الجزء الرابع عشر من رواية متعصب واحببته

وفي الجزء الرابع عشر من رواية متعصب واحببته نقترب من نهاية الرواية لكن ستظل هناك الكثير من المواقف الجميلة بين ابطالها ولنري ماذا يحتوي الجزء من مواقف جميلة ومشوقة في السطور التالية بإذن الله .

الجزء الرابع عشر من رواية متعصب واحببته

زين≈ جا.. ها شنو حرارتها!!

جود ≈بفرح.. الحمدالله انخفضت ..

كان السراير فوق بعضهم و سرير لمار الفوقي جود كانت بتنزل من الدروج 4 انزلقت رجلها قفطانها طويل..

جود≈ ووووه!!

زين≈ غمرها في اخر لحظة

جود≈ تشوف فيه..

بعد خمس دقائق بتمام والكمال

زين≈ احم تسحابي وزنك خفيف

جود≈ نزلت ع الارض.. وجت بتمشي ماقالك حد دير حركات الهنود كنت خليتني نطيح والمستشفيات زي الرز

زين≈ مشكلتي اني مانقدر

جود≈ تتجنب تشوف في عيونه.. بتعدي

زين≈ مسكها من يدها وقربها ليه يشوف فيها.. شكرا ع اي شي اديري فيه مع الصغار وانتي مش ملزومة بيه

جود≈ تشوف فيه.. اصلا هما الشي الى مخليني قاعدة هنا!! عدت جود وخلت زين ميت من الحيرة

في اليوم الثاني

في الحديقة

جود≈ لابسة توتة رياضية..لمار زي ما وعدتك ع الكيكة

لمار≈

جود ≈ههه خليني نجيب صحون ونجي

لمار ≈حاضر

جود ≈تنشف في الصحون.. مع صوت تلفونها

جود≈ الو

المتصل≈ ههههه اهلين تسحابي كان تزوجتيه مانقدرو نجيبوه

جود≈ بخوف من معايا

المتصل≈ ردي بالك ع روحك ياحلوا .. انقطع الخط

جود ≈بخوف.. الو الو .. افف منو هذا مش حنقول لزين عشان ماتكبر مش ناقصة مشاكل.. خدت نفس طويل

وطلعت

لمار≈ خيرك طولتي ماما

زين≈طلع من المسبح .. شن قتلك !!

لمار ≈ما دخلني نا بناديها ماما حضنت جود

ليث≈ حتى نا بناديها ماما وحضنها

زين ≈ ابتسم

جود≈ ههه هيا نقطعو الكيكة عشان بنلعبو كورة

زين≈ قاعد ع الكرسي وفي يده التلفون داير روحه مش معدل

لمار +ليث ≈كورة

جود≈ تضحك.. ايه هيا كولو بسرعة

بعد الاكل

ليث≈ بابا العب معايا في فريقي

زين ≈ليش ما تلعب معاهم

ليث≈ مانبي مع فريق البنات

زين ≈ههه باهي هيا للملعب

ليث≈ بفرح.. هييي

قعدو يلعبو مع بعض

ليث≈ بفرح ..قووول ههه فزنا عليكم

لمار≈

جود≈ يديها في نصها.. ههه خلاص ماتبكي توا ندخلولهم قول

زين≈ هيا ولا اعلنتو الهزيمة

جود ≈ضربت الكورة.. هيا ولا انت تعبت

قعدو يلعبو وسخنت الحكاية

جود≈طاحت ..آآآه

جوها كلهم

زين ≈بخوف شاف رجلها.. توجع فيك من هنا

جود≈دموعها في عيونها بتنوض.. آآه مش قادرة

زين≈ تنهد غمرها دخلها داخل .. التواء بسيط ما تخافي

لمار ≈ماما خيرك

جود≈ مسحت دموعها ابتسمت.. خيرك تبكي تعالي حضنتها

زين≈ قلنا التواء بسيط مكبرين الموضوع هدي نهاية الناس الى ماتعرف تلعب

جود≈ انت اسكت

زين ≈شنو!!

جود ≈خافت.. لا قصدي ع ليث

زين≈ يضحك ع حركاتها..

جود≈ تشوف في الضحكة نعليا

مرت الايام وجت عطلة قررت العيلة انهم يمشو للمزرعة لمدة ايام

زين≈ خلاص كل شي واتي مش ناسين شي

جود≈ حايسة تلبس في الوشاح ع المرايا .. انشاء الله مافيش اي شي ناقص

زين≈ يشوف في لبستها.. ااه

جود≈ تلفتت عليه هيا كملت

زين≈ قرب خدا منديل يمسحلها في الروج..مافي داعي ليه.. عدا

جود اخ منك يا زين.. ابتسمت من غير ماتحس

هبة≈ خالتي عليا كلمتي امي

عليا ≈وليش وامك تمشي انشاء الله!!

هبة ≈كيف!!

عليا ≈توا انكلمها .. بس اللطف ليش المكياج هذا كله!!

هبة≈ .. نفخت وعدت

عليا≈ اخ ع بنات اخر زمن جابت مافيها وخلاص

علي≈ هيا يامرا هيا وانتي ساعة .. عدا

عليا≈ باهي وانت تلعلع من بدري بعدين قول حلوقي يوجعو

هبة≈ هيا نوض انت

زياد≈ امم خليني نرقد وانتلفي مع هلي

هبة≈ تحرك فيه.. وانت شن ادير نوض زياد تربح نوض

زياد≈ يعيط.. وووك عليك نفخ ع الصبح.. اقلبي عن قدامي هكي.. ناض عدا الحمام

هبة≈ انشاء الله تعيط من هنا لصبح اهم حاجه تمشي عشان جا الشي الى يربطني بيك للابد

في المزرعة

جو زين وجود اخر وحدين خدو جناح بروحهم لان كانت المزرعة كبيرة وفيها استراحة اكبر

جود≈ ترتب في الدبش

لمار≈ بفرح.. هيا نساعدك و نكملو بسرعة عشان نوريك حصان بابا

جود≈ بفرح.. كيف في حصان هنا!!

لمار≈ ايه

عليا≈وينها جود تجي تساعدني

هبة≈ بايرة ياخالتي ماتعرف

عليا≈ باهي تعالي انتي ساعديني

هبة ≈كان خاطري نساعدك بس مانقدر عشان.. حطت يدها ع بطنها.. البيبي

عليا≈ لوحت الى في يدها.. يعني حامل

هبة≈ بدلع مزيتات.. ايه خالتي

عليا≈ لللللولللي للللوللللوي يا هذا النهار الزين مبروك مبروك

زياد≈ ع التلفون .. يسمع في الزغاريت.. شن فيه!!

عليا ≈مبروك ياولدي مبروك ولي العهد حيجي قريب دير بالك عليها ورد بالك تزعلها

زياد≈ كيف!!

عليا≈ ايه هبة حامل لللللولووي خليني نبشر علي.. عدت

زياد≈ كر هبة من يدها.. شن الكلام الي سمعته

هبة≈ حول توا يشوفنا حد زي ما سمعت انا حامل

زياد≈ والحبوب!!

هبة≈ نسيت شنو كفرت يعني انا حامل بولدك لازم تفرح

زياد≈ حول يدها..حسابك بعدين عدا

هبة≈ توا تشوف يا زياد ماريت شي

غادة ≈هههه مبروك اكيد جود توا بتهبل بعد تسمع الخبر

هبة ≈وهدا الى نبيه

غادة ≈خطيرة

طلعت جود ع صوت الزغاريت جت بجنب زين الى قاعد ع الشواية

جود≈ مستغربة.. خير شن فيه

زين ≈يشوف لشواية.. هبة حامل..

جود≈ نصدمت.. ابتسمت بغصة ااه مبروك

زين≈ رفع راسه عشان يشوف فيه ردة فعلها وملامحها .. يعني مش زعلانة

جود≈ءاا انا نايضة نساعدهم.. عدت

زين ≈ عرفها تتهرب

عند جود

جود≈ مبروك هبة

عليا≈ هدا الصح مش زي ناس ليهم سنة متزوجين و مزال ما حملو

جود≈ عرفت انها المقصودة..

هبة≈ بدلع.. الله يبارك فيك لما عرف زياد ههه طار من الفرحة حتى قالي هيا نروحو بس قتله عيب نخلوهم بروحهم

لمار≈ ماما بابا يكلملك

جود≈فرحت انها انقدتها من الموقف.. هيا جاية.. نستأذن

هبة≈

غادة ≈نار من داخل

زين≈ شدي فيا كويس..

جود ≈متحشمة ..شدت فيه و خايفة اطيح

فجأة الحصان هاج قعد يجري بسرعة كبيرة

زين≈ بصوت عالي.. اول مرة ايدير هكي.. جود شدي فيا كويس

جود≈ حجابها كان بيطير بتمسكه ولت ع وراها طاحت ع راسها آآه

زين بصوت عالي.. جوود.. نط من الحصان

جود كان مغمى عليها من قوة الطيحة..

الكل تجمعوا بعد ما سمعو صوت زين ومصدومين الا شخص

غادة≈ زي ماقتلك يا جود مازال ماشفتي شي

بعد ساعة

جود≈ هيا امي حنتأخر ع المدرسة

ثريا ≈استني يابنتي اهو اشربي مية عشان ماتاخدي بردة

جود≈ ههه مزال تخافي عليا راني توا اعدادى مش صغيرة

ثريا≈ حتى كان تزوجتي ودرتي صغار ح تقعدي بنتي

جود≈ ههه هيا بوي اكيد يستنى في السيارة بلاهي ادعليي يا نبع الحنان اليوم الامتحان الاخير

ثريا ≈ربي يحفظك ويوفقك ويسعدك ويبعد عنك ولاد الحرام

جود≈ اي كمليها ويبعثلك ولد الحلال الى يسر خاطرك

ثريا≈ ريتو الى ما تتحشم الدنيا جابت مافيها

جود≈ هههه خليني نمشي خير مايجيني شبشب من حيث لا تعلمون طلعت تجري

جود≈ صباح الخير بوي

عثمان≈ صباح النور خيرك تأخرتي

جود≈ هههه مع نبع الحنان.. بلاهي بسرعة لانه الامتحان في الحصة الاولى لان لو تأخرت مش حيدخلوني

عثمان≈ هههه هيا باهي

يهدرز ويسوق فجأة تجي قدامهم سيارة حاول يتفاداها بس انضرب في شجرة ونقلبت السيارة كان الحادث شنيع

زين≈ كان راقد ع الكرسي الى بجنبها ناض ع الصوتها.. جود اهدي انتي في المستشفى توا

جود≈ انا عرفت كل شي عرفت الحقيقة عرفت اهلي .. جت بتنوض آآآه راسي .. مسكت يده.. زين اوعدني انك تساعدني اوعدني زين

زين ≈ضغط ع يدها..جود اهدي تمام انا حنساعدك بس انتي اهدي

جود≈ انا كنت.. وحكتله كل شي

زين≈ مصدوم .. باهي نمشي نجيب الى قلتيلي عليه ونجي ما تتحركي من مكانك .. عدا

بعد دقيقتين

ممرضة≈ جت.. تفضلي اشربي طاسة العصير هذي

جود≈ ريقها جاف.فعلا جا في وقته شكرا.. شربتها كلها

الممرضة≈ تشوف فيها وتتبسم .. مشت لى زاوية الغرفة تتكلم بالتلفون.. موضوعك تم

المتصل≈ منورة وحقك محفوظ

جود≈ كملت الطاسة حست الدنيا تلف بيها ومعاش حست بشي

زين ≈وين المريضة الى في الغرفة هنا

ممرضة ≈جا زوجها ورفعها

زين≈يعيط بصوت عالي.. كيف انا زوجها شن الاستهتار هدا. جووووود جووووود

الممرضة≈ معليش استاد تفضل معاي لمكتب المدير

زين≈ انتم كيف ادير خروج لى اي مريض قبل لتتأكدو

المدير≈ بخوف.. هدي استاد معليش

زين≈ معصب.. اقسم بالله نقلبها عليكم

عند جود مربوطة وقاعدة في زاوية الغرفة

جود≈ بخوف .. ءاا انت شن تبي مني ءاا حراام عليك خليني في حالي ربي يخليلك خواتك

زبير ≈يضحك بصوت عالي.. هههه واخيرا حصلتي بين يديا انا من قبل قتلك حطيتك في راسي يعني نجيبك

جود≈ تبكي.. نبوس يدك خليني في حالي و ما ضرني الله يخليلك اختك خليني في حالي

زبير≈ انا ماصدقت حصلت عليك هو دخول الحمام زي خروجه

جود≈ لاللللللللللا

بعــد خمـس سـنــوات

يتبعع….

لقراءة الجزء التالي : الجزء الخامس عشر من رواية متعصب واحببته

لقراءة الجزء السابق : الجزء الثالث عشر من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .