وفي الجزء الثامن من رواية الحلال والحرام للكاتبة سلطانة كوكي يا تري هل سيحدث شيء غير متوقع يقلب موازين الأحداث رأساً علي عقب ؟ دعونا نعرف إجابة هذا التساؤل في السطور التالية بإذن الله .
الجزء الثامن من رواية الحلال والحرام
ملك عدت هي وباتها وامها لحوش عمتها يزورو فيها وفي نور ويبو يطمنو عليهم رنو الجرس اكتر من مره بس مافيش حد فتح استغربو وبعد لفو لقو قدامهم نور مع أمها والفرحه باينه في وجهم وكان واضح انهم روحو من السوق توا والوضع يلي شافوه بعيونهم فرحو بيه لان نور سامحت امها علي كل شي وحبتها وكانت ماسكه ايديهاا
ابتسم مفتاح وهو يشوف فيهم : السلام عليكم يا غوالي
فاطمه : وعليكم السلام مرحبتين بيكم نورتو والله
غزاله : النور نورك يا فطومه وكيف حالك أنتي ونور
فاطمه : الحمدلله ابخير وفرحتي كبيره عشان نور بنيتي الغاليه سامحتني وبحتت فيها لقتها تبتسم قربت نور من خالها وسلمت عليه : شكرا لأنك جيت كنت ناويه نتصل بيك ونحكي معاك وتوا نحكو جوا لعند امتى نقعدو مصبين برا هههه ضحكو كلهم وسلمت نور علي زوجة خالها وعلي ملك ودغري فتحت باب الحوش لهم خشو وهما فرحانين عاللمه الحلوه هذي وخشت غزاله وفاطمه للكوجينه عشان العشاء يبو يديروه مع بعضهم واما ملك قاعده مع نور وباتها مفتاح يلي فرحان واجد علي تغيير نور قعدت تجنن بسترتهااا : انا فرحتلك ربي يحفظك 
نور بخجل : ويحفظك يا خالي ونبي انقولك علي موضوع هيثم انا بصراحه فكرت واجد وحانوافق عليه هو كويس وحتى ما حاول يغلط معايا لما وصلني للحوش وحتى لما بلغت الشرطه في نادر بس لو هو كان يبحت فيا بأني وحده عاهره مثلا ماكنتش وافقت عليه بس هو سمعني وصدقني وحتى منعني اني ننتحر بحت خالها فيها ومصدوم هو وملك علي قصة الانتحار ابتسمت وبحتت فيهم : هالشي له فتره لما خسرت كل شي قررت فعلا ننتحر بس خلاص والموت بيد ربي مش بيد حد ويلي كاتبه ربي يصير انا مانبيش يغضب عليا وانا نحب ربي واجد وغلطت في حياتي واجد من لما توفى باتي بس عرفت ان الطريق يلي خشيت فيه جديد دمار ليا وان الحريه ما اسمها حريه هضا جحيم بحد ذاته لكن الله غالب هضا نصيبي لو باتي ما دار فيا هكي ماكنتش تصرفت بالطياش هضا لكن المعاناه يلي شفتها طيرت عقلي من مكانه بس مانسيتش انا من ولا نبي شي حرام صدقني يا خالي لما كنت نحكي مع الرجاله زمان يلي يحاول ولو محاوله بس يبين ان خاش من طريق الحرام نرفض كنت نبي حلال وبس وان حد يتزوجني ويستر عليا ولمعو اعيونها : بس حريتي ضيعتني ودفعت ثمن هالضياع بس ربي عوضني من انسان صالح وكويس زي هيثم واكيد مش حانرفضه لان قالي مايبيش الحرام
مفتاح ابتسم وصبا مسح دموعها يلي نزلو : كلامك وندمك يا نور واضح من اعيونك وكل شي فيك وانا زعلت علي كل شي صار معاك في الماضي بس فرحت علي حاجتين يخصوك الاول عرفتي تعيشي وتفهمي الدنيا صح والتاني هو نصيبك من راجل كويس وصالح وانا حانحكي معاه بأذن الله وانقوله يجيب عيلته تمام
نور هزت راسها وخدودها حمر قعدن ضحك خالها هو وملك يلي تأثرت واجد من كلام بنت عمتها وزعلت عليها
مفتاح بحت في بنته : شوفي يا نور واضح ان ملك واجد زعلت عليك وبعدين اذكرت امتى يجي يخطبك زياد ؟؟
ملك اذكرت يلي داره تنحنحت : لا مافيش نصيب بيناا
مفتاح استغرب : ليش سألت عليه قالو كويس ؟؟
ملك : ماتريحتش معاه وعنده اختلاط بالبنات واجد ويضحك معاهم والراجل الصالح مايديرش هك صح ؟ والبنات مش محرمات عليه ويقعد معاهم وبروحهم
مفتاح : صح كلامك وهالشي غلط مايصيرش هكي
ملك نزلت راسها وماقدرت اتقوله ان كانت تقعد معاه واجد من زمان وحتى يسلمو علي بعضهم باليد 
نور حست ان ملك زعلانه وفي شي شاغلها : تعالي لغرفتي اشويه نبيكي ونولع التليفزيون يا خالي ؟
مفتاح : لا حانولعه بروحي وعدو انتو خودو راحتكم
نور : تمام شكرا هيا ملوكا نمشو صبت ملك وعدو مع بعضهم للغرفه وبتردد سألتها : انتي اتحبيه وفي حاجه ؟ يعني صاير شي بينكم غير يلي قلتيه توا قدامنا ؟؟
ملك تنهدت : زعلانه لان كنت زي البنت يلي كانت معاه من فتره نقعدو مع بعضنا ونهدرزو عالتليفون ونسلمو علي بعضنا باليد كنت نغلط بتصرفاتي معاه لدرجة في الاخير عرض عليا يشيليني وبروحنا بس رفضت لكن لما تجاهلته كم يوم طلبني للزواج وياريتني ما وافقت عليه صح متعلقه بيه وحبيته بس ندمت واجد علي كل شي درته فالشي هضا يوجع لان ماقدرتش نحكي لباتي 
نور مسحت دموع ملك : اشش خلاص وكلنا نغلطو مافيش حد ما يغلطش ومافيش داعي تحكيله هالشي خليه بينك وبين ربي هو غفور رحيم وانتي اصلا متغيره واجد عن قبل وكلامك تغير فعشان هكي ماتبكيش ولا تنهاري عشان غلط درتيه في حياتك واسهل مليون مره من اغلاط ناس واجد اكبر منك اخرا يديرو فيهم بس ربي غفور رحيم خلاص هيا اضحكي هههه هيا اضحكي الحياه حلوه واضحكي عشان اتزيدي حلاوه من ضحكتك يا بطه
ملك ضحكت ومسحت دموعها : شكرا تريحت واجد 
نور : ماعش تشكريني وانتي ياما وقفتي جنبي ونحنا زي الخوات وانا معتبرتك اختي مش بنت خالي وابتسمتلهااا
ملك ردتلها البسمه : شكرا وبخصوص هيثم واضح حبيتيه
نور من سيرته وجها قعد باكو الوان وماقدرت تبحت في ملك يلي انفجرت ضحك ماتوقعت تتصرف هكي من سيرته : لا شكلك تعشقيه عشق عقبالي انحب واحد كيفه
نور ابتسمت بعد قالت هكي : ان شاء الله واحسن اخراا
ملك : مافيش حد احسن من حد 
المهم كويس وصالح ويحبني انا ومايشوفش غيري هالشي غالي واجد
المهم كويس وصالح ويحبني انا ومايشوفش غيري هالشي غالي واجدنور : فعلا غالي وحتى انتي غاليه ربي يحفظك يا عسوله
ابتسمت ملك : ويحفظك هيا نقعدو مع باتي قاعد بروحه
نور : نغير بس ونلحقك مش حانطول هزت راسها ملك وعدت وهي تبتسم وتتمنى من كل قلبها يتحقق حلمهااا
لجين لاحظت ان اختها لها كم يوم فرحانه وكأن في شي تعرفه او ادير فيه وعاجبها وكانت فرحانه بيه قررت تراقبها الليله وتعرف السر يلي شاغلها ولكن شافت شي خلاها مصدومه 
حضنت شاب امريكي وبساته ودغري الباب تسكر وراهم بلعت ريقها : مايا طح سعدك يا اختي الله يسامحك معقوله يلي شفته ياربي شنو هالمصيبه وبحتت في جهة الكاميره اكيد شافوها بس ليش ماحدش تكلم اكيد ماعدلوش لان عندهم الايدز هما الاتنين اه يا تافهين للهدرجه وانتي اتفه منهم يا اختي وعدت دغري في اتجاه الغرفه دقت الباب بكل قوتها بالايش فتحه وطلع الشاب لاك واعيونه علي لجين مصدوم خاصة من نضارتها عليه : I miss you and she defeated me
حضنت شاب امريكي وبساته ودغري الباب تسكر وراهم بلعت ريقها : مايا طح سعدك يا اختي الله يسامحك معقوله يلي شفته ياربي شنو هالمصيبه وبحتت في جهة الكاميره اكيد شافوها بس ليش ماحدش تكلم اكيد ماعدلوش لان عندهم الايدز هما الاتنين اه يا تافهين للهدرجه وانتي اتفه منهم يا اختي وعدت دغري في اتجاه الغرفه دقت الباب بكل قوتها بالايش فتحه وطلع الشاب لاك واعيونه علي لجين مصدوم خاصة من نضارتها عليه : I miss you and she defeated me, may God defeat you
اتفوه عليك وعليهاا قهرتوني الله يقهركم وبحتت في مايا يلي جات توا بعد سمعت صوتها : كنك طالقه لسانك انتي
لجين بهزوه : وتسألي كني بعد يلي شفته معقوله تردي للغلط مره تانيه مش قلتي حانتغير ومش حانغلط ؟؟
مايا بهدوء قدام لاك وحكت بلهجتنا : وانتي شنو دخلك هذي حياتي ننصحك تخليني في حالي احسن ما نوريك
لجين ضحكت وبحتت فيه : Do you know what she told me that you are a despicable person and she loves the despicable people who are like her and for her own good
تعرف شنو قالتلي انك واحد حقير وهي تحب الناس الحقيره يلي زيها وعشان مصلحتهااا تبيك يعني ماتحبك ولا اتموت عليك اخرااااا
مايا انصدمت : انتي حقيره وضربتهااا كف قوي بكل
لاك بحت في مايا وبحزن : Thank you I didn’t expect this from you You cheated on me You told me that you love me and are happy with me so much But it’s not true I’m disgusted with you I don’t want you anymore
شكرا لكٕ لم أتوقع بهذا الشيء منكٕ لقد خدعتيني قلت لي انك تحبينني وسعيده معي كثيرا ولكن هذا غير صحيح انا مشمئز منكٕ لا اريدك من بعد الان
مايا مصدومه نضارته لها كلها تقزز وعدا سيبها هي واختها لجين يلي انتصرت وفتنت بينهم اول ما جات عينها عليها كانت حاتضربها مره تانيه بس هربت لجين تجري وخلتها تجري وراها لعند الحديقه متع المصحه برا وبحتت فيها وبدموع شلال : انا مصدومه فيكي لو يعرف بابا شنو كنتي اديري توا مع الاسف حايكرهك ومش حايسامحك زي قبل لانك كررتي غلطتك هو رغم يلي درتيه مايبيش يخسرك ولا يخسرني قاعد يشتغل لليل ونهار توا في امريكا عشان ما ينقصو الفلوس ويدفع حق الجرعه متع الابره يلي حضرتك مش معدله لا علي بابا ولا هامك تعبه انتي انانيه وحقيره اخرا مش خايفه اتموتي وانتي بالوضع هضا ؟ علي الاقل موتي وانتي ندمانه من كل قلبك ومش حاتردي لغلطتك مره تانيه استغفري ربي قوليله يسامحك نحنا مش كفار نحنا مسلمين وين عايشه انتي تمشي لواحد في غرفته وواخده راحتك معاه تحشمي علي وجهك عيب عليكي والله عيييب
مايا بهستيريا وجنون : مش شورك بيا انا حره ومن يلي حايتحاسب انتي او انا ؟ وبابا ما قتله عالجني لان مش واثقه ابدا اني حانعيش اكيد حانموت ومش قادره نسيطر علي نفسي افهمي عليا انا تعودت علي اغلاطي ومانبيش نخليهم سوا برضاك ولا مش برضاك هذي حياتي ننصحك ما تدخليش فيهااا ولو ادخلتي صدقيني حاتشوفي شي مش حايعجبك فاهمه ودفتها بيديها الاتنين للخلف بقوه وكان وراها نافورة اميه طاحت فيها ولجين عندها فوبيا من الميه ومن البحر بشكل اساسي اول ما شافتها مايا طايحه ما حاولتش تساعدها : طحتي بروحك انا ما دخلنيش وعارفتك تخافي من الميه ومش قادره حتى تصبي مع ان لو صبيتي حاتطلعي بروحك وانتي كويسه اخراا حاولي حاتطلعي وعدت خلتهاا بروحها مخنوقه
لجين تحرك في ايديها وتحاول تصبي بس ماقدرتش كرعها وجعتها من طيحه وطلع منها دم شهقت لما طلعها شخص من الميه كرها مع ايديها وهي قعدت تاخد في نفس وترعش وحالتها حاله بحتت فيه : why ? لماذا
لاك : شقيقتك مجنونه لقد رمتكٕ هنا ولم تساعدكٕ وتقولين لماذا ساعدتك ! Your sister is crazy she threw you here and didn’t help you and you say why did I help you
لجين : عموما شكرا لك ولا تقترب منها بعد الان
In general, thank you and do not approach her anymore
لاك : لا أود رأيتها وأنتبهي لنفسك جيدا أحذري منهاااا
I don’t want to see her, take good care of yourself, beware of her
عدا وخلاها سارحه وتفكر في تصرفات اختها قعدت تكح وخشت جوا وهي تعرج كرعها توجع فيا فتحت باب غرفتهم لقتها في سريرها وواضح انها معصبه : كرهتك ومنقرفه منك اخرا ومش حانسامحك كنت حانموت عديتي وخلتيني بروحي الغريب ساعدني وانتي لا
مايا ببرود : مش مستحقه للمساعده هي نفوره فقط
لجين : انتي جنيتي دفتيني بكل قوتك بقصد منك شوفي كرعي ماقدرتش انصبي وفوقها عارفتيني نخاف من اميه
مايا : ما يصيرلك شي كيف الجن عايشه وقاعده علي قلبي تراقبي فيا ومعطبه حالي خاطيني خيرلك فاهمه
لجين نزلو دموعها : نتمنه تموت ونتريح انا تعبت منك ومن الحاله يلي وصلتيني فيها حانتصل بكرا بماما اتجي تاخدني ولما يجي وقت الابره ناخدها هنا ونمشي ماعش نبي نقعد هنا ولا نبي نقعد معاكي تعبت واجد وبسببك
مايا : بالعكس نفرح لما تمشي ونااااخد راااحتي اخرااا
لجين قمعزت وهي تتألم من كرعها ومابتش اترد عليها ولكن من جوا مكسوره الخاطر ما رحمتها ولا حنت عليها وفوقها عاجبها الوضع يلي هي فيه وتبي تغلط اخراااا
لما جاه الصبح اتصلت لجين بعيلتها وطلبت ياخدوها تقعد معاهم في الفندق وقتها استغربو بس يبو يعرفو السبب وليش طلبت هالطلب عدو للمصحه وشافو لجين ترجا فيهم بشنطتها وواضح الحزن في أعيونها قربو منهااا
امها زينب : كنك يا لجين وعليش تبي تمشي من هناا ؟
باتها يوسف : في حاجه صايره حد مزعلك احكي ؟؟
لجين بحتت في المصحه : منقرفه منها وكرهتها توقعت روحي نتريح فيها وحتى اختي تتريح فيها وتتغير بس مافيش أمل وغمضت اعيونها لانها تبي تكذب وماتبيش اتقول الحقيقه وتفضح بأختها نزلو دموعها : وسبب مشيتي من هنا لان مايا حاولت تقرب مني فعشان هكي وجودي بعيد عليها اهون وهيا نمشو توا تعبانه واجد
: وسبب مشيتي من هنا لان مايا حاولت تقرب مني فعشان هكي وجودي بعيد عليها اهون وهيا نمشو توا تعبانه واجديوسف مصدوم : معقوله وكنها كرعك ليش تعرجي هك
لجين 
: طحت مافيش حاجه بس نبي نمشي هيا
: طحت مافيش حاجه بس نبي نمشي هيازينب : ياعمري انتي خلينا انشوفو اختك قبل ونحكو معاها قمعزي هنا وتوا انجوك لازم نشوفوها وعدت الام ولحقها الاب ويبو يهزبوها علي تصرفها مع اختها لقوها طالعه توا شور الحديقه بحتو فيها زين وهي كشخت وربعت يديها : شنو حكتلكم بنتكم ودغري جيتو تجرو وادبالكم تقربو مني انا حره ندير يلي نبيهااااا فاااهمين
باتها عصب : كنك تحكي هكي انا باتك أحترميني انا وامك وشنو الكلام يلي سمعناه مش عيب عليكي ؟؟؟
مايا : لا مش عيب هذي اسمها حريه شخصيه تمام
امها : حريتك تحاولي تقربي من اختك وتغلطي مره تانيه
مايا بهزوه : انا مش طايقتها عشان انقرب منها هالبارده
باتها : عليش تحكي عليها هكي وهذي اختك كرهتيهااا
مايا : كرهتها وما نبيها اتراقب فيا 24 ساعه وانا حره نمشي ونحكي مع من نبي حتى لو حكيت مع عرم رجاله ودرت علاقه معاهم هي مش شورهااا بيا مش ولية امرررري ونبي انعيش بجوي وندير يلي نبيهااا وبسس
باتها وامها انصدمو وبحتو في جهة لجين من بعيد يلي حست ان اكيد عرفو كذبتها نزلت راسهااا دغري
زينب : كيف يعني انتي درتي علاقه مع رجاله هنا ؟؟
مايا بحتت فيها : تستعبطو مش حكتلك انها شافتني مع شاب في غرفته وليا كم يوم نمشيله اخرا وانااا حررره مش شوركم بيا هيا خودو بنتكم وعدو ومافيش داعي تدفعلي حق الجرعه نرجى في موتى بفارغ الصبر وعدت
يوسف سلح السير امتعه ولحقهااا يجري كرها مع شعرها يلي طالعه بيه برا بدون حجاب وطيحها وقعد يضرب فيها بالسير بكل قوته وهي تعيط بصوت عالي : حيوانه انتي ماعرفتش نربيكي ولا عرفت نكسرلك راسك لانك بنتي ماعمري ضربتك وتوا حانضربك وانوريك كيف تقللي ادبك معانا وكيف تغلطي مره تانيه بعد سامحتك خلتيني نندم اني سامحتك وحنيت عليك وقاعد ندير في المستحيل عشان علاجك وفوقها اتعاودي نفس الخطأ وعاجبك يلي اديري فيه يا تافهاااا الله ياخدك وقف وهو ياخد في نفس : واختك يلي قلتي عليها كلام عاطل ومش طايقتيهاا سترت عليك ماحكتش الكلام يلي انتي قلتيه نزلتي راسي الله لا يسامحك تعبتيني وهي تبكي وحالتها حاله وحتى امها يلي مابتش اتحز عليها بعد يلي سمعاته منهاا واما لجين كرعها توجع فيها وصلت فيهم توا وهي دهشانه : ما تضربهاش يا بابا خلاص اطلقها
مايا شافتها وهي تبكي جاتهاا : انتي السبب الله ياخدك ويريحني منك هدت عليها تبي تضربها بعد يلي داره فيها الاب حقدت عليها حقد لا يوصف ولكن باتها فكها بالغصب من اختها وضربها مره تانيه بالسير حاولت الناس يلي في المصحه اتحز بينهم بس مافيش فايده الاب كان معصب من بنته بشكل لا يوصف ضربها وما رحمهاااااا نزفت دم واجد خنقهاا مع رقبتهاااا بالقوه : تستاهلي الموت انتي وامها ولجين يكرو فيه ويبكو يبوه يطلقها بعد فطن لنفسه طلقها وهو يرعش بعد ماتحركتش : مايا وقعد يهز فيها ردي علياااا مايااا وشاف نبضهاااا مافيش نبض بكل
لجين تبكي : قتلتها يا بابا حرام عليك انت قتلتها
زينب منهاره هزاته : ليش تقتل مايااا هذي بنتنا ليش
يوسف حالته حاله واعيونه علي مايا يلي لا تتحرك ولا شي بلع ريقه وصبا : هي خلتني ندير فيها هكي الله يسامحهااا وعدا بعيد عليهم قعد يبكي واعيونه علي ايديه يلي خنق بيهم بنته : الله يسامحك يا بنتي
لجين تبكي عليها وحالتها حاله هي وامها وعيون الناس عليهم حتى لاك شاف يلي صار ما تحركش بكل ولا دار حاجه يبحت وبس لكن وجعاته موتت مايا رغم ان ما فهم شنو صار بينها وبين عيلتها لكن شاف العركه وضرب الاب لبنته وخاصة أنها حاولت مايا تضرب اختها يلي حاليا تبكي عليهاا ومنهاره بلغ مدير المصحه مركز الشرطه عشان الحادث يلي صار وخاصة بعد تأكدو من وفاة البنت
رغد بحتت في يد باتها يلي جاه توا من الشغل وكانت ملفوفه قربت منه وبخوف : كنها يدك بسم الله شنو فيها
باتها نجم : ما فيها شي ما تخافيش عليها ووين امك
رغد : قاعده جوا في دارها طاحت علي كرعيها لفيتها لها بالرباط ونرجو فيك عشان نشيلوها للمستشفى توجع فيها
باتها : انا مانقدرش نسوق السياره توا نوقف تاكسي وعدا
رغد استغربت وخاصة ان يده ملفوفه عدت لبست عبايتها بسرعه وامها كانت لابسه ساعدتها اتجي قريب علي جيت باتها : وقفت تاكسي برا وقرب ساعد زوجته فتحيه وقعدها في الكرسي الخلفي من السياره وقمعز لقدام ورغد جنب امهاا وفي طريقهم للمستشفى بعد وقت وصلو لها وتم الكشف علي كرع الام من الدكتور وصورها ولما شافهاا اطمن عليهاا وطلع لعيلتهاا : ما فيها شي بس توجع فيها من الطيحه بس وان شاء الله لا باس عليهاا
نجم تريح : الله لا يوريك باس وشكرا بارك الله فيك
دكتور : ولو وعينه جات علي يده ملبزه دم : كنها يدك
نجم : ما فيها شي نشتها في الشغل وقعدت توجع فيا
دكتور : انشوفها بس وقرب حول اللفه واعيون رغد عليها
نجم غمض اعيونه من الوجع !!!!
يتبع …….
لقراءة الجزء التالي : الجزء التاسع من رواية الحلال والحرام
لقراءة الجزء السابق : الجزء السابع من رواية الحلال والحرام
للإطلاع علي فهرس اجزاء الرواية : جميع روابط اجزاء رواية الحلال والحرام للكاتبة سلطانة كوكي
جميع الحقوق محفوظة للكاتبة سلطانة كوكي
