وفي الجزء السابع من رواية بايرة حلتنا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة مريم أحمد .
الجزء السابع من رواية بايرة حلتنا
بالمغرب كدي مشيت الدكان أشتري رصيد وأندومي ولبان لمن وصلتا لقيت سليم برضو في الدكان وداير يشتري في قلبي قلت أصلا القلوب لبعضيها
قلت ليهو يا عوض عايزة رصيد بي خمسين قال لي الرقم، بقيت أملي فيهو وبعد أنتهيت قلت ليهو تاني عيدو عشان ما يتحول لي زول باللغط الخمسين كتيرة
قال لي خمسين الزمن دة حاجة ما بتجيبها يا البايرةقلت ليهو مشمم، عاد لي الرقم وحول لي واداني أندومي ولبان قلت ليهو ختهم لي في كيس قال لي بيتكم قريب وبعدين محساسني اشتريتي حاجة كتتيرة ما ياها أتنين أندومي ولبانةقلت ليهو حسبي الله أديني ليهم في كيس وبطل رغي، طبعا زولنا داك كان براقب بصمت شلت منو الحاجات ومشيت وأنا في الشارع كدة فجاة تقرصني ليك نملة في ضهريالساعة الجدعت ليك الكيس في الارض وبقيت أتنفض وقلت بصوت عالي وااي نملة واااي
جرى جريت على بيتنا وبسرعة خشيت الحمام نضفت ملابسي وبقيت بضرب في النملة وشغالة ليها أحيي أنا منك تقرصيني يا كلبة! وضربتها كتر ضريب لمن ماتتطلعت الحوش وأشيل وأتحكحك ساي شوية وتلفوني ضرب وكان رقم غريب، بالله لمن أنخعلت أجي يا يخواني تلفوني من متين بضربو فيهو ولا رقم غريب كمان، قلت إحتمال دة عريس فاتكلم برقة وما أخلعو من الاول عشان ما يطيررديت وقلت ليهو بصوت أنثوي كدة ألوو منو معاي جاني صوت زول وهو بقول لي ما كنت قايل صوتك في التلفون بتغير وببقى أنثوي لي الدرجة ديقلت ليهو دا أنت جبت رقمي من وين! قال لي سجلتو قبل شوية لمن بتملي لي عوض سيد الدكان قلت ليهو يعني سرقت رقمي قال لي خلينا من دا ما دايرة حاجاتك! النمله نستهم ليك ولا شنو! نطتتا عيوني وقلت ليهو سجمي وأنت كيف عرفت قال لي شفتك لمن كنتي بتتنفضي في الشارع وبتقولي وااي نملةقلت ليهو شنووو! قال لي السمعتيهو المهم عايزة حاجاتك ولا أكلهم!، في قلبي قلت ما بقدر أعاين ليهو بعد ما شافني وأنا بتنفض وبتعرى أكيد ح يشغلها ليقلت ليهو دايراهم جيبهم لي وختهم جنب الباب وأمش قال لي لا لو دايراهم تعالي شيلهم قلت ليهو ما بقدر قال لي خلاص معناتو أكسري حنكهم قلت ليهو ما تاكلهم بجيهم الصباح قال لي على كيفك، بقيت بشاكل فيهو والشكلة جرت لي ونسة ونمت ليهو في الخط….
الصباح من صحيت جري مشيت بيتهم محاسن قالت لي أصبحنا وأصبح الملك لله مالك جاينا من صباح الرحمنقلت ليها بعمل في البتعمليهو يختيي
قالت لي قصدك شنو! قلت ليها قصدي واضح والفي راسو ريش يتحسسا
من قلت ليها كدي مشت وخلتني كست لي ولدها لقيتو في الصالون شغال بي تلفونو جيت براحة من وراهو ورفعت يديني لفوق وقلت ليهو وه قال لي بسم الله الرحمن الرحيم حسبي الله على دي خلقبعدين جاينا من الصباح كدي مالك يا بتناقلت ليهو أديني حاجاتي سريععع أنا جيت عشانهم قال لي طيب قولي صباح الخير أول قلت ليهو أنجر يا حبييبنا أنا ما فاضية لي صباح الخير ولا حاجة أنا جعانةقال لي دقيقة طيب، مشى جاب لي حاجاتي وجا أداني ليهم قال لي صحي ما قلتي لي النملة عضتك حارة ولا باردةقلت ليهو أنت واحد تافة على فكرة ومشيت منو، نجضت أندوميني وأكلتها … عدة زي شهر كدة وبقينا متواصلين مع بعض وكنا بنتكلم كتتتير شددددديد وفي اليوم ممكن عادي 10، 11 مكالمة دا غير رسائل الواتسب والماسنجر…
في يوم قال لي عازمك مطعم في الاول أتجحجت ليهو وقلت ما بقدر رغم أني فرحانة من جوا بس قلت ما أبقى خفيفةفضل ويحنس فيني لمن قلت ليهو مع أني كنت ما ماشة لكن عشان خاطر عيونك المدشدشاني دي
قال لي تسلمي يااخ قلت ليهو الله يسلمك قال لي خلاص شوية كدة وأجيك قلت ليهو طيب، وعشان أنا فترانة وكسلانة وأمي ما تشك فيني لبست توب، أي توب وحق هزاز كمان وقلت ليها ماشة ناس ننوقالت لي ما تتاخري قلت ليها سمح يا نبع الحنان طلعتا برة الظلط عشان كنا متفقين نتلاقى هناك من شافني قعد يضحك قال لي جاية بالتوب؟! قلت ليهو وعيبو شنو التوب؟! قال لي يعرفوك بايرة كيف لو ما لبستي التوب في كل محلقلت ليهو فعلا أنا بايرة قال لي لكن ضحكتيني معقولة في زول طالع لي ديت يلبس توب! قلت ليهو وديت دة جنسو شنو كمان أكل! هنا ضحك زيادة وقال لي بعدين بوريك هسي أركبيركبت العربية واتحركنا والشارع كلو أنا بنضم ونهائي ما سكتا لمن وصلنا، قال لي يلا أنزلي، نزلنا وخشينا المطعم طبعا الناس الفيهو كلهم هااي هااي الا أنا وكمان لابسة توب هزاز بالله المطعم كلو قعد يعاين لي ومستغربقعدنا في الطاولة، أي الطاولة قايلني ما بعرفها لكن بيني وبينكم حفظتها من المسلسلات الهندية، قال لي طلبك شنو؟! قلت ليهو البتجيبو لي نفسك جيبو لي قال لي يعني على زوقي قلت ليهو نجرب، طلب وبقينا نتكلم وهو فرحان شدديد بالونسة معاي لمن جابو الاكل طبعا ما عرفت جنسو شنو لكن أكلت سايقال لي أها عجبك قلت ليهو وحات الله سمح سماحة قال لي يلا أشربي العصير، بالله رفعت الكباية وشفطتو ليك فت شفطةقلت
ليهو حلو العصير دة حق شنو! قال لي ليمون بنعناع قلت ليهو بكم عندهم تاني بجي أشربو طوالي قال لي بكون بي بخمسية ستمية كدة قعلت عيوني وقلت ليهو نعممم
! قال لي مالك! قلت ليهو غالي هسي كان عارفهو كدة كان عملتو ليك في بيتناقال لي عادي قلت ليهو أنت أي شي عندك عادي! يعني هسي كباتين العصير بكونو بي الف؟! قال لي أيي قلت ليهو وبعليييي أشرب كمل باقي عصيرك ما تخليهو قال لي ما عايزو الحمد لله قلت ليهو أجيي كيفن نخلي عصير بي قروش غالية كدي والله ما أخليهو وأتناولت الكباية من جبنو وشفطتهاهو بس كان بضحك قال لي ميامن الله يسعدك زي ما أستعدتيني يااخ
قلت ليهو الله يعرسني ليك بسقال لي قلتي إيه! قلت ليهو لالا ولا شي قال لي طيب نمشي! قلت ليهو مع أنو ما دايرة أمش لانو حتتهم باردة وكلها مكيفات والسقط فيها حلو لكن مصيرنا نرجع البيتدفع الحساب وأنا ما واجعاني الا قروش العصير، رجعنا البيت وبعد نزلت هو نزل معاي قلت ليهو يلا قال لي عاوز أقول ليك حاجة قبل تمشي قلت ليهو قول قال لي بصراحة كدة وبدون مقدمات أنا بحبك يا بت الناس، أنا لحظة قال لي كدة قلبي قال شححح ويديني بردو، غطيت وشي بالتوب وقلت ليهو لكن أنا بخجل وفكيت الجرية لي بيتنا بدون ما أرد ليهو..
☆☆☆☆☆☆☆☆☆☆
اشوفكم…
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثامن من رواية بايرة حلتنا
لقراءة الجزء السابق : الجزء السادس من رواية بايرة حلتنا
للإطلاع علي فهرس اجزاء الرواية : جميع روابط اجزاء رواية بايرة حلتنا للكاتبة مريم أحمد
جميع الحقوق محفوظة للكاتبة مريم أحمد .
