وفي الجزء الرابع من رواية اولاد سلطان يا تري من رأيك هل سيحدث احداث غير متوقعه مع ابطالنا ام ستسير الأمور بشكل طبيعي ؟ دعونا نعرف إجابة هذا التساؤل في السطور التالية بإذن الله .
الجزء الرابع من رواية اولاد سلطان
شيماء روحت وخايفه فتحت نت لقات مازن مصكر
شيماء(وينك)
فجآة فتح (اني موجود)
شيماء اتصلت ع المسنجر
مازن: اهلين
شيماء: اهلينات شغلتني شن صارلك
مازن: شي جو الشباب استلمو شفراتهم وخود علم انه هواتفهم تكسرو ووقعو ع تعاهد
شيماء: ميهمونيش هما اني قصدي عليك انت
مازن
: خيرني اني مشغوله عليا
: خيرني اني مشغوله علياشيماء: صاحبك كلمك وانت كسرت الهواتف وطلعت متعصب
مازن: اهاا قعد يهدد فيا انه لدرته غلط
شيماء: وبعدين انت كيف توقف قدام السيارة وكان ضربوك
مازن ضحك: حليلي واضح من صوتك خفتي
شيماء: اي من حقي علاش منخافش
مازن: شيماء ياريت لصار متقوليه لحد قصدي لـ انس او بوك يعني متحكي لحد انه اني معاك ف الكلية
شيماء: حاظر
مازن: قريتي ؟!
شيماء: لالا قعدت مشغوله عليك مقدرتش نقرا
مازن: خلاص مصار شي اقري
شيماء: اوكي تصبح ع خير
مازن: وانتي بخير
شيماء صكرت النت وبدت تقرا
مازن وقف: اني شن ندير كان هدفي منها انها تدفع التمن ع كلام انس ليا وناخد حقي منها بسبب خوها اني شن نديير لاااا وهدا كله اليوم بدل مانخلي الولاد ينشرو صورها ويصير العار وانزل راس انس اني دافعت علها غببببي غبي غبي غبي غبببببببببببي
مازن قعمز متعصب: لكن حرام البنت مليهاش ذنب وخايفه عليا ومهتمه بيا وتسال عليا واني بنغدر فها يارررربي شن دررررت اني كيف رح يكون موقفها لم تعرف انه اني ولد ميتم اسمي مازن بسسس معنديش للقب معنديش اسم اب كييييف. وضرب الطاولة لقدامه
قصة مازن انه كلم شيماء وكان كل همه يخلي انس يعرف انه اخته ع علاقه بـ مازن ويوسخ سمعت شيماء انها تكلم ف مازن لكن كان تفكيره كله انه يوسخ سمعتها مع اهلها انها تكلم ف مازن بسسس مافيش شي تاني
بس هدا نقلب للاحساس بذنب وبدي يحاول ينسحب عن شيماء وينهي انتقامه لانه حس انها برئيه ومليهاش ذنب
تاني يوم
شيماء تاخرت الكل خشو للامتحان وهي تاخرت بسبب معتصم لكان راقد
ف القاعه مسلموس الوراق متع الامتحانات وخش الدكتور ووزعهم
شيماء خش للادارة وحكتله انها تاخرت طلب منها تمشي للقاعه مشت شيماء للقاعه الدكتور رفض انها تخش
شيماء: بس اني مش قصدي لاني كنت ف الادارة
الدكتور: تستني نص ساعه برا وبعدين تخشي بنحرموك من نص ساعه من الوقت
شيماء: مانقدرش نكمل ف وقت قصير اني قتلك كنت ف الادارة
مراد فات جنب القاعه شاف شيماء والدكتور لكن فاتهم وركب لدور التاني
مازن: شن صوت للوطى
مراد: طالبة ف القاعه تاخرت ع الامتحان رفضو انها تخش
مازن: استلم مكاني بننزل نشوف شن القصة .. ونزل
الدكتور: خلاص استني نص ساعه وخشي
مازن شافها هي كانت خايفه تخسر امتحانها بس اذكر انه لازم معاد يتقرب منها وينهي الموضوع لكن مهانش عليه تقعد شيماء خايفه
مازن قرب بدون مايشوفلها:صباح الخير
الدكتور:صباح النور
مازن:اني سمعتكم معليش ممكن تسمح لطالبه…قاطعه
الدكتور:رجاءا متحرجنيش هكي قوانين و…قاطعه
مازن تعصب: اخر مرة تفكر تقاطعني حطها ف راسك
الدكتور سكت
شيماء:اني تاخرت بسبب المدير ندالي وكلمني ف الادارة
مازن: خشي للقاعه
الدكتور: لكن هكي مش عدل ف قانون يقول لو تاخر…قاطعه
مازن: البنت قتلك تاخرت بسبب المدير
الدكتور:انت مجرد حرس امن هني ياريت متدخلش
مازن شاف شيماء.هدا دكتور المادة؟!
شيماء:لا هدا مراقب
مازن: وانت مجرد مراقب بلاش تتضيع وقت
الدكتور بيتكلم قاطعه
مازن خش للقاعه فاصل قربع الطاولة خدي ورقة اسالة وورقة اجابة وطلع
مازن عطي لـ شيماء الوراق:اركبي وديري امتحانك ف لجنه تانيه معاي
وركبو
شيماء ضحكت ف الدروج
مازن متعصب وكل تفكيره انه معاد يكلمها
شيماء ضحكت: شكراا
مازن دخلها للقاعه لـ يراقب عليهم هو
ودارت امتحان
خش المدير: وين الطالبه شيماء سلطان
شيماء قامت راسها:اني
المدير: كيف تغيري لجنتك
مازن:اني جبتها في شي واظن مافيش فرق بين اللجنة الاوله ولجنه هادي
المدير:لم تكملي امتحانك تنزلي نتفاهم معاك…وطلع
مازن تعصب ميبيش يبين انه متعصب طلع هاتفه يتصفح
وبدو الطلاب يطلعو
شيماء كملت امتحانها لكن قعد كل شوية تشوف لـ مازن بدون ميحس علها حد
ومازن نفس الشي بعد دار الهاتف ف جيبه شاف الوقت
مازن:الوقت قريب يتم
مراد طلع وقعد مازن هو الوحيد ف القاعه مع مجموعه طلاب بينهم شيماء
شيماء وقفت وقدمت ورقتها لـ مازن
شيماء استغربت انه خدي الورقه ومدارش ردت فعل
شيماء طلعت وخشت للمدير:نعم استاذ
المدير: انتي شيماء
شيماء:اي اني
المدير:اي اني اخرتك بس مع هدا معاد تتاخري وتاني شي ترجعي لقاعتك الاولة من غضوا
شيماء:حاظر
المدير:تمام تقدري تتفضلي
شيماء طلعت
ولقت معتصم يستنى فها روحت
مازن قعد ف للقاعه معاد يبي يشوفها وصكر النت
ــــــــــــــــــــــ
تاني يوم
صدام: وصلها يامعتصم
شيماء: هيااااا وقتتت
.
.
انس لبسة وطلع للمحكمه عنده قضيه
،
،
وضحى مشت للمدرسة عشان تشوف معتصم وقالوله مافيش طالب اسمه معتصم وفهمت من لؤي انه معتصم شاب عمره 28 سنه مش طالب يعني لكلمها هو نفس يتسهوك علها
،
،
شيماء وصلت خشت للقاعه وخش مازن يعني هو المراقب لليوم ومعاه دكتور
شيماء بدت تحل
مازن يتجاهل فها وقف جنب الباب يشوف ف القاعه وخلاص
الدكتور كانت دوته هلبا:شني ساهلا الاسالة
الدكتور:ساكتين شكلكم مش قاريين جاوبو جاوبو
الدكتور: انت اسمك مازن صح
شيماء قامت راسها
مازن:اي
الدكتور:اهاا من عيلة منو
مازن علا صوته عشان تسمع شيماء:معنديش عيلة مجهول
الطلاب قامو روسهم
طالبة وراى شيماء بصوت واطي:حييي لقيظ هدا
شيماء تعصبت
مازن سمع كلمة لقيظ لكن معرفش من قالها شاف لـ شيماء وعرف انها تعرف بقصته
الدكتور:عادي عادي مصار شي
مازن بصوت واطي:ياعليك نفخ
الدكتور:في حد كمل
شيماء: ممكن شويه
مازن فتح عيونه لم الدكتور مشالها وقعد يشوفلهم
الدكتور حاط ايده ع المقعد وصبعه ع الورقه وابصر شن يوري فها
مازن ضرب الطاولة:لو سمحت دكتور بعد ممنوع تساعد حد
شيماء كان هدفها تعصب مازن
الدكتور بعد:نوضحلها ف سؤال بس مش مساعده
مازن بصوت واطي: قريب قعمز جنبه كان مكلمتاش
شيماء كملت اول وحده قربت الورقه لـ الدكتور:كملت
مازن استغرب انها عطت الورق لدكتور مش ليه:ممنوع رجعلها الورقه مزال الوقت المحدد
الدكتور شاف سعته:لا تقدر تطلع
مازن:تمام تعالي وقعي
شيماء قربت وقعت وطلعت
مازن تعصصب ولقطات لدارتهم يمرو قدامه انها نادت الدكتور وعطت الورقه لدكتور
مزال شوية طلاب
مازن سلم الوراق للادارة وطلع يدور بعيونه
ونزل للكافي
شيماء وقفه تستنى ف قهوتها:اني منقدرش
رحاب:بتقري بروحك
ساجده:باهي نقرو مع بعض
شيماء: اني منقدرش عرس خوي قريب والحوش مكركب
ساجده: امتى؟!
شيماء:بعد الامتحانات مباشرةً
مازن شافها وطلع ميبيش يعلق بها اكثر
شيماء خدت قهوتها وطلعت مع البنات ف داخلها:اكيد عجباته بنت تانيه من الكلية اني متاكده طلعت وهي سرحانه وفي ايدها القهوة بووم
شيماء عيطت: ااا
مازن من العيطه تلفت كان في الساحه
وشيماء كانت طالعه لساحه وخش فها طالب وتبزعت لقهوة عليه
شيماء:اسفه
الطالب: بزعتها عليا شن اسفه متعك
شيماء طلعت كينكس:خود هدا ويعدين انت لخشيت فيا
الطالب جبد الكينكس منها:بررري ببررري بزعي عليااا قهوتك وقولي انت خشيت فيا تي انتي لكنتي سرحانه
مازن قرب: ياسر انت كملت امتحانك تقدر تروح
طالب يتكلم بتعجرف:الدكتور طالبني
شيماء والبنات نزلو
الطالب خش
ومازن واقف مع مجموعه من الحراس معاه
رحاب:شيماء تعالي تطلعي معاي برا ممكن بوي برا
شيماء:اوكى هي
مازن هدرز وتركيزه علها وشافها طلعت قعد يستنى فها تخش لاكن مخشتش لا هي لا صاحبتها ناض طلع برا وشافهم خاشين
خشو التنين
مازن خش
شيماء فهمت انه نشغل علها ابتسمت
الساعه مررت ساعه
والكلية فضت
شيماء اتصلت بـ معتصم ميردش
شيماء واقفه ف الشمس شافت مازن معاه بنت وتكلم فيه
شيماء قعدت تشوفله لعند انتبه علها مازن
شيماء نزلت عيونها وبدت تحاول تتصل بـ معتصم وفهمت انه توقعها صح مازن حب غيرها تحاول اكثر من مرة لكن ميردش
شيماء رجعت شافتله وكان قعد مع نفس البنت ومعاه مراد
حست بشي ف انفها لانها واقفه ف الشمس لمست انفه وشافت الدم حطت ايدها ع انفها وخشت
مازن شاف يرقب فها بدقق وشاف الدم لفي انفها وقف:اني بنغسل وجهي وجاي
شيماء خافت انه الوشاح يتلبز بدم حولت الوشاح وبدت تنظف ف وجها من الدم
مازن مقدرش يطق ع الحمام او يدير اي شي قعد واقف برا واتصل بصاحبه ع اساس عنده مكالمه وقف بعيدددد عن الحمام عشان ميشك حد
بعددد وووقت طلعت شيماء لوحت الكينكس المعبي دم وشافت مازن يقرب جهتها
مازن:خيرك مريضة؟!
شيماء:لالا ممكن من وقفتي ف الشمس انفي نزف
مازن:توا كويسه
شيماء:اي…وطلعت هاتفها وطلعت
مازن:وقفي نتكلم معاك
شيماء وقفت:خير
مازن:علاش تغيرتي
شيماء:اني تغيرت ولا انت واقف مع البنت قدامي وتهدرزو وجوك مليح
مازن:اي بنت
شيماء:بلا استعباط كانت معاك بنت
مازن: بنت واخده هاتف مراد اتصلت بااهلها وبعد جتني عطتني الهاتف لانه مراد خش وحكتلي انه هاتف مراد وبس
شيماء: اي وانت تقدر تاخد الهاتف وبس علاش تتكلم معاها
مازن:اني متكلمتش،هي قالت عطاها هاتفه عشان تتصل وركب وقاللها تعطيني الهاتف لم تكمل وهي حكتلي واني الكلمه الوحيده لسمعتها مني تمام
شيماء ابتسمت:حتى تمام بلاش منها مرة تانيه اقعد ساكت
مازن:بارده تتسهوكي
شيماء تتصل بـ معتصم ماحد يرد:ماحد يرد علياا
مازن:اتصلي بـ صدام
شيماء: صدام مشغول ف ترتيبات عرسه مش فاضي وانس عنده محكمه اليوم
مازن:اتصلي بـ امك
ترررررن تررررن
شيماء: ايوواه صح النوم
معتصم:كنت راقد والهاتف صامت اني جاي
شيماء: بسرعه…وصكرت
،
،
روحت شيماء والعيلة ادير وتجهز للعرس
تررررن ترررن
صدام ف شقته: ايوواه
عهد: صددام 
صدام: عيونه
عهد: صدام ماما بتحنيني يوم الحنه واني مانبيش قتلي بتضربني المهم مانبيش نحنني
صدام ضحك: خلي تضربك اخييي اصلا عروسة بلا حنه
عهد: تحبهااا 
صدام؛ اكيد وعليك شي تاني
عهد: باه خلاص عشانك بنحني
صدام ضحك: كذابة خايفه من امك مش عشاني ربي يحفظهالي ديما امشيتلي الامور ووقفه ف صفي
عهد: حوشنا زحمه وانت متصدق نتصل بيك 
صدام ضحك: قردة بري سلام
عهد. باي ووصكرت
مر يوم ايااام واخر يوم امتحانات
شيماء كملت امتحان وادور ع مازن
مازن جي متاخر شاف القاعات ملقهاش فكرها روحت نزل يدور ع مراد
ذهو نشازل من الدروج وشيماء راكبه تلاقت عيونهم لكن مقدرش حد فيهم يقول انهم كانو يدورو ع بعض
مازن: صباح الخير
شيماء: صباح النور
مازن: ادوري ف حد
شيماء: اي اهاا ندور ف ساجده
مازن: اهاا واني ندور ع مراد
شيماء: مازن بتجي ف عرس صدام؟!
مازن مقدرش يقوللها انه متعارك مع انس: اهاا مانعرفش ع الجو
شيماء: اليوم اخر يوم ليا
مازن: اي بسرعه فات الاسبوع
تررررن
شيماء شافت الخط : هدا معتصم عن اذنك باي
مازن دخل ايده ف جيبه لمس السلسال كان يبي يعطي هولها
شيماء نازله من الدروج
مازن لحقها: استني… وطلع السلسال من جيبه
شيماء شافت السلسال: هدا شنو
مازن: ممكن انه قديم او ممكن مش غالي بس غالي عليا هدا لـ امي
شيماء شافتله: ليا
مازن: ياريت تعرفي قيمته عندي هو صح سلسال بسيط هلبا بس كان اغلب الاوقات معاي
شيماء ابتسمت: بتعطيني شي من ريحة امك ليا اني
مازن مد ايده: لاني وتقت فيك وسلمتك امانة عندي وشي غالي عليا ديري بالك عليه تمام
شيماء خداته تشوفله: بس اني منقدرش ناخد شي مش من حقي
مازن: بلعكس تستاهليه، لو صار شي بيني وبينك يقعد ذكره بينا بس مهما صار معانا ولو كرهتيني اهتمي بسلسالي
شيماء تشوف ف السلسال وكلامه يدور ف راسها 
مازن مقدرش يتحمل ووقوفه معاها نزل يجري وطلع بسرعه كااان كااااره نفسه انه فكر يضر شيماء البنت البريئة وطيبه وتهبل ركب سيارته وكان ع شعره ويبكي حرق العجله ف الساحه لدرجة لفي الساحه كلهم شافوله
وشيماء تشوفله طلع بسيارته بسرعه
ركبت مع معتصم والسلسال ف ايدها
تتبع…
لقراءة الجزء التالي : الجزء الخامس من رواية اولاد سلطان
لقراءة الجزء السابق : الجزء الثالث من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
