وفي الجزء الثامن من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء الثامن من رواية زوجة المغترب
في الصباح ولمن وائل كان طالع الشغل.. قال لي امبارح كنتي مالك؟؟ تاني اتحرجتت وخجلت ودخلت في ضفوري..
انتبهه لي لأنو قعد يضحك وقال لي اول مره اعرف انك بتخجلي.. فضلت ساكته..
قال لي لا بالجد خجلانه.. على فكره انتي مرتي..
قلت ليو عارفه عارفه خلاص امشي..
طلع وهو بضحك فيني..
رتبت البيت ونظمت وبعد خلصت قلت ادق أسأل على امي ليها فتره ما سألت..
دقيت ولحدي الجرس يقطع ماف رد .. دقيت تاني وتالت ونفس الحال ..
خفت قمت دقيت علي شوق..
ردت علي طوالي..
قلت ليها شوق امي وين ليه ما بترد؟؟
قالت لي اممي تعيشي انتي..
شوق انا جاده معاك.. ماوقت هظارك؟
وهنا سمعت صوت شهقتهااا.. شهقه زول ببكي بحرقه..
بلعت ريقي وقلت ليها.. ما صاح مش؟؟ انتي بهظري يا شوق مش؟؟ قولي بتهظريي..
بقت بتبكي زي الزول ال كان كاتم ولقا فرصه.. بتبكي وبتصرخ شددديدد ..
استلم منها التلفون مازن وقال لي رغد
قلت ليو مازن شوق بتهظر مش ؟؟ قول ليها ما بيضحك الهظار دا ولا حلوو والله
ودموعي نزلت.. قال لي رغد قولي لا إله الا الله..
وصوتوو مخنوق شدديد…
بعداك اقتنعت بقيت ببكي وماسكه خشمي عشان ما أصرخ..
وبتذكر لمن كانت بتقول لي انتي كويسهه؟؟ حاسه بيك ما كويسه..
وين الكلام دا وهي ماتت وانا م حسيت
لقيت نفسي بقفل منو وبضرب لي وائل.. وببكي بس..
قال لي رغد مالك بتبكي؟؟
واصلت بكل بدون ارد عليوو.. قال لي في شنو طييب استهدى بالله..
خلاص خلاص جاي عليكك بس انتي روقي حاضر؟؟
…………………..
فقدت رغد الصباح دا عشان م جاتت ولا ضربت .. فقمت دقيت ليها.. لمن ما ردت علي قلقت..
قلت امشي اشوفهاا.. ورغم انو امي والضيوف ال في بيتناا كانو بقوولو لي عروس ومحبوسه كيف تمرقي؟؟
بس اقنعتهم بعد قلت ليهم اني ح اطمن عليها واجي طوالي..
لقيتها في حاله مذرريهه.. وبعد اتكلمت معاهاا بصعوبه فهمت منها انو امها ماتت
في قعدتنااا ديك جاء وائل.. جرت عليوو وضمتوو وبقت تبكي وتقول ليو انا عايزه امشي ليها يا وائل..
استأذنتهم ورجعت بيتنااا..
استقبلني مزمل زي ما كنت متوقعه ب انو يسأل .. حاصل شنوو؟؟
حكيت ليو قال لا إله الا الله.. وحسي هي كيف؟؟
قلت ليو راجعه السودان..
………………….
وائل اصرر انو ينزل معاي .. وفعلا دا الحصل..
مشيت ولمن شفت ابوي وشوق واخواني.. يادوب انهرت وبقيناا نبكي كلنا سواا
وائل كان ما عارف يهدي فينا منوو ..
بس كان واقف مع ابوي اكترر شئ.. عشان كبير في العمر وصدمتوو كانت أكبر مننا كلنا
كان ماسك في عباره لالا ما ماتت نايمه هي نايمه.. ما فاتت خلتني انتو بتقولو كده ساي.. رجعوها لي حسي رجعووهاا
عدت ايام العزاا.. رغم انها عدت بعد استنزفتنااا وبهتتنااا شددديد.. بس عدت ..والناس ال في بيتنااا بدو يقلوو ..
وفي الفتره ديك وائل وقف معاي وقفه بطل بجد
كان بحاول يسندنااا كلنا مش انا بس ويخفف عليناا..
كان بأكلناا وبشربناا ووجاب كم بت يشتغلوو.. كان حافظ مواعيد ادويه ابوي وبديهاا ليوو..
وبعد الحياه رجعت طبيعيه.. ورجعنا نتكلم ونتونس.. وائل رجع قطر لأنو شغلو وكده بس خلاني مع اهلي وقال لي وقت تحبي ارجعي
في الفتره ديك كنت بحس بدوخه من فتره للتانيه.. وبكضب احساسيي وبقول لالا بكون ارهااق..
لحدي في يوم غمرتت.. صحيت وانا في المستشفى وجمبي شوق.. ال قالت انوو ابوي ومازن تحت ..
بعد دقايق دخل علينا الدكتور.. ال ما كان فرحانن وقال لي ممكن اتكلم معاك؟؟ وعاين ناحيه شوق نظام تطلع وكده ..
قلت ليو قول قدامها عادي
قال لي طييب.. انتي حامل..
كنت متوقعه ومكضبه نفسي ف ما اتفاجأت بس كنت مستغرباهو ليه قالب ملامحو؟؟
واصل كلاموو وقال لي بسس الجننين دا فيو خطوره على حياتك.. ف لازم ننزلو
شوق اتلفتت علي وتاني رجعت تعاين ليوو بعدين قالت.. كيف؟؟ مافي حل غير كده؟؟ ما ممكن نخليوو؟؟
قال ممكن نخليوو.. وما بحصل ليو شي و ح يتولد.. بس على حساب حياه اموو
هنا انا اتكلمت وقلت ليوو موافقه ..
قلت موافقه..
الدكتور عاين ل شوق ورجع عاين لي وقال نعم؟؟ قلت ليو موافقه.. انا ح اولد الطفل دا ..
شوق قالت لي يا بت انتي مجنونه؟؟ بتهظر يا دكتور ما تشتغل بكلامهااا..
قلت ليوو مش مفروض انو في استماره بتاعت تحمل مسؤليه؟؟ انو لو حصل لي شئ وانا بولد المستشفى ما مسؤله وكده؟؟
هز رأسوو.. قلت ليو طيب جيباا ح اوقعع وخلصنااا..
شوق قالت لي رغد انتي ليه بتعملي كده؟؟ دا انتحار يا رغد!
قلت ليها لا انا م بنتحرر.. انا بدي روحي لي طفل صغير لسه ما اتخلق انا عشتت لمن كبرت واتزوجتت.. وحسي دورو هو
قالت لي انا ح اكلم ابوي وهو يتصرف معاك
هنا الدكتور استأذن وطلع..
قلت ليها شوق لو كلمتيوو م ح اعفي ليك
لو عندي خاطر عندك ما تقولي لي زول بالموضوع دا .. ولااا زول..
قالت لي بس يا رغدد
قلت ليها ما بس وائل نفسوو في ولد.. شفت كده في عيونوو..
وهو ما قصرر معاي ب شئ يا شوق .. لا هو عمل واجبو وزياده.. استحمل حاجه ما اظن غيرو يستحملها والولد دا الحاجه الوحيده ال في يدي ابسطوو بيهاا .. وانا ح اعملها يا شووق حتى لو على حساب حياتي
يتبع ………
لقراءة الجزء التالي : الجزء التاسع من رواية زوجة المغترب
لقراءة الجزء السابق : الجزء السابع من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
