وفي الجزء السادس من رواية إدمان يا تري هل سنري أحداث مشوقة ستحدث مع ابطال الرواية ام لا ؟ كل هذا وأكثر سوف نعرفه سوياً في السطور التالية بإذن الله .
الجزء السادس من رواية إدمان
____________«زهره الشيخ»______________
مالك انا قلت مافيش طلعه وكلامي واضححح
رغد اضايقت منه كيف يعيط عليا قدام العيله كلها شبحت فيه مليح ونضت مشيت لغرفتي
خالد تكنطى بس ماسك اعصابه
طلع مالك من البيت بكل قعد يدخن ف الجنان
كريم طلع ورا مالك
مالك اول ماشاف بوه لوح الدخان
كريم نبي نعرف انت ليش حاط راسك وراس اختك بس
مالك اول شي هدي مش اختيي تاني شي احنا ماعندنا بناات هكييي
كريم به مش معتبرها اختك لييش تغار عليها نبي نفهم
مالك سرح شوي ..مش عارف بوي
كريم من حركات مالك ل رغد عرف انه مالك في عنده مشاعر تجاه رغد … اسمعني الي في راسك طلعه لانه رغدد اختك
مالك مش اختي
كريم بصوت عالي مااالك … ردد بالك رد بالك الي في راسك طلعه بلاش عار
مالك فهم انه بوه فاهم كل شي ..نحاول نتقبلها كاخت ليا ومشى
كريم …
.
.
____________«زهره الشيخ»______________
طه وين الفيلا يام تدكري فها
منى اي لالالا
عرف انه امه تعرف كل شيي بس في شي خايفه منه
طه امي من شنو خايفه احكي
منى ماحكتش
طه احكي يام
منى قعدت ع السرير وحطت ايدها ع راسها ..كلل ه السنين ونا نشوف فيها كيف تكبر وتحلا قدام اعيوني وماقدرتش اني نضمها لصدري ونقوللها اني انا امك 19 سنه ونا نعاني ونا محرومه من ريحتها
طه بصدمه انتي تعرفي وينها يعني ..ونا طول ه السنين عايش وحيد لا اخ نسند عليه ولا اخت نهتم بها وتحن عليا
منى
مع الساعه 10 اليل بدا المطر ينزل بقوه
مالك مكسد البرا مع اصحابه روح للبيت وكانو كل ملابسه مبلوله ع طول حس ببرده خفيفه خش للمطبخ يدير ف قهوه عشان يدفي روحه
ع نزلته رغد
خشيت اول ماريت مالك بديت نرجع بخطوات كلها خوف منه بنطلع شفت ملابسه كيف مبلوله ..مشيتله بسرعه
مالك تفاجاء لما راني
رغد بدل دبشك لا تمرض
مالك عجبه اهتمام رغد بيه .. حاضر وبتسملها ثواني وذكر كلام بوه وبعد عنها بخطوتين
رغد مانتبهت عليه وبدت ديرله ف القهوه
مالك نا بنمشي لغرفتي تمام
رغد تمام شوي وجايا
طلع مالك بسرعه لغرفته نحى دبشه ولبس شرت وقعد ع سريره يجفف ف شعره
رغد للحظه نسيت كل مشكله صارت بينا خديت … كاسة القهوه ومشيت ع غرفته عشان نعطيه كاسة القهوه. خبط ع الباب
مالك تفضلي
رغد خشيت للغرفه شافت اول ماشفته بهدا المنظر تحشمت ووخرت لتالي
مالك مافهمش خيرها …تعالي رغوده خشي
رغد خشيت ونا منزله راسي حطيت الكاسه بنطلع
مالك استني رغد
التفتت لجهته ..نعم
مالك:قرب مني هلبا ونا بديت نبعد والخوف و1ح ف عيوني
مالك خيرك خايفه مني
رغد هزيت راسي بخوف لالا
مالك انتي زعلانه مني …انا انسان عصبي صح بس … ماكملش كلامه
كل شوي يزيد يقرب منيي معاش قدرت نستوعب نضارات مالك ليا وتصرفاته… دفيته عني…. انا بنمشي نرقد الصبح عندي كليه وطلعت ع طول
مالك يشوفلها لين طلعت وقلبه يدق بسرعه كبيره …لامتى بنقعد بهدا الوضع بسسس
قعد ع السرير وحط ايديه ع راسه
خشيت لغرفتي قعدت ع سريري ونا سرحانه ونفكر ف كلام وتصرفات مالك الي كل يوم يزيد يتماده
كل اليل مالك ورغد ما قدروش برقدو وهم يفكرو
رغد تفكر ومش عاطيه تفسير لتصرفات مالك ..
مالك يفكر كيف يحول رغد من راسه …
____________«زهره الشيخ»______________
طه بصدمه انتي تعرفي وينها يعني ..ونا طول ه السنين عايش وحيد لا اخ نسند عليه ولا اخت نهتم بها وتحن عليا
منى اي نعرف مكانها ونعرف وين عايشه بس مانعرفش اسمها
طه قعد ع الكرسي بصدمه … قوليلي وين عايشه
منى متمسكه بأيدها بخوف
طه احكييي ومانخافي من شي طول ما انا حي
منى عطاته العنوان
طه قعد يفكر ووين سامع بيه العنوان هدا .. تمام وطلع
منى قعدت تبكي وتدعي ف غرفتها
كانت متوقعه هدا الموقف من سنين فاتو بس ماكنتش حاسبه حساب هدا اليوم
____________«زهره الشيخ»______________
الصبح
زي كل يوم نضت دوشت وبدلت وجهزت روحي للكليه وعلى طول مشيت لعند انس خبطت الباب مره وتنين وثلاثه
انس ناض ع صوت الباب فتح الباب وهوا شبه راقد
رغد صباااحووو
انس صبح يافتاح تي حتى الشمسس ماطلعت
رغد مدخلنييش صحصح وصلني للكليه
انس بكسل …وين مالك خلي يوصلك
رغد لا نبيك انت توصلني
انس علاش!.. صاير شي
رغد غير هيا
انس اففف … تمام انزلي افطري تو نجيك
رغد حااضر
نزلت ونا فرحانه انه اليوم انس بيرفعني
كان مالك قاعد ويفطر ع الطاوله زي كل يوم
رغد صباح الخير
مالك صباح النور ..ضني فايقه بدري اليوم
رغد ايه قلت نقرا قبل لا نبدو ف الامتحان
مالك باهي مليح افطري خلي نوصلك
رغد ااه لا انس قال بيوصلني اليوم
مالك فهم عليها ..تمام
نزل انس لابس شرت وقميص نص كم وشعره مشفشف
مالك توا هدا لي بيوصلك
انس صباحو
مالك صباح الورد
رغد تضحك
انس صبح ره هيا قدامي
طلعت رغد وركبت ف السياره
انس ركب ف السياره . … قولي
رغد باستغراب ..شن
انس شن في خيرك مع خوك
رغد مش عارفه مالك خيره متغير هكي
انس كلنا عارفين انه متغير شن الجديد في الموضوع !,
رغد لا قصدي …اففف مابتفهم عليا
انس 
مالك بيركب ف سيارته شاف سياره فخمه درست عند الفيلا ونزل صاحبها يخبط ع الفيلا
مالك تفضل
طه من انت
مالك انت من
طه نبي صاحب الفيلا
مالك تفضل انا صاحبها ..!
طه نبيك ف موضوع ممكن
مالك برفعت حاجب تمام تفضل لسياره
طه ركب مع مالك ف السياره جنبه
مالك تفضل
طه اسمعني في عندكم بنت مربينها عندكم
مالك بصدمه وخوف كبير واضح ف عيونه ك كيف ما مافهمت
طه تنهد وطلع دخان ولعه وبدا يدخن شبح فيه … نبي نشوف البنت لي عندكم
ماالك ايا بنت ع شن تحكي انت
طه نحكي ع البنت لي ربيتوها عندكم من 19 سنه
مالك للحظه حس انه بيخسر رغد… ماعندنا بنت مربينها ولا عندنا بنات اصلا
طه شاف الخوف لي ف عيون مالك نفهم انه ماعندكم بنت ف العيله
مالك ملاخيرر قولي ع شن دور يمكن نقدر اني نساعدك
طه ندور ع اختي
مالك اها
طه شكرا ياصقر
مالك باستغراب من وين عرف اللقب امتاعه ..ولو
طلع طه من السياره وعيونه ع باب الفيلا ولتفت شبح ف مالك بغلل وركب ف سيارته
مالك تعكر جوه نزل من السياره وخش للفيلا يدور ع كريم والده
كريم يفطر مع خالد
مالك قعد ع الكرسي
كريم خيرك مش بتمشي لشركه
مالك سرحان
كريم بصوت عالي ماالك
مالك نعم
كريم خيير
مالك حكاله ع كل شي صار
كريم كييييف
خالك كله عررق .ك كيف
مالك هدا لي صار احنا لازم نرجعو ع ليبيا مستحيل ياخدو رغد مني
كريم مافهمت بعد 19 سنه جاين يدورو فها لا مستحيلل نسمحلهم انه ياخدوها مني
عائشه مصدومه .. اسمعوني رغدد لازم تعرفف لازم تعرف من يكونو اهلها لامتى بتخبو يعني
ع جيت انس سمع كلام امه
انس ممكن نفهم شن تقولو
كريم :حاط ايده ع راسه ..كملت
مالك يفكر وكل تفكيره كيف يخفي رغدد عن عيوونهم باش مايخدوها منه ..
طه مشى للكليه قاعد سرحان وكل تفكيره كييف يوصلل لي اخته وهوا مش عارف انه بينهم مترر واحد بسس
رغد تقرا وتهدرز مع صاحباتها جت عينها ف عين طه
طه
____________«زهره الشيخ»______________
انس تبصرو صح رغدد تكون اختي فهمونيي شن قاعدين تقولو
مالك حنقطع نفسس اي حد يفكر مجرد التفكير انه ياخد مني رغدد
يتبع ……
لقراءة الجزء التالي : الجزء السابع من رواية إدمان
لقراءة الجزء السابق : الجزء الخامس من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
