وفي الجزء الثالث عشر من رواية حتي الممات يا تري هل سنري تحول كبير في أحداث الرواية لمنعطف جديد أم ستسير الأمور كما هو طبيعي ؟ كل هذا وأكثر سوف نعرفه سوياً في السطور التالية بإذن الله .
الجزء الثالث عشر من رواية حتي الممات
ليان : انت شن تقول كيف تفكر هك اصلا
مجد : شن قلت حاجة غلط
ليان : مجد اللي تقول فيه كله غلط في غلط نا متزوجه وماتجاوزش حدودك معاي
مجد : لكن تبي تطلقي
ليان : اما نطلق يحلها الف حلال
مجد : يعني لو تطلقتي
ليان : مجد فوتني مش ناقصة مشاكل
رهف : الو
غيث : شن في
رهف ؛ نا ف حوشكم
غيث : باه شن تبيني ندير
رهف ؛ نبي نحكي معاك
غيث : رهف خلاص نا خاطب ليش دوري ف مشاكل
رهف : نبي نتأسف منك ومن خطيبتك
غيث : خطيبتي متبيش اسفك وكان علي نا قبلته
رهف : تمام حطت تليفون ع كوميدينو وتبكي
مالك : وانتي ليش تصرفي من دماغك تريحتي توا
روان : اسفه
مالك : ان شاء الله غير تهنيتي
روان : مالك حتى لو مش نا انت مزلت تحب بشرى را هذي تحرق اي بنت ان راجل اللي تحبه يحب حد ثاني
مالك : امشي توا عدي
روان : باه ومشت
مالك : اوف اوف مسح يده على وجهه
ليان : قعمزت جنب امها وحناها
تسنيم : لينو هيا تعالي معانا
ليان : لا منبيش
مجد : عرف انه متبيش عشانه هو مشا قعد ف سيارة
عايشه : هيا ليونه
ليان : باه وقعمزن وقعدن يهدرزن
جا مجد عادي نقعد ولا نضايقكم
تسنيم : او جا مجد نلعبو صراحة ولا جرأة
مجد : هيا لف شيشه ليان صراحه ولا جرأة
ليان : صراحه
مجد : حبك الاول من هو
ليان : بلاش منهن الاسئلة شخصية
مجد : ابتسم فهم ان هو
تسنيم : نا جرأة
مجد : امشي اضربي حناي ب الكورة وقوليلها مش قصدي
ليان : طاح سعدكم قعمزي ماتسمعيش
مجد : تعتبري خاسره
تسنيم خذت الكورة وضربتها جت ع وجه حناها
اه يلعن شكلكم ياكلاب
ليان : هيههه
تسنيم : عدت تجري وعايشه وراها
نا جمدت ف مكاني من صدمه ومجد مقعمز حذاي
يضحك جت حناي تضرب فينا نحنا الاثنين
وامي خالتي وصبايا خوالي يضحكن
مالك : نحنو اسفون
حناي : عطكم دعوة
ليان : واللهي مانا هي
هند مقعمزه ف سرير لابسه وشاح
امها جنبها بنيتي اقري شوية قرأن
هند ليش ربي دار معاي نا هك يمي
امها استغفري يجرب ف صبرك
هند تبكي صبري كمل يمي صبري كمل يارب يارب تسمع فيا هو مافيش غيري تجرب فيه ليش نا ياربي
امها استغفر الله يابنتي
هند خلاص ياامي تابت نا تعبت تعبت
امها خذتها ف حضنها سلم ابنيتي متقطعيش قلبي عليك
خشت الممرضة لالا لازم تبقى نفسيتك كويسه
امها اسمعي يابنيتي
هند تبكي وترعش
في الليل
عند ليان روحت قعمزت ع صالون من تعب خشت عايشه تاخذ ف دوش وقعمزت حناها
وووك عليك تعب
ليان من ضرب تعبتي
تسنيم هههههه
ليان كله منك ياوج الاخس
تسنيم مجد قالي بعدين انتي ليش مقعمزه ترجي ف ضربه
ليان رجلي نملن بعدين متوقعتهاش تمد يدها عليا
تسنيم ولا عشان مجد مبيتيش تصبي زي مايقولو الضرب الحبيب زي اكل زبيب
مجد خش ابتسم لما سمع كلام تحكو علي
ليان فنصت في تسنيم شن تقولي اي حبيب انتي
نا متزوجه
مجد وبتطلقي
ليان غمضت عيونها بنفاذ صبر وخشت لدارها
حناها ضروري ديرو مشكلة ماتهنو روحكم
خشيت حطيت راسي ع المخده وتليفوني يرن
رديت الو الو
رقم غريب : ليان
ليان : قعمزت مالك
مالك : ماتصكريش اسمعيني
ليان : مانبيش نسمعك كل واحد فينا مشا لطريق انساني خلاص
مالك : يعني
ليان : سكرت ف وجهه الخط ودارت حظر وقعدت تبكي
خديجة : رابطه راسها بالمحرمة
روان : ماما
خديجة : اه ياراسي جيبلي بنادول الاحمر
روان : وين
خديجة : ف درج ثاني
روان : هاك وعطتها كباية اميه
خديجة : حطت يدها ع راسها
روان : ماما
خديجة : شن تبي
روان : حكيت لمالك عن انه نا للي قلت ليان تخش لداره
خديجة : كل واحد يدير اللي ف راسه محد يسمع ف كلامي
روان : ماما بنقولك حاجة في
خديجة : روان راسي يوجع في مش ناقصة هم
روان : طلعت وكانت تبي تقول ل امها عن لبسه خاطرها فيها خشت لدارها قعمزت ع سرير محد
مهتم بيا انا ليش فتحت تليفون طلعلها تيم ف اشخاص قد تعرفهم بدا شيطان يوسوس ف راسها
بعتتله طلب صداقة وتشوف ف استورياته كان جسمه رياضي وينزل ف صور له وهيا عاد بدت تبعت ع الماسنجر هلا
تيم : فتح الماسنجر قبلها اهلين مع ايموجي يغمز
روان : شن جو
تيم : تمام وانتي
روان : تمام
تيم : نتعرفو عليك
روان : انت تعرفني
تيم : اووو من وين نعرفك نا ياحلوه
روان : نا روان اخت احمد ذكرتني
تيم : وشن تبي مني
روان : نبي نهدرز عليك
تيم : وشن اللي يتغير
روان : انجذبتلك
تيم : مش او سمعتي كلامي وقعدتي يومنا را دلعتك ودلعتيني
روان : الجايات اكثر
تيم : اممم وخوك لمفيك وين
روان : نندريش عليه
تيم : اح منك
روان : ههه
تيم : نحكو صوت عادي
روان : بيس ورقو للمكالمة
ثاني يوم
ليان : رهف انتي غلطتي
رهف : نادمه واللهي لكن خوك مايحسش بيا
ليان : رهف خلي الماضي للماضي انسي خلاص لا نا يحقلي نحب مجد ولا انتي يحقلك تحبي غيث لانهم
الاثنين مزالو عزاب لكن نحنا مرينا ب فترة زواج
رهف : يعني
ليان : يعني ياتردي ل احمد ياتطلقي وتنسي غيث
رهف : بس نا تزوجت غصب
ليان : يعني نا اللي كنت نحب مالك افهمي يارهف
رهف : وعلاش
ليان : مافيهش علاش
رهف : اوقات نقول ان مالك معاه حق ان ماحبكش
ليان : تمام كملتي كلام
رهف : عمرك ماهتحسي طبعا فكرتي ف خوك صح
ليان : غمضت عيونها بنفاذ صبر رهفف
رهف : شن رهف حرام عليكم حرام عليكم
ليان : خلاص بلا بكاء
رهف : حتى لبكاء
ليان : ابكي هك تريحي قوليلي
رهف : نا ماشية
ليان : اوكي
غيث : خير
رهف : خير
غيث : باتي برا يرجى فيك
رهف : عارفه
مرام : رهف ارجيني بنمشي معاك
سالمه : مرام بتسيبيني
مرام : ماما مش هك بس مرايفه على بابا
سالمه : تمام تمام عدي
مرام : بابا
بو ليان : حبيبة بابا
مرام : رايفت عليك
بو ليان : انا اكثر وين رهوفه باهي اللي قلتي جيبني عند ليان عشان تجيبلنا مرام معاك
رهف : بروحها جت
مرام : اها بروحي
بو ليان : الليلة عشا برا
مرام : حي ع الجو
رهف ابتسمت مجاملة
خديجة تحط ف الفطور
سعد : وين روان
خديجة : ف دارها
سعد : كنه راقيلك
خديجة : راسي يبي يطربق
سعد :نشيلك نعاينك
خديجة لا خذيت دواء
سعد : البنت كنها ماتجي تفطر
خديجة : مدرعن ساقطة
سعد : عيب يامرا الفاظك
تيم : صوتك ….
روان : ههه كلهم يقولولي صوتك ناعم
تيم : هو ناعم وبس تقول مش اخت احمد
روان : ههههه محلاك ومحلى كلامك
تيم : حتى انتي
روان : تيمو
تيم : عيونه
روان : عادي نطلب منك طلب
تيم : ياخي ع الادب اطلبي عيوني انتي
روان : نبي فلوس
تيم : باهي وين نتلاقو بيش نعطيهم لك
روان : توا نقولك
تيم : قولي
مالك : شاف صور بشرى مش عارف شن ندير
قوليلي ساعديني مش قادر ننساك ولا قادر نحب
حد غيرك ولا قادر نعيش من غيرها لانها تذكرني
فيك قوليلي يابشرى قوليلي شن ندير بس
رن جرس فتح الباب
سعد : توا كان عندي خو مراتك
مالك : شن يبي
سعد : رفعو دعوة طلاق
مالك : مانبيش نطلقها ياباتي
سعد : حتى نا قلتله هك بس معذور ياولدي راجل
مالك : شن معذور
سعد : راك ضارب اخته
مالك : مش قصدي هيا نرفزتني
سعد : تنرفزك تجي تقتلها
مالك : طبس راسه ع الارض
ليان : توتي ف روحها لجامعة طلعت من دار
مجد : صباح الخير
ليان : صباح نور
مجد : لجامعة
ليان : اي ف حاجة
مجد : نوصلك
ليان : نعرف نمشي بروحي
مجد : بلا حركات هيا نا واخذ تسنيم ف طريقي
ليان : به وصلنا جامعة
ودكتور نفخ راسي طلعت لقيت مالك انصدمت
هذا شن يدير هنا ….
مالك : حط يديه ع الحديد شافني ابتسم
ليان : قلبت وجهها جهة ثانية
مالك : احم احم ليش تهربي
ليان : مبتش ترد عليه
مجد : ليان
ليان : مجد
مالك : يتفرج وساكت
مجد : امشي ع سيارة
مالك : ايام ماتمشيش معاه
مجد : مش شورك انت
مالك : كيف مش شوري نا راجلها وشدني من يدي هيا ليان
مجد : ليان هيا معاي هذا ضربك وذلك
ليان : مجد منيش ماشيه معاك
مالك : ابتسم ب فرحة مد يده هيا حبيبتي
ليان : ولا انت نا مش ماشية مع حد سيبوني ف حالي وانت معش تطلع ف حياتي خلاص انساني
نا معش نبيك
مالك : ابتسامته تلاشت يعني
ليان : يعني خلاص نحنا انتهينا يامالك انت حطيت اخر نقطة ف حياتنا انت اللي نهيت كل شي كرهتك
وكرهت وجك وكرهت كل حاجة تخصك نا نكرهك
مالك : شدها من يدها هيا معاي ع الحوش
مجد : فوتها انت بيش تفهم
مالك : انت شن دخل دين امك وضربه بوني
ليان : تريحو
مجد : ردله ضربه
مالك : ضربه بوني ورا الاخر خلاه وجه مجد يلعب ف دم
ليان : يااااامن تعالو مجد مجد انت كويس
كان مجد كله دم …
مالك : يشوف ليان كيف خايفة على مجد
جو الامن ياخذو ف مالك مالك : ليان
ليان : امشي معش توريني وجهك مجد انت كويس
مجد : يشوفلها راسي يوجع فيا وداخ
ليان : مجد
مالك :
يتبع ………
لقراءة الجزء التالي : الجزء الرابع عشر من رواية حتي الممات
لقراءة الجزء السابق : الجزء الثاني عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
