وفي الجزء السابع سنكمل متابعة الأحداث سوياً لمعرفة ماذا سيحدث بين ابطال الرواية وماذا تخبيء المواقف لهم، هذا كله سنعرفه معاً أثناء قراءتنا للأجزاء الشيقة للمبدعة لوزة ليبية، لذلك هيا بنا لنبدأ بالقراءة الآن .
الجزء السابع من رواية رجل يحببنه الكثير للكاتبة لوزة ليبية
هيثم:كان نقولك ياحسومة
حسام:قول ياهيثومة
هيثم:فيه بنت صاروخ طيار
حسام:ايه ايه كمل 
_
هيثم: عيون كبار عسليات قنينة وقوام ممشوق
حسام:ياحيه عليه هبﻻته ^^
هيثم:جت ل هاني وقتله شنو نسيتني والحمار هدا وزعها
حسام: ههههههه عﻻش وزعتها
هاني:تي شن نبي فيها فوتوني تره ناقصني انا
حسام ل هيثم:خليه خليه تو يفيق ع عمره مع العام الجاي غير مرته قاعدة عروسة ههههه
وانتهى الدوام وروحو هما التﻻتة
حسام:شنو بتمشو ل شيل
هاني:ﻻﻻ خلي نروح انحي البدلة ونلبس لبس عادي
هيثم:ايه صح
حسام:اوكي فيسع انت وياه ونتﻻقو ف سيمافرو وﻻد الحاج
ركب سيرته هاني وتوجه للحوش ركب طول لحوشه
هاني:بيبي انا روحت
عزيزة:ياروحي استحشتك
هاني:امممم ممموه حﻻك حبوبي
عزيزة:اتهبل
هاني:سنفورتي انا بنبدل عالسريع وطالع
عزيزة:وين بتمشي 
هاني:بنعبي بنزينة
عزيزة:اها اوك
خش هاني غسل وجهه وطرافه ولبس سروال اكحل وفلينيا رصاصية وطلع لقي عزيزة متكية ع الكنبة
عزيزة:حبيبييييي لبست زيي
هاني:ههههه مانتبهتش
عزيزة:استنى نصورو مع بعض
هاني:من بيصورنا
عزيزة :غير استنى اوقف تو نحط نقالي ع الطاولة وندير المؤقت
هاني:باهي بسرعة بيبي هي
حطت نقالها ودارت ظبط للمؤقت ووقفو دارو لقطة
هاني:هي باي عزو
عزيزة:امموه نحبك باي
طلع هاني ومشي يجري لين وصل سيمافرو
حسام:ههههه وصلت قبلك
هاني:المهم مش انا اﻻخير
بعد شوي وصل هيثم
حسام :متأخر عليك حكم
هاني:ايه
هيثم:ياكلب انت وياه بعد ماروحنا من مصرف ادكرت ان السيمافرو قريب ع حوش جد حسام وقريب ع حوشك ياهاني معناها ماعلياش حكم
هاني:هيا به سباق تاني من يوصل قبل ل شيل
حسام:هي
ومشو هما التﻻتة يجرو وراء بعض بسيارات وكأنهم ف حلبة سباق
ووصلو وهاني ربح السباق وقعدو 5 ساعات ف الشيل
ومع المغرب عبو سياراتهم وروحو
فتح هاتي الباب الرئيسي وركب الدور اﻻول يفكر خلي نخش لامي ماشفتهاش…
فتح هاني حوش امه وخش
السﻻم عليكم
خ سميحة:وعليكم السﻻم … وينك اليوم سمله ماشفتكش
هاني:والله هادي مرواحتي من الشيل شنن اخبارك يمى وشن مدايرة
خ سميحة:اهو الحمد لله
مرام اتغني في المطبخ اغنية شرين…
بحبك اوي بحبك اوي انا عايشة مرة واحدة زي اي واحدة نفسي احس بأمان مابنيش احﻻم فبالي تكسرها اليالي
هاني ل امه :خلي نمشي نشرب عطشان
خ سميحة:به
ناض هاني وقرب من مطبخ
لقي مرام عاطية بظهر وترقص
هاني:هئ احم
تلفتت مرام وقتله:هههه هاني كيف حالك
هاني:الحمد لله شخبارك انتي مرومة
مرام:الحمد لله
هاني:شن يامهبولة ترقصي من غير اغاني
مرام:هههه كنت نغني و تمت اﻻغنية منسجمة قعدت نرقص
هاني:نشم في تفحفيح شن الطاجين المغطي هدا شن ف وسطه
مرام:مدايرة طاجين جبن
هاني:تتسهوكي !
مرام:ﻻ بجديات مانتسهوكش _
هاني:قبل عرسي قتلك ديريه يامكارة مابيتيش
مرام:تتعرس وتبيني نطيب
هاني:شن تقولي يامهبولة هيا قصي طاجين
مرام:ﻻﻻﻻ فيش
عزيزة:مساء الخير اﻻي
خ سميحة:مساء النور
عزيزة :روح هاني
خ سميحة:اونه ف المطبخ يشرب في اميا
هاني ل مرام :هيااااا قصي
مرام:به هنيوة اصبررر
هاني:سبحان الله على قد مادقت طاجين جبن مايجيش زي متاعك
نتفكر فيه اول مرة درناه كنتي في العدادي وانا في الجامعة ههههه
مرام:هههههه ندكر ايه …اهو قصيته لكن نبيش نعطيك
هاني :هاتي اهني هاتي
مرام:ﻻ مافيش ههههههه
هاني:والله نقتلك مرام هاتي
وقفت عزيزة قدام المطبخ وشافت كل شي o_O
مرام شبحت عزيزة ودارت روحها مارتهاش وقالت ل هاني :ماحسبتكش تحب تطييبي هكي
هاني:انتي عارفة من قبل طاجينك هدا التوب الصراحة
مرام:تتفكر مرة ف ليلة العيد درناه انا وياك انت اتقرض ف الخضرة وانا نقلي ههههه
هاني:ههههه ايه مدكر تي عطيني ناكل جعان
خدت مرام صونية وحطت فيها طروف طاجين ومدتهاله
خدي وكلي هاني
عزيزة:صحتين هاني
تلفت هاني وقالها: الله يسلمك عزوو …. تعالي كولي مش عادي الطاجين
مرام:ايه تعالي قعمزي قعمزي
عزيزة :ﻻﻻ صحتين شبعانة … انا راكبة توا هاني بتركب؟؟
هاني:به نكمل ونلحقك هي…. مديلي خبزة مرام …
طلعت عزيزة وهيا مضايقة وجها احمر
ومرام تضحك ف قلبها
هاني:بايتة اهنا انتي
مرام:ايه
هاني:به بش اديريلي غدوة كيكة اللي مرة درتيها
مرام:كيكة كراميل قصدك
هاني:ايوه هيا هادي …. الحمد لله شبعت خلي نغسل يديا ونركب
مرام:اوك هنيوة ….
هاني:يﻻ تصبحي ع خير يامهبولة
ركب هاني يدندن باأغنية وليد تﻻوي غزالي ﻻ مانفرط فيه لو يبي روحي نعطيه
فتح الحوش وخش
هاني ينادي:عزعوزتي انا روووحت جاك حبيبك تعالي استقبليه اشتاحشك هلبا
مشي لدار نوم مالقهاش خش للمطبخ مهناش مشي لدار الضيوف لقاها مطفية الضي وحاطة سماعات في وذانها قرب منها وقالها: عسولتي
عزيزة مدت شواربها زي عصفورة
هاني:خيرك حبيبتي شنو فيه
عزيزة:ﻻ مافي شي
هاني:سنفورتي الحلوة قولي شن فيه
عزيزة:بجد مافي شي نسمع ف اغاني …
هاني:خليك من اﻻغاني حبوبتي ماستاحشتيش حبيبك
عزيزة:ﻻ
هاني:هههه ﻻﻻ مش معقولة اكيدة شتاحشتيني وخداها ف حضنه وخدي منها بوسة
عزيزة قاوماته ودفاته بطريقة مش حلوة….
هاني وجعاته اللقطة وحزت في خاطره
هاني:ماتقوليليش خيرك ؟؟، وشن اللقطة اللي درتيها هادي !
عزيزة:لقطة شنو
هاني:توا وقت دفيتيني ماتوقعتكش اديريها ف يوم مهما كان السبب
عزيزة:ماندريش عليك ماتحبهاش
هاني:حتى ولو ماتندريش ماتندارش الحركة هادي اصﻻ
وبعدين منبهك عليها
عزيزة:امتى ؟
هاني: صارت قدامنا اللقطة ف فلم اجنبي وقتلك مانحبهاش ..
عزيزة:مضايقة بس
هاني: حتى لو انك مضايقة من شئ ما ماديريش هكي قوليلي انك مضايقة وحنتفهم
انا ماجبرتكش ان بندير معاك حاجة توا… فقط بوسة وحضنتك ﻻني مستاحشك بس وانتي لفتي وجهك و دفيتيني قصدي اخيه الحق…
عزيزة سكتت وهاني ناض لداره قعمز ع السرير بعدين خش الحمام خدي دوش وصلى اللي فاته وقعمز قدام التلفزيون حط فلم اجنبي وقعد يتفرج
عزيزة تبكي في الدار على موقف متع مرام و على اللقطة اللي دارتها وقعدت اتمتم غبية انا لو كان قتله سبب من بداية راهو تراضينا لكن توا بعد اللقطة هادي حيقعد زعﻻن مني …. احسن حاجة نخليه توا اكيد قاعد متعفلق…ومع منتصف الليل نرضيه
بعد ساعة طلعت عزيزة من دار الضيوف وقالت ل هاني : ااا هاني نحطلك تتعشى ؟؟؟
هاني:ﻻﻻ شبعان
رجعت عزيزة لنفس مكانها
وماوصلتش ساعة 9 لين هاني خش داره ومشي فيها نومة من كثر التعب
مع ساعة 1 ليلا حطت مرام شيشة صغيرونة تحت مخدتها ورقدت
فاقت ساعة 4 تبي الحمام جاية بتنوض ادكرت الشيشة هههه قعدت تفرفش وتخبط ف ايدها عالحيط وتقول وك عليا ياكبدي بناقص عليا الحب احيييييه ده انا مزنوقة اووووي
وقعدت اتفرفش لين صبح الصبح وطلعت الشمس اتنطرت زي للحمام خشت وطلعت وقالت :اااااه صدق من قال بيت الراحة …. خلي نركب فيسع توا اكيد هاني بيطلع للعمل ماعتقدش مرته الحولة بتطلع قبله وهيا ﻻ خدمة وﻻ قدمة ..
مشت طلت ع عمتها لقتها راقدة تنخط …طلعت مرام لوسط الحوش وتوجهت للباب
فتحت الباب وركبت لحوش هاني رشت السحر على عتبت حوش هاني ونزلت
عزيزة:هاني هاني نوض
هاني:شنو فيه
عزيزة: ساعة 7:15 كان بتمشي العمل
هاني:اوكي به
ناض هاني وهو قاعد زعﻻن من عزيزة خدي دوش وصلى الصبح ولبس حوايجه وقعمز بيفطر
فطراته عزيزة وبعد شوي وقف
وطلع ع وسط الحوش وقف ف الممر وطلع من دوﻻب الكنادر كندرته بش بيمشي
يتبع ………..
لقراءة الجزء التالي : الجزء الثامن من رواية رجل يحببنه الكثير للكاتبة لوزة ليبية
لقراءة الجزء السابق : الجزء السادس من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
