وفي الجزء الأول من رواية كنت للروح سقيا للكاتبة شهد محمد دعونا نبدأ في معرفة كيف ستبدأ الرواية وعن شخصيات الأبطال ؟ وكل ذلك في السطور التالية بإذن الله ونتمني لكم قراءة ممتعة مشوقة .
الجزء الأول من رواية كنت للروح سقيا
“تركنا قلبنا في بعض لحظات الوداع ”
……………………….………
كنت قاعده في الأرض وما حاسه بشي حوالي كنت بتمتم ب ده كلو بسببي انا كلو بسببي انا انا الاصريت عليهم انو نمشي كلو بسببي انا
طلع الدكتور من غرفه العمليات كانت الاجابه واضحه على وشو بس كان لازم نسأل لازم نتأكد لازم نكذب نفسنا قبل ما امي تفتح خشمها قال ليها البقيه في حياتكم الحاج سلمكم عمرو
بقيت ما حاسه بالحوالي شايفه طشاش طشاش شفت امي وقعت من طولا بس ح اعمل شنو؟ ح ارفعا كيف؟ صرخت صرخه بطول حسي كيف يعني؟ كيف يعني يموت؟ ح يخلينا لمنو طيب؟ ح نعيش من غيرو كيف؟ كل الكنت عايزاهو في اللحظه ديك زول يصحيني يقول لي ده كابوس ابوك حي ومنتظرك بس ما حصل كده اغمى على وما وعيت على نفسي الا وانا في البيت صحيت على كواريك ناس في بيتنا وكانت صحبتي عبير بتبكي على راسي قلت ليها سمعتي؟ بكذبو صح؟ ابوي مستحيل يموت ويخليني انتي فاهمه مستحيل ح يخلينا لمنو يعني؟ قالت لي شهد ارح ودعيهو عليك الله قوي نفسك 
قلت ليها لالا مستحيل هو ما ح يمشي مكان هو ما ماشي مكان انا اسي ح اجيبو انتظري هنا نزلت تحت وانا ما عارفه ماشه على وين وكل زول فيهم كان بحاول يمسكني ويبكي معاي بس ما كنت قادره ما قادره اقيف كيف يعني اعزيهم؟ لي؟ ماف شي يبكو عشانو؟ ابوي حي ماف شي مشيت على غرفة أمي لقيت امي حالتها صعبه شديد كل الناس حواليها لما شفت امي ياداب استوعبت الحاصل ياداب فهمت ياداب قدر افهم أنو ابوي ما معانا تاني مشيت عليها وبكيت معاها شديد كل البكا الما بكيتو بكيتو في حضن أمي كنت حاسه بقلبي بوجعني شديد 
ما قادره اسكت ما قدرو يفكوني من امي شويه كده وسمعتهم بقولو خليهم يطلعو يودعوهم دي اخر لحظات كانو صحباتي ساندني عشان اطلع بره اودعو لآخر مره مشيت عليهو كنت حاسه بخطواتي تقيله شديد ما كنت قادره اقيف على رجولي وقعت وكنت بقول ليهو ماشي وين يا ابوي؟ ماشي تخلينا لمنو؟ انا عندي منو غيركم؟ ما تخلينا يا ابوي يابوي ما بقدر من غيرك خليك معاي ما تمشي مكان خليك هنا ابووويجو الرجال وعايزين يرفعوهو كنت عايزه اوقفهم بس بياتو حيل؟ من الدموع كنت شايفه طشاش طشاش بعد شالو جنازه ابوي شايفاهو تاني شايلين شي ابيض ما قدرت استوعب بالاول بعدها مسحت دموعي وشايفه تاني في جنازه طيب ما هم شالو جنازه ابوي تاني في شنو؟ جاتني عبير وقالت لي قومي ي شهد قومى عليك الله ودعيها أودع منو؟ عبير منو المات تاني منو المات؟ في شنو يخوانا وروني؟ المات منو مع ابوي كنت جواي احساس بس بحاول اكذبو بس كل زول فيهم كان برد لي بنفس الجواب نفس الجواب قادره اقراهو في عيون كل زول منهم .. كنت بقول لنفسي “يالله لا يالله ما عندي حيل ليهم الاتنين يالله ما ابوي وشجن” مسكت عبير وقلت ليها ي عبير قولي دي جنازه منو دي جنازه منو التانيه دي إذا شالو حقت ابوي وامي هدي ليها قدامي وشجن … شجن وين؟ وين شجن قولي لي وين شجن ي عبير انطقي قولي لي دي ما شجن صح مستحيل تكون مشت خلتني برضو مستحيل قولي لي دي ما شجن قولي لي كده عليك الله
عبير :ي شهد الله يصبرك خليك قويه عشان امك. ما فضل ليها زول غيرك
كيف يعني حتى شجن مشت مستحيل لالا مستحيل مستحيل ابوي وشجن يمشو مع بعض ويخلونيكنت بقول الكلمات دي لحدي ما وقعت وبعدها ما وعيت على شي …..
صحيت وما كنت لاقيه زول جنبي ما كان في زول حتى البيت كان هادي شديد زي الكانو ماف بكا يمكن كنت بحلم يارب يكون حلم يارب
نزلت تحت ومشيت على غرفة امي كانت معاها خالتي وبتها همس لما شفت امي لابسه التوب الأبيض انا هنا استوعبت اني ما بحلم جات امي على وبكت فيني شديد وانا كملت كل البكا بتاعي معاها قالت لي عايزه تحرقي حشاي عليك برضو ما كفايه ابوك واختك على لي تغيبي عن الوعي الفتره دي. كلها انا كنت محتاجاك كنت محتاجه وجودك معايشهر كامل كل يوم بقول ح تصحى بكره لي ي بتيما كفايه على ديلك انا غيرك ما عندي شي انتي الفضلتي لي في الدنيا دي
امي يعني خلاص بالجد مشو ماف شجن تاني تاني انا ح اعمل شنو من غيرها حتى ابوي ما قصر وخلاني ي امي انا قلبي واجعني ما قادره ما قادره والله حاسه نفسي ح أموت خلاص جات خالتي هدتنا شويه وقالت لي استحمي وتعالى اكلي ليك حاجه ي بتي
طلعت غرفتنا انا وشجن عاينت لسريرا وهو فاضي ما قدرت امسك دموعي وبكيت تاني خيالا كان بجيني في اي ركن في الغرفه كان مرحه شديد كانت محليه على البيت استغفرت واستحوذت وجيت اتوضيت وصليت ودعيت ليهم كتير شديد وقريت قرأن أثناء ما انا بقرا قرآن جات امي اتفقدتني لما لقتني بقرا قرآن. قفلت الباب وطلعت سألت ربنا يصبرني ويقويني ويصبر امي على فراقهم كمان نزلت تحت وهمس كلمتني انو عبير وهمسشويه ويجو قلت ليها طيب وقعدت معاهم شويه وكنا كلنا ساكتين لحدي ما الباب ضرب وطلعت دي عبير وهمس اول ما شفتهم مشيت عليهم ومسكتهم قوي شديد انا كنت محتاجاها بالجد همي اعتذرت لي انها ما كانت معاي في أوقات زي دي وانا قلت ليها عازراك. لأنك لو كنتي في السودان ما كان قصرتي وبعدها دخلو على ناس امي وقعدو معانا للمغرب همس وعبير كانو قايمين قلت ليهم خليكم معاي انا محتاجاك همس قالت لي اصلا قاعدين بس اسي ماشه اعمل ليكم حاجه تاكلوها قلت ليها طيب
عبير قالت لي امشي غرفتك ينجيك شويه كده قلت ليها ما بقدر خيالها محتل الغرفه كلها وصوره ابوي ما قادره تفارقني اللام ف خلوني معاكم هنا
…… موت ابوي واختي حاجه صعبه شديد ف ما بالكم لما يكونو في نفس اليوم
*امضيتم وكأنما تعجبكم الفراق*
يتبع ………..
لقراءة الجزء التالي : الجزء الثاني من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
