وفي الجزء السادس عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء السادس عشر من رواية كنت للروح سقيا
هل يمكنني أن أجعلك وطننا وانتمي إليك إلى الابد؟ 
رد وقال :
انتي الانرتيني انتي الغيرتي حياتي وانتي الاديتيها حس ونكهة انتي الخليتي حياتي حلوه وبوجودك بقا عندي هدف وهو انك تكوني معاي
انا : بس انت الغيرت حياتى حقيقي انت وقفت معاي في أصعب اللحظات ومن غيرك م كنت ح اعمل كده
لؤي : وانتي حاليا قاعده تردي الجميل ب اكتر منو ووقفتك جنبي في مرضي عمري م ح انساها
شهد : حبيبي والله انا جمبك
لؤي : شهد! نحدد يوم خلاص يعني فتره معينه للعرس
شهد : ح يكون عقد ي لؤي زي م قلت
لؤي : بس لي
شهد: عشان شجن وابوي
لؤي : انا اسف لانو بسببي ح تعملي عرس مستعجل وم ح تقدري تاخدي زمنك
شهد : لؤي الحاجه دي لي برضو انا نفسي بالجد اكون جنبك واصلا م فارقه معاي عرس ولا غيرو بس عندي طلب
لؤي : قولي حبيبي
شهد : عايزه بعد العرس وبعد تعمل العمليه واي شي نعمل سيشن بزفاف وكده
لؤي : بعد العرس! 
دي م لاقتني
شهد : ي زول م شغلتك موافق ولا لا؟
لؤي : موافق موافق طبعا.. خلاص نتفق؟
شهد: لؤي نشوف الزمن المناسب مع الإسرتين م احنا بس
لؤي : خلاص حاضر اسي ده امشي اسألي امك عشان تاني موضوع الشيله وكده
شهد : حاضر حاضر
بس م اسي بكره ان شاء الله وانت شوف رأي خالتو …. بكره م عندك مقابله صح؟
لؤي : لا بعدو أن شاء الله.. شهد الليله عيد ميلاد هبه وكنت ناسي بالمره ف وريني حاجه اشتريها ليها على السريع كده او اي مكان بجهز بسرعه
شهد : عندي رقم وحده عندها مرات كم بوكس بكونو جاهزين ف اختار انت وبوصل في نفس اليوم أن شاء الله
لؤي : خلاص رسلي لي ي حلوه وخليك داخله عشان ح أسألك من الاحلى طيب؟؟
شهد : سريع عشان ح انوم
لؤي : لا حول ولا قوة الا بالله العلي العظيم حاضر حاضر
م صدقت متين رسل الصور واخترت وطوالي نمت
اول م صحيت الصباح رسلت لهبه وكده وبعدها اتصلت عليهو بس كان مشغول قلت خلاص شويه كده وبرجع بس م رجع ف تاني اتصلت برضو نفس الشي شويه كده رجع
لؤي : حبيبي
شهد : عيوني … مشغول مع منو 
لؤي : خالد
شهد : قدر ده؟؟
لؤي:بنتكلم عن الشركه والعلاج وكده
شهد : اممم يحليلو م قصر معاك …… بالمناسبه بكره طالعه مع البنات طولت منهم شديد
لؤي : م ممكن يجوك ؟ بس عشان مروان م يعمل ليك شي او يزعجك لحدي م اشوف ح اتصرف معاهو كيف كمان
شهد : م تخاف مروان خواف ساي تاني شي م تركز معاهو وتعمل معاهو مشاكل ساي
لؤي : اممم أن شاء الله… طيب حبيبي تصبحي على خير
شهد : وانت من اهلو
لؤي :بقولو وانت من اهلي وانت من اهلي
شهد :حاضر حاضر
لؤي :قولي
شهد: وانت من اهلي
******
تاني يوم طلعت مع صحباتي وحددنا العقد بعد شهرين ونص يعني مفف وقت في نظر امي بس انا في نظري بكفي وبوفي اما لؤي ده ف ده كل مره بنقنق بقول الفتره بعيده
مشينا تاني يوم المقابله وكانت كويسه والحمدلله مفف شي يخوف بعدها طوالي قال ح يرجعني لانو عندو شويه شغل وكده وبعدين كانت المقابله متاخره ف المغرب إذن
واحنا في الطريق :
لؤي : اسف ي شهد يخ اخرتك
شهد : لا لا عادي بعدين خطيبي م زول غريب
لؤي :برضو ي حلوه
فجاءه كده العربية عطلت ووقفت من غير اي سبب ف لؤي نزل يشوف الحاصل
لؤي : ي شهد في زول نفس اللستك ده
شهد : كيف يعني يمكن براهو
لؤي : لالا باين ده زول حتى كبيره م صغيره
شهد : ي الله…. الحل شنو اسي
لؤي : ح اطلب ترحال اوصلك وتاني برجع اشوف الحل
شهد : لالا مف داعي تمشي انت
لؤي : لالا كيف يعني الوقت متأخر
شهد : دقيقه دقيقه دي عربيه وقفها ي لؤي
لؤي :أن شاء الله يقدرو يساعدونا
فعلا إلعربيه وقفت ونزلو منها اربعه شباب في تلاته شباب مشو على لؤي وواحد جا على
شهد : مروان!
لؤي : انت الجابك هنا شنو ي زفت وزح منها
مروان : شباب أبدو
شهد : يبدو شنو
الاولاد بدو يضربو في لؤي وهو كان بقاوم وم اداهم طريقة بالاول بس تاني…. فجاءه لؤي وقع في الأرض م كان قادر يتحرك م قادر يحرك رجولو
شهد : لؤي خلو خلاص انت عايز منو شنو فكو خلاص
وإبدا م اشتغلو بي
مروان : ده الاخترتي؟ انسان مريض م قادر يدافع عن نفسو حتى؟
مسك يدي
مروان : فهميني كيف اخترتي ده؟ ده م ح يقدر يحميك انسان عاجز ومريض وم بقدر يتحرك زاتو مرات
شهد : انت م نصيح انت مريض نفسيفكو الله يخليك
ظهر نور عربيه كلهم شتتو وانا بقيت بس جنب لؤي وببكي
نزلو منها راجل ومرتو طوالي جو علينا بدو يسألوني في شنو
بس طلبت منهم يودونا الدكتور
ودونا ودخلو لؤي ف وريتهم انو في شباب اتعرضو لينا وكده من غير م أدخل في التفاصيل
م عدا كتير والدكتور طلع
شهد:دكتور دكتور طمني هو كويس
الدكتور:كويس الحمد لله والحاله الاتعرض ليها دي طبيعيه ده واحد من أعراض المرض
شهد : كيف عرفت
الدكتور : م تخافي هو واعي وقال لي وأسي هو كويس الحمد لله ممكن اسي يطلع وده شي طبيعي م تخافي
طوالي دخلت عليهو وبكيت
لؤي خفت يحصل ليك شي انت كويس
لؤي:كويس الحمد لله م عندي شي انتي م تبكي
ورح نطلع من هنا
طلعنا بره وشكرنا المره وراجلها كتير وحقيقي م قصرو معانا م عارفه لو م هم جو كان ح يحصل شنو
لؤي :شهد م قادر امشي البيت اسي ح اتصل لخالد يجي يسوقك طيب؟
شهد : لا ح اقعد معاك
لؤي : شهد والله متضايق شديد ف عايز اقعد معاك شويه كده
شهد : طيب ح امشي واعتبرني ماف وم ح افتح خشمي نهاي
لؤي : طيب تمام
مشينا قعدنا في مكان قريب
عدينا نص ساعه ساكتين كنت بعاين ل لؤي باين عليهو الزعل والضيق
م كنت عارفه أعمل شنو
لؤي :شهد ح اقول كلام واسمعيني طيب؟
شهد : طيب ان شاء الله
” ماذا تظنُّ بأننا نفعلُ هنا ؟ إننّا نكتبُ الهراءَ نفسه، بمئاتِ الصياغات ”
يتبع ……
لقراءة الجزء التالي : الجزء السابع عشر من رواية كنت للروح سقيا
لقراءة الجزء السابق : الجزء الخامس عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
