وفي الجزء الحادي عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الحادي عشر من رواية رحلة الحب
اول م شافتني،، ارتسمت ع عيونها ووشها كله ابتسامة عريضة 
اتلفتت ع فارس،، رد ليها اي اي ضحكت وسلمت على وحضنتي شديد
….
في بيت ناس معتز..
لينه :اححح ي كرعي،،
معتز :عشان تبطلي الكعب اللابسه طبيعي دا 
لينه:كراعي ولا كراعك 
معتز :طيب م تشتكي
ام معتز :ازيكم ي عيال طمنوني العرس كيف؟
معتز :خرا بس
لينه: حرام عليك ي عزو، فاتك ي ماما هدوله طلعت قمر ١٤ بس 
وبالجد بالجد تستاهل فارس دا لايقين ع بعض شديد
معتز :ولا لايقين ولا زفت..
ام معتز: انت فاير كده ليه؟
لينه جات قصادو: دي الحقيقه ع فكره م تدخل مشاكلك الشخصيه ف الموضوع، غير كده الماضي ماضي وربنا رزقا بالبستاهلا
عزو أداها كف..
ام معتز : الله ي معتز ف قدامي بتضربا؟
معتز حمر لامو واختو ومرق..
ام معتز ف شنو ي لينه فهميني؟
لينه: تعالي ي ماما حسسي ع شعري كدا لاني مصدعه بالجد،، وعزو دا انسيه..
ام معتز : والكف؟
لينه : عارفه معتز لمن يعصب م بلقى غيري يتفشا فيه وانا بحبو وبمشي ليو اغلاطو ان شاء الله يلم ف البتستاهلووانا متحمله خلاص
ام معتز :ربنا يهديك ي معتز ويديك بت الحلال
لينه :ادعي لي معاك ولا انا م بتك
ام معتز :وانتي كمان ي ست البنات
……..
أمير :الف حمدلله على السلامه 
عبد المولى :الله يسلمك ي حبيبي والله مشتاق ليك شوق ولي هديل 
مقصر معاكم شديد اعفو لي
أمير : شوقنا مطر
عبدالمولى :وبحر ومحيطات ،، حبيبي ي ابوي،،
..
اول م وصلو البيت..
عبد المولى :هديل وين؟
أمير : صعب تتعود عارف.. هديل عرست 
عبدالمولى :صح نسيت طب وديني ليها،، نهله وين؟
أمير :طلعت مشوار..
عبددو (اسمو طويل
) :اضرب ليها
أمير :ارح لهديل مش قلت ماشي،، لمن نجي حتكون جات
وفعلا أمير سلك لبابا وطلعوا..
..
امل :صباح احلى عروس
فارس مكشر وشو.. فوفي مالك مكشر كده؟
فارس اتلفت علي وقعدت اضحك بعدين،، احم احم
انا :اصلا ي خالتو فوفي م متعود ينوم معاه زول ف السرير
فارس:انا برضو المامتعود مااااشي
امل : ههههههههههه،، عملت الشاي
هديل :ليه تعبتي نفسك ي خالتو
امل :م عايزه ازعجكم ف اول يوم ليكم
فارس بأس راس امو: تسلمي لي انتي 
شوبو الشاي.. واخدو ونستهم..
امل : فوفي هدوله انا بعد كده ح امشي!
فارس :تمشي وين ي امي؟
هديل :ايوه ي خالتو خليكي معانا
امل :لا شوفو البيت صغير كيف هو ي الله حيشيلكم الاتنين انا م عايزه اضايقكم..
فارس : دا كلام دا ي ست الكل؟ لا والله حتمشي وين يعني خليكي معاي
هديل :احم احم اسمها خليكي معانا
امل ضحكت،، ربنا يحفظكم لي بعض ان شاء الله بس انا خلاص قررت حمشي لعند الاء اختي ف المنشية لحدي م اتصرف لي ف بيت،، حتكون مستنياني م ظريفه 
فارس :طيب توعديني حتجينا تاني؟
امل قالت ليو ايوه : مسكتو من يدوو: خود يالا ي ثقيل انت م سايق مرتك شهر العسل هتقعدو هنا ف الحته المعفنه دي؟
هديل :الحته المعفنه دي حلوه عشان إحنا مع بعض م تشيلي همنا
فارس:ي حظك ي فارس
فارس :ضماني عليه،،
امل : يلا ي عرسان انا حمشي عايزين حاجه
هديل:خلي بالك من نفسك ي خالتو
فارس:طمنيني عليك اول م تصلي
ودعتهم وطلعت..
هديل:حتخليهاتمشي بالمواصلات؟
فارس:لا هي سايقه
هديل اوكي..
فارس قفل الباب : قلتي لي امبارح شنو؟ م متعوده انوم مع زول؟ وامي قاعده؟ وو شنو؟
انا نططت عيوني فارس عيب
فارس : عيب شنو انتي مرتي
هديل:مرتك بس م عندك الحق
فارس : لالا لا دا كلام كبير شككلك عويره وح تتعبيني معاك
هديل : ي فارس..
لصقني ف الحيطه وبقا وشو ف وشي لحدي م حسيت ب أنفاسه
هديل:فارس لو زول شافنا وغمضت عيوني شديد
بعد شويه فتح النور وطفاهو
فارس:انا بتأكد من الاضاءه بس ،. نضفي دواخلك ومشي خلاني
………..
الباب دقاا،،
كوركت ليو انا حفتح..
فتحت الباب..
لقيت أمير وبابا.. عيوني بقت قدر دا 
هديل:بابا؟
عبدو: هدوله 
هديل :ضميت بابااااا
فارس جا مارق اتخلع.. سلم ع أمير وانا كنت ببكي زي الشافع ف حضن بابا،، حتى بابا بقى يبكي معاي ويقولي انا اسف اسف شديد
هديل :م تعتذر المهم انك جيت دي احلى مفاجأه ف حياتي 
أمير : خلصتو يخوانا؟
فارس لكزو م تخليك مدمر للحظات دي 
فارس قام جاب مويه وعصير،، الف حمدلله على السلامه ي عمي..
عبدو :تسلم ي ولدي
أمير :انا عايزك تقولينا كلامك بسرعه لاني عندي كلام برضو..
عبدو : طيب،، طبعا ي فارس بما انك بقيت راجل بتي ف زي ولدي
فارس :الله يكرمك ي رب..
عبدو : عايزكم م تتصدمو ولاتزعلوا من كلامي عارفو حيكون صعب عليكم وقاسي شويه بس انا زاتي م عارف حصل كيف
هديل :قول ي بابا عشنا صدمات كتيره م حتاثر دي
عبدو : نهله دي تبقي م امككم
نحنا كنا عاديين واضح علينا عارفين
عبدو :مالكم م اتفاجأ تو
هديل :لااننا عارفين، وعارفين انو امنا اسمها امل وخطفتو منها أمير وقلتو اني موتا وخطفتوني برضو وسافرت وعرست نهله وطلقت امي واتعذبت، وشاكلت عماتي عشان نهله وكنت بتشاكلنا عشان نهله وأي شي نهله نهله إلهي ينتقم منها
عبدو بقا متفاجئ.. انا حاليا جاي ندمان ع اني خربت بيتي بيدي وباريت نهله بس م عارف كيف كنت بحب امل دي حب شديد خلاص والنزلني السودان شوقي ليها،، اخواتي قالو انها طشت زمان وتاني م لقوها جاي افتشا
فارس:جادي ي عمي عاييز تفتشا ف الخرطوم الكبيره دي؟
عبدو: مشتاق ليها، نفسي احضنا نفسي أطيب خاطره بس واقوليها انو كل شي حصل ماعارف عملتو كيف محتاج اسمع صوتا محتاج لي كلاما محتاج اني اشوف ضحكتها،، ياخي كنت اسعد انسان ماعارف حياتي اتخربت فجأه كيف الله يسامح نهله
أمير : انا لو منك مستحيل اسامحها،، دا كلو كوم وكوم انها كانت منفسنه بي هديل وبي سببا م قدرت تكمل جامعتها،، ابوي بكا شويه وضماني عليه سامحيني ي بتي.. قلت ليه مسامحاك ي ابوي بس عمري م حسامح نهله ع العملتو فينا
عبدو : نفسي أصلح غلطي دا كلو نفسي دا كلو يكون كابوس واصحى الاقي امل جمبي تطبطب على وتقولي دا كابوس وتخت لي كاس المويه جمبي
أمير طبطب ع ابوه : الغلطه ح تتصلح لمن تطلق نهله،، دي كانت عايزه تسجل البيت باسمها وترمينا ف الشارع
عبدو : مستعد أطلقها لو حتسامحوني واقدر اعوضكم
أمير : تمام، يلا
عبدو : ع وين؟
أمير : انا بحب المفاجآت..
هديل : هيي وانا كمان عايزه من المفاجأه دي نمشي ي فارس؟
فارس :نمشي
هديل جرت لبست عبايه وكذلك فارس غير ولبس جلابيه طبعا الجلابيه خلقت له
..
عبدو :نفسي اعرف المفاجاه المتشوقين ليها كلكم دي
فارس : ي عمي حتشكرنا
هديل :هو شكر وبس؟
أمير : حنحقق ليك احلامك الليله…
وفعلا وصلوا البيت..
أمير شال طرحتي وغمض لابوي عيونو
خليك زي م انت،، وطلع فوق لي امي ونفس الشي كان مغطي عيونا وسايقا لحدي م بقت قصاد ابوي.. طبعا انا وفارس سكتناه..
وهناك أمير بقول لأمي ولا حرف تخليكي ساكته بس،،
بعد شويه :
امل : أمير م يلا. ياخ عيوني..
عبدو : امل دا شنو الهظار دا ي اولاد
جا يفك الطرحه..
أمير : لالا استنى
امل : عبدو؟
عبدو : امل
فارس حضني عليه
أمير فكا الطرحه من ابوي اول وبقا عامل كده ي أولادي دا شنو م تهظرو معاي
انا : ي. بابا دا منو البهظر معاك دا..
أمير شال الرباط من عيون امي،،
بقوا عامليين زي روميو وجوليت.. وكل زول بعاين للتاني.. ابوي بقا يعاين لأمي ولامير ولي،، كأنه م مصدق انو اسرتو اتلمت تاني
امل : مشتاقه ليك
ابوي طوالي حضنا يخوانا اتاثرت جدا وقعدت ابكي وففارس ضاميني وأمير بيبكي بعد شويه تينا صفرت وصفقت وخربت ليهم ام اللحظه
لمن اتلفتنا عليها..
Am so sorry but Am affected
Realy
ضحكنا عليها
عمري م توقعت الدنيا ترجع تضحك ليا تاني
تلفون فارس ضرب،، بسرعه فكاني وطلع انا اتخلعت..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثاني عشر من رواية رحلة الحب
لقراءة الجزء السابق : الجزء العاشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
