ياااارب
تمت سهره على خير وروحو اهل مؤيد على امل انا يستنوفى رد من العروسه بعد مايعطوها فتره تفكر وطول طريق وهما يدو ومؤيد مش معاهم مره وحده وبدت افكاره تسرح لبعد الزواج معاها وكل ماتخطرله فكره خبيته يضحك ويطلعوله قرون ويفكر امتى بيدرهالها وقعدو طول طريق وهما يهدرزو ويضحكو لحد ماوصلو للحوش وهنا امها فتحت الحوش وقالت ..
خشو بشويه اختكم شكلها رقدت …
مؤيد …. هيا مالا منى انى تصبحو على خير
سهيله … منين جاتك العقل ورزانه هههههههه
وهنا طلعت منى فجأه من دار وقالتله … ماهو مش منه بيتزوج هههههه فابدت تظهر عليه اعراض الزوج ..
مؤيد …. هههههههه تعرفى غير مانبيش جوى يتعكر بس كان هدا عرفت نرد على اوباش زيكم يالله سلام حويج وحويجه .
.. ميمتى غدوا نوضينى ساعه 7 ظرورى لانا عندى اجتماع بكرى
امه …. ماشى ماشى خلاص برا ارقد ت ع خ
… هيا يابنات برو لدياركم توا وبكرا صباح رباح ان شالله ..
منى وسهيله … تصبحو على خير
الاب والام … وانتم من اهل الخير …
يتبع ……..
لقراءة الجزء التالي : الجزء السادس من رواية ضوء في آخر النفق
لقراءة الجزء السابق : الجزء الرابع من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
