وفي الجزء الثامن من رواية اولاد سلطان يا تري ماذا سيحدث من جديد الاحداث مع ابطالنا وهل سيحدث شيء غير متوقع معهم ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .
الجزء الثامن من رواية اولاد سلطان
انس معاها 
الممرضة خشت
انس طلع ركب سيارة مشي صلة ورجع
ايلاف 
انس: ايلاف قريب تصكري اربعه شهور اني تعصبت ره نوضي ياهمي…قرب شد ايدها
الممرضة خشت
انس سحب ايده:خير
الممرضة:لا شي بس لم كنت عندها بكري حسيتها تكلمت وكلمت الدكتور قالي ممكن نتخايل بس اني متاكده سمعت صوتها
انس: اني اغلب وقتي معاها علاش متكلمتش
الممرضة:مانعرفش بس صدقني سمعتها توا عن اذنك…وطلعت
انس قعمز شد ايدها: مع اني متاكد انها تتخايل بس فرحتني …حس بيدها تحركت
…حس بيدها تحركتانس شاف ايد ايلاف لـ شادها ابتسم: ايلاف
ايلاف تحاول تفتح عيونها بس تسمع ف اصوات الاجهزة الطبية جنبها
انس وقف وشافها ترمش ف عيونها تحرك فيهم لم خدها: ايلاف نوضي
ايلاف فتحت عيونها وكانو مرخياات
خش الدكتور وقرب لم شاف عيونها نفتحو:ليش مانديت عليا …وبدي يفحص فها
انس: خيرهااا
الدكتور:اطلع
انس شافلها وطلع برا
فاتت نص ساعه
انس مقعمز برا :يارب
الدكتور طلع وفي الكروسة جهازين
الممرضة:تقدر تخش
انس خش وشاف الاجهزة نقصت قعد جهاز واحد بس قرب شد ايدها
ايلاف تشوفله وقعده دايخه متكلمتش بكل
انس: تكلمي سمعيني صوتك
ايلاف تشوف ف الغرفة
انس باس ايدها
فات اليوم وايلاف متكلمتش بكل
ـــــــــــــــــــــــ
تاني يوم
انس اتصل بوفاء وقاللها
وفاء قالتله لم يكملو الكيماوي يرجعو
انس صكر وخش
ايلاف شافتله قامت ايدها حولت الاكسجين من وجها
ايلاف:انس
انس ابتسم قعمز ع الكرسي
ايلاف: شن صار وشن هدا ظهري انس
انس شد ايدها:اهدي انتي ديرتي حادث وتوا انتي كويسه
ايلاف شافت ايده سحبت ايدها:وين عمتي وبابا
انس تلبك انها سحبت ايدها منه: بوك عنده كيماوي سافر يكمل الكيماوي وراجع يشوفك
ايلاف: راسي بينفجرر
انس ضحك:راسك يوجع فيك من اربعه شهور
ايلاف مفهمتش
انس:جعانه تاكلي حاجه
ايلاف:انت شن ادير هني وبابا مش موجود
انس: ايلاف انتي مرتي
ايلاف: اي نعرف بنصير مرتك بس اطلع انس يشوفك حد عندي
انس: ايلاف اسمعيني لم انت درتي حادث….وحكالها كل شي
ايلاف: اربعة شهور وقريت فاتحتي انس شن تقول اني منذكر شييي علاش
انس: ايلاف معاد تفكري ف شي
ايلاف:تمام
ساعتين وجو عيلة انس
كريمه وفاطمه وعهد وشيماء ووتين
سلمو علها وتحمدولها بسلامه
كريمه: وانتي راقده داروك كنتي
ايلاف ابتسمت
انس طلع
عهد:اخيراا شفتك
ايلاف:مني انتي؟!
كريمه: هادي مرت صدام
ايلاف مش مذكره شي لكن لم يجيها حد تذكر اسمه
انس:ايوواه مازن وين
مازن:خيرك ف المركز
انس: تعلا للجامع القديم
مازن:نكمل خدمتي ونجيك
انس:مية مية
انس ف الجامع طبعاا صلحوه وتحسن الجامع عن قبل هلباا وخدوله معادات جديده
ــــــــــــــــــــــ
انس روح للحوش: باهي قريت فاتحته والناس كلها عندها علم انه البنت مكتوبه ليا يروح بوها نديرو عرس وتمت
كريمه:ونبيي بتستنا لين يجي بوها والبنت بنطلعوها من المستشفى وين بتقعد توا نديرو يوم عائلي تروح بها وتمت لا بوها لا جدها
انس: مانعرفش كلمي بوي تفاهمي معاه
سلطان خش:ف شنو نتفاهمو
كريمه حكتله
سلطان:صح كلام امك انت قريت فاتحتها والبنت غضوا بتطلع من المستشفى يعني الخميس دير عرس عائلي باش البنت تقعد معانا بلحلال
انس:مانعرفش…طلع
ـــــــــــــــــ
ايلاف وقفت وتتمشى ف غرفتها بشوية بشوية
انس طقطق وخش
ايلاف عدلت وشاحها: اهلين انس
انس: ايلاف كيف حاسه
ايلاف: شكرا ع السؤال الحمدلله بخير
انس: حكالك الدكتور القصة
ايلاف قربت من السرير ببطىء وقعمزت: اي حكالي واني مش فاهما شي وبزياده بابا اتصل بيا قالي انك قريت فاتحتي اني نحس ف روحي متت وعشت من جديد هدا كله صار واني ف غيبوبة تي شن هلغيبوبة كلها نوم
انس ضحك: معادش ترقدي لمدة اربعه شهور
ايلاف: فديت انس طلعوني
انس: اني جاي عشان نتكلمو ف الموضوع اصلا
ايلاف: موضوع شنو تفضل
انس: حني قرينا فاتحتنا من تلاته ايام وبوي قالي نديرو عرس عائلي بحكم بوك مش موجود ومعندكش وين تقعدي لانه احتمال بوك يتاخر
ايلاف: كيف هكي بندير عرسي ومافي حد من عيلتي معاي لا انس بلله عليك مانبيش
انس: عادي معنديش مشكله لكن وين بتقعدي
ايلاف: نقعد ف حوشنا انس خيرك
انس: نعمم؟؟؟ بروحكك؟؟
ايلاف: شن بتاكلني الغولة
انس: ايلاف متهبلينيش انتي مريضة قعده
ايلاف: انس ليش تغيرت
انس: كيف
ايلاف: هكي بدت تتكلم معاي احسن من قبل اذكرت لم مشيت للعرس وراسي مشوش نذكر فيك اتصلاتك انت متغير عليا
انس: تذكري شن قتلك قبل الحادث؟!
ايلاف متذكره بس تبي تتاكد: لا شنو صار
انس: لاشي
ايلاف: انس حكتلي الممرضة كل شي عليك
انس: تكذب
ايلاف ضحكت: اني مش مصدقتها اصلا قالت بوي سافر وقعدت معاي لحظه بلحظه وتدفع ف تكاليف الادوية والعلاج وتكاليف الاجهزة الطبية وقالت ديما تخش تلقالك عندي
انس سكت
ايلاف: تكلم علاش سكتت
انس تلبك طلع هاتف شاف الساعه: شن قلتي العرس الخميس
ايلاف: بشرط
انس شافلها بمعنى قولي
ايلاف سكتت
انس: ادوي
ايلاف: بلاش خلاص شي
انس: اي؟!!
ايلاف:اوكى موافقه العرس الخميس مع انه اني مش جاهزة ومش وقته بس عيب هدا قرار بوك
انس مقدرش يحبس ابتسامته ابتسم واخيييرا شفنا ابتسامته
انس:ميجيش نخلوك زعلانه واديري عرسك من غير اقربائك بناجلوه لعند مترجع عيل وبوك
ترررررن تررن
انس شاف للهاتف دار صامت
ايلاف قربت من الشباك ووقفت تشوف من الشباك
انس قربلها: حاولي تذكري شن قتلك قبل الحادث
ايلاف كانت مذكرة شن صار لكن مقدرتش تقوله انها مذكره
انس كان بيهبل المهم تذكر شن صار 
ايلاف: انت ذكرني باهي قولي عشان نذكر
انس: هححممم قبل الحادث اني اتصلت بيك وتكلمنا
ايلاف:بشنو تكلمنا
انس تعصب وخش بعضه:مافي شي ماتذكري شي
ايلاف ضحكت بهدؤ
انس سرحان ف ضحكتها :اني بنطلع انتي جهزي ملابسك لانك لعند مايجي بوك بتقعد عند عمتي هي ارمله وكلمنها ووفقة و….قاطعه الهاتف
ترررررن ترررررن
انس شاف الهاتف تلبك داره صامت من جديد:سلام…وطلع
انس طلع وكان ميبيش يطلع بس طلع بسبب الهاتف يرن
ايلاف طلعت بخطوات تقيله: استنـى
انس رجع: خير
ايلاف: شكرا مقدرتش نخليك تطلع بدون مانشكرك ع لدرته معاي شكراا من قلبي
انس ابتسم 
: مافيش بينا رسميات
: مافيش بينا رسمياتـــــــــــــــــــــــــــــــ
شيماء اتصلت مرتين لكن ماحد يرد
بعد العصر
ترررررن ترررررن
مازن كان متعصببببببببببببببببببب ومكسووور : شيماء درت كللل جهدي تكلمت وجبت شيوخ مافيش فايده بوك مايبيش يعطيك ليا
: شيماء درت كللل جهدي تكلمت وجبت شيوخ مافيش فايده بوك مايبيش يعطيك لياشيماء: مازن اهدى
مازن ف حوشه ضرب االشباك بقوة ويتكلم بصوت عالي: كيف نهدى بوك وصل ف عروقي بوك قال عليا ولد حرام بوك لتبيني انسبه وناخد بنت قال عليا وقدام صدام وشيوخ كبيرة قال منعطيش بنتي لولد حرام …. قطعاته
شيماء: ياسر معاد تطلبني الشي ليصير ولتقولي فيه ميفرحش اني نبييك وعيلتي وقفه ف طريقنا وانت بسببي تتحمل ف الاهانة وذل من بابا الشي هدا منرضاشي مازن خلاص اعتبر نفسك لا شفتني ولا شفتك…. قاطعها
مازن بصوت حاد: انتي شن تقولي اني مش ناقصك اني ليا شيماء توا بعد كل الخطوات لقربنها مع بعض بتتخلي عليا وتخليني ف نص الطريق
شيماء بدت تبكي وبصوت بكي: مانبيش حد يوصل في ولا يزعلك ولا يكسرك ولو كان حتى بوي مانبي يوصل فيك يحسبو فيك ع شي انت مش ذنبك
مازن تنهد: ياريتني متت ورتحت وريحت
شيماء: ووهدا لبيصير لاني تعبت واعرف انه اني محبيت حد لا قبلك ولا بعدك اعرف انه شيماء لو مكنتش ليك مش رح تكون لغيرك
مازن يحاول يفهم: بندير روحي مسمعتش كلامك لو تذي روحك مش مسامحك شيماء سمعتيني للوووو لوو ادير ف نفسك شي مش رح نسامحك تسمعي
شيماء صكرت الخط وحدفت الهاتف وقعدت تبكي
مازن لم صكرت عليه فكر انها بدير ف روحها شي عاود يتصل لكن ماحد يرد
ـــــــــــــــــــــــــــــ
انس خش فااااااااااصل:سلطاااان بووووي
العيلة تجمعت
انس ضرب المزهري من فوق المدخل:ياااااسر مهزله يااااسر
كريمه:نهاري احرف شن هل الدرويش انس بوك هداااا
انس متعصب:بوي ولا جدي وينه الشيخ لداير روحه يفتي ويصلي بناس ويننننننه بووووي
سلطان نزل: مشالله ع صوت تعلا نطلعو برا نسمعو الناس نققققص صوتتتتتك
شيماء وقفه ومتكيه ع باب المطبخ بكللل بهدؤ ودمعتها ف عينها وكنها تتفرج ع مسرح وتكنه مش بوها وخوها
انس:انت شيخ
سلطان سكت شوية:نشالله
انس: شيخ الننننم تعرفه النننم انت مليكش علاقة بديين ….قاطعه
صدام:انسسس بوكككك
انس: طوووول ف عرض وبصغارك(واشر ع وتين)وبصغار صغارك تمشي تقول لواحد جي من الباب وبلحلال طلب بنت تقوله وقدام عباد ربي تقول انت ولد حرام ياشيخ يادين يابوي هدا مش ديني ليخليك ادير هكي ره
سلطان شاف شيماء: كل واحد لداره انس تعلا للمربوعه
انس:ماحد يتحرك من مكانه قدامهم كلهم وضضح وافتي وقولي واقنعني وقولي علاش تقوله هكي
سلطان سكت
انس:ماتبيش تعطيه بنتك مش عيب ومن حقك لكن ماتقولاش الكلمه هادي حط روحك ف مكانه الولد وقف معاي وقفة اخخخخ حتى صدام من لحمي ودمي مايدير لدارة معاي مازن
صدام: ياسر قصة وتمت مافيش نصيب
شيماء دموعتها نزلت مسحتها ووقفه وتتفرج وساكته
انس:اي مفروض قال مافيش نصيب وبسسسس راك مش صغير ضيعت كبرك وهيبتك ف الشارع اكيد الشيوخ هزو عليك من الكلمه لقلتها
سلطان دم فار:ممششش انت تجييي وتعللللمنيييي
انس بصوت عالي: مانبيكش تغلط اني لانه مافي حد يعرف قيمة الوقت ز اني دير للوقت قيمه توا انت وبنتك وعيلتك مرتاح لكن بعد الكلمه هادي ماتعرفش شن يصير صلح لدرتها قبل ماتندم ربي موصي بليتيم يابوي موصي بليتييم وكلمتك هادي لو يعيش مازن عمره مرتين مستحيل ينسها ولا رح ننسها اني…وركب لغرفته وقربع الباب
شيماء خشت غرفتها وقعدت تبكي
عهد خشت ركبت وراى صدام
ــــــــــــــــــــــــــ
صدام: عهد متدخليش بحد انتي خليك ف روحك وبس
عهد: صدام علاش هكي بوك وسامحني ف كلمتي بوك ظالم
صدام تنرفز: بوي خايف علها بنته ومن حقه
عهد: صدام صح بس يرفض عادي لكن مايقولش عليه ولد حرام توجع ياصدام
صدام: عهد متدخليش … ونزل
ـــــــــــــــــــــــــــ
انس مشي لعمته وتفاهم معاها انه ايلاف بتقعد عندها بحكم انها ارمله وعندها زوز بنات بس ف الحوش
انس: ياعمتي كان متحشمه مني عادي
خديجه: لالا عادي واني شيفتها البنيـة
انس: بارك الله فيك غضوا تكون عندك هي سلام
خديجه: سلمك عمتي بسلامه
ـــــــــــــــــــــــــــــ
لؤي:اي تو اليوم بيجي
ضحى: خلاص توريهولي لـ اسمه معتصم هدا
لؤي:تمام
وبعد مطلع لؤي فعلا جي معتصم
وجت ضحى وتفاجات بأنه كبير هزباته لين عييت وروحت مع خوها
ـــــــــــــــــــــــــــــ
ايلاف مقعمزة وسرحانه وملللت وخصوصا انها بدون هاتف قعدت ادور بروحها فااا قرارت تطلع تتمشى ف الممر لبسة عبايتها وطلعت لقسم الاطفال
خشت لغرفة مشتركه بااطفال مرضى
ايلاف خشت: سلام
ام طفل:وعليكم السلام
ايلاف من الملل قعدت تتعرف ع الصغار وطبعاا الشي هدا حلو
وطبعاا الشي هدا حلوانس خش غرفتها وكانت فاضيه كلم الممرضة: وينها
الممرضة: قبل شوية ف قسم الاطفال
انس ركب وفعلا كانت ف قسم الاطفال وتحكيلهم ف قصة
ايلاف: كان ف دكتور اسمه الدكتور هشام وهدا الدكتور شاطر هلباااا في يوم هدا الدكتور داروله دعوة ع موتمر والدكتور هشام واقف وتاني يوم استعد ومشي للمطار عشان يسافر لمكان الموتمر وهو ف الطيارة صارت عاصفه فجآة قوووية هلبااااا ومطر ورعد وبرق فاا قرر الكبتن الطيارة انه يااجل السفرة
الدكتور هشام تعصب وقال انه ميقدرش يااجل سفرته لانه دكتور وناس محتاجاته وميقدرش يضيع وقت، الدكتور شاف موضفه وقالتله الموضف انه لو يبي يوصل للمؤتمر يوصل بعد تلاته ساعات بسيارة، وافق الدكتور هشام وركب ف السيارة وهو قعد ف الطريق المطر زادت فجآة وضباب معادش قدر يكمل طريقه وقف السيارة ونزل بملابسه المبلوله وشاف بيت صغير وضعيف شبيه للكوخ، قرب الدكتور وطق الباب فتحتله عجوز كبيرة ف السن ودخلاته وكلاته وشرباته، الدكتور كلي وشرب وارتاح وجفف ملابسه من المطر وهو يشوف ف العجوزة هادي تصلي وتدعي بقلب محروق، وكان مافي حد مع العجوزة هادي غير ولد صغير والولد هدا راقد وباين انه مريض هلباا، الدكتور شاف العجوزة وسالها شنو كانت تدعي بقلب محروق وقاللها انه ممكن يساعده لو قدر، قالت العجوزة كل امنياتها تحققو وهي تدعي من غير امنيه وحده نبها تتحقق، قاللها الدكتور وشن هي امنيتك، قالت العجوز وهي تاشر بصبعه لطفل لمريض قالت انها تتمنه انها تقدر تجمع مبلغ كبيرة من المال عشان تقدر تسافر لدكتور مشهور وهو الوحيد الشاطر ليقدر يعالج الطفل المريض ويقولو انه هدا الدكتور بعيد من هني اسمه الدكتور هشام !!!!
الدكتور هشام ندهش ونصدم ودمعت عيونها ابتسم وقاللها عشانك انتي ودعواتك وصلتني دعوة للموتمر وصبت مطررر غزيرة وريح قوية وبرق ورعد وشفت الموضفة والتاكسي وقفت هدا كله عشان يوصلك الدكتور هشام لباب حوشك، المعنى من القصة مهما كانت مستاء وزعلان خليك قريب من ربي لانه ماعمره يضيع تعب ولاعمره وقال ربي (آدٍعٌوٌنِـيَ آسِتٌجّـبً لَکْــمً)
الصغار عجبتهم القصة
ايلاف شافت الباب: انس
انس: حلوة القصة اندمجت معاها مقدرتش نقاطعكم
ايلاف قربت بصوت واطي: خيرك تلاش جيت ف شي
انس: بتروحي خلاص مش ضروري تقعدي
ايلاف: انس نبي نكلم بابا او عمتي من لم نضت واني مانعرف شي
انس: اوكى هي ف السيارة نعطيك تكلميهم
ومشو لغرفة ايلاف وخدو ملابسها ومستلزماتها وطلعو وركبو
نس فتح الهاتف:كيف بتكلميهم تعرفي ايميل عمتك
ايلاف: نفتح ايميلي ف هاتفك عادي لانه تبي وقت باش ترد واصلا هي مصكر المسنجر
انس.تمام افتحي
ايلاف خدت الفون: وحاولت تذكر كلمة السر بس اذكرت انها رقم بوها وفتحت حسابها بس للاسف عمتها كانت مصكره النت
بعتتلها رسايل(عمتي لم تفتحي خليك فاتحه لعند المغرب)
بعتتلها (المغرب خليك فاتحه طمنيني ع بابا)
ايلاف: اهو هاتفك شكرا
انس: كلمتها؟
ايلاف:لالا مصكرة اسمع حسابي قعد مفتوح ف هاتفك للمغرب افتح وكلمها انت واسالها عن حال بابا
انس يسوق :اني بنكلم عمتك
ايلاف:اي…قاطعها
انس وقف السيارة ف نص الطريق!!!!
انس تنهد وضرب الدومان: علاش متعطينيش شوييه شوووية بس من هدؤك المستفز
ايلاف:كيف مفهمتش
انس:بوك مسافر مكلمنيش وسال عليك علاش مهتمه وانك تزوري اطفال وتحكيلهم قصص علاش تهتمي بغيرك
ايلاف سكتت
انس: نبي نعرف انتي طيبه ولا غبية
ايلاف: علاش تتكلم معاي هكي
انس:بوك مسالش عليك ومع انه يعرف انك فتقتي
ايلاف: انت قريت فاتحتي متاكد
انس سكت
ايلاف:ف الفاتحه اكيد سمعت اسمي اني اسمي ايلاف فتحي يعني صبحي مش بوي صبحي عمي بس بسبب انه هو اهتم بيا من طفولتي نقوله بابا يعني نفس الشي لصار مع وتين
انس:بوك متوفي!!!
ايلاف:
تتبع ………
لقراءة الجزء التالي : الجزء التاسع من رواية اولاد سلطان
لقراءة الجزء السابق : الجزء السابع من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
