وفي الجزء الخامس من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .
الجزء الخامس من رواية اريدك انت
قفل منها وهي اتوترت لانه واضح انه حسام م ح يخلي نور وهي م كلمته انه نور مخطوبة 
………الماضي………
نور كانت راجعه من شغلها سمعت واحد بتكلم مع اهلها وبقول ليهم انه هو عاوز القروش والا م ح يرحمهم 
جات نور داخله قالت ليهو اول شي تتكلم مع اهلي بي احترام 
و اياك تعلي صوتك عليهم فاهم ،، عاين ليها من فوق لي تحت و ابتسم ابتسامه خبيثه 
كان شيطان على هيئة انسان قال ليها وانتي منو ،، قالت ليهو انا بت البيت و ولده كمان وعشان لانه انت في بيتنا ومن واجبنا نحترم الضيوف بس لو كانو قليلين زوق زيك ف يستاهلو الضرب بالجذمه اتفضل بره ،، عاين ليها وقال لي ابوها شوف يومين قدرت تلم لي المبلغ كان بها م قدرت تلمه لي ح اتصرف و عاين لي نور و طلع ،، نور قالت ليهم ده منو فهموني ابوها قال ليها انه انا كنت محتاج قروش وهو كان صديقي ف قال لي ح ادينك في الاول انا رفضت لانه المبلغ كان كبير بس هو اصر وقال انه م بيناتنا و متى م قدرت اجمع القروش ارجعها ليهو وفعلا شلتها منو بس بقى يزلني بيها وانتي يادوب بديتي شغل كيف ح نقدر نلمه ،، قالت ليهو بتتحل يابا م تشيل هم بس المبلغ كم ،، ابوها سكت مسافه بعدين قال ليها 20 مليون اخدتها منه كان لي عرس اختك و كملت بيها مصاريف جامعتك م افتكرت صحبي ممكن يزلني كده ،، نور انصدمت 20 مليون م مبلغ ساهل وقعدو مع بعض حاولو يلمو م قدرو
ومشت اليومين و جاهم كان يادوب جمعو 5 مليون جاهم داخل قال ليهم وين قروشي ،، عوض قال ليهو ي حسن ادينا تاني مهله ،، قال ليهو لا ماف
بس ممكن تعملو حاجه وكده انتو ترتاحو وانا ارتاح ،، نور قالت ليو شنو هو الممكن نعمله ده ،، قال ليهم تعرسو لي نور ،، الكل كان مصدوم و عم عوض وقف على حيله قال ليهو انت جنيت
كيف يعني الكلام ده ،، قال ليهو م نفع معاك جدا تمشي معي لي الشرطه ،، نور قالت ليهم انا موافقه ،، عوض قال ليها نوور !!،، قالت ليهم بس بي شرط ،، حسن قال ليها اتكلمي ،، قالت ليهو موافقه انه انخطب ليك اسي و بعد سنه العرس خلال السنه قدرت الم قروشك تاخدها و تمشي مننا ،، قال ليهم خمسه شهور جبتيهم بخليك ،، قالت ليهو موافقه ،، عوض قال ليها نور لا
،، باسته قالت ليهو م تشيل هم يابا كله بتحلا 
فعلا انخطبو ونور تعبت شديد مع الشغل حتى الاء و زوجها كانو بساعدوها و كل م يجمعو قرش بحفظوه معاهم 
…. تمه اربعه شهر كان فضل اخر شهر قدرو يجمو المبلغ كامل هند اتصلت عليهو و طلبت منه انه يتقابلو وكلمته انه هي جابت القروش قال ليها جدا تعالي لي في المصنع حقي وبراك ،، نور لمن طالعه امها قلبها قبضها قالت ليها سوقي زول معاك ،، قالت ليها لا يمه بمشي سريع و بجي ،،،،
نور مشت و اتأخرت شديد في الرجعه بدو يقلقو عليها شديد
في الاخير طلعو عوض و راجل الاء على المصنع لقو نور واقعه على الارض فاقدة الوعي و واضح في اثر ضرب عليها و القروش ماف و ودوها على المشفى سريع و لحقوها اهلها و معاهم حسينه ام حسام عمو عوض ضغطه انخفض شديد و نور كانت قريب شهر داخله في غيبوبه اول م صحت و فتحت عيونها الدكتور بسأل فيها كيفك انتي اسي احسن ،، قالت ليهو انت منو وانا وين ،، امها قالت ليهو نور حاسه بي اي وجع ،، قالت ليها لا م حاته بي سي انتي منو ،، قالت ليها انا امك ،، نور قالت ليها ماما هلاس تلعني من هنا ،، عمو عوض قال لي الدكتور مالا هي بتتكلم كده ده شنو ،، الدكتور فحصها قال ليهم الضربه كانت على الراس شكلها كانت قوية و بي سبب كده حصل ليها ارتجاج في المخ و رجعت كأنها طفله عمو عوض من الصدمه انشل رجعوها البيت وفعلا كانت طفله في كل تصرفاتها
جاهم حسن في البيت وقال ليهم ياااه ي نسابتي ده شنو ادونا عين والله
وعاين لي عوض قال ليهو الحصل شنو مين العمل كده ،، وصال قالت ليهو يعني م عارف م انت الطلبت منها تجي لي هناك ،، قال ليها ايوة فعلا بس بعد وصلت انا حصل لي ظرف م قدرت اجي قلت ليها تجيني بكره تاني م عارف الحصل شنو و اسي القروش وينها !!!،، جات نور قالت ليها ماما ماما انا عطسانه اديني موية
،، حسن انصدم قال ليها ليه بتتكلم كده ،، ورته قال ليها الله يشفيها بعد تبقى كويسه بنكمل عرسنا عن اذنكم ،، طلع و وصال م باقي ليها الا تقتله ،، كل الاهل عرفو بالقصه وزعلو انه هم اخر من يعلمو بي كل الحاصل و لمه قروش قررو يوده عوض للعلاج و بعده نور فعلا بدو اجراءات السفر و سافر عوض للهند للان بتعالج و نور فضلت هنا لمن حسينه و وصال اتفقو على كده لانه حسينه لمن كانت محتاجه وصال و عوض وقفو معاها ف اعتبرته رد دين
……..فلاش باك…….
حسام قال لي نور انت وين ابوك ي نور م شايفه انا ،، سكتت مسافه كانها بتذكر قالت ليهو ااااا بابا كان م بتحلك من السليل بس لاقد فيهو (بابا كان م بتحرك من السرير بس راقد فيهو) و بعدها سادو هو و الاء وتاني م سفتهم (وبعدها ساقو هو والاء و تاني م شفتهم) ،، حسام قال ليها
————————————–
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء السادس من رواية اريدك انت
لقراءة الجزء السابق : الجزء الرابع من رواية اريدك انت
للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح
جميع حقوق الرواية محفوظة للكاتبة نوحه صلاح
