وفي الجزء السادس عشر من رواية إدمان هل برأيك سيحدث شيء غير متوقع يقلب أحداث الرواية رأساً علي عقب ام لا ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .
الجزء السادس عشر من رواية إدمان
____________«زهره الشيخ»_____________
مالك طلع برا يدخن وسرحان يفكر ويخطط في خطه جهنميه تخلي بوه وامه ورغد يوافقو. …
..
#تسريع _الاحداث
مرو شهرين على ابطالنا
.
.
.
طه بعد وفات امه سيب الخمر والمخدرات وبدا يعالج على الادمان لي هوا فيه
مالك كل يوم يحاول انه يقنع بوه على موضوع رغد وهوا مش عارف انه المشكله مش منه بوه المشكله من رغد نفسها..
نسرين تزوجت من صاحب بوها لي كان معيشها ف رعب وعداب مع ضراتها..
..
____________«زهره الشيخ»_____________
روح انس ع البيت متكنطي من الشغل ومالك
عائشه؛ خيرك اللطف
انس: شي يام
عائشه :وين مرتك اليوم مانزلتش بكل
انس :مش عارف قتلها اول مانمشي للعمل انزلي لعند امي
عائشه :اها خليها براحتها اكيد عندها مادير
انس: زاد تعفلق كيف نا نقوللها تجيك رغد ف الكليه قاعده بروحك ف البيت. ..بيمشي مسكاته عائشه
عائشه: خيرك انس الموضوع مايستاهل اكيده انشغلت ف حاجه هدا علاش
انس :تمام ماصار شي ومشى لحوشه لي كان ف الدور التاني
حواء :سمعت الباب يخبط ناضت تفتح
انس: وجهه مايبشر باالخير سلم وخش على طول
حواء: باستغراب خ خيرك انس شن فيك .
انس: لا مافيا شي مروح وجوي مش تمام ونلقى امي بروحها ف الحوش ومش معاها حد
حواء :اسفه بس من وقت طلعت ونا نستفرغ وحاسه بالم مش طبيعي
انس :بخوف خ خيرك وليش ماقلتيلي انك مريضه
حواء: لا توا احسن واسفه لاني مانزلتش
انس: انا لي اسف فشيت غلي فيك انتي
حواء: بابتسامه هيا صلي وخلينا ننزلو لعند عمتي
انس: تمام وناض باسها على راسها اسف مره تانيه
حواء :ابتسمت بفرح
____________«زهره الشيخ»_____________
رغد ف الكليه مكسدا مع رؤيا
رؤيا :ههههه بس تستاهل كل شي صار فها
رغد :وجعتني الحق معقولا تتزوج صاحب بوها لا وفوق هدا متزوج 2 قبلها
رؤيا :كله من نيتها السوده
رؤيا: خليك منها بنقولك على سالم
رغد :ايييييي
رؤيا :تضحك غير اصبري قالي قوليلها معاش نبيه رقمها نبي رقم هلها ونا نبيها باالحلال
رغد: معقوله سالم لي كل بنت تتمناه يطلع يحبني ولا بيجي لحوشنا ها ها ها صدقته
رؤيا :لا بجديات واضح انه يحبك يارغد انتي جربي عطيه رقم بوك ونشوفو لو حق
رغد: اممم به وكتبتلها رقم كريم على الورقه
رؤيا :واخيرا
رغد: تضحك صدقيني مش جاي يحسابه بهدي الطريقه نصدقه ويجري بيا ..
بعد مرور كم ساعه كملت رغد محاضراتها وطلعت اتصلت ب مالك يروح بيها
دقايق ووصل مالك ركبت رغد معاه ومشو للفيلا
رؤيا :طول الطريق وتلفونها ترن ردت ..؟
سالم: ايوا شن صار بللهي ماتقولي رفضت تعطيك رقم بوها
رؤيا :تضحك لاقنعتها ورضيت تعطيه ليا
سالم :بفرحه تمام ابعتيه بسرعه
رؤيا: بللهي سالم بنسالك بجديات انت تحبها رغد ولا غير بتجري بها
سالم :اي بجديات نحبها وبناخدها ان شالله
رؤيا :تمام هي شوي ونبعتلك الرقم
صكرت الخط وبعتتله الرقم على طول
ورنت تلفونها مره خرى بس ه المره كان طه ردت..
طه: الو
رؤيا :ايوا
طه :فمن كنتي تكلمي رؤيا وإيااك انك تحاولي تكدبي علياا
رؤيا :بخوف اتصل بيا سالم ولد عمي لي معاي ف الكليه
طه :وخير شن يبي
رؤيا :بخوف شي غير يسال فيا ع بنت معاي ف الكليه
طه :تمام وينك انتي توا روحتي
رؤيا اي
طه :تمام نبيك ف العشيه لو تقدري انك تطلعي
رؤيا: باستغراب وخوف ..وين
طه :ماتخافي غير عازمك على المطعم وعندي كلام ضروري بنحكيه معاك
رؤيا: تمام نحاول
طه :تمام براحتك نضمي مورك شوي تاني نتصل بيك
رؤيا تمام وصكرت الخط على طول اتصلت بي رغد تخبرها…
وصلت رغد للبيت لقت حواء وعائشه ف المطبخ
رغد مساؤؤ
حواء/عائشه : مساء النور
رغد: الله الله ع الريحه من لي مطيب الغدا
عائشه: مرت خوك الفالحه
رغد: نجها ياربي
حواء:
.
____________«زهره الشيخ»_____________
كريم قاعد يقرا وانس ومالك مكسدين جنبه جاه اتصال من رقم غريب رد
سالم :الو
كريم: ايوا
سالم :معاي كريم… والد رغد ولا
كريم :باستغراب اي تفضل
سالم :ياعمي نبي نتلاقى معاك نبيك ف موضوع ممكن
كريم :بس من انت
سالم: انا سالم احمد…
كريم :اها اي اي عرفتها عيلتكم انت ولد المرحوم احمد فلان الفلاني..
سالم :اي بضبط
كريم :تمام في اي وقت تبي نتلاقى معاك
سالم: ياريت العشيه ف الكافي لي جنب حوشك
كريم :تمام
سالم: يلا سلام
كريم :صكر الخط وسرح
مالك: باستغراب من هوا
كريم :واحد ماتعرفاش
مالك :اي خيره شن يبي
كريم :مش عارف نتلاقى معاي العشيه ونشوف شن يبي
مالك: خليك نمشي بدالك
كريم: لا نا نمشي
انس :ياكل ف سميسه ومش هامه الموضوع بكل
رغد توضت وصلت وبدلت ونزلت تساعد حواء وعائشه ف المطبخ
رغد: تجهز ف الطاوله ..وين نهله صاحبتك ليها فتره ماجت
حواء: اي حتى نا شتقتلها ياريت لو تجيني
رغد :كلميها تجيك العشيه نكسدو مع بعض
حواء: ماعندي جهد اليوم حاسه بالم
رغد: سلامتك لا عادي كلميها خلي الباقي عليا لانه حتى صاحبتي رؤيا بتجيني اليوم
حواء: تمام حلوه الفكره نكسدو مع بعض
رغد: ايه
قعدو ع الطاوله يتغدو وكان الجو تمام هدرزه وضحك وقرمه
____________«زهره الشيخ»_____________
طه حاط راسه ع المخده ويفكرر قاطعه صوت تلفونه يرن رد على الاتصال
يونس :الو
طه :ايوا
يونس: قتلك البضاعه وصلت شني توا
طه: ابعتها لنفس المكان لي كنا نبعتوها ليه
يونس: تمام
طه: اسمعني
يونس: شن
طه: اخر شاحنه توصلنا هدي خلاص ساد معاش نبي نشتغلو ف الشغله هدي
يونس: بس لييش
طه: لانها حرام خلينا نفتحو مشروع نظيف ونشتغلو عليه اما هدا خلاص انسى امه حتى انت
يونس: تمام تو خليني نسقدهم وبعدين نتفاهمو
طه: صكر الخط على يونس وقعد حاط ايده على راسه يفكر شن دار في حياته حياته كلها غلط في غلط مافيها حاجه صح.. ناض خشت للحمام(اكرمكم الله) وتوضى لي اول مره ووقف بيصلي صلى ركعته الاولى وبدو دموعه ينزلوو. ..
..
____________«زهره الشيخ»_____________
العشيه
كريم بدل وطلع عشان يتلاقى مع سالم اول ماوصل للكافي اتصل ب سالم
سالم : ايوا
كريم :وينك ولدي
سالم هي جايك
دقايق ووصل سالم للكافي وطلب قهوى ليه ولي كريم
كريم :خوفتني شن في بضبط
سالم :اي صح انا نبي نقولك انه بنتك رغد تقرا معاي ف نفس الكليه وريتها كم من مره وعجبتني وقررت اني نجي نكلمك انت بدات ونطلب ايدها منك
كريم :استغراب من وقاحته بس عجبه الموقف كيف جا ودورها على طول …برفعة حاجب اممم
سالم :اي وياريت تاخد راحتك ف التفكير ورد عليا امتى ماحبيت
كريم: تمام
سالم :شكرا وتو نستاذن منك
كريم: تمام
رغد ف المطبخ دير في كيك كراميل
مالك: وين يا حلو
رغد :
مالك: باللهي عليك شن تلبزي
رغد: ندير في كيك كراميل
مالك :محلاها الزفت
رغد: من
مالك :انتي قصدي الكيك
رغد :امممم
مالك :المهم طلعيلي صحني بروحي مش ياكله انس ويخليني
رغد :تضحك تمام
مالك :تسلملي وطلع مشى لغرفته يراجع ف كم ملف عنده
رؤيا تحكي مع طه
طه؛ شن صار.
رؤيا :تمام خلوني نطلع ع اساس اني ماشيه لي رغد
طه: تمام هي نستنا فيك
رؤيا: تمام
ناضت رؤيا لبست وسرحت شعرها وحطت ميك اب خفيف بكل لانه طه مايحباش وطلعت مشت للمطعم
طه: نورتي عمري
رؤيا: متحشمه بوجودك
طه :شن نطلبلك
رؤيا: لالا شي
طه :مش بكيفك ..وطلبلها اكله على ذوقه
رؤيا: تاكل
طه: بنقولك حاجه
رؤيا :بخوف وتوثر ش شن؟
طه: انا قتلك قبل اني حبيتك صح
رؤيا: ايه
طه: تمام نبي نثبتلك هدا الشي
رؤيا: كيف؟
طه :نبي نتقدملك ونطلب ايدك من اهلك
رؤيا :..اممم
..امممطه :شن اممم نبيك تقولي موافقه عليا ولالا
رؤيا: نفكر
طه :شن تفكري توا تجاوبيني
رؤيا :اكيد موافقه
طه: بفرحه باسها على راسها ربي يخليك لياا
رؤيا :ويخليك ليا
قعدو يهدرزو ويضحكو نص ساعه و روحت رؤيا لعند رغد
رغد: ف المطبخ خشت عليها رؤيا بتبكي من الفرحه
رغد :تضحك الله تبصريي يافرحتيييي
رؤيا :
..
____________«زهره الشيخ»_____________
كريم يحكي مع عائشه بخصوص سالم
عائشه: بخوف وكان عرف مالك
كريم: وخليه يعرف
على جيت مالك.. خيرر؟
كريم :كل خير
مالك: شن في
كريم :رغد كلمني واحد وطلبها مني
مالك :قلبه بدا يدق بسرعه .. وبعدين
كريم : توا بناخد رايها هيا
مالك: من هدا
كريم :ماتعرفاش
مالك :بعصبيه شن اسممه
كريم: بكل برود سالم ويقرا معاها في الكليه
مالك: تمام وطلع متكنطي
عائشه: بخوف وتوا شني
كريم :بيحرق اعصابه اشوي بدخان وبعدها يجي يقلبها على روسنا واضحه
____________«زهره الشيخ»_____________
حواء مشت للمشفى مع انس
الدكتور الف مبروك مرتك حامل .
انس: ماعرف يعيط ولا يضحك ولا يبكي. حضن حواء بقوه ..الحمدلله
حواء: ..
.
____________«زهره الشيخ»_____________
مالك كمل باكو الدخان امتاعه وخش طول لعند رغد ف المطبخ شاف رؤيا معاها رجع خطوتين للخلف وينادي علها
رغد: شني
مالك: تعالي بسرعه
طلعت رغد لي مالك
مالك :مسكها من ايدها بقوه ومشى بعا لغرفته
رغد :بخوف خ خيرك مالك بعددد
مالك: طلق ايدها وضرب ايدها ب الحيط .. من ساالم
رغد: بصدمه وخوف ف نفس الوقت .. م من
مالك: مسكها بقوه انطقيي ماتزيد تحرقي د…اميي الزفت تعرفيه ولالا
رغد: بخوف ا اي نعرفه
مالك تحبييه
رغد: ..
مالك: زاد ضغط على ايدها احكي الن.. تحبيه ولا
رغد: ايه ايه نعرفه انته خيرررك شن فييك مالك
مالك: صار تعرفيه تمام نقولك من توا تحلميييي بيه حلممم انك تطلعي منهه البيييت هدا ياتكوني ليا يا ماتكوني لحدد فاهمه
رغد: بصدمه ا انت شن تقول
مالك: اي زي ماسمعتي رغد انا نبيك لياا انا نحبكك معقولا مالحظتي حركاتيي وتصرفاتيي معاك
رغد:
مالك: ..
..يتبع ……
لقراءة الجزء التالي : الجزء السابع عشر من رواية إدمان
لقراءة الجزء السابق : الجزء الخامس عشر من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
