وفي الجزء الخامس عشر من رواية خط احمر يا تري هل سيحدث مواقف جميلة مع ابطال الرواية ام حزينة ؟ دعونا نعرف ذلك في السطور التالية بإذن الله مع الكاتبة الموهوبة ميشو محمد .
الجزء الخامس عشر من رواية خط احمر
رناد: سكراان كلعاده
علي تلوح ع السرير ويضحك
ادريس خش
رناد لبسة برنوص التوته: شن المهززله هادي زريبه هي تخشو وتطلعو
ادريس:: ضمي فمممككك لنخربه
ادريس قام عمه علي وطلعه للمربوعه
رناد تنهدت طلعت تجهز الغدي
حناها طلعت تصلي ف غرفتها
رناد تجهزف الغدي
ادريس خش وصكر المطبخ: محمود طلع من سجن الاسبوع لفاتت
رناد بدون ماتتلفت الكلمه نزلت علها ز السمم تلفتت وعدلت البرنوص ع راسها:اي وكان طلع؟!
ادريس: اني قتلك تعالي اطلعي معاي نغيرلك جوك وتعيشي احسن من هني ز الشغاله بس توا خلاص محمود طلع واليوم دار عركه مع جدي وقاله انه لازم يرجع الفلوس او ترجعيله
رناد رجفت:مستحيل جدي مستحيل يرجعني تاني لـ محمود
ادريس: خلاص تو انتي لـ رح تترجيني نقبل بيك واني طبعا لو خديتك توا رح تصير مشاكل بيني وبين محمود فا…قاطعاته
رناد بصوت عالي:اطلع اططلللللللعععع
ادريس طلع بسرعه
رناد قعمزت ع الارض تبكي:ياربي شن هداااا
خش جدها للمطبخ:خيرك تصرخي شن في
رناد وقفت مسحت دموعها:اني بنت ولدك هكي تلوح فيا وين ضميرك انتتت
جدها:الزواج ستره ومتنسيش انك مطللقه
رناد تبكي:بس اني مانبيشي لا بلله ياجدي ماتردني ليه بلله عليك …وقعدت تترجى ف جدها
جدها دفها بلعكوز بقوة: مطلقه ماعندي ماندير بوجهك هني..وطلع
رناد انهارت تبكي وتندب
_________
.
.
غزل فاقت من نومها الظهر 
ايهاب كيف خش وف ايده غدي من المطعم:توا فايقه طيب فيك
غزل قامت شعرها وللحمام غسلت وجها وطلعت: حبيبي
ايهاب:هممم
غزل قعمزت جنبه: بما انه نسيم نخطبت وامك رح تقعد بروحها واني ماليييت بروحي شن رايك نسكنو عندهم
ايهاب: مع امي ف نفس الحوش؟!
غزل:اي
ايهاب:بايخه وحني قعدين جدد 
خلي لنعد مايتحدد عرس نسيم ونجيبها هني او حني نمشو عندها
غزل فرحت:اااي 
تغدو وطلعو لـ حوش اهل ايهاب بحكم اليله بيان نسيم 
ف السيارة
ايهاب:اني مدورينيش بنمشي نشوف فادي شن صار فيه
غزل:امم تمام
وصلو ونزلت
__________
.
.عند فادي كان ف الغرفة بروحه وجابوله غداه بس ايده اليمين مكسوره تحشم ياكل بليسار:شكرا ري يعاونك بس معنديش نية
الممرض يوزع ف الاكل خدي الغدي وطلع
فرح رجعت وف ايدها الغدي: علاش رجعته ااه
المظرضة خشت
فادي: دكتورة مافيش بنت جت هني؟! شافتني او اطمنت عليا؟!
فرح:امم منعرفش
الممرضة:في بنت ضعيفه وطويله جتني ومضايقه
فادي ابتسم:وينها امتى جت؟!
الممرضة: جت شفاتك بس مخشتش عطتني ورقه وخاتم
ايهاب خش:السلام عليكم
فادي نصدم: الخاتم كيف شكله دبله؟!
الممرضة:هدا لخدي مني الورقه والخاتم..واشرت ع ايهاب
ايهاب: شنو
فادي: فسخت صح؟!
ايهاب: فوتها
فادي بصوت عالي شوية:تكلم قولها فسخت عطاتك الدبله؟!
ايهاب تعصب:اي عطتني دبلتها لم عرفتني خوك فرخه منافقه
فادي تنهد
فرح: ري يعوضك بـ الاحسن منها
فادي: اطلعي دكتوره
فرح:حاظر…وطلعت
وطلعوو
ايهاب:البنت واضح علها متع مظاهر
فادي: تمللح فوتها هدا لبيسمع كلام امه هادي امي اختارتها المهم نبيك تمشي لـ باسم للمركز
وتفاهم مع ايهاب ايهاب طلع
فرح خش: انت متغديتش صح
فادي: معنديش نيه مدوريش
فرح طلعت ورجعت خشت وف ايدها غدي
فادي ضحك بهدؤ
فرح: بتاكل عشان عظامك تتقوى ووللعلم هدا غدي يعني طبخ حوش مش متع مستشفى
فادي: بتعطيني غداك؟!
فرح:اي وين المشكله لو انت ف مكاني مش رح ادير هكي
فادي: اي اكيد بس..قطعاته
فرح روحها حلوة:بطل كلام وكول
فادي ضحك وكلي
تررررن تررن
فرح:الوو ماما….شن صارلها….تمام جايه جايه….وصكرت الخط
فادي:خير؟!
فرح: انت كول صحتين اني بنطلع ضروري…وطلعت
____________
.
.
باسم حاول يدور ع حد من اقارب يقين بس مافيي حدد مشي للمصح وكانو مطلعين المرضى برا كلهم خش داخل بس كان غرفة يقين مصكره
باسم وقف بيفتح الباب
يقين تبكي: اني مقتلتش امممي صدددقني اني ليلتها كنت ف غرفتي لم طلعت من غرفتي لقيت خوك قاتله صدقني خوكك
المدير:امك لو دارت لطلبه منها خوي عثمان راه ماقتلها توا عشان خوي الصغير مايدمر ف السجن بنحطوك انتي مكانه
باسم فتح الباب: مشالله مشالله هدا وين ظهرت ع حقيقتك
المدير:انت فاهم غلط هي مجنونه واني…قاطعه
باسم ببوني ع وجها: كل شي تقدر تقوله ف المحكمه
يقين ترجفف
باسم اتصل بـ الشرطه اعتقلو المدير ومشو لحوش اعتقلو عثمان زوج ام يقين
باسم يهدي فها:اهدددي
يبين تبكي بحرقه مش عشان خايفه بس عشان انها ارتاحت واخيرااا شدو قاتل امها تبكي بحرقه ع امها لنقتلت بـ سبب زوج امها
يقين بدون مبالاه حضنت باسم وتبكي
باسم عطول اذكر مرته قعد منزل ايديه
يقين بعدت وهي تبكي:شكراا ع كل شي تعبك وسهرك وتواصلك معاي وطولت بالك شكرا باسم
باسم بجديه: بدون مبالغه اني مدرت شي هادي خدمتي
يقين قربت من دولابها فتحاته طلعت صندوق وطلعت منه ساعه رجاليه: هادي ساعة بابا عادي لو نهديهالك تقبلها مني؟! اذكر انك ساعدت مريضه نفسيا
باسم: بطلي انتي مش مريضه…قطعاته
يقين بترجي: بليزز بليز بليز بليز اقبلها رجاءا
باسم خداها شافها: انيقه 
يقين ابتسمت:شكرررا
باسم:خلاص سمعنا، اي نسيت نقولك بما انك طلعتي بريئه تواصلنا مع عمامك رح يجو ياخدوك
يقين تعصبت بصوت مصدومه وتأتأ:ااا انت شششن لتققول فييه عم عمام ششنو لـ تواصلت معاهمم تي ملوحه ف مستتتتشفى المجانين شهههور وجاي تقول بكل بساطه عمااامك
باسم:اني اكثر من مره نقولك اهدي عشان معاش تتوتري وتبدي اتأتأي
يقين: م م ن ب ش
باسم:كيف نتصرف وين نحطك؟! تعرفي حدد
يقين:احبسني عندك مانبيش نقعد عند حدد
طقطق وخش عمها وكان محترم: السلام عليكم
باسم وقف:وعليكم السلام انت عماد صح؟!
عماد:اي عمها الكبير
باسم: جهزولها اغراضها بس هي خايفه منك البنت امانه متنساش
عماد:بتوصيني ع بنت خوي ولو
بـ اختصار وصاه باسم علها عشان تطمن يقين وخداها بس مع هدا لحقهم يشوف حوشهم لانه من مسؤوليته لو صار ليقين شي هو لـ سلمها لـ عمامها
ووصلو كان حوش عادي جدا ع دورين نزلو خشو و يقين تشوف ف الساعه الذكيه لـ عطهالها باسم عشان تتواصل معاه لو صار شي
باسم بعتلها رسالة ( الساعه لعندك تخلها معاك تمام مش كان قصة التحقيق تمت يعني انتهي كل شي اني مش رح نسيبك لعند مانعرف انك بـ امان)
خشت يقين الحلوة
بنت عم يقين م 1994: ماما شن جايبنها هادي اليوم احمد بيجيب اهله
وبنات عمها الاربعه كانو لاشكل خارجي ولا داخلي ولا اخلاق ولا ربايه 
امها: بوووك هدا بيجلطني
البنت الصغيره فيهم م 1997:حي بابا مش مجرمة وجنت هادي
يقين وتكنهم يتكلمو ومش حاسين اني مخلوقه من دم وعندي مشاعر
عماد: خشي لغرفة وصال
وصال الصغيرة:نعممم مستحيل بابا شن تقول انت
بااختصار صارت عركه لسمي عشان يقين وعيلة رضو بـ الامر الواقع
يقين ف غرفة وصال لـ كانت متعصبه
وصال بحقد وطبعاا الكره بنات العم لـ يقين كله عشان هي احلا منهم وافظل منهم ويعرفوها كويس خليفين ع رواحهم
وصال بحقد شافتلها: انتي شوفيلي دولابي وزيانتي وكل شي حتى سرير متلمسيهمش فاهمه يانجاسه لو نشوفك يوم مقعمزه ع سريري نخرب وجهك
يقين كانت اصغر منهم كلهم :وصال اسفه…قاطعها
:وصال اسفه…قاطعهاوصال:ضممممي فمككك بابا مهناش متخلينيش نلعب بشعرك توا
يقين خافت قعدت وقفه ز المسبوهة
وصال لبسة سماعاتها وتتكلم مع الفاسد متعها: رمزي خلاص
رمزي: ليا شهور معاك نبي نقابلك نبي نشوفكك النمم كيف نخطبك بدون مانشوفك
وصال:اني رح نوصفلك روحي بس منقدرش نطلع
رمزي:دسكت انك بيضة وعيونك خظر حفظتها نبي نشوفك قدامي
وصال كملت هدرزه
خشت فرح البنت الوسطيه: اهلين يقين
يقين تلفتت: اهلين
فرح:خيرك واقفه وقعده بملابسك قعمزي
وصال: وين بتقعمز؟! ف غرفتي منبيهاش تبها خودها
فرح:وصااال بلا قلة ربايه
وطبعاا فرح ويقين هما الاحلا وفيهم من بعض شويه فرح بيضا عكس خواتها وجسمها حلو
فرح ابتسمت:تعالي معاي جيبي شنطك
يقين طلعت معاها وخشت لغرفتها ابتسمت لـ زوز تؤام ع السرير صغيرين عمرهم ثلاثه شهور بنت وولد يهبلوو 
يقين ابتسمت: هادم صغارك
فرح:اي ميرال وجاد
يقين قعدت واقفه تشوفلهم من بعيد
فرح قامت شعرها وقعمزت ع السرير تشوف ف صغارها لـ يناغو بطريقه : قربي قعمزي ع السرير شوفيهم
: قربي قعمزي ع السرير شوفيهميقين قعمزت ع السرير لمست خد جاد: ربي يحفظهم
فرح: انتي حاظره لم ترملت وله؟!
يقين: اي
فرح شافت صغارها: اي وقتها كانت حامل ف الشهر الاول يعني مر ع وفات بوهم سنه
يقين: ربي يعوضك وتكوني سند ليهم الام ولاب 
فرح ابتسم: محلاك ومحلا كلامك
يقين ابتسمت
___________
#بعد_مرور_شهر
وطبعاا ف الشهر هدا اسكندر سافر ومحبش يضايق رسل اكثر
رسل فرحانه بـ سامر
ورناد لـ قعده محبوسه ورفضت توافق ع محمود بس الثمن كان هو تفطر طريحه تتعشى طريحه رقدوها ف لمستشفى ادهورت حالتها
وغزل مفرقتش اختها
رناد نزلت بوست عليه دعاء الشفاء وفرج الحال تواصل معاها هشام (لاباس عليك)
رناد ف المستشفى( اهلين شكرا مايوريك باس)
هشام بعتلها فويس كانو لمى ووسام يقولولها استاحشوها وترجعلهم ويترجو فها
رناد بعتلله رسالة لانه صوتها تاعب:معاش نقدر استاحشتهم حتني هلبااا
هشام اتصل:ايوواه
رناد بصوت تاعب وتحاول تصبغه بلقوة:اهلين
هشام:كيف الحال اتصلت بيك بما انك فاتحه يبو يكلموك
رناد:اي تمام اعطيني نكلمهم
هشام:خيره صوتك شن الدوشة لجنبك مشغوله؟!
رناد: لا شي مريضه شوية ف المستشفى
هشام:شن مرضك؟! في شي خطير
رناد: لا العشيه طالعه مافي شي
هشام: اوكي
لمى:مس رنادد
رناد:ياعمري انتي استاحشتك اني
لمى:حتني هلبااا تعالي زورينا
رناد:انتي تعالي زوريني شن رايك
لمى: حقه
وسام:حتني
رناد ضحكت: اي حتى انت
لمى مدت الهاتف لـ هشام
هشام: تبيني نجيبهملك ف المستشفى القردة الزوز
رناد خنقتها العبره:لا قوللهم انه اني بعيده منقدرش نشوف حد
هشام قرن حواجبه وطلع من الميتم: شن صاير اني زميلك احكيلي لو تبي
رناد بدت تبكي: لو مانحكي رح نطربق بننفجرر
هشام: ادووي شن فيي؟!
رناد: بلا ماننفخلك راسك اني بنصكر جتني الدكتورة
هشام سكتت
رناد صكرت وتبكي لعند رقدت
_________
غزل انتقلت لـ حوش ام ايهاب وانسجمو مع بعض بس دارو انه ايهاب يسكن فوق وامه ونسيم لوطى
__________
.
فادي نعجب بـ فرح وطبعاا هو صح رجليه ميقدرش يمشي عليهم بس يقدر يوقف ويتحرك بس رجليه يتعبو فا قعد معتمد ع الكرسي المتحرك ويراجع عند فرح تعرف علها اكثر وهي كانت صديقه لـ مرضاها كانت كمية ف الاخلاق والذوق
فادي خش لحجرتها: السلام عليكم
فرح.: اهلين
وبعد فحص لـ رجليه وهكي
فرح بعدت: اوقف يافادي
فادي وقف
فرح: امشي بشوية عليك
فادي حس بنمل يركب ع رجليه بس تقوى ومشي خطوة بس مقدرش كان بيطيح بس شداته فرح من مرفقه فادي شد ايدها
فرح قعد شاده مرفقه: امشي اهو شداتك امشي اسمعي انت رجليك خلاص قربت تتخلا ع الكرسي اعتبر انك كنت مقعمز لفترة طويله ورجليك رقدو نفس الشي توا هي امشي
لـ دراته فرح عكس لدراته خطيبته هي لوقفت معاه ووقفاته ع رجليه وكانت صديقه ليه عكس خطيبته واليوم شاده مرفقه وتساعد فيه يمشي وفادي قلبه 
فادي مشي مشي ووقف فك ايد فرح ومشي خطوة وتنين وتلاته بروحه وتلفتت متحشم ومبتسم
فرح ضحكت: خليك مداوم ع المشي وع الحجامه ز ماقتلك تمام
فادي قرب قعمز ع الكرسي المتحرك: ربي يحفظك لـ اهلك وقفتك معاي مش رح ننساها
فرح ابتسمت وز كل مرة قتله: اني لندير فيه يفرح هلبااا ناس يعني ز فرحتك وفرحت خوك وامك وعيلتك ونفس الشي اني نفرح لم نشوف مرضاي متحسنين ويقولولي كلمه طيبه بس
فادي ابتسم: اكيد بارك الله فيك
الممرضة خشت: دكتورة صاحب العملية فاق ممكن تجي معاي
فرح: عن اذنك لحظه ونجي… وطلعت
تررررن تررررن
فادي ايده ع قلبه: اح ياقلبي … وقرب من هاتف فرح ليشرين هو قامه بس صكر الخط وشاف الخلفيه صغارها وكاتبه تحت الخلفيه صورة ولادها اللهم احفظ لـ اطفالي من كل شر يارب
… وقرب من هاتف فرح ليشرين هو قامه بس صكر الخط وشاف الخلفيه صغارها وكاتبه تحت الخلفيه صورة ولادها اللهم احفظ لـ اطفالي من كل شر يارب فادي نصدم.: متزوجه اني كنت حابب ونفكر ونسهر وواخده عقلي وحده متزوجه فادي اصحى هادي حرام حتى تفكر فيها وهي ع دمت غيرك
اني كنت حابب ونفكر ونسهر وواخده عقلي وحده متزوجه فادي اصحى هادي حرام حتى تفكر فيها وهي ع دمت غيركفرح خشت
فادي عطيها بظهره: متزوجه معقولا
فرح 
: ارملة يافادي
: ارملة يافادييتبع ……….
لقراءة الجزء التالي : الجزء السادس عشر من رواية خط احمر
لقراءة الجزء السابق : الجزء الرابع عشر من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
