الجزء الرابع من رواية اريدك انت

وفي الجزء الرابع من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .

الجزء الرابع من رواية اريدك انت

فطرو مع بعض و طلعو على الدكتور حكي ليهو بي قصتها وانها كانت كويسه و حادث خلاها تبقى كده الدكتور قال ليها كيفك ،، قالت ليهو تويسه انا ،، قال ليها هل في حاجه بتوجعك ،، قالت ليهو لا ماف سي ،، قال ليها احكي لي كيف لقيتي دبي ،، قالت ليهو حلوة سديد تل يوم انا بمسي و العب و اتل ايستليم و سوتلاته ،، حسام قال ليهو دكتور ح تعمل شنو ،، قال ليهو لازم نعمل رسم للراس نشوف الحاصل ،،،، لبسوها و دخلوها كانت خايفه حسام مسكها قال ليها م تخافي انا معاك يلا نومي ،، غمضت عيونها و ادوها الحقنه نامت دخلوها جوة الجهاز و الدكتور كشف عليها  بعد خلص حسام انتظر لمن صحت طلعوها ولبست الدكتور كان شاف الصور حسام قال ليهو طمني مالا ،، قال ليهو م تخاف الحادث شكلو كان ضربة على الراس قوية حاصل جرح بسيط في مكان الذاكره و الادراك و الضربه واضح من قوتها هي حصل معاها كده ،، حسام قال ليهو وطريقه كلامها ،، قال ليهو كل عادي م تخاف هي كويسه و ده نتيجه الضربه عمليه بسيطه بتحل كل ده ،، حسام عاين ليها لقاها ماسكه حاجه بتعلب بيها ابتسم ،، الدكتور قال ليهو كلو بتحلا م تخاف عليها هي كويسه بس الدكتور الح يعمل العمليه ماف اسي بجي بعد شهر ،، حسام قال ليهو شهر كامل  ،، قال ليهو ايوه و بالنسبه لي طريقة نطقها ح تصلح مع الوقت ،، قال ليهو طيب

طلعو من الدكتور وصلو على الشقه حسام كان بفكر كتير لسه شهر حتى العملية لازم يعرف كيف حصل ده وفي شي كتير هو م عارف بيهو لازم يعرف عاين لقاها قاعده في الارض ماسكه الدبدوب الجابو ليها مشى عليها قعد جنبها هي بتتكلم وهو بس بعاين ليها حضنها  وبرضو هي قلبها دقه  قال ليها ح اعالجك انا م ح اخليك كده  تلفونو اتصل وزح منها لقاها امها بتتصل رد واتكلم معاها نور اخدت التلفون و بتتكلم مع امها وبتحكي ليها بي الجو وانها مستمتعه امها قالت ليها قرب عليك ي نور ،، سكتت مسافه وعاينت لي حسام قالت ليها لا يدلب علي تيف يعني ،، امها قالت ليها الحمد لله خلاص يلا ودعتك الله  حسام غضب شديد ليه امها كل مره تسألها طيب خلته يعرسها ليه قال في النهايه هي مرتي و ح تكون طول العمر و بعد تبقى كويسه ماف زول تاني ح يسألها كده  لمن كان فضل اخر يوم منه و مسافرين قال ليها يلا ارح ح اشتري ليك كل حاجه عاوزاها ،،، مشى اكلها ايسكريم و اشترى ليها شوكلاتات و شبس و اخد ليها دميه مكتوب عليها بحبك 

رجعو الخرطوم  وكان الكل منتظرهم حسام ساقها بيتهم اول م دخلو لقو الاهل كلهم قاعدين نور فرحت شديد ولمن شافت امها جايه عليها رجعت لي ورى وادست ورى حسام الكل انخلع من ردة فعلها امها قالت ليها نووور !!،، ادست ورى حسام اكتر ،، قالت ليها تعالي مالك ،، بس برضو هي رفضت عاينت لي حسام بي نظرة مالا حسام زحاها منه ومسكها قال ليها نور مالك دي امك ،، قالت ليهو مس هي دالت لي اعلس و علست لي م دايلة اتلم معاها (مش هي قالت لي اعرس و عرست لي م دايره اتكلم معاها) ،، الكل انصدم امها قدر م حاولت معاها هي رفضت قالت ليها خلاص ي نور يلا ح نبطل العرس ده ارح البيت ،، حسام عاين ليها ونور قالت ليها لا م دايلة امسي ح ادعد مع حتام ،، ادست بي وراه امها عصبت جات تسوقها بس نور رفضت حسام قال ليها خليها ،، قالت ليهو لا زح لي ح اسوقها الليله يلا ي بت ،، حسام قال ليها دي مرتي و مسكها ودخل بيها غرفته

حسام دخل بيها الغرفه قعدها في السرير وقال ليها دقيقه و راجع مشى جاب الشنط وجاها راجع قعد جنبها قال ليها زعلانه من امك صح ،، هزت راسها بي ايوة ،، قال ليها بس هي م كان قصدها تزعلك ،، قالت ليهو لا بس مس عملت تده م تتلم معي وقعدت تبكي ،، قال ليها انا مزعلك في حاجه ولا كده ،، هزت راسها بي لا ،، قال ليها طيب ليه تبكي بالعكس انا شايف لو م هم عملو كده م كان نحنا اسي بقينا اصحاب صح ،، م ردت ،، قال ليها طيب اخدي نومة تمام ،، قالت ليهو م تمسي ،، ابتسم ليها و مسكها عليهو قال ليها يلا نومي و فضل يمشي على شعرها لمن هي نامت 

زح منها براحه وطلع بره قعد معاهم امها قالت ليهو معليش ي ولدي اصلا هي كده م كان قصدها ،، قال ليها هي مرتي وبعد كده كل شي بتعمله انا البعرف هل هي بتقصد ولا لا ،، امها قالت ليهو طيب وين شنطتها نحنا نمشي بعده ،، قال ليها نعم !! تمشو وين ،، قالت ليهو البيت ،، قال ليها نور مرتي م تنسي ،، قالت ليهو زواج على ورق ،، قال ليها لا ابدا م زواج على ورق تحبي اعمله حقيقي اسي و منها تبطلي كل مره تسأليها قرب عليك او لا ،، انصدمت و خجلت قالت ليهو ي ولدي يرضى عليك م تعقد الامور نحنا وريناك كل شي من الاول و ،، قال ليها لا م ورتوني انا انصدمت يوم العرس بي حالتها و عرفت انه كان لعبه منكم بس انا بالنسبه لي حقيقي و ي خالتي م وقته اسي الكلام ده بس افهمي نور بقت مرتي وماف تاني ليها رجعه هناك الا وانا معاها ،، امه قالت ليهو حسام ،، قال ليها يمه لا عن اذنكم انا عاوز ارتاح ،،، مشى وخش الغرفه

قعدو مع بعض امها وصال وامه حسينة م كانو متخيلين انه الاتنين ديل ح يصلو لي هنا وصال قالت ليها نعمل شنو اسي ،، حسينه قالت ليها خليهم اسي م نتكلم معاهم نحنا فعلا كان مفروض نكلم حسام بي كل شي كان مفروض اخت اعتبار انه ممكن يحبها ،، قالت ليها لا لا م ح يحبها استحاله يحبها لا ،، قالت ليها المهم اسي لو ضغطنا عليهم بنخسر خليهم ،، قالت ليها سمح فتك بي عافيه ….. حسام كان راقد و اصراره انه يكمل مع نور زاد نام صحى لقى نور ماف طلع لقاها قاعده مع امه بتونسو  فرح ومشى ليهم قعد معاهم وجو اخواتو و اتونسو ونور انبسطت ساق امه على جنب وقال ليها فهميني وين ابو نور م شفته نهائي ،، اتوترت وقالت ليهو م بعرف ،، قال ليها طيب ومشى

بليل مشى دق الباب لي خالتو وصال قعد معاهم وقال ليهم قابلت بيها و الدكتور قال بسيطه بس محتاجه عمليه بعد شهر ،، قالت ليهو الله يوفقك ياخ شهر كتير لكن ،، قال ليها فعلا بس الدكتور المفروض يعملها ماف عشان كده ،، قالت ليهو خلاص خليها تجي تقعد معانا هنا لانه ،، قال ليها م تكملي لانه م ممكن ،، قالت ليهو ليه بس ،، قال ليها مرتي و على فكره وين ابوها امممم عمو عوض صح وين هو ،، اتوترت وقالت ليهو م هو ماف مسافر مسافر ،، قال ليها شهر كامل م سأل من بته ،، قالت ليهو لا لا بسأل بسأل قال ليها طيب و ياريت تاني م تفتحي معي سيرة الموضوع ده نور مرتي و م ح اسيبها يلا عن اذنك مشى وهي بي هنا م عرفت تصرف دخلت نفسها في متاهة جاها اتصال ردت قالت ليهو في شنو ،، قال ليها معقولة ياخ لينا زمن نحنا ،، قالت ليهو اخلص داير شنو ،، قال ليها حبيبة قلبي اخبارها شنو ،، قالت ليهو م دخلك انت السبب في الحاصل معاها ده ،، قال ليها هههههههه انا برضو ناسيه ولا اذكرك ي مدام ليه ابوها مافي  عموما خلوها تتعالج سريع عايز اعرس انا ياخ وقفل الخط

————————————–
☆يتبــــــــــــــــــــــــــــــــــــــــــــع☆☆

الجزء الرابع من رواية اريدك انت

لقراءة الجزء التالي : الجزء الخامس من رواية اريدك انت

لقراءة الجزء السابق : الجزء الثالث من رواية اريدك انت

للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح

جميع حقوق الرواية محفوظة للكاتبة نوحه صلاح