الجزء الثالث من رواية متعصب واحببته

وفي الجزء الثالث ماذا تتوقع ان يحدث مع ابطال حكايتنا ؟ هل ستكون أحداث جميلة يا تري ؟ كل هذا وأكثر سوف نعرفه سوياً في السطور التالية بإذن الله .

الجزء الثالث من رواية متعصب واحببته

قعدت ادير في الدحي وهو اينابش فيها مرة مرة داير روحه يساعد فيها مع صوت ضحكهم

في حد يراقب فيهم من بعيد بصمت

عليا ≈تشوف ومش عاجبها الوضع .. مشت لعلي
عليا ≈انت تشوف الى يصير بين زياد وجود
علي≈حول نظراته.. ما تخافي انا مسيطر ع الوضع
عليا. المهم انا حدرتك ولدي لا ..
على≈ ماعدل عليها مشى رقد لف وجها للحيط
عليا≈ تغلي مع بعضها على بروده

في الصبح الساعة 8
ناضت جود دوشت وغيرت نزلت للمطبخ تساعد في الخدم
جود≈ انا نمشي نسقي الورد في الحديقة
خديجة≈باهي
جود≈ تسقي في الورد تسمع في صوت بجنب المسبح قدمت شوي شافت زين يسبح مش لابس شي من فوق كان يسبح بـ مهارة ..بتسمت من غير ماتحس اول مرة جود تعرف ان زين يسبح كل صبح كملت بسرعة ومشت من غير مايحس عليها

ع طاولة الفطور
علي وعليا يفطرو جا زياد
زياد ≈ صباح الخير
عليا.≈ وين نايض بدري و مغير و لابس رسمي وين ماشي !!
زياد≈. قعمز يشرب في الشاهي .. للشركة
علي.≈ كح كح ..
جود.≈ صبت مية.. سلامتك
علي.≈ شرب مية
جود ≈عدت للمطبخ
زياد≈مسح فمه بالمنديل..هيا تأخرنا ..ناض باس راس امه
تبي حاجة ..
عليا≈فاتحة فمها ع طول الرواية لا سلامتك
زياد≈ عدا للمطبخ..ابتسم تبي حاجة من برا
جود≈ تعدله في الرقبة.. سلامتك بس ودير بالك ع روحك وركز ع شغلك كويس عيون هكي ولا هكي مافيش
زياد≈ هههه حاضر بس ادعيلي ان مانبتلي في الهم زبير
جود ≈كيف شن جابه ليك في الشركة!!
زياد ≈كيف ماقتلك انا.. تعين معانه في الشركة يعني بنصبح في خلقته كل يوم للاسف وكله ع شانك بس
جود≈ههه خلاص ربي يحفظك هيا تأخرت

عليا تراقب ومش عاجبها الوضع

زين≈ هيا يابابا عشان ما نتأخرو
لمار≈انا مزال شعري وعدتني ماما ءاا خالتى جود تصلحه ليا نمشي نكلمها ونجي ع السريع
زين≈في داخله هيا عادي مش مشكلة المهم الصغار يفرحو.. ماتتأخري
لمار ≈يا احسن بابا في العالم
ليث≈ حتى انا
زين ≈هههه هيا تعالو افطرو قبل
لمار وليث &حاضر

فطرو ومشو لجود
لمار ≈ماا ءاا خالتي جود انتى شن وعدتيني
جود ≈فهمت ان زين قاللهم ماينادوها ماما بس ماعدلت.. ههه مانسيت هيا تعالو
لمار≈ لالا تعالي في دارنا
جود≈.ماتبي تشوف زين.. عادي حتى هنا
لمار≈ دارت روحها زعلت
جود≈تنهدت.. باهي هيا
لمار≈بفرح هييي

مشو للجناح
زين≈قاعد ع المكتب ينظم في اوراقه
جود ≈خشت بدون ماتشوف فيه صباح الخير
زين≈ماعدل عليها وما رد
جود≈اضايقت بس ما عدلت خشت مع لمار
كان الجناح منظم وحلو وبدات دار الاطفال ههه تمنيت روحي اني طفلة كانت رووعه

كملتلها شعرها
جود≈ها شن رايك
لمار≈تشوف في المرايا الله حلو شكرا اليوم حندلع ع البنات
ليث≈حتى انا
جود≈هههه تعال انديرلك حتى انت
لمار≈انت بنت الى يديرولك شعرك
ليث≈مادخلك
جود≈ههه خلاص ماتعاركو انا حنديرلكم انتم 2كل يوم
لمار &ليث

زياد في الشركة حايس في روحه كان يلقى يعطي لـ زبير طريحة باهية نباش لقبور

زين≈هيا يا ولاد تأخرنا
لمار≈شوف بابا كيف شعري حلو
زين≈يعني انا كنت اندير فيه لك مش حلو
لمار≈لا بس م خالتي جود ادير فيه احلى
زين≈انا زعلت
لمار≈خلاص ياحلو ماتزعل راهو الابلات كلهم يسئلو عليك
زين≈ قرسها من خدودها.. انتي ام لسان من يقدر عليك بس
ع طلعت جود
زين≈جود
جود≈استغربت.. نعم
زين≈حايس في روحه كيف بيقولها.. احم احم ءاا شكرا
جود≈ابتسمت لا شكر على واجب يا متعصب مشت تجري
زين ≈ ابتسم لا ارادي ع حركاتها
لمار≈بابا تبتسم بروحك هيا مش قلت تأخرنا
زين≈ هيا يا ام لسان

في المطبخ
جت جود
عليا≈وين كنتي
جود≈اا كنت اندير في شعر لمار
عليا≈اه غسلي كويس قبل لا تقربي اي شي.. طلعت
جود≈استغربت اول مرة تكلمها هكي شن قصدها يعني انا مش نظيفه .. تعوذت من الشيطان وعدت كملت شغلها

جود شغلها المطبخ بس لان نفسها حلو في الماكلة والخدم التنظيف والخبر لاخر ..

جود كملت الغداء مشت تقرا في كتاب اسمه {في داخلي انثى عبرية}في الحديقة بجنب الورد الى هيا زارعته زياد علمها القراءة والكتابة وهيا تحب القراءة طبعا زياد كل مايزعلها يجيبلها في كتب يعرف نقطة ضعفها

زياد..
جود..

يتبع……..

لقراءة الجزء التالي : الجزء الرابع من رواية متعصب واحببته

لقراءة الجزء السابق : الجزء الثاني من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .