الجزء الحادي عشر من رواية ضحية غدر

عند نوتيلا : توضت وصلت ولبست احلى ماعندها وطلعت كان زيد يستنا فيها

♡♡♡♡♡♡♡♡♡♡♡♡♡♡♡♡♡♡♡

عند اصيل

فاق بدري زي العاده ودوش وبدل ونزل بيفطر

اصيل : صباح الخير

فؤاد: سرحان

نجاة : صباح النور وين اليوم نايض متأخر مش من عوايدك

اصيل : والله امس مارقدتش

نجاة : خفف عليك شوي خلي خوك يشتغل معاك

اصيل: فؤاد ماعنده وقت من الكليه يمشي يصيع هوا وصحابه وهدا كان لحق يمشي لمعرض السيارات امتاعه كيف بيساعدني ف الشركه

نجاة: ليه قريب كم قال مايفتح فيه المعرض

اصيل : خيرك فؤاد

فؤاد : ها شن في

اصيل: علاش ماتفتح ف المعرض

فؤاد : ماعندي نيه

اصيل: امتى بيكون عندك نيه حياتك مشت هكي ع الفاضي ره ماك مداير شي لروحك ولا لمستقبلك كان بتقعد ع ه الوضع

فؤاد: ولا كلمه

نجاة : نبي نعرف ه الشكلاطه شن مدايره فيك بس

اصيل : يستغبى ايا شكلاطه

نجاة : خوك بنخطبله معاش فها شوف وين كان وكيف ولا الحوش مولي اخخي مافيه حد يتبرد علينا

اصيل : من تعيست الحظ يلي بتخطبيهاله

نجاة : النوتيلا بنت…. لي يبيها

اصيل:صار

فؤاد : اففففففف

اصيل : من كيفك بتخطب لي تبيها ومازال تأفف بالك مش ساده نزيدولك وحده اخره

فؤاد: ضحك من غير نيه لا تكفي غير نحصلها بس

نجاة :

نجاة : ااصيل وانته مافي وحده ف بالك نخطبها ليك نبي نشوفك عريس

اصيل: لا مافيش ومش توا بنتزوج

نجاة بس يا اصيل

اصيل : خلاص امي والله مانبي توا حاليا وان شالله توتشوفي فؤاد عريس

فؤاد: اي ان شالله

اصيل /نجاة: باهي سمعنا صوتك

اصيل : فؤاد هيا نوض تسقد هي كليه

فؤاد : هي باه نستأدن وباس راس امه وطلع

نجاة : ربي يحميك

اصيل : ونا تو نتوكل امي وماتزعليش مني والله اول مانحصل وحده تعجبني نقولك

نجاة: لا عادي يصير لي كاتبه ربي سلملي ع اسامه قوله هكي دير اسبوع ماجيت اطمنت ع عمتك

اصيل : ان شالله تو نخبره بس انا ضاغطه شوي ع العمل لاكن اليوم يتعشا اهني ان شالله وباس راس امه هي رد بالك ع روحك

نجاة : باهي ربي يعاونكم ان شالله وانت رد بالك ع روحك

وطلع

♡♡♡♡♡♡♡♡♡♡♡♡♡♡♡♡♡♡♡♡

ف الكليه :-

نوتيلا : حياتو

حيا: عيونو

نوتيلا : كيف حالك ان شالله تحسنتي

حياه : تمام اي الحمدلله

نوتيلا : احكيلي شن صار ف الدراما من امس مارقدت

حياه : حكتلها كل شي

نوتيلا : وااو نجيني

حياه: ههه خزي المهم اليوم ولا غدوا ان شالله يلقاه

نوتيلا: كل شي ينحل بس خليك ديما قريبه منه وتمسكني

حياه : تم

حياه: اشحي من جاي وراك

نوتيلا : من ولتفتت اففففف فؤاد

حياه : شن صار محددتو العرس امته

فؤاد / عليوه : السلام اعليكم

حياه : وعليكم السلام

نوتيلا:

فؤاد : إ لين حبي ا

نوتيلا : لاني حبك لاشي خليني ف حالي فؤاد

حياه : خيرك فاصله

عليوه : اعصابك

فؤاد : قوليلي شن درت نا بس بيش تعاقبيني هكي ليا يومين مش راقد حرام اعليك

نوتيلا : ياي صدقتك اكيد مش حترقد صهران مع حبيبت القلب منوش24ساعه متصل بيها كيف بيجيك النور

عليوه:حي حي مني منوش هيا

حياه:

فؤاد : شد نوتيلا من ايدها تي منو منوش هيا لي نفختيلي راسي بيها لا منوش لا عيوش انا مانعرفش خاطيك توا

عليوه: وعيوش كمان

حياه: تو انتي مصدقتيها ياغبيه

نوتيلا: خلوني فحالي

عليوه : حي حي غارت

حياه : مش غير

عليوه:

فؤاد: إلييين انا صبري نفد ره ومش وقت ضحك انت وياها نا مانقدرش نعيش بلاك ره موليتي هوس بيش نحلفلك اني مانكلمش ف غيرك

عليوه : حي فصل

حياه: راديو

فؤاد:

نوتيلا : نزلت راسها فؤاد هيا كلمه وحده انا معاش تكلمني ودمعت من غير اراده

فؤاد : خلاااص معاش قدر يشوف دمعتها به حاضر معاش بنكلمك بس بنطلب طلب

عليوه : حي خشت بعضها

حياه: وجعتها إلين

نوتيلا: شن هوا

فؤاد عطيني رقم بوك ولا خوك

نوتيلا: شن تبي فيه

فؤاد: بنخطبك

حياه:حي حي امتى العرس

عليوه: الخميس الجاي

فؤاد: هه ياريت كان وافقو اليوم نروح بيا

حياه : ياي

نوتيلا : بس من قالك انا موافقه

فؤاد مش كيف ماتبي غصب عنك حتوافقي يا تكوني ليا يا للموت وانتي اختاري وخليه عندك الرقم وجهه لوجه بنكلمه خوك ومشي

عليوه: تي غير استنى مخليني فوسط البنات ولحقه

حياه: حي حي ماتعنديش يا خرا

نوتيلا: نعدب فيه بس تي نا دايبه فيه محلاه وهوا متكنطي بياكل روحه

حياه: خزي اعليك

نوتيلا:

♡♡♡♡♡♡♡♡♡♡♡♡♡♡♡♡♡

عند مريم

محمد : شدي وقعي هي

مريم : هي ووقعت ايوواه هكي خليك حبيبي

محمد: اللهم طولك يا روح

قيس : السلام اعليكم

محمد/ مريم: وعليكم السلام

قيس :قعمز بدا ياكل ف المكسرات

محمد: كملت الملفات لي عطيتهملك

قيس : اي كملتهم

محمد: لازم نشدو حيلنا ونصهرو ع المشروع المره لي فاتت خسرنا والشركه المنافسه خدت كل شي رد بالك تغلط ف الاجتماع والشرح

قيس : تمام نحاول باقصى جهدي

قيس : امي افتحيلي تلفونك شوي نبيها

مريم:شن تبي فها

قيس : نبي نجرب توصيله منك 4Gعندي مايشتغل

مريم : تمام خلي نفتحلك

قيس خدا التلفون امي طالع برا ندخن ونجي

مريم : مانتبهت تمام

قيس : دخل دكره ف تلفون امه قعد يفتش مالقى شي ادكر حياه بعد قاتله تسجيل خش ع التسجيلات المحفوظه امتاع المكالمات وحدد كل التسجيلات ونسخهم وطلع الدكره ووصل من عندها نت وردعطها التلفون

قيس : ركب سمعات وسمع كل التسجيلات امتاع المكالمات حدف كل التسجيلات يلي امه حكت فيهن وخلا التسجيل لي بين محمد وسعده

ف داخله نتخلصو من ه الشيباني ونمتلكو كل شي هه وحياااه طبعا

مريم : قيس قيس الووو

قيس : ها نعم

مربم : وين صافن

قيس : شي كنت ندردش

مريم : امشي روح بيهن اتصلت بيا منى

قيس : حاضر وطلع

محمد نا بنرقد ماتنوضونيش

مريم : به ف داخلها ان شالله ماتنوض

♡♡♡♡♡♡♡♡♡♡♡♡♡♡♡♡♡

عند اصيل ف المكتب

اصيل : اخخ ضهري

اسامه : ارتاح انا الصراحه مش مكمل شي خلاص لغدوه

اصيل: انا نكمل المجموعه هدي نوقف

اسامه : براحتك ان شالله تموت

اصيل : هه اليوم العشا عندنا تمامو

اسامه: ان شالله خير

اصيل : امي مشتاقتلك وشورا بتحصل هزايب

اسامه : حي حي خلاص تم

♡♡♡♡♡♡♡♡♡♡♡♡♡♡♡♡♡♡♡♡♡♡♡

عند علي :-

علي : بنتي بنتي

ريم : نعم بابا حسس بشي

علي : لالا غير بنسألك حياه ماتصلت ولا جت

ريم : لا بابا

علي : يستر الله شن صاير فها خايف نموت ماعطيتها الظرف لي عطيته ليا امها قبل لاتموت

ريم: طولت عمرك بابا تو تتحسن ان شالله

سعده : طولت عمرك تو نسأل عليها مريم

علي عنده الكليه وكان يتصل ب محمد يعطيه فيه مشغول ديما وحياه ديما تلفونها مقفل عندها امتحانات بيدير غسيل وحتمال 8%لي نجاحها يا يحيى يا يموت

♡♡♡♡♡♡♡♡♡♡♡♡♡♡♡♡♡♡♡♡

ف الكليه

حياه :شن بيصير لو خوك ماوافق وانتي حبيتيه

نوتيلا: مافكرت فيها بس يصير خير

منى: هيا حياه وصل قيس ماطولي

نوتيلا:

حياه : هيا يا عمري نتلاقو

نوتيلا : تمام

ركبت منى القدام وحياه ف الخلف وقيس طول الوقت يشبح فها

فؤاد : يستنا ف زيد يوصل بفارغ الصبر

ووصل زيد قبل لا تطلع إلين مشاله فؤاد

فؤاد: السلام اعليكم

زيد: وعليكم السلام كيف حالك فؤاد

فؤاد : بخير الحمدلله

فؤاد: نبيك ف موضوع

نوتيلا جت اهلين زيد

زيد : اركبي ف السياره تو نجيك

نوتيلا : تمام وقلبها يدق بسسسسرعه

زيد : تفضل ان شالله خير

فؤاد : كل خير زيد بس نبي نقولك بصراحه انا حبيت اختك عجبني اسلوبها و اخلاق وجمال وتربيه تبارك الرحمن كل واحد يتمناها وانا نبيها باالحلال وجيتك انت لانه ماعندي رقم بوها ولا رقمك بس وانا عارف انك ماتعرف شي عني كان تبي اسال عني وهدا رقمي اسال عني وعطيني الرد

زيد: انصدم واللهي شن بنقولك خدا منه الرقم باهي يصير خير نشاور العيله ونسأل اكيد بس حبيت اختك حسيتها سبه ولا كيف

فؤاد : تمام خوي هي نستأدن

زيد: عجباته حركت زيد انه جا دورها طول هي وركب ف السياره قعد يشبح ف إلين

نوتيلا: خيرك تشبح فيا

زيد: معجب بيك

نوتيلا:

♡♡♡♡♡♡♡♡♡♡♡♡♡♡♡♡

وصل قيس مع منى وحياه

خشت منى لغرفتها

قيس : حياه بدلي وانزليلي نبيك

حياه : تمام

يتبع ………

لقراءة الجزء التالي : الجزء الثاني عشر من رواية ضحية غدر

لقراءة الجزء السابق : الجزء العاشر من رواية ضحية غدر

للإطلاع علي فهرس أجزاء الرواية : جميع روابط اجزاء رواية ضحية غدر للكاتبة زهرة الشيخ

جميع الحقوق محفوظة للكاتبة زهرة الشيخ .