وفي الجزء الثاني عشر من رواية احببت منقذي للكاتبة الموهوبة زهرة الشيخ يا تري هل سنري احداث سعيدة ام حزينة مع ابطالنا ؟ دعونا نعرف إجابة هذا التساؤل في السطور القادمة بإذن الله .
الجزء الثاني عشر من رواية احببت منقذي
ساره:
انته احلى واحن اخ ف الدنيا تمام
انته احلى واحن اخ ف الدنيا تماممؤيد: حارقه دم خوك الصغير لين عيونه مولين حمر بيبكي 
ساره: تو نمشي نتأسف منه واسفه مؤيد
مؤيد: تمام هي بر تأسفي منه والبسي وشاح قبللاتمشيله
لاتمشيلهساره: هههه تم
تمف الليل مع ساعه 12
روح ناصر تعبان وومهموم وخايف
ناصر: شني ماوصلك شي
امنه: لا ولا خوك رجع للبيت
ناصر: لا حول الله
امنه: بلاش تعب روحك ناصر البنت باينه هربت مع حبيبها وفتكينا منها
ناصر: افففف انتي مش فاهمه عليا وين العشا
امنه: ف المطبخ برا سخنه وكول وشوف خوك وينه نا ماشيه بنرقد
ناصر ناض ومشى للمطبخ يسخن ف الاكل اتصل ب سيف
سيف:فصل علي
فصل عليناصر: اففف
شوي جاه اتصال من رقم غريب خاف ومارد عليه سخن اكله وتعشا ومشى لغرفته وطول الليل خايف مارقد
حاسس بنهايته
عند سيف
سهام: سيف اخر مره اخر مره والله انت غشاش
سيف: من لي يغش 
سهام:
سيف: نوضي ديريلي قهوى زي الشاطره
سهام حااصر وناضت دير ف قهوى
سهام: سيف حقا ناصر شن يبي
سيف: مانندريش عنه
سهام:امممم به
سهام: سيف
سيف: عيونه
سهام: نبي نكلم اريج ومش حافظه رقمها عطيهولي
سيف:كلمها هنا
كلمها هناسهام:هوبا
هوباسيف: تحشمي
سهام:
دارتله القهوى
سيف: هاك ها الرقم يضرب لاكن خليه ع المايك
سهام: علاش
سيف: اسس
اريج: الوو
سهام: ايوا
اريج: بسم الله
سهام: خيرك
اريج: نحسابه خوك الطرف كان نندري انتي كملت نومي
سيف:
سهام: خزيييي عليك هي بنصكر كملي نومك
اريج: نبصر يا حيوانه
سهام:ههه عارفه شن جوك
اريج: تمام هي احكيلي شن صار بضبط شكلك مطوله بش تردي
سهام: به وحكتلها كل شي
اريج: معناها ياسر مش بأرادته
سهام: اي
اريج: والله قصتك قصه انتي وخوك ناصر الحيوان وين
سهام: مانعرفش اكيد يدور فيا بيش يقتلني
اكيد يدور فيا بيش يقتلنياريج: اففف باهي المهم انتي بأمان تو مع البطل والطرف خوك
سهام:والله حيوانه
والله حيوانهسيف: 
سهام: هيا تو نعست نتلاقو اول مانروح
اريج: تمام
وصكرت
عند مؤيد
طول الليل وهوا يفكر ف سهام ويدكر في حركاتها الطفوليه وضحكتها وكيف تبكي
مؤيد: ااااه منك يا سهام افففف
ادكر انه عطها تلفون الصبح بعتلها رساله
كيفك سهام…
…سهام : ردت عليه 
بخييير كيفك انت يا بطل….
بخييير كيفك انت يا بطل….مؤيد: الحمدلله بشوفت حروفك…
سهام:تسلم…..
مؤيد: وين خوك سيف…..
سهام: راقد..
مؤيد: باهي تمام هي ارقدي حتى انتي ارتاحي….
سهام: تمام تصبح ع خير حقا بنقولك شكرا شكرا مؤيد….
مؤيد: ولو سموحه هي وانتي وبخير ..
مؤيد: ااه ياقلبي
اااف خيرك يا مؤيد اصحى
اااف خيرك يا مؤيد اصحىعند سهام
ماشالله عليه اخلاق وجمال وعضلات
ف الصبح
عند مؤيد
فاق ادوش ونزل
مؤيد :صباحوو
كلهم: صباح النور
مؤيد: كيفك يام
عيشه: الحمدلله خيرك اليوم نايض متأخر
مؤيد: تعبان اشوي
محمد: ضاغطين عليك ف الشغل
مؤيد: شي زي هك
عيشه: امممم
مؤيد : هي توا طالع تبو شي
كلهم :لا سلامتك
مؤيد: تمام وطلع
عيشه: مش عارفه امتى نشوفه مرتاح ويقعد ف البيت نشوفوه
محمد: زوجيه يهدا و يقعدلك
عيشه: فكره يسكن فوق لاكن من بس
ساره:اسأليه هوا ماتفكري انتي هوا لي بيتزوجها
هوا لي بيتزوجهاعيشه: صكري فمك مدخلكش ولدي ونا لي بنختارله
محمد : ساره معاها حق خلي الولد يختار هوا
عيشه:ولدي نا هوا ونا حره وعارفته بيسمع كلمتي وانت تعرفه ولدك مش متاع بنات وكلام فاضي يعني لي بنختارله يوفق عليها
ولدي نا هوا ونا حره وعارفته بيسمع كلمتي وانت تعرفه ولدك مش متاع بنات وكلام فاضي يعني لي بنختارله يوفق عليهامحمد: ربي يهدي بس
عند سهام
سيف: صباااحووو
سهام: دير ف الفطور صباحوو ورد
سيف: ليش مخليتني راقد لساعه 11
سهام:حتى نا تو كيف فقت
حتى نا تو كيف فقتسيف: تمام نطلع ندخن ونجيك
سهام: تمام
طلع سيف يدخن جاه اتصال من مؤيد
سيف: الوو
مؤيد: سيفوو
سيف: عيونو
مؤيد: شنجوك
سيف: تمامو وانت
مؤيد: الحمدلله ف طريقي ليك تمام
سيف: هي نستناك ع الفطور
مؤيد: فاطر لاكن استناني اي ليش لا
سيف: تمام
بعد 10دقايق وصل مؤيد
سهام كيف كملت وتت كل شي للفطور
الباب طق طق طق
سهام: 
من
منسيف: مؤيد اكيد
فتح سيف الباب
مؤيد : هلا
سيف: اهلين
خش مؤيد جايب كياس معاك
سيف: وين العشيه ممكن مروحين
مؤيد: اي وغدا من برا
سهام: اهلين
مؤيد:بيككيفك اليوم
كيفك اليومسهام: بخير
سيف: يشوف ف نضرات صاحبه شبه فاهم عليه وهدا الشي مضايقه ومفرحه نفس الوقت تعالا خش خش
قعدو وطلعتلهم سهام الفطور وهر فطرت ف المطبخ مقابلهم وكل شوي يشوفلها مؤيد وسيف”
عند ناصر
دوش ونزل بيفطر
ناصر: يمي وين الفطور
امنه: دور ف تلفونها ف المطبخ
ناصر : وين ماشيه ف رباط انتي ره
امنه: ضروري نمشي اختي مرضت قريب تموت
ناصر : ديري رايك وخش للطبخ يفطر
امنه: طلعت
بعد كمل ناصر لفطور طلع بيمشي للمركز يشوف شن صار ف سهام اتصل ب سيف نفس الشي فصل ف وجهه
ناصر: تو نوريك يا فرخ ياولد… وطلع
اول ماطلع
فاتت من جنبه فيرنه مظلمه فرغت فيه5 رصاصات وعدت
ناصر طاح وكله دم والجيران اول ماسمعو صوت لرصاص طلعو لقو ناصر مرمي ع الارض
الجيران اتصلو بسيارة اسعاف
اتصلو بامه ماردت وتصلو بسيف رد
سيف : الو
الجار : سيف ولا
سيف: اي تفضل
الجار : خوك ناصر قتلوه
سيف:ك كيف ناصر قصدك مات
ك كيف ناصر قصدك ماتالجار: اي رفعوه النفس مقطوع توا حاليا ف مستشفى…..
سيف: ان لله وان اليه لراجعون وحط ايديه ع راسه وتلفون طاح منه
سهام : مع كل شي داره ليا ناصر جاها كيف الصرع ااااا ن ناصر وتبكي
مؤيد:
شن تحكي سيف
شن تحكي سيفسيف: ناصر قتلوه
مؤيد: كيف وليش شن السبب
سيف: انت عارف خوي شن يشتغل وتعرف مشاكله افففف
مؤيد : باهي نوض نمشو نشوفوه
سيف: تمام
سهام: تبكي
مؤيد: اسس سهام خلاص نوضي البسي عبايتك تمشي حتى انتي
سيف: لالا نروحو بيا للبيت
سهام: نبي نمشي
سيف: بعصبيه وصوت عالي ماافيييش هيا قدامي
سهام:
ياربي
ياربيمؤيد:
مشى مؤيد ولع السياره وجا سيف ركب معاه بعد 5دقايق كملت سهام وتت حاجاتها وركبت
وصلو سهام للحوش
وفي طريقهم للمستشفى اتصل سيف بأريج
اريج: ايو
سيف: اهلين اريج بنقولك بلله تعالي لسهام بروحها ف الحوش
اريج: شن في خيرك
سيف: شي والله بس خوي ناصر توفى
اريج: ان لله وان اليه لراجعون ت تمام تو نكلم خوي يرفعني
سيف: تمام
يتبع ………..
لقراءة الجزء التالي : الجزء الثالث عشر من رواية احببت منقذي
لقراءة الجزء السابق : الجزء الحادي عشر من رواية احببت منقذي
للإطلاع علي فهرس أجزاء الرواية : جميع روابط اجزاء رواية احببت منقذي للكاتبة زهرة الشيخ
جميع الحقوق محفوظة للكاتبة زهرة الشيخ .
