وفي الجزء العشرون من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء العشرون من رواية كنت للروح سقيا
لؤي :
عارفه لي م جيتك من الاول؟ بتعرفي احساس الشافع لما يدوهو قروش ف بكون بين انو يشتري بيها وبين انو يخليها ويحافظ عليها انا كنت بين بينين كده م كنت عارف اعمل شنو كنت خايف أقرب عليك وم يحصل النصيب واخذلك بس كنت خايف اضيعك من يدي برضو م اتجرأت الا اليوم الكنتي ماشه لهمس انا كنت متخيل انك ماشه تتعالجي وكده وخلاص ف قلت انا أحق ب اني اسمعك واطبطب عليك شويه شويه لما اتجاوبتي معاي فرحت شديد وكانت الفرحه م ساعياني كيف شهد بتتكلم معاي وقادر اكون جنبها م كنت مخطط ابدا انو احكي ليك عن مشاعري بس حقيقي افعالي فضحتني قدامك وقدام هبه وهمس واي زول مف انسان م حسا بحبي ليك م كنت مصدق بالجد لا والكبيره بجد بجد لما قلتي لي تجي بعد ده
شهد! لا هي موافقه وبتقول لي تعال كمان؟ عمري م ح اقدر اعبر ليك عن فرحتي في اللحظه ديك شهد ح افضل اقول انتي كنتي حلم وأسي اتحقق انا قادر امسك يدك قادر اضمك قادر اتكلم معاك في اي لحظة انا لو قعدت من الليله لبكره اوصف ليك عن حبي ليك م ح اقدر
…. بس ربنا يديمك لي نعمه وم يحرمني من طلتك وضحكتك وهبلك ونكدك
فضل حاضني مسافه بعدها اتحركنا تاني
“طبعا نسبه لعلاج لؤي وكده ف ما سافرنا ح نقضي اسبوعين كده ف اوتيل ظريف وبعد ينتهي العلاج ح نسافر أن شاء الله 
”
وصلنا وأول م نزلنا اتوجهنا على الغرفه ف كانت حقيقي حلوه شديد ”
انا : المكان ظريف شديد حتى الالوان حلوه شديد
لؤي : كان طلبي انها تكون بالاسود والأبيض والحمدلله لقيت
انا : جيعانه 
لؤي :مش قبيل اكلتي؟
انا : براك قلت قبيل
لؤي : خلاص خلاص اصلا طلبت العشاء شويه ويصل في المسافه دي اخدي ليك شور
انا : ما قايمه من مكاني ده الا اكل 
جا قعد جنبي ف زحيت منو شويه كده
لؤي : ماشه وين ي زوله؟
انا : ابعد ي متحرش
لؤي : لا م هو انا اتمرطت وجيت بالباب ودفعت عشان تجي تقولي لي متحرش؟
احسن ليك ي بتنا تتعودي لسه الجاي كتير 
شهد : و الله ارجع اسسسسي ده
أثناء م أحنا بنتكلم العشاء وصل ف طوالي ابتدينا ناكل
لؤي: كان نفسي اكلك ب يدي بس خايف تقولي على متحرش ولا تقولي لي انا م مشلوله
ولا صدقت طوالي فتحت ليهو خشمي وقلت ليهو يلا اكلني
بعد خلصنا قلت ليهو م اخد شور
لؤي : انا قبلك.
انا : لا انا قبلك
لؤي : انا قبلك عشان لما تدخلي انا بكون طلعت وبحميك لو جات اي حاجه في الليل ده
أنا : ااا اي اي صح ادخل خلاص
بعد دخل حتى استوعبت انو شي طبيعي لما هو يطلع انا ح ادخل سوا قبلو أو بعدو
انا : لؤي ما عافيه ليك
لؤي :طلعتي طفله جد جد
بعد طلع شاف البجامه في يدي
لؤي : أوعى يكون ده الشوال داك
شهد : هو زاتو
لؤي : ي زوله هوي البسي الاخترتها انا
شهد : الليله بس ي لؤي
لؤي 
قرب لي اكتر) حبيبي خايفه مني؟؟
أنا : لا ابدا بس شويه شويه م ح اقدر طوالي
لؤي : حبيبي المهم م تخافي مني ولا شي واخدي راحتك حاضر؟
أنا : حاضر ان شاء الله 
لؤي : اها لسه ح تلبسي دي؟
انا : طيب ح اختار حل وسط اشوف وحده مناسبه اوك؟
لؤي : امرررررري لله 
انا : طول بالك
اخترنا وحده بعد تعب وأخدت شور ولقيتو راقد
انا : لو بترقد كده من اسي طالق
لؤي : لالا طبعا انا فاهم اي شي انا
انا : اها؟.
لؤي: م ح تنومي الا في حضني وازيدك من الشعر بيتا اها حتى لو كنا زعلانين ح تنومي في حضني قصرت معاك؟؟
انا : ابداااا طوالي جيت رقدت ونمت من غير م أشعر كنت تعبانه شديد
م صحيت الا على رشه مويه فتحت لقيت نفسي في الحمام
انا : في شنو وانا وين ولي صحيتني يخ
لؤي :الصبح إذن ح نصلي بعدها نواصل… وانا شلتك وجبتك هنا عشان توعي
شهد : كان تصحيني بس انا نومي خفيف
لؤي : خفيف شنو ي بتنا انا صحيت وم فضل لي الا أجيب دلوكه ولا كمان شلتك وكلو وم صحيتي تقولي لي خفيف!
انا : خلاص خلاص خلينا نصلي
فعلا صلينا وطوالي نمت
صحيت ما عارفه الساعه كم لقيت لؤي لسه نايم طوالي صحيتو
انا : يعني في العاده البت بتصحا بتلقى حبيبا بتامل فيها وانت نايم
لؤي :حقك علي ي ستهم
فضلنا نتونس كتير وكل م اكون عايزه اقوم بتزكر لي قصه جديده
عدا الأسبوع الأول وكان مقابله لؤي فضل ليها يوم بس
ف جهزت ملابسنا من بليل مع انو الطلعة كانت للعصر بس برضو
تاني يوم مشينا وكنا منتظرين لؤي ختا يدو على يدي
لؤي : م اعتقد في بت بتعمل العملتي ده اولا م عملتي عرس عشان اختك وابوك وطبعا كل ده بسبب انك تكوني جنبي تاني تجي معاي وانتي عروس ليك اسبوع بس
شهد : قلت ليك ح أفضل جمبك
لؤي : حبيبي ربنا يخليك لي 
.
قابلنا الدكتور وطمنا انو العلاج ادا مفعولو وماف خوف طلعنا مطعم ظريف اتعشينا وطلعنا عشان تاني يوم مخططين نلطع من الصباح
لؤي كان سايق واخر روقه فجاءه….
لؤي : شهد انا م قادر اتحكم في يدي
… م قادر احركها اصلا
شهد : لؤي حاسب حاسب قدامنا حيطه
لؤي : م قادر ي شهد م قادر احركها م قادر
انا : لووووووي
” لم تكن النجاة بأيدينا لو كانت كذلك لفعلنا… ولكن السؤال سننجو ام لا؟ 
”
يتبع ……….
لقراءة الجزء التالي : الجزء الحادي والعشرون من رواية كنت للروح سقيا
لقراءة الجزء السابق : الجزء التاسع عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
