وفي الجزء العشرون من رواية حتي الممات للكاتبة نور عبدالسلام يا تري من رأيك هل سيكون هناك مواقف شائكة مع ابطالنا تحتاج إلي التفيكر للخروج منها ام ستسير الأمور علي طبيعتها دون مشاكل ؟ كل هذا وأكثر سوف نعرفه سوياً في السطور التالية بإذن الله .
الجزء العشرون من رواية حتي الممات
مرام : اااا شن هذا حطت يديها ع عيونها
مراد : انتي شن اديري هنا وطلع يعيط حلا
حلا : شهقت هيييء عليش خشيت ع البنت
مراد : جيبيلي دبشي بعدين الفرخه هذي شن ادير عندنا
حلا : اسكت اسكت
مرام : دمعو عيونها
حلا : بتاخذ دبش لقت مرام تبكي
مرام : نبي نروح
حلا : مزال ماتغدينا لا شي وسعي بالك
مرام : لا نبي نروح مانبيش نقعد ف مكان مش مرغوب بي
حلا : فوتيه هو اصلا بيطلع خوي متخوخم خذت دبش
مراد : كان يصنت وحس بتأنيب ضمير شاف اخته
حلا هاك
مراد : خش لداره يلبس
مرام : طلعت مع حلا شافت مراد
مراد : انا اسف
مرام : ماردتش عليه ولحقت صحبتها
مراد : ريت الفرخه ومشا كمل طريقه يام تبي حاجة نا طالع
اثريا : سلامتك اوليدي
مراد : هيا سلام
ليان خزي ع تفكير مخمج منحط يحسابني طعم ساهل بالك ه الحقير تافه خزززي ركبت سيارتها
بطنها توجع فيها من معاملة امير لها نزلت لحوش
مرت بوها : خير كنك روحتي
ليان : حوش بوي نروح نطير ننزل مدخلكش
مرت بوها قليلة ادب
ليان خشت لدارها عزقت شنطتها ع سرير وعيطت ب غيظ حطت يديها ع جبينها وسحبت شعرها للخلف شن هذا دراه ف جامعة ودراه ف الحوش
امير حط يديه ورا راسه ع كرسي اللي يبرم بتاع المكتب ومبتسم كل مايفكر ف وجه ليان وهي معصبه رفع حواجبه مسك تليفونه وبعتلها مسج
ليان تغير ف دبشها وتعلق ف لبستها ف دولاب
سمعت صوت تليفونها مشت تشوف من من
لما تعصبي تزيدي تحلوي اكثر مانيش مسقطك
احضري بنشبع من شوفتك
ليان عزقت تليفون ع سرير وتعابير وجهها وخشمها
كلهن يدلن ع قرف واشمئزاز خصوصا هو عارف انها
متزوجة
رهف : حمودي
احمد : عيونه لحمودي قلبه لحمودي
رهف : خاطري ف طلعه لبحر
احمد : بس
رهف : بس
احمد : انتي تأمريني مسك يدها باسها
رهف : ربي يخليك لي حبيبي
احمد : ولي ياقلبي هيا وتي روحك نطلعو
رهف : هيا هيا وطلعت تجري تلبس
احمد : هيا واتيه
رهف : هيا
ولع سيارة وطلعو مولع اغنية انت حبيبي الوفي
رهف : غير حط ع شاكوش
احمد : هههه ديري جوك
رهف : حطت ع شاكوش
احمد نزل يجيب ف لحم ودلاع وحاجات هك
رهف : امممم ريحة البحر
احمد : نعومو
رهف : خاطري بس خايفة نغرق
احمد نحا الكت اللي هو لابسه مسك يدها هيا
رهف خايفة نغرق
احمد نا معاك هيا وخش بيها
رهف كل شوي تشبط فيه مرة من عند رقبته وهك
احمد : تريحي را نديرو العيب هنا
رهف : هيا نطلعو
احمد : تمام حبيبي هيا وهما ماشين مسكو ف يدين بعض وصلو عند شط لقط كت بتاعه كان عند رمله
خذا ومشا بيها لشاليه
اسيل : حرجانه
وردة : تستاهل عقرب
اسيل : خسارة فيها هذك لزويل اصلا
وردة : اي والله عليك زويل فكينا من سيرتهم ادره كبد شخبار هل دارك انتي
اسيل : اخبار عدوك ياحنه وبدن يقرمن ف هل دارهن حماوتهن وسلفات ويدعن عليهم بالمرض
والموت
امهن : كنه راجلك يااسيل ستر لا يتغدى لا يتعشى عندنا
اسيل : ميبيش يثقل عليكم
امهم : اممممم باهي
اسيل :
ليان : طلعت ف الحاجر قعمزت ع طاوله تحت شجرة العنب او العريشه قعمزت وتاكل ف مشماش
خشت مرام خيرررر
ليان : خير وين كنتي ياحنه
مرام : عند صاحبتي دارت غداء يسهف انتو شن تغديتو
ليان : رز معجن
مرام : والله حرام نعمه مرت بوك لمرطازه هذ
ليان : اهو شن تقولي الله غالب
مرام : نديرلك حاجة تاكليها
ليان : لا درت سندوتش مربى اصلا
مرام : حاسبه حسابك
ليان : يب
مرام : نمشي نغير ونجي
ليان : تمام
مالك : خالي
خاله : اهلا اهلا
مالك : خش خش
خاله : وين يالغليض رايح طول وعرض
مالك : ضحك يااامي ياامي
خديجة : كنك ياولد حييي حامد
حامد : حي فرحانه ولا منفجعه ماتبيني
خديجة : شن كلام هذا مرحبا مرحبا ياغالي انستنا حوش حوشك خش خش وقعمزو ف لجنان
حامد : وين احمد
خديجة : طالع ب رفيقته للبحر
حامد : وانت وين رفيقتك
خديجة : ناوي يطلق
حامد : وعليش والله ماصدقنا رديت ع يديها مالك بتاع زمان
مالك : حك لحيته دام خشينا ف مواضيع هذين نسيبكم اخ واخته
خديجة : هههه ريت كيف هرب
حامد : شخبارك انتي ياخيتي وشخبار سعد
خديجة : سعد ماتسألني عليه له فترة يختفي واجد
حامد : ربي يهديه ان شاء الله
خديجة : مشكلة كله يرد على العيال
حامد : ان شاء الله ربي يهديه
روان : خالو
حامد : اهلا بالأموره
روان : شخبارك شخبار البنات
حامد : الحمدلله
روان : كنهن ما جن معاك
حامد : مرة ثانية ان شاء الله
خديجة : فزي ديريلنا قهوة
روان : شيرت ع عيونها ومشت
ليان : تعرفي تعبانه بكل نبي نسيب
مرام : طاح سعدك خلاص انتي اخر سنة بتسيبي
ليان : نفس ماقتلك دكتور اللي علينا دراه حاطني ف راسه
مرام : نتيجتك بكرة تطلع صح
ليان : خايفة
مرام : عليش تخافي انتي تقري واجد واعتقد مدخلكش ب مشاكلكم لو لقاك مجاوبه يعطيك
درجتك
عند الرهاح كانو قدام شط تحت شماسيه
احمد ظهري يحك في
رهف حطت يدها جوا تيشرت احمد يعني من ظهره وتحك ف ظهره
احمد اللي يحب صح يحك لحبيبه ظهره
رهف هههه ناس تشوفلنا اكيد يقولو ه المهابيل
احمد نا لما نعوم جسمي كله يبقى يحك في
رهف ضحكت ماهو حشاك البحر يعومو فيه لصغار وفهمك كفايه
احمد لاعععع
رهف اول مرة تعرفها
احمد الله يلعن شكلك
رهف هههه
احمد قرفتيني ونا نقول كني
رهف عادي البحر كله هك يعني بتقضي عمرك ماتعومش
احمد الدلاعه كانت محطوطه ف البحر عند شط عشان تصقع لكن خذاها الموج
رهف ههههههه
في الليل روحو
احمد : نتكو على هلي روان خاطرها ف شواية عقبتلها بنعطيها لها
رهف : امم باه وسندت راسها ع كتف احمد ورقدت
احمد : ابتسم وصل عند حوش رهف رهف لا رد
حط راسها ع الكرسي ونزل خش الحوش هله
خديجة : احمد
احمد : الغاليه مزلتي واعيه ياسلطانه
خديجة : وين توا روحت
احمد : اه
خديجة : شنو هذا
احمد : شوايات
خديجة : سلمت ع خالك
احمد : خالي هنا
خديجة : ااا في مربوعة كيف مشفتش
احمد : لا هاكي عاطي هذي لروان ونمشي نسلم
احمد : خال
حامد: ابنخي شخبار
احمد : تمام والله ياخال شخبارك انت انستنا وين الغيبة
حامد والله مفروض من يسأل ع من
احمد والله مشاغل ياخال
حامد باهي باهي
احمد هلي ف سيارة بيرقدو بكرة من صبح نفطر معاك
حامد حوش اختي قبل مايقعد حوشك مانبي وجك
احمد ههههه اوكي وطلع
ثاني يوم ليان خشت وسط زحمة كانن عرم بنات
وشباب واقفين يشوفو نتيجة ليان تدعي يارب نكون
ناجحه وشافت نسبتها كانت 79 بعدها مادة دكتور
امير لقتها 50 معقول نا جاوبت معقول ومعش قدرت تحمل مشتله لقاته نفس الوضعيه مقعمز
ع كرسي اللي يدور ومطبق يديه ورا راسه وشكله
يرجى فيها ابتسم لين تجاعيد جنب فمه بانو
ليان : لو تعرف علاش ادير هكي تي القسم مليان بنات عازبات ويتمنن نظرة منك ايش نا واخرى
حاطلي 50 حرام عليك را هذا ظلم وربي مايرضى بالظلم
امير ابتسم زيادة ليستفزها : نحبك …
جي بين عيونها مالك
تخيلت وكأنه تطعن فيه حست روحها خاينه
امير : يشوفلها يرجى ف رد فعلها
امير : اسمعي لو جاية تقولي بنسيب وعشاني نا ماتسيبيش مااديريش حاجة غصبا عنك عشان
حد اخرى حتى لو كان نا
ليان : طلعت وسيباته
امير : اه منك والله مانك فالته من يدي
بدا سمستر جديد
هو خش وهنا انصدمت ليان عرفت انه قاعد وراها وراها لين تسيب دراستها لكن هتفرط ب مستقبلها
ع خاطره فكرت ب حاجة وحده انه معش تغلط فيه
وتحاول تسايره عشان تطلع من جامعة
امير روح لشقته لقا امه امي شن اديري هنا كيف خشيتي
عليا نسخت مفتاحك يومتا بعدين متبينيش
امير حشا ياامي انتي الخير والبركة ياحنونه حوشك قبل مايكون حوشي
عليا تروح معانا لحوش بوك كبر واختك تبي راجل يقشطها
امير ياامي عرفتني مانتحمل شي فيها ومانبيش نعصب عليها
عليا تعصب عشان تحافظ عليها خير
امير حاضر يمي شن تبي ثاني
عليا توا تروح معاي
امير ابتسم تمام وبدا يطلع ف دبشه
غيث : خش لشقه ينادي اسيل اسيل
اسيل : نعم حبيبي
غيث : شن رقم اللي يرن عليا هذا
اسيل : خدمة توصيل عطيتهم رقمك ولا تبيني نا نحكي معاهم
غيث : انتي اصلا كيف تطلبي من دون علمي مش في حمار تسأليه عنده فلوس ولالا
اسيل : اسفه يحمار وين طلبيه باه
غيث : ضربها كف نا حمار اللي جوزت وحده كيفك لمي دبشك وهيا لحوش
اسيل : منصدمه
ليان اوف اوف اخرى يعطي عليا
مرام عليك حظ حظك من داعي عليك
ليان مالك اكيد هو داعي علي
مرام الحق ياريت تردو لبعضكم ودام ماطل ف المحكمة معناها مزال رايدك ردو لبعضكم
ليان فنصت فيها مرام معش تفتحي موضوع هذا ابدا
مرام انتي بروحك تحبيه على من تضحكي
ليان حول الله ومشت وسيبتها
في الليل قاعده ف دارها تكتب ع لاب وشدت البيرو وتكتب في الورقة لحد مانعست صكرت لاب وصبت
حطت يدها ع رقبتها من جهة اليمين بعدين حست
بالحمو فتحت روشن وحطت يديها ع بعض تشوف
للمنظر لا حظت غيث مقعمز ع درجيحه اللي ف جنان نزلت غيث
غيث : رفع راسه
ليان : غريبه مش من عوايدك تجي ف الوقت هذ
غيث : تعاركت مع اسيل
ليان : منبيش ندخل ف نهاية خصوصية نحترمك لو متبيش تحكي بس متضايقش روحك مافي شي يستاهل
غيث : ابتسم والله هديتيني شوي من لما ضربتها ونا مضايق
ليان : هييي قصدك ضربتها لا يغيث غلطان
غيث: استفزتني مش عارفة انتي هي شن دارت
ليان : مهما كان ترضى حد يمد يده علينا تذكر اللي صار معايا انت شن درت
غيث : طبس راسه
ليان : ليش ضربتها حتى لو خانتك يقولك اهجرها لكن مش تمد يدك ع مرا
غيث : طلبت حاجة ونا مش معاي فلوس وتوصيل يرن علي وتقولي حمار
ليان : كنت طلبت مني ماانت ديما تعطي فينا وبنسبة لحمار هذا اسلوبها مش جديد عليك
غيث : تحشمت
ليان : صراحه انت غلطان من ساسك لراسك نا ه المرة مع اسيل مع اني منحبهش لكن اللي منرضاش ف روحي مانرضاه لبنات ناس
غيث : يعني نصالحها
ليان : جيبلها باقة ورد وشوكولاطة واعتذر منها نحنا عبيطات ينضحك علينا حتى ب كلمتين لكن من باب ذوق ورد وشوكولاطة
غيث : تمام ياذوق هيا تصبحي ع خير
ليان : بات هنا
غيث : لا مش وقت مرت بوك
ليان : هههه باه ومشت خشت وغيث عدا
ثاني يوم
مالك : صباح الخير وقدم باس راس امه
خديجة : الله يربحك
مالك : وين الحاج
خديجة : طلعو هو وخالك يتمشو
مالك : خذا فنجان قهوة يشرب
سعد يمشي وحاط يدي ورا ظهره
حامد لعند امتى ياسعد حالك هذا عيالك كبرو ب صباياهم وقريب تبقى جد
سعد عن اي حال تحكي
حامد سعد عارف كويس ع شن نحكي ابعد ع طريق هذا
سعد والله لولا ه طريق لا اختك ولا هلك ولا انت قدرتو تعيشو ولا ه دبش اللي لابسه ولا لعيال اللي تحكي عليهم اجوزو اصلا
حامد را كبرنا نحنا ع الخبر
سعد ونا نفكر نسيب ه طريق
حامد كويس الحمدلله خلاص يعني تبيع كل شي
سعد لا وين بنزيد الا زيادة
حامد وكيف ماتبي تسيب
سعد نسيب انا لكن يستلم جيل اللي بعدي
مالك سلام ياشباب
حامد يشوفله شن يقصد
سعد ريت جيل اللي بعدنا كله حيويه عندي مالك هذا عقله يوزن ذهب
مالك الله يسلمك ياحاج
حامد يشوف ب خوف
مالك : نا طالع تبو حاجة
سعد : سلامتك نبوك طيب الفترة اللي جاية محتاجك
مالك : تمام مشا بيركب سيارته رن تليفونه الو
عماد : وين يابرو حاسبك ف وجبة غداء
مالك : او فتحت المطعم
عماد : يس
مالك : تم ربع ساعة وجايك
ليان : شن هذا
امير : ماعجبنيش
ليان : سهرت الليل كله ونا ندير فيه
امير : موخوذ من النت ولالا
ليان : لكن كتبت
امير : شن ينفع مافيش جديد
ليان : باهي درجة تعبي ع الاقل
امير : عاودي واكتبي واحد جديد
ليان : نا مش فاضية
امير : لكن فاضية لراجلك بحوشك افضي ل اقرايتك
ليان : انت شن مشكلتك ليش بس
امير : تعاودي واديري واحد من راسك وفكرة تعجبني تاخذي درجتك اما انتي ماعنديش مشكلة
مجرد طالبة ولا ف عقلك حاجة اخرى
مرام: اوف كان قتيلي مروحين مع خوك را كلمت بابا
حلا : خلاص متزوديهاش والله مراد طيب
مرام : بكل
مراد : هوي هيا
ركبت مرام من الخلف وحلا من قدام
ومرة مرة مراد يسرق ف نظر مرام لاحظت شي
هذا نزلت راسها للوطا متبيش تبان فانص وزعلانه
منه ف نفس الوقت
حلا : رودي رودي شوف جولاطي راجل يبيع ف جولاطي الله نبي نبي
مراد : تمام معش تقولي رودي
حلا : تمام هيا وراسك
مراد : باه نزل وجاب اثنين بس
حلا : خذت تحساب ان مراد ميبيش وجاب اثنين واحد ل مرام ولها هيا لكن مراد حاسب حساب اخرى
مراد : يلحس ف جولاطي الله
حلا : انصدمت مراد وين حصة مرام
مراد : من مرام
حلا : صاحبتي راكبه معانا
مراد : ماشفتهش
حلا : جيبلها باه
مراد : كملن فلوسي هاك بتاعي
مرام : منزله راسها لوطه منبيش
مراد : على كيفك ويلحس
حلا : سامحينا يامرام من جدك يامراد وجهها انحمر
مراد : توا نجيبلها
مرام بصوت باكي :منبيش منبيش
انصدمو انها تبكي
مالك : غلاي لمطرطش
عماد : نورت طيري طلبتلك برجر من عينه ومعاه مشروب
مالك دار حركة جوع بيديه كأنه يصفق مشا قعمز ياكل وقرب منه المصور بتاع الافتتاح يصور
مالك راقيله مقدرش ياكل ولا يشرب من تصوير
واقفه قدام مكتبه…
امير ابتسم ع جنب نورتينا
ليان تشوفله بحقد ..
امير : متبيش تتكلمي تمام طلع صورة حطها ع طاوله
ليان : انصدمت وترعش
امير يراقب ف ردة فعلها قال مالك سعد ال
وفتح درج طلع منه مسدس وهو يشوفلها
ضيق عيونه تحبي نقولك هو وين توا !؟
غيث خش بالورد وشوكولاطة لكن محسبش حساب اللي شافه اللي شافه مرته واقفه تضحك مع ولد عمتها ويلمس فيها ف جنان حوشهم ومحاوطها
وهيا لاصقه ع ساس وتضحك معاه ب صوت عالي
غيث :
رهف : قاعده اليوم ماعندها شي قررت اضم حوشها
اول شي بدت فيه دار نوم وهيا ضم ف دولاب احمد
لقت كيس نايلون اسود هذا شن بدت تفك ف ربطة ويطلع فيه حشيش وبودره عيونها توسعو من صدمة
يتبع …………
لقراءة الجزء التالي : الجزء الحادي والعشرون من رواية حتي الممات
لقراءة الجزء السابق : الجزء التاسع عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
