وفي الجزء الخامس عشر من رواية إدمان يا تري من رأيك هل سيحدث صدام بين أبطال الرواية ام ستكون المعرفة بينهم طيبة دوماً ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .
الجزء الخامس عشر من رواية إدمان
____________«زهره الشيخ»_____________
طه ف المشفى حط راسه ع كتف امه لي كانت فاقده الوعي ويفكر قاطع تفكيره صوت الجهااز كان يطلع ف صوت وامه كانت تحرك ف ايدها
طه: رفع راسه مخلوع ومشى ينادي على الدكتور بس للاسف …
طه :يعيط بصوت عالي دكتووور دكتوور
طلع الدكتور بسرعه مشاله ..خير
طه :ا اميي امي
الدكتور :مشى مع طه للغرفه بس للاسف كانت نبضها واقف ومعاش في نفسس ..يعن ماتت
الدكتور ؛البقيه ف حياتك
طه:وقف بصدمه ويشوف لي امه لي راقده قدامه لالا مستحيل قبل كم ساعه كنا نحكو مع بعض وماخيرها شي يادكتورر
الدكتور :قدر الله وماشاء فعل هدا يومها احنا ماعندنا مانديرو توا ادعيلها برحمه والمغفره
طه: قعد ع الكرسي وحط ايديه على راسه ويذكر فيها وفي ضحكاتها وتضحياتها وكيف تحملت الاهانات والضرب وكل شي بس عشان تربيه بس عشان مايعيش وحيد ماعنده ام
خاناته دمعته اول مره بكى من قلبه وبصوتت عالي وقعد يشوفلها وجوه الدكاتره يهدو فيه
ومر اصعب يوم على طه… لا اب ولا ام واخت بعيده عنه …
____________«زهره الشيخ»_____________
الصبح
ع سفرة الفطور مالك يفطر ويهدرز مع بوه جاه اتصال من يونس وخبره عن خبر وفات منى ام رغد وطه
مالك: لاحولا ولا قوة الا بالله ان لله وان اليه لراجعون…امتى صار
يونس: امس والصبح خبرني طه
مالك: ت تمام شوي ونكونو عندكم ف البيت انتو ولا
يونس :ايه
مالك :تم صكر الخط وخبر بوه
كريم: هدا حال الدنيا وبعدين سمعت من عمك انه عندها سرطان ف المخ
مالك :هوا وين عمي خالد
كريم: الله اعلم
مالك: عليك حاله وخلاص وناض بيمشي
كريم :وين
مالك :ماشي للمطبخ نشوف امي ورغد ونخبرهم علي صار
كريم :كان يبيه في موضوع بس تراجع وشاف الوقت مش مناسب …اها تمام
مالك مشى ع المطبخ
عائشه: كلمك خوك انس
مالك: لا علاش
عائشه: كلمني يبيك تجيبله كم حاجه
مالك: ماعنده ايدين ولا كان تزوج خلاص.
رغد: تضحك
مالك :ف داخله كيف بنقولك بس.. اليوم وصلني خبر وفات ام رغد
رغد: حطت الكاسه لي في ايدها …من منى
مالك :اي
عائشه: ان لله وان اليه لراجعون امتى
رغد: نزلت مني دمعه وفي نفس الوقت ادكرت طه وكيف بتكون حالته هوا .. غسلت ايديه من الصابون بسرعه ..طه وين
مالك :استغرب من سؤال رغد اها طه ف حوشهم
رغد: نبي نمشيله
مالك: تمام جهزي روحك
رغد: مشيت ودموعي تنزل بس من غير صوت مشيت لغرفتي لبست عبايه ووشاح وسبيدرو ونزلت بسرعه
مالك :كان برا يستنا فيا
رغد: ركبت ف السياره
مالك: هدي رغد هدا حال الدنيا تو نبيك تمشي وتواسي خوك طه في هدي المحنه
رغد تمام
وصلنا لحوش طه وكان الحوش معبي من الحلف وجهه لخره نساوين خشيت بدموعي وكانو كلهم يشوفولي بنظ ة استغراب من حقهم بنت غريبه واول مره يشوفوها
قعدت نبكي ف تركينه بروحي ونتصل ب طه وكل مره يطلعلي الخط مشغول
جميله: بنسالك انتي من
رغد :سكتت معاش عرفت شن نقول
جميله: جاوبي ماتخافي منى تكون اختي
رغد: ف داخلها يعني انتي تكوني خالتي …ا انا بنتها
جميله: حضنتها بقوه وتبكي كنتت حاسه انك انتي رغدد: نسخهه منها منى حكتلي عنك قبل لا ربي ياخد امانته وقاتلي انه حلمها تحقق وتوا مستعده
انها تموت في ايا وقتتت
طه برا ينادي على رغد
طلعت رغد مع خالتها
رغد :حضنت طه بقوه وتبكيي
طه: حضنها اهدي خلاص هدا حال الدنيا
رغد :شبحت غ عيونه لي مليانه دموع وصوته كان متغير هلبا
مالك مع يونس واقفين يركبو ف الخيمه جاه اتصال من انس
انس: ايوا
مالك: صباحيه مباركه
انس: تسلم وين مش جاي
مالك لا والله انا عند طه امه توفت
انس :كيف صار
مالك: هدا لي صار
انس :تمام شوي ناخد كم حاجه للبيت ونجيكم غادي
مالك: لا خليك قاعد عريس
انس: لا بنجي نعزيه والباقي ساهل
مالك: تمام وصكر الخط
____________«زهره الشيخ»_____________
انس :يلبس ف قميصه
حواء :وين حبي شن صاير
انس ابتسم وباسها على راسها ماتخافي طالعه نجيبلك حاجه من بكرا العشيه كلمي صاحبتك تجيك نمشي نعزي صاحبي
حواء: اها باهي تمام
انس: هي دقايق وجاي وطلع صكر الباب وراه
حواء :خشت دوشت ولبست قفطان مجسم وطلقت شعرها وبدت ضم ف الدار ..
انس :مشى للحوش عند امه وبوه صبح عليهم وخدت كم حاجه وطلع
كريم: عقبال مانشوف مالك عريس حتى هوا
عائشه: ان شالله
كريم: شني فتحتيله الموضوع
عائشه: لا وانت
كريم: لا الوقت ماكان مناسب
عائشه: شفت في بنت عاجبتني لو يرضى بيها
كريم: لو انتي قلتي لوو
عائشه :يستر الله
انس خدا غدا من بكرا وشكاليط وكل شي لي حواي وروح ع البيت
انس: الله الله وين ع البخور والحركات هدي
حواء :تضحك
انس :ربي يصبرني بس
حواء :شن جبتلليي معاك
انس :كل شي تحبيه
حوا جهزت الطاوله مع انس وهم يهدرزو ويضحكو
انس: كلمي صاحبتك خلي تجيك كان تقدر نا شوي وطالع
حواء :تاخد ف صور باهي حاضر اتصلت ب نهله
نهله :صباحووو
حواء :صباح الورد
نهله: كيفك
حواء :بخير بنقولك لو تجيني تكسدي معاي انس بيطلع توا
نهله :وين ماشي ومسيب عروسسته
حواء: تضحك عنده مشوار شني بتجي
نهله: خلاص تم
حواء: تمام وصكرت الخط
انس :يضحك مش ساهله بكل …هي ردي بالك على روحك وماتفتحي لحد غير صاحبتك
حواء :تمام
____________«زهره الشيخ»_____________
رغد تعرفت على بنات خالتها جميله وقعدت معاهم للمغرب وروحت مع مالك
روحت رغد وخشت لدارها دوشت وصلت وقعدت ع السجاده تقرا ف قران وتدعي لي امها .
..
..
..
..
انس: واقف مع طه
طه :كان ماتعبت روحك هدا اول يوم عندك
انس: لا عادي مافيها تعب
..
..
..
..
مالك قاعد مع بوه ياكل ف مكسرات
كريم مالك
مالك هممم قصدي نعم
كريم برفعة حاجب امك قالت بتخطبلك
مالك باستغراب بتخطب لمن
كريم ليك انته ياسر نبو نشوفو احفادنا
مالك تشوفوهم بس مش توا
كريم وليش شن وراك فيله وعندك سياره وعندك انواع واشكال شغل وتشتغل فهمني شن ناقصك
مالك تعرف شن ناقصني
كريم باستغراب شن
مالك لي انا نبيها كان بتخطبولي من نبي حاضر من عيوني حتى غدوا نتزوج
كريم من هيا
مالك عارفها انت
كريم مالك هدييي بداتت حولها من راسك ..
مالك بكل وقاحه ..حاولت بس ماقدرت ونا مش واخد غيرها افهمنيي انا نبيهاا هيا وبس
كريم حدفه با الكاسه لي جنبه نوووض نوض من قدامييي معاش تحشم على وجهك انت
مالك قعد ف مكانه ماتحرك
عائشه جت تجري ..شن فيي بس
مالك شبح ف بوه وبتسم باستفزاز
كريم شوفي والدك لي مايتحشم شن يقول
مالك خيرني نا شن درت قاعد ناكل في امان الله انت لي جيتني قتلي بنخطبولك
عائشه اي وبعدين حق بنخطبلك ونا خديت قراري
مالك شن القرار لي خديتيه يام ترا
عائشه بنخطبلك بنت عجبتني
مالك نبي نفهم نا تشوفو فيا بنت قدامكم تخطبولي زي ماتبوو معقولا نا نتزوج بنت مانعرفهاش ولا نبيها بللهي عليكم شن تقولو بس
عائشه باهي وينها لي. تبيها
مالك نبي اخت طه وهدا الكلام تناقشت فيه مع بوي بس مصكر راسه ونا لي عندي قلته والكلام هدا مش وقته توا
كريم ايه ايه توا طلعت اخت طه مش اختك انته ولا
مالك نا طالع ولي عندي قلته وناض طلع
كريم توا هدا المخلوق شن تقوليله
عائشه به وخليه ياخد من يبي
كريم حتى انتي جنيتيي كيفه ولا شنيي بضبط
عائشه
مالك طلع برا يدخن وسرحان يفكر ويخطط في خطه جهنميه تخلي بوه وامه ورغد يوافقو. …
بس كيف ؟ خلينا نشوفو ف الأجزاء الجايه .
يتبع ……
لقراءة الجزء التالي : الجزء السادس عشر من رواية إدمان
لقراءة الجزء السابق : الجزء الرابع عشر من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
