وفي الجزء الثاني من رواية لن استسلم دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء الثاني من رواية لن استسلم
(((مﻻحظة:سوري الضي كان هارب 8ساعات))
وصله مسج فتحه وقري اللي فيه وفتح عيونه @_@ نبي بضاعة مﻻبس نسائية داخلية وارواب ..
اسامة فتح فمه وحط ايده ع راسه ويزمجر ايااااح علينا ..بيرد عليها بمسج كتبلها مانجيبش فيهم واسف مانقدرش نجيبهملك بيضغط ارسال فدكر كﻻم امه
مسح رسالة كلها واتصل بيها
سمية :الو
اسامة:تي شنو داخلية ومش عارف شنو افتحي حاجة مقومة واﻻ خليه مسكر المحل
سمية: ﻻ غي…
قاطعها:باهي عﻻش ماتفتحيشي محل مﻻبس سهرة؟
سمية:ﻻﻻ اسعارهم غاليات وانا بادية بداية بسيطة
اسامة:شن بداية بسيطة هادي باهي انا نعطيهالك بضاعة ع اﻻبيض هكي وبعدين انتي سددي ع راحتك
سمية:ﻻ ممبيش و عﻻش توا تكشخ عليا نبي نفهم
سكت اسامة شوي تمالك نفسه وقالها:باهي سامحيني انفعلت… ديريه محل حلويات انتو البنات تحبو تكعبرو الحلويات وتبيعو
سمية:ههههههههههه
اسامة:ماقلتش نكتة !
سمية:احم خﻻص يااسامة ماتعبش روحك تو نتصرف انا
اسامة:شن بديري
سمية:مادورش خﻻص ويﻻ توا سﻻم
اسامة:سﻻم
سكرت سمية وتدوي مع روحها
اصﻻ انت يا متعجرف ماتجيش منك تزغرط…تكعبرو الحلويات هههههه مش عارفة منين جابها …
خلي نتصل ب عبير ((صاحبتها))
سمية:هﻻﻻﻻﻻ
عبير:اهلين حبوبة شن الجو
سمية: باهي اسمعي مضايقة انا
عبير:شنو فيه احكي
سمية:ماعنديش رصيد هلبا المهم مرة حكيتيلي ان عندك ولد خالك عنده محل واﻻه
عبير:منو عبدو تقصدي؟
سمية:ايوه عبدو
عبير:ايه خيره
سمية:انا اجرت محل ونبي بضاعة ارواب ومﻻبس داخلية نسائية
عبير:مبااااارك..وبه وشن تبي ف عبدو
سمية :بالك عنده معارف نبي بضاعة
عبير:خﻻص تو نكلمه شوية ونرد عليك
طلع اسامة من داره وطلع من الحوش ولع سيارته ومشي لجﻻل
اسامة ل جﻻل: شنو فيه سفرة قريبة ياجﻻل؟
جﻻل:ايه هكي بعد غدوة ومروح بعد 3 ايام
اسامة:باهي بنعطيك مبلغ هكي ونوصيك ع مﻻبس اختار الحاجة الباهية
جﻻل:اكيدة..شنو مﻻبس اطفال واﻻ رجالي
اسامة:كلوتس نسائي…اندر وير
جﻻل:ههههههههههههه جنابي امبكري العشية كنت عافج عبدو طريحة ع خاطرهم وتوا تبي منهم
اسامة:ياوالله حالة الهم ايجيك لعندك ياراجل
جﻻل:هههههه هم شنو
اسامة:صاحبة امي بنتها نعرفوهم من قبل المهم بتفتح محل وطبعا ادبست اني ناخدلها بضاعة مﻻبس لكن مشكلة انها تبيهم كلوتس اندر وير
جﻻل:ههههههه تي قول مﻻبس داخلية ياراجل
اسامة: ماتستفزنيش توا خير ما نسميهملك بطرف…عموما وصيلي وخﻻص بش ناخدهملها ونفتك
جﻻل:اوك حبيبي من عيوني
اسامة:شد هاك 1400 دينار
جﻻل:تم
اسامة:لكن مسكينة والله تعصبت عليها البنت مش عارف شن اندير بش انحي هالعصبية
جﻻل:حب واحدة تو تولي مش عصبي عن تجربة راه
اسامة:ﻻ نحب ﻻ نعشق وهوا فيه بنت تنحب يكلموك في النهار يقولولك انت حبي الوحيد ايليل الليل تحط شفرة الغراميات وتبدى في الحب المتعدد ههههههه
جﻻل:ههههههههههههه يعنجد الحب متعدد
نقال سمية يشرين
سمية :ها عبير
عبير :قالك عبدو البضاعة نجيبهالك بالكثير بعد غدوة وتي فلوسك و اعطيني نعتة المحل
سمية:اوكي خودي النعتة
هدرز اسامة مع جﻻل وروح ونسي يتصل ب سمية بش يقولها امنتلك اللي على المﻻبس وان موعد وصولهم بعد 4 ايام بالكثير
وجي بعد غدوة هههه واتصلت عبير بسمية وعطتها رقم عبدو
اتصلت سمية بعبدو : الو صباح الخير
عبدو:اصباح النور منو
سمية : انا من طرف عبير
عبدو:اها سمية
سمية:ايه
عبدو:اهي معاي بضاعة اطلعي انتي وانا هكي نوص ساعة بلكتير نكون ف شارعكم ياعسل
سمية:كلمة اﻻخيرة نحيها وتمام تو تلقاني ف محل نستنى فيك
لبست سمية عبايتها و
خدت مفاتيح محل وقالت ﻻمها طالعة وطبعا امها تحساب ان البضاعة عن طريق اسامة..
خ نفيسة:وسيما بتطلع
اسامة:ايه ماشي لجمرك عندي شحنة وصلت
خ نفيسة:متع شنو اماﻻ
اسامة:مﻻبس اطفال
خ نفيسة:باهي ربي يفتحها عليك ..
ضم داره اسامة وطلع منها وركب سيارته وهوا طالع لقي زنقتهم فيها اعمال بناء دور وطلع من جيهة التانية ويلقى عبدو يلعلع في المنطقة اللي بجنبهم يهدرز بصوت عالي ويفتح ف محل قال فباله شن يدير الزقة اهني بيفتح محل واﻻ شنو؟؟ ويلمح سمية معاه ! @_@ وخشو عبدو و سمية للمحل
عبدو لسمية:تعرفي جبتلك احسن بضاعة حاجات هكي اتحل عين مغمضة شوفي موديل هدا قطعتين خفاف شفافات
على خشت اسامة وقال لعبدو:البسهم انت وزيدلهم فيوكة من الجنب
تلفت عبدو وقال:استغفر الله ..ياشبلي فكنا تره جايين نسترزقو اطلع منها
اسامة :انت اللي بتطلع من اهنا
عبدو:تي شنو انت مش حتجيبها للبر وشن دخلك فيا توا واﻻ نظام منطقتي ماتحطش رجلك فيها
اسامة تلفت لسمية وقالها روحي
سمية:شن نر…
قاطعها اسامة يكشخ:روحي قلت انا
سمية تمسمرت ف مكانها زعميته مادخلكش فيا جو عناد هههه
عبدو:اهاااااا قصدك سمية مرتك فاتحة محل من وراك هههههههههههه ويووو و مداير مرجلة علينا والمراة مش قادرها والله جي من شكمك ياشبلي
ههههه واخيرا شدينا عليك حاجة
اسامة فنص ف سمية وقالها روحي يا سمية توااااا وهاتي مفتاح جاي
مدتله سمية مفتاح وطلعت تندب ف حظها
اسامة ضرب عبدو بنية وقاله :قدام الوﻻية اعرف كيف تتكلم ياجيفا
عبدو:تي حول ياشبلي هيا مرتك اللي اتصلت بيا وقتلي تعال نبي بضاعة شد اللي عندك مش جاي تضرب توا
اسامة:مش مرتي ياعافن …. وعطاه بونية تانية وقاله اقلب وجهك من اهنا
ركب عبدو سيارته وحط بضاعته وطلع راسه من روشن وقاله :والله مرتك صوتها يهبل ف تلفون $#@&*$#&* عجبني ايهبللل كان $#-&*$@ هههههههه
اسامة:وحق ربي كان نجيك ياعبدو تشوف كيف شكله كﻻم اللي قلته
عفس بنزينة عبدو ومشي
سكر المحل اسامة متكنطييي ومشي طبق لحوش سمية
اسامة قلب اﻻسد هههههه
يتبع …….
لقراءة الجزء التالي : الجزء الثالث من رواية لن استسلم
لقراءة الجزء السابق : الجزء الأول من رواية لن استسلم
للإطلاع علي فهرس اجزاء الرواية : رواية لن استسلم جميع الاجزاء كاملة
جميع الحقوق محفوظة للكاتبة لوزة .
