وفي الجزء الثاني من رواية اصبحت حياتي للكاتبة زين الشريف يا تري هل سنري أحداث جميلة مشوقة مع ابطالنا ام لا ؟ دعونا نعرف إجابة هذا التساؤل في السطور التالية بإذن الله .
الجزء الثاني من رواية اصبحت حياتي
نجو لي مراد اللي مصدوم والدم موقف في عروقه مش قادر يصدق عقله مش قادر يستوعب ولانه طيب مزاال مافهم انه ادهم دارله المطب هذا
وشالوه للقسم !!!
المحقق: شن اسمك
مراد :مراد وعطاه اسمه بالكامل
المحقق: قولي شن كنت دير هنك
مراد:مردش
المحقق: رد على سؤالي قتلك راه نصيحه لوجه الله احكيلي وقر بكل شي خير ماتشوف شي مايعجبك تشوف فيهم هذوم الي مصبيين هنك هذوم عندهم دم في البنت الي انت قتلتها
مراد😳😳استوعب انه هو المتهم وانه هذا كله عشان هو ينسجن قال لاالااالااا مش هكي 💔💔
المحقق: احكي الحقيقه راهم والله حاقدين لو نقوللهم حققو معاه تشوف نجوم الليل في عز القايله
مراد: عطيني شوي وقت بس وتوا نحكي كل شي نا مزلت ماستوعبت شن يلي صارلي
المحقق: انت شاب شكلك كويس وعائلتك معروفه لذالك ح نعطيك ساعه لا اكثر ونرد ونبيك تحكي كل شي بالتفصيل سحبو تلفونه وفتشوه وخذو فلوسه وكل شي معاه
مراد: قاعد يسترجع في معاملة ادهم له وكيف كلمه وكيف لما خش جت الشرطه شن عرفهم الا و ادهم مبلغهم او هرب قبل مانجي ومقدرش يبلغني
وقال حتى لو هو هرب هو الي دار الشي هذا انا لازم نحكي كل اللي نعرفه
بعد ساعه …..🕐
جا المحقق: شن استجمعت افكارك وألفت سيناريو
مراد٠😳😖 لا سيناريو لا شي انا ملياش علاقه بالي قاعد يسير
المحقق: بلا دوه زايده والي نسأله لك تجاوب عليه
احكيلي امس واليوم اللي قبله وين كنت
مراد: اول امس كنت فشغل روحت ع الحوش بعدها طلعت للمحل متاعنا
المحقق :مطلعتش بكل بعدها
مراد: لالا وعدي اسأل خوتي والي يشتغلو في المحل وأسال حتى جيرانه
المحقق: تمام هكي ماشيين صح وانت متكذبش كلامك كله صح نفس اللي نقاللنا
مراد😳يعني سالتو علي
المحقق: مش شورك الحاجات هذوم
مراد :هز براسه
المحقق :قولي من لما وعيت شن درت
مراد: وعيت وبديت نفطر ونبي نطلع رن تلفون طلع صاحبي اسمه ادهم قتله الو قالي الحقني بسرعه تعالي في المكان هذا ضروري مشيت ونا مش عارف شي جيت لقيت ومراد بدا يبكي
المحقق شن لقيت؟؟ …شن لقيت ادوي
مراد لقيت !!!لقيت جثة بنت معش عرفت هذي من وادهم ليش مش موجود وانتو شن جابكم لما انا جيت
المحقق: ملقيت حد لما جيت
مراد :لالا ناديت اكثر من مرا محد رد وانتو جيتو فجأه
المحقق تعرف لو تكذب في حرف واحد تشوف حسابك
المحقق: كذا معليش شوفو شن صار في المعلومات
مساعد المحقق: مزبوط يافندي اخر مكالمه كانت بينه و بين الاسم اللي ذكره وفي نفس الوقت اللي هو قال عليه
المحقق: اقلبو الارض ع الشخص هذا وجيبوه لي
وانت هاك تلفون بلغ هلك وقوللهم انك موقوف تحت التحقيق
مراد :يعني بتحبسوني؟!؟!!!
المحقق :ملكش دعوا وقول اللي قلته لك لعند مانجيبو صاحبك هذا وادعي ان نلقوه
مراد: وهو حزين مشعارف كيف يبلغ هله رن على خوه
ادم: الو من
مراد: ايوا انا مراد
ادم :رقم من هذا
مراد: مش مهم المهم توا راني نا خذوني الشرطه
ادم :شن شنو تقول انت امتتى صار الشي هذا
مراد: بدري شوي صارت قصه توا تعرفوها وتوا ماسكيني يكملو في التحقيق متقولهاش لامي وتعالو دبرولي انا منباتش هنا يا ادم المكان هذا مش لي
ادم: يسير خير والله متبات ونا خوك رد بالك من روحك لين منجوك اوكي
سكر مراد الخط وقلبه يوجع فيه من كثر ماهو مصدوم وكل شوي يجي منظر البنت قدامه يقعد يبكي يبكي معش مسك روحه
المحقق: شفق عليه جابله ماء
وقاله اسمع شكلك ولد ناس ومعندك ع الحركات وشكلك مظلوم ونا عمره ماأحساسي خابني
مراد: والله العظيم مظلوم وربي يبين الحق ياارب
المحقق :توا نساعدك عطيني المعلومات اللي تعرفهن على ادهم كلهن
مراد: ومرات ادهم يكون مظلوم حتى هو ومالهش دعوا بالي صار منقدر نبيع صاحبي وخوي
المحقق ؛بضحكة هزوه ههههه اما انت طيب
مراد؛ علاش تضحك
المحقق: لتوا مستوعبت شن يلي صار انت
مراد :شن يلي صار
المحقق :تي المكالمه اللي بلغت ع الحادثه جت من صاحبك يافهيم
مراد: تحكي جد مستحيل يبيعني
المحقق: وقت توا مفيش حاجه اسمها مستحيل يبيعني فيه حاجه اسمها فلوووس وبس معاك فلوس مايبيعش
ممعاكش يبيعوك ويتاجرو بيك اخرى
مراد: مصدوم وعطا المحقق لمعلومات الي يعرفهن كلهن وعطاهم عنوانه…..
…………………………….
علي : وعى وقلبه موجوع وطلع ممن الحوش بدون ماينطق ولا حرف وتعباان
مشا للشاليه متاعه ديما يلتم فيه مع اصحابه وقعد غادي كسر كل شي قدامه وعيط ليين بطل…
جاه صاحبه :كنك ياعلي؟؟؟
مابش يحكي وسكت ك العاده وكتم وحسه كره النساء كلهن وشال فكرة الجواز من راسه مع انه كان فرحان يومها وبيروح يقول لامه نبي نخطب
لاكن كسراته وكسرة ثقته في جنس حواء كللهن
وعدا لشغل وقرر انه يكمل حياته عادي ويطمر الجرح هذا وميطلعش وقرر انه يتعايش مع االالم اللي في قلبه بدون محد يعرف💔..
…………………………….
اما مراد في الوقت هذا جوه خوته وبوه وعرفو القصه كلها
اب مراد: نقول فيها لك نقولك الشاب هذا مش متريحله انا متسمعش مني يامراد شوف لوين وصلك ويسهري في الامر ولدي مايباتش هني ولدي ملهش علاقه ولدي برئ ميباتش هني نقلب الدنيا كولها ولدي ميباتش هني
الامر :وسع بالك ياحاج انا عارف ولدك برئ وبأذن الله يطلع بس منقدرش نطلعه لين نلقو ادهم ونحققو معاه ونقارنو الكلام لو كل حد جا بوه يهزب نطلعوه ليبيا تخرب كل شي ينحل بالتفاهم ولدكم تعاون معانا وبأذن الله يحصل احسن معامله وعلى مسؤوليتي
الاب: الله يربحك منوصيك علليه راهو ولادي كول شي بنسبالي الله يربحك الامر :في الحفظ والصون انشالله
المهم مشو وقلبو الدنيا ع ادهم فص ملح وذاب وجا الليل ودنيا صقع
وام مراد: مراد وين ؟؟؟
ادم :مراد بايت مع صاحبه في المستشفى صاحبه مريض شويا
امه :لا حول الله باهي معناها نوعى بكري نديرلهم غدا خوذه لهم ادم :حاضر ي امي
ومراد مسكين بايت وسط المجرمين وهو مظلوم
والدنيا مقلوبه على أدهم مالقيوه وعيال عمه جو للشرطه واولهم ياسر وعطو افاده في مراد انه مش تمام الامر هذا زاد المشكله تعقيد وقالو انه هو
ديما يجن ايام يختفي ويطلع فجأه الشي اللي خلا المحقق يشك في مراد 💔……
جا ال صبح وطلعت الشمس اللي متعرفش فلان مات ولا فلان موجوع …💔
تشرق كل يوم ويبدن قصص جديده ……
وجا المحقق لي مراد وقاله ع اللي قالوه عيال عمه
مراد: كنت متوقع الشي هذا تي عيال عمي يكرهونا اكيد ياسر ياما كذب
المحقق: فعلا حط فيك الشينه كلها
مراد: كيف عرفو هذا كله ونحنا ثلاث سنين ماتلاقينا ولا نسكنو جنب بعضناا
المحقق شك :
تمام هيا شباب ردوه للزنزانه
مراد: متصدقهمش راه والله مالي ذنب
المحقق: انشالله خير…..
جو اهل مراد جايبين حوايج ووكال ل مراد وعطوهم للعسكريه
وخشو ع المحقق وسألهم ع ياسر قالووله تعرفه قاللهم لالا مغير نا سألت ع العائله كلها وناس وجاد كررو الاسم هذا
ادم: اصلن هذا هو اساس البلا اسمع يا فندي راه نحنا عائلتنا لنا ثلاث سنين متفرقين بسبب العيل هدا ومعش شفناهم وهم اكثر من مرا تهجمو علانا وأسألو الجيران يعني متسألوش علاه لانه مش من عائلتنا ونحنا عائله معروفين انه حني في حالنا لانطرو حد ولا حد يطرينا
المحقق: يسير خير انشالله توا ممنوع تشوفو مراد لانه ع ذمة التحقيقات
ادم: تمام ونحنا نحاولو نسألو ع أدهم وانشالله خير
طلعو المحقق شك في ياسر
طلب من العساكر انهم يراقبوه
وفي الوقت هذا مزالو يدورو ع ادهم اللي اختفاءه يأكد انه هو السبب وان مراد مظلوم
مرو الساعات🕚 وجا الليل …..
وفجأه يرن هاتف الامر ألو ايوا
الو يافندي لقينا أدهم
طلع الامر يجري وركب في سياره وعدو يقبضو عليه لقوه متخبي في مزرعه
وقبل مايخشو سألو ع المزرعه لمن
وحاوطو المزرعه ولما عرفو المزرعه بأسم من ؟؟….
الجزء اليوم كله ع مراد وعلي اللي في يوم وليله #انقلبت حياتهم وهذا كله بسبب الثقه الزايده والطيبة اللي ملهاش حدود……
يتبع ……..
لقراءة الجزء التالي : الجزء الثالث من رواية اصبحت حياتي
لقراءة الجزء السابق : الجزء الأول من رواية اصبحت حياتي
للإطلاع علي فهرس اجزاء الرواية : جميع روابط اجزاء رواية أصبحت حياتي للكاتبة زين الشريف
جميع الحقوق محفوظة للكاتبة زين الشريف
