وفي الجزء الثاني والعشرون من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الثاني والعشرون من رواية كنت للروح سقيا
شهد: جد؟؟ 
كيف ي لؤي؟( وكنت عايزه اقوم)
لؤي :بسم الله بسم الله 
انا كويس ماف حاجه وغير كده بس قاعد في كرسي متحرك عشان تعبان شوية
شهد :طيب قوم اتحرك
لؤي :ماف شي و الله ي شهد
شهد : لا قوم اتحرك
لؤي :أمري لله … خلاص ح أوقف بس
شهد : طيب
فعلا قام وكان كويس الحمد لله
لؤي: اشتقت ليك ي شهد
شهد : حتى انا 
لؤي :شهد.. (مسك يدي) …. عارفه كل البحصل ده بسببي انا من اول حاجه العرس اخترتي زمن قريب عشان اختك وابوك مع انو ممكن تنتظري وتعملي العرس البتحلمي بيهو
شهد :لؤي.. انا اساسا ما كان عندي نفس لعرس تاني ف خليك مرتاح انت ماف داعي تعتزر لي
لؤي :تاني شي شهر العسل م سافرنا ولا مكان عشان العلاج.. تاني. الحادث.. شهد انا ظالمك. و الله
شهد :لؤي انت ما ظالمني وانا م شغاله بالمواضيع دي كلها أهم شي اكون جنبك
لؤي :
وانا جمبك حاجات كتيره بتبقى ضىء 
تي را را را
شهد :اسكت اسكت … بعدين ماف تي را را را دي
لؤي :أضفت لمستي الفنيه
شهد : الله يرحمنا من لمساتك
شويه كده وجو كلهم داخلين
سلمو على وكده
امي :لؤي خلاص كفاك زح من جنبها خليني اقعد
لؤي : و الله يخوانا زاتو ماف داعي تجو لكن اعمل شنو بس
امي :نطلع ولا شنو
لؤي :يا ريت
قعدو شويه بعدها الدكتور قالو يطلعو وكده قعدت معاي امي وهمس
(بعد يومين الدكتور أدانا إذن الخروج )
لؤي : ح ننزل في بيتنا انا وانتي
شهد :طيب حلو… احسن زاتو عشان بنكون مع ناس خالتو وكده
لؤي : أممم البيت فوق طوالي.. متشوق لردة فعلك لغرفة النوم
شهد :أسود؟
لؤي :طبعا طبعا
شهد :بحبك 
لؤي : حب مصالح
شويه كده ووصلنا طوالي طلعنا كلنا فوق البيت كان حقيقي حلو وظريف شديد لؤي ابهرني بذوقو
خالد : طيب بما انكم كلكم هنا ف انا عندي موضوع مهم
…. أثناء م لؤي في المستشفى ما عارف أجيبا كيف بس اكتشفت انو اصلا ماف داعي للعمليه بس بحتاج للتمارين وبتاخد زمن وبره السودان طبعا احسن من هنا ف طوالي قطعت تذاكر على الكويت لانو في دكتور كويس هناك ف اتصرفت من عندي وظبطت كل المواضيع هناك حتى المكان وخلال سنه أن شاء الله مع العلاجات أن شاء الله ح تبقي كويس… لؤي انت زي اخوي والله وم ح اخليك تتماطل في علاجك ده
لؤي : (قام عليهو وحضنو مسافه ) ما عارف اقول ليك شنو بس والله الحمد لله محظوظ بمعرفتك وما عارف اجازيك كيف
خالد :انت عارف كيف
لؤي : خلاص هانت
شويه كده وكلهم طلعو عشان ناخد راحتنا
شهد :يلا يلا غرفه النوم
لؤي :مشتاقه لي قدر ده؟
شهد :عايزه أشوفا انت شنو
الغرفه كانت حلوه بالجد كان لونها ابيض واسود بس
لؤي :المفاجآه في البلكونه
طلعت ولقيتا ارجيحه عش العصفور
شهد : لؤي
لؤي :عارف عارف انو ماف مني اتنين
شهد:بحبك بحبك
لؤي : وانا كمان بحبك
شهد : م ح ندخل نقعد هنا شويه
لؤي : طوالي حبيبي
جا قعد جنبي وحضني
شهد : على فكره انا م سألتك حصل شنو في موضوع مروان؟
لؤي : ايييييك ده انتي قديمه اوووي
شهد : نسيت و الله
لؤي : ي ستي بعد الموضوع ده بيومين اتصل على خالد قال لي تعالي في الحته الفلانيه لقيتو مشرك ل مروان
ف طوالي مشيت عليهو اول م قعدت جنبو الود ساحالمهم اديناهو علقه بسيطه كده وفكيناهو بس ده كل الحصل
شهد : وطيب خالد عايز شنو قبيل؟
لؤي : خالد…. اممم عايز هبه وصارحني ليهو فتره ف قلت ليهو ابشر بس اخلص من عرسي وكده
شهد : الله .. صراحه م ح تلقى احسن منو لهبه
لؤي :اااي فعلا والله ي شهد خالد ماف منو
شهد : ح نسافر متين؟
لؤي :و الله ي شهد خالد حجز على بعد بكره ان شاء الله
شهد : طيب حلو عندنا نجهز حالنا
لؤي : بمناسبه الجو الحلو ف عايز اغني ليك
شهد : طيب غني غني م ح امنعك المره دي
لؤي :
احم احم
أو م ح اغني ح اسمعك انتي المره دي
شهد :
بشكر همس على الايفنت الخلاك تشوفني وبحمد ربنا على وجودك في حياتي
انتي حقيقي نعمه من ربنا.. يلا خلاص خليني انوم.
لؤي : غايتو شغل عدي من وشك لكن اعمل شنو بس
شهد : خلاص خلاص عايزه انوم شويه وندخل
” ”أخاوي الليّل وهاجس ليل يخاويني “
يتبع ………..
لقراءة الجزء التالي : الجزء الثالث والعشرون من رواية كنت للروح سقيا
لقراءة الجزء السابق : الجزء الحادي والعشرون من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
