برأيك ماذا سيحدث لعبدو في الاحداث التالية ؟ هذا ما سنعرفه في السطور التاليه والتي ستفاجئك بالكثير من المواقف التي لم ولن تكن في التوقع او الحسبان تماماً، أبدعت الكاتبة لوزة في الكتابة ومازالت تبهر قلوبنا وعقولنا بكلماتها وهذا هو المعروف عنها دوماً، لذلك هيا بنا لنكمل قراءة الرواية سوياً .
الجزء الرابع من رواية حنين الماضي للكاتبة لوزة ليبية
خ سميرة قعدت تفرفش ع ولدها معش عرفت شن ادير عبدو قعمز ف سيارة وحط ايده على عيونه وقعد يبكي
خ سميرة:معليشي ياعبدو كلنا ليها هدا اللي كتبه ربي واللي مكتوب بيصير
عبدو:يمى ياريته جت فيا انا وﻻ فيها احيييه يمى حاس بحرقة ف قلبي
خ سميرة:بعيد السو عليك…اصبر بس محنة وتزول
عبدو:شن يصبرني يمى شن يصبرني …. وحط راسه على الدومان يبكي ….
خ سميرة : عبدو عبدو هون عليك سلم ولدي بالله ماديرش ف روحك هكي
عبدو:يمى نحس ف روحي مش عارف كيف سلمى اللي حبيتها وكبدت عليها ف لحظة تريح مني …
خ سميرة :معليشي وليدي هدا امر الله…. تقدر تسوق واﻻ نادي خالك
عبدو مسح دموعه وقاله:نقدر نقدر
عبدو خدي مفاتيحه ووولع سيارة
خ سميرة:متأكد تقدر تسوق
عبدو ماسمعهاش حتى شن قالت من كثر ماهو يخمم ومشي بسيارة بسرعة 200
خ سميرة:عبدووو ياعبددووو نقص سرعة تربح سلم ولدي ماترعشنيش فيا سكر
استاقض لروحه عبدو وقالها سامحيني يمى ماندريش ع روحي
خ سميرة:ربي يصبرك
ووقت وصلو قدام الحوش قتله :شنو ماتبيش تنزل
عبدو:ﻻﻻ بنمشي نشم هواء حاس روحي مخنوق
خ سميرة:به رد بالك على روحك ماتعطلش
توجه عبدو للمصيف متعه خش ف دار اللي بانيها هوا خاصة بعيلته وكان ديما يعطي فيها لعيلة سلمى لما يجو للمصيف
قعمز فيها وقعد يبكي ويخبط بايده ع الحيط ويصيح سااااالمةةةةة ياربي خديتني انا بدالها ياربي عﻻش مخليني نشوف هاليوم عﻻش …..استغفر الله ياربي
ناض وقف وقرب جيهة الحيط اللي كاتبتله فيه سالمة اسمه واسمها ومدايرة قلب حط ايده على الكتيبة وقعد يبكي يبكي يبكي لين داخ وطاح من طوله
ام عقيل اسمها رحمة …
خ رحمة ل عمي مسعود:علش جايبها هادي علش بش عندها اقارب ف طرابلس؟
عمي مسعود:عندها خالة بس
خ رحمة:خﻻص خلتها غادكي عند خالتها
عمي مسعود:كنك يامرا ودرتي واﻻ شنو كيف تبيني نخليها عند خالتها وراجلها يعتبر غريب على سلمى كنك انتي
خ رحمة:وشن بيديرلها ياسي
ع مسعود:تره فكيني من هالوجيج الفاضي وعدي جيبيلي شاهي وعامليها معاملة كويسة ديريها كيف بنتك سوسن
خ رحمة:باهي خﻻص وانت اتحب ترفع صوتك علي
سوسن:تعرفي سلمى واخيرا بيبدى حد يبات معايا انا حوشنا كله تريس مافش مع من نحكي هههه استغﻻل فرص
سلمى ل سوسن : ههههه قوليلي سوسن انتي مواليد كم
سوسن:نا مواليد 90
سلمى:تقري ؟
سوسن:ﻻ مبطلة قداش ليا هههه
سلمى:اها اوكي عندك خوت تانين غير عقيل ومازن
سوسن :اي مازال فيه حمادي
سلمى:اها سميهملي بترتيب ب مواليدهم
سوسن:عقيل80-مازن83-انا90 حمادي 93
سلمى:حلو هههههه قوليلي انا عندي خوت وخوات
سوسن:عندك بس كلهم مسافرين وخلوك عند خالتك وتوا جيتي عندنا
سلمى خنقتها العبرة وقالت:باهي عﻻش مارفعونيش معاهم
خش عليهم حمادي وقال:السﻻم عليكم
سلمى و سوسن:وعليكم السﻻم
حمادي:شخبارك ياسلمى
سلمى: كويسة بخير
حمادي:ان شاء الله ﻻ باس عليكي
سلمى :سلمك
حمادي:انا محمد وينادو فيا حمادي
سلمى:توا كنت نحكي عليك انا وسوسن
حمادي:ههههه باهي ياسوسن كنتي تقرمي فيا يالشينة
سوسن:ههههه عدي يالهبل انت متحسس بس…
وليل الليل وتم اليوم شبه عادي عالكل اﻻ عبدوووووووو
ناض عبدو فجأة على صوت :عبدو عبدو فيق ياعبدو
فتح عيونه عبدو لقي مهند واقف عليه
عبدو:شن تبي يامهند خليني بروحي مانبيش نحكي مع حد
مهند:امك كلمتني قتلي طلع من العشية وماروحش ومن بكري نتصل بيه مايردش فعرفتك اهنا
عبدو:خنقاته العبرة …. مهند سلمى راحت يامهند كبيدتي مشت معش نقدر نشوفها تاني حبيبتي اللي حبيتها مشت وخلتني
مهند:ايه قالتلي خالتي سميرة عظم الله اجرك ياعبدو البقاء والدوام لله
طلع عبدو من دار وقعمز على شط البحر موجوع… قعمز بحداه مهند ويبي ايهديه
وفات شهر ونص …
بين ان سلمى تبكي تبي تتدكر ويجوها كوابيس ف الليل… وبين ان عبدو محطم حزين ..
وفي يوم ما ساعة 11 صباحا
حمادي تسلل لجيهة دار سوسن وسلمى وفتح الباب الدار وقعد يبيت ع سلمى كيف راقدة ….البنت مسكينة كانت ﻻبسة كانتيرا وراقدة ف امان الله وحمادي عيونه 10/10 
لين كبسه بوه
عمي مسعود:ياكلب هكي ربيتك انا تبصبص على الصبايا …. وعطاه كف قوي
حمادي:ان ان انا كككنت نبي نكلم سوسن ياباتي مش نتبصبص
عمي مسعود:وتكدب هكي عيني عينك وجبده للمربوعة وعطاه طريحة امقومة
خ رحمة:كنك ع الولد حرام عليك يامسعود خليه خليه
ع مسعود:ولدك اللي مدلعتيه يبصبص ع صبايا وهنا راقدات اتفيه عليك حاشى اسمك يافرخ
خ رحمة:عطك دعوة ياحمادي حشمتني عدي لدارك عدي
فاقت سلمى وجت كلمة حسك بتقعديلي ف الرقبة بة بة…..
هاتي واااحدة ة ة ة هاتتتي واحدددةةةة
معش عرفت سالمة الكلمات هادو من قالهم ومنين جو ..
فيقت سوسن
سوسن سوسن فيقي
سوسن:ها شنو فيه
سلمى:اشبح من قتلي بتقعديلي ف رقبة و هاتي واحدة كلمات يترددو ف راسي
سوسن:حبيبتي هدا اكيدة ضغوطات احﻻم
وتلفتت سوسن جيهة تانية وتغطت
سلمى:باهي نوضي خﻻص ساعة 11
سوسن:امس رقدت متأخر خليني نرقد.
سلمى حارت وقعدت تتكلم مع نفسها ..شن هيا هاتي واحدة وعﻻش بنقعد ف الرقبة من قاله الكﻻم هدا اخخخخ كان نقدر ندكر بس هاتي واحدى زعما شن يبو مني شكﻻطة ؟
(((سلمى ادكرت كﻻم امها وكﻻم عبدو في الحلقة اﻻولى )))
~~
بعد ساعة **
عمي مسعود ل خ رحمة:مشكلة هكي بنت بين عزقة تريس
خ رحمة:حمادي صغير اكيد تربى بعد العلقة اللي عطيتهاله ((طريحة))
ع مسعود:والله حسني بندير اللي فكرت فيه
خ رحمة:ف شن فكرت ؟
ع مسعود:فكرت بناخد سلمى ل عقيل
خ رحمة:عليش !
ع مسعود:شن عليش ياولية هو زواج فيه عليش شفتي اهو شن صار الولد يتبصبص ع صبايا
خ رحمة:لكن عقيل نبي ناخدله بنت اختي
ع مسعود:ريحي روحك عقيل ل سالمة وسالمة ل عقيل تم مفش كﻻم بعد كﻻمي ..
خ رحمة انكمدت وانقهرت
كمل كﻻمه عمي مسعود وقالها :عدي ناديه… كنك اتبحثي فيا هك عدي ياولية
خ رحمة:باهي تو نعدي
ع مسعود:صبي توا شن ترجي…
ناضت خ رحمة وخشت دار عقيل لقاته راقد وف ايده النقال
خ رحمة:عقيل عقيل
عقيل:كنك ياندوش انحبك نا
خ رحمة:ندوش والله طياح اسعدك تي نوض
عقيل: هه …. كنك يمى فجعتيني ((خلعتيني)) …. صباح الخير
خ رحمة:والله خير نوض باتك يبيك
عقيل شاف لنقاله وقالها:يمى ساعة 12 مزال بكري
خ رحمة:بكري وذنك ياكسول …مادخليش فيك تو يجيك اهنا
عقيل:اخخخ شن يبي فيا بس
خ رحمة:نوض تو تعرف عليك هم .
ناض عقيل غسل وجه ومسحه ومشي لوسط الحوش
مهند ل عبدو:صباح الخير عبدو شن الجو
عبدو:صباح النور …جوي زي الهم
مهند:خﻻص عبدو معش تنكد روحك
عبدو:مش بيدي …
مهند:باهي ماقدرتش ادير عﻻقة تانية
عبدو :شن تهدرز انت اما عﻻقة هادي … عيوني ماتشوفش اﻻ ف سالمة بس …صعب اني نكون مع واحدة غيرها
مهند:به جرب انت بالك تنسيك
عبدو:عﻻش نجرح ف بنات الناس
مهند:على راحتك …شنو بايت ف المصيف من امس ؟؟
عبدو :ايه
مهند:باهي شنو بتجي تعوم
عبدو:ﻻﻻ برا انت…انا مش خاطري
مشي مهند خش ف البحر و
عبدو طلع نقاله شاف ساعة لقاها 12:30 فتح الواتساب شاف لسم سلمى حبيبتي خش عليها وقعد يرسل ف رسايل ل سلمى
((شوفو لصورة حتعرفو شن كتب ))
عقيل:صباح الخير ياباتي
ع مسعود:اما صباح توا ظهر وخيرك مامشيتش لخدمتك
عقيل:تكاسلت اليوم ماقدرتش نوعى ((نفيق)) حق امي وعتني قتلي باتك يبيك
ع مسعود :اي … شوف ياولدي انا نبي نطمن ع بنت خوي وقررت ناخدهالك
عقيل:عليش مانبيهش سالمة دايراها كيف اختي سوسن
عمي مسعود:ﻻ بتاخدها
عقيل:البنت فاقدة الداكرة معقولة هكي نستغلوها فرضا ترجعلها داكرتها وتلقاني راجلها بالك قبل تكرهني وماتبينيش
عمي مسعود:شن الكﻻم الفاضي هدا انت حتكون راجلها عﻻش بتكرهك
عقيل سكت وادكر عبدالرحيم صديقه كان تﻻقى معاه ف مرة من المرات شن بيقوله خديتلك كبيدتك حبيبتك ؟ غدرت بيك وتجوزتها
عمي مسعود:ياولدي انا مريض بالقلب واشبح الله امتى ياخد امانته وانا نبي نطمن ع بنت خوي قبل مانمشي من على هالدنيا
عقيل:بعد عمر طويل ياباتي
عمي مسعود:عارفك انا تريس وتفهم الكﻻم وانا ماكنتش حاط فبالي الشي هدا اﻻ لما شفت خوك حمادي داير عملة
عقيل:شن دار
عمي مسعود:حشمني قدام الصبية ومتحشم نعاودها اكيد تو تعرف بروحك… المهم بناخدهالك وخﻻص واكيد انت ماتبيش تكسر كلمتي
عقيل:قول لمازن ياخدها اشمعنى انا
عمي مسعود:مازن خاطب بنت خالك وخﻻص انا قلت بتجوزها يعني بتجوزها ماتكسرش كلمتي
عقيل:استغفر الله …باهي تم ياباتي ماعاش اللي يكسر كلمتك خﻻص موافق بس بشرط
عمي مسعود:وتتشرط زيادة … به قول هي نسمع
عقيل:
يتبع………..
لقراءة الجزء التالي : الجزء الخامس من رواية حنين الماضي للكاتبة لوزة ليبية
لقراءة الجزء السابق : الجزء الثالث من رواية حنين الماضي للكاتبة لوزة ليبية
للإطلاع علي فهرس الاجزاء كاملة : جميع اجزاء رواية حنين الماضي للكاتبة لوزة ليبية
جميع الحقوق محفوظة للكاتبة لوزة ليبية .
