وفي الجزء التاسع يا تري ماذا سوف يحدث مع ابطالنا من جديد في المواقف والأحداث ؟ دعونا نعرف ذلك سوياً في السطور التالية بإذن الله من رواية حتي الممات للكاتبة نور عبدالسلام .
الجزء التاسع من رواية حتي الممات
طلعو هلي و قعدت انحوس لوطا ومالك ركب لدار اشويه ولحقته خشيت مفطنش بيا قعدت ع الباب انبحت فيه ماسك فونه يشوف فيه ويحكي بروحه
صورته هو وبشرى
مالك: حبيبي سامحيني بس هيا مراتي والحياة مستمره ولازم نبدأ معاها حياه صح
بس صدقيني مستحيل توصل لمكانك في قلبي
طلعت من الدار ونزلت نبكي انا مقدره حبه ليها بس ليش مستحيل نوصل لمكانها ليش منكونش انا ليك كل شي كيف ماانت رحت ليا كل شي
مالك: ليان وينك
ليان : هيا جايه
مسحت دموعي وركبتله حسيت براسي برم وانا نركب من الدروج خشيت لدار وقريب طحت خشيت دايخه القيته متسطح
مالك : بسم الله فيك شي
ليان : دوخه وسع بنتسطح
رقدت ع السرير جي قرب قعمز جنبي
مالك: شن اتحسي
ليان : دايخه وكبدي
مالك:نوضي نمشو لعياده
ليان : لا لا توا نتحسن غير نبي نرقد بس
مالك: متعشيتيش اكويس انتي انشوف فيك تنقرشي تنقريش نمشي انجيبلك حاجه ونجي
ليان : مالك لا مانبيش تعال
طلع يجري اشويه ورد معاه عصير وفواكه
مالك : قعمزي
ليان : مالك حوله من قدامي
مشيت نجري للحمام رجعت طلعت القيته يرجا فيا قدام الحمام
مالك:البسي عبايتك واطلعي ورايا ومافيش مجال لنقاش بنرفعك للعياده
ليان : بس
مالك: مش وقت تبسبيس مش شايفه وجك كيف اصفر هي اطلعي
نزل هو وانا لبست عبايتي ولحقته وصلنا للعياده وخشيت درت تحليل اشويه وطلعتنا الممرضه
الممرضه: مبروك مدام انتي حامل
علي طول بحتت في مالك بنشوف ردت فعله ابتسملي
مالك: مبروك علينا البيبي
ليان : انت فرحان
مالك: اكيييييييد فرحان وبنطير اخره
طلعنا وصلنا للحوش وركبت لدار
مالك:تسطحي ومنبيش حركه
انا:مالك من جدك فرحان ولا تمشي فيا
مالك:المفروض تو نزعل منك
مش قتلك حاب نفتح معاك صفحه جديده
نبي عيله حلوه انكونها انا وياك وانتي شفتي كيف بادي انحاول نتغير وليا كم يوم ماطريتش سيرة بشرى
ليان : قلبت وجها لجهة ثانية
سكتت اشويه -< حبيبي
بحت فيا وسرح اشويه
مالك-< حبيبتي بكره نشرو دار للبيبي
ليان : لا حبيبي خلي انشوفو جنسه قبل لو بنت ورديه ولو ولد دار زرقه
مالك:ولو قرد ههههه كنك اتفنصي هك انبصر معاك حبي
كشخت عليه
ليان : مش بصاره هادي
مالك: هههههه سايريني اقل شي
القيت روحي انهدرز معاه هو يقولي حبيبتي وانا انقوله حبيبي فرحت واجد بالشي هذا بس فرحتي مطولتش
مالك:حبي لو ولد انسموه سعد على بوي ولا عندك اعتراض عشان قديم وضحك
ليان : عادي حبيبي مش قصة ف نهاية اسم هو
ليان : ولو بنت
مالك: بشرى
ابتسامتي تلاشت يبيني انسمي بنتي علي اسم زوجته القديمه الاحساس الي حسيت بيه صعببب نوصفه
مالك: شن وين سارحه عادي صح
ليان : اها عادي
مالك : حط يديه تحت راسه وتنهد ب راحه وابتسم
ليان : غمضت عيونها وتبكي بدون مايحس مالك
دموعها ينزلو ومش قادرة تنطق قلبها يتقطع
غيث : رهف
رهف : نعم
غيث : لميلي دبشي منبيش باتي يشوفني
رهف : تمام ومشت تجري
الصبح فطنت القيته يبحت فيا بعد شافني فطنت هرب بعيونه قعد اشويه ونزل عند بطني
مالك : حبيب باته صباح الخير عليه
رفع راسه وبحت فيا بنظره امتع متأسف صباح الخير حبيبي
قرب باسني علي خدي
ليان : صباح النور
مالك: انا صليت صلي انت وننزلو نفطرو
بحتت فيه بتكشيخ
قلبت وجي وخشيت للحمام توضيت وطلعت القيته قاعد ع السرير صليت ومزال نفس الوضع
مالك : امس
قطعت عليه مالك مش جو دوه بكل توا راقيلي ولو بتحكي عارفه بتصير مشكله بيني وبين لذالك اسكت
مالك: به زي ماتبي بس ننزلو نفطرو مع بعض
ليان : انزل تو نلحقك
نزل وانا حست علي الدار وغيرت دبشي ونزلت نفطرو
مالك : حبيبي كولي هذي من يدي هيا عشان البيبي تاكليش انتي
مد يده بيوكلني برمت وجي منبيش كول انت
مالك : انتي من الصبح قالبه وجك الزح امس وين الي معايا وبتساعدين وانتي من اول مره اهو اتكشخي وقالبه وجك ومدايرتيلي نكد وين الي بتوقف معايا
ليان : مالك انا
قطع عليا انتي اقعدي فيها
ناض وسيبني وطلع من الحوش رنيت عليه ميردش قعمزت نبكي
تاخر الوقت ومالك مزال ماروحش ونرن عليه ميردش
راسي صداع وبطني مغص ظلمت الحوش وخشيت بنرقد تقلبت ع السرير خشيت للحمام القيت عليا نزيف قعدت نرعش ونبكي وانرن علي مالك ميردش معاش عرفت ماندير
قعمزت ع السرير وعاودت عليه كم مره رد عليا معصب
مالك-< مدورنيش اطلعي من راسي انا واحد ماننفعش بيك انا بتاع بشرى مش هننساها
صكر عليا بدون مانقول ولا حرف
عاودت قفله قعدت نتلوا ع السرير رنت عليا روان رديت سمعت صوت اعياطي
ليان : تعالي بسرععععه ااااه
اشويه وجتني وخشت لدار راعشه القتني نتلوا ع السرير
روان : ليان شن في
ليان : نزيف البيبي نبي انلحق عليها ارفعوني للعياده
روان : هي باهي نوضي امسكي فيا
مسكت فيها ونزلت وركبت مع عمي في السياره متحشمه وحالتي حاله وصلنا للعياده خشيت للدكتوره و
احمد : وين روان
خديجة : شن تبي فيها
احمد : نبيها
خديجة : احمد قولي شن تبي ف اختك توا تحكي
يتبع …
لقراءة الجزء التالي : الجزء العاشر من رواية حتي الممات
لقراءة الجزء السابق : الجزء الثامن من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
