الجزء الثلاثون من رواية عاصفة الصمت

وفي الجزء الثلاثون من رواية عاصفة الصمت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .

الجزء الثلاثون من رواية عاصفة الصمت

حنين : غير اسكتي وفكري في كل العواقب فكري بعقلك مش بقلبك فكري …
* سكتت غادة وتفكر وتفكر وتفكر وطال سكوتها وقالت : والله تعرفي حسه كﻻمك صح
حنين : 100% صح اماﻻ شنو
غادة : لكن انحبه
حنين : تحبيه لكن من قال بتعيشي سعيدة معاه انتي بنت واحدة ومدللة وطول عمرك بنت عز تبي من ايدلعك مش ايزيد يرهنك
غادة : صح
حنين : تي صح الصح زيدي فكري زيدي بش معش تقولي كله من حنين

* واسى روحه نزار وقعمز وقالها : ضرسي خﻻص عاد … تو يولي حاله باهي ان شاء الله
لبنى : ان شاء الله يارب

* شاف لرجله نزار واتكدر خاطره وبان ع مﻻمح وجهه …فشفاته
لبنى وقتله : انا عكوزك نزار كان ربي قدرني نشيلك شيلان في عيوني لين انزفك لعروستك وبعدين هيا تتكفل باﻻهتمام بيك 
نزار : ربي يحفظك ياضرسي
لبنى : مازلت اتقولي ضرسي
نزار : ﻻزلت وﻻ ازال ولبن انموت حنقولها
لبنى : به شن سبب ف تسمية هادي
نزار : تبي تعرفي
لبنى : اكيد
نزار : مش حنقول هدا سر بيني وبين نفسي ياضرسي ههههه
لبنى : ياحليلي وخﻻص تبي واﻻ ماتبيش استحشتك
نزار : هههه فكيني من كﻻمك المعسول … نوضي نوضي بالكي بنمشي ناخد دوش انحس ف روحي خااااااامرررر حشاك ليا فترة مادوشتش زيدي عليها لحيتي مغفغفة
لبنى : افيييي
نزار : هههههه ياسر ياشفشة
لبنى : هههه وانا نقول عﻻش عيوني بدوا يوجعوا وهوا منك هههههههه
نزار : هههه معش تلبسيني خﻻص اهو بنوض …
* بيوقف نزار لكن رجله فجابتله لبنى عكوزه وقتله : اسمع انا عندي برنوص (روب حمام) جديد حنعطيهولك تلبسه ووقت تطلع من الحمام بدل اهنا ف دارك
نزار : عينك ماناقص غير نابس لبس نسائي
لبنى : نسائي ودنك … رجالي هدا
نزار : معناها واخدتيه لرامي
لبنى : ايه
نزار : ﻻﻻ مانبيشي … خليهوله مدام مسميتيه ب اسمه …
لبنى : به كيف ماتبي … وبجد بجد فرحانة انك رجعتلي بسﻻمة رجعتنا قصدي
نزار : وانا فرحان ان انا بينكم من جديد … اه شن بنقولك …
لبنى : قول
نزار : تره ضبحيلي ع امي …
لبنى : باه

خ عايشة :عندك واحدة من الزوز ياتفسخي يانتصل انا ب امه ونقولها تعالوا خودوا حاجتكم
غادة : اصبري يمى مازال
خ عايشة : مازال عينك انا مانعطيش بنتي الوحيدة ل اعرج هدا ماناقص شن يقولوا عليا بنتها تجوزت جرد و اعرج
حنين : هههههههه قتلها انا ياخالتي كيف بتعيشي مع اعرج
غادة : باهي يمة
خ عايشة : بري امشي عندك من اهنا لغدوة الصبح كان ماتصرفتيش بنتصرف انا
غادة : به خليه حتى يرتاح شوية
خ عايشة : ﻻ مافيش … عندك لغدوة الصبح اهو قتلك

خ رقية : كيف حال نزار يالبنى …. عارفاتك كنتي عنده
لبنى : ههه حاله باهي بياخد دوش خ رقية : وك عليا ياوخيتي كيف بيدوش … ياريت حتى عنده خو يساعده
صفاء : بري يمى عاونيه
خ رقية : اللطف تحسابيه صغير بش نخش عليه ف الحمام
لبنى : ﻻ مازال ماخداش دوش قالي انضبح عليك قاعد ف الدار
خ رقية : به خلي نمشيله
* تدكير ب اعمار الشخصيات لسنة
2011
نزار 37 عام
صفاء ومروة 29
لبنى 28
رامي 34 *

خ رقية : اه شنو نزار
نزار : بالله يمى خوديلي كرسي النايلو اللي ف مطبخ وحطيهولي في الحمام غير اتحشمت انقول ل لبنى
خ رقية استاجعت لحال
ولدها وقتلها : اخ وخﻻص ان شاء الله به تو نمشيله

رامي : ياعلي … قولي قداش بنقعد هكي تعبت
علي : معليشي قال الدكتور بالك غدوة يفكلك الرباط
رامي : ان شاء الله …. اعطيني نتكلم بتلفون …
علي : والله حطه خالد بعيد عليا مانقدرش نتحرك يا رامي
رامي : خاااالد …. ياااخااالد
خالد : نعم نعم…
رامي : بالله عليك مدلي تلفون بندير اتصال
خالد : ان شاء الله هي … . هاك اه

رامي : ان شاء الله ايشد الخط .. قداش ليا نحاول معاه نزار وشي مايشدش …
خالد : بالك قاعد ف الجبهة
رامي : ان شاء الله عايش ياربي
خالد : ان شاء الله …

{والله نتجنب اندوش على هالمهزلة هادي تي كيف بنوقف وكيف بنتخطى البانيو الصبر ياربي … تره نجرب …. وووه نهار اسود قريب طحت …احسن شي ندوش برا البانيو وخﻻص المشكلة بنخلي الحمام كله مزرزق اميا … هيا معليشي ان شاء الله يتحملوني خواتي … }

لبنى من وراء الباب … نزار … نزار نقالك ايشرين …
نزار : باهي شوية وطالع
لبنى : رقم من برا
نزار : ردي ردي بالك رامي
لبنى : به ….الو

* سمع رامي صوت لبنى اتحسر وسكر الخط … فماحطتش فبالها انه رامي في نفس الوقت جت رسالة ل نقال نزار …وردت نقال نزار ف داره …

* كمل دوشه نزار ولبس حوايجه وطلع من الحمام وماشي بيقمز بحدى خواته وامه ف وسط الحوش ويسمع ف لبنى
لبنى : ياناري والله وجعني رامي ياناري
مروة : الله غالب شن بديري هي …
ادكر نزار ورجع لداره واتصل باخر رقم …
نزار : ايوه السﻻم عليكم
خالد : وعليكم السﻻم …مني
نزار : منو خالد ؟؟؟
خالد : اوووو نزااار

رامي : هاته ياخالد
نزار : شن اﻻمور ياخالد كيف حال الشباب
خالد : والله فخيار الخير ياطيب

رامي : تهاته ياخالد
خالد : اهو معاك رامي يبي يكلمك نزار : هاته هي

رامي : اه نزار … شن اﻻخبار
نزار : والله عالكيف ليك وحشة ياغالي
رامي : والله ليك اكثر كيف حال عيلتك
نزار : الحمدلله
رامي : ولبنى كيف … كيف حالها
* خنقاته العبرة ف خﻻل هالكلمات *
نزار : باهية بخير … تبي تطمن عليك … كل شوي وتانية تسئل
رامي : قتلها قصدك
نزار : ايه قتلها كيف بندس عليها رامي : مش قادر نكلمها يانزار مش قادر …
نزار : عﻻش
رامي : مانعرفش مش قادر وخﻻص انحس ان مش حتتقبلني هكي …
نزار : ﻻﻻ ماتقولش هكي بنتنا بنت اصل واصول تحسابها بتتخلى عليك بسهولة
رامي بصوت حزن قال : والله نشهد بالله …ان …ان مافيش زيها الحق بس مش عارف عندي احساس مش عارف كيف
نزار : غير طمني شن حالك توا
رامي : باهي بس نفسية صفر اقسم بالله …
نزار : معليشي ربي ايكون ف عونك …شن قالك الدكتور
تنهد رامي وقال : الدكتور قال بينحيلي الرباط غدوة وان شاء الله خير
نزار : ان شاء الله …
رامي : … بنسئلك …
نزار : اسئل
رامي : شن حال خطيبتك و و شن ااا شن ااا
نزار : قصدك شن ردة فعلها بعد ماعرفت ان رجلي انبترت واﻻه
رامي : ايه كيف عرفت
نزار : عرفتك بتسئله واطمن اتقبلت اﻻمر وعندها عادي الحمدلله
رامي : باهي طمنتني …
نزار : ايه اطمن ومعش اتفكر هكي لبنى حتكون معاك قلبا وقالبا
رامي : باهي ان شاء الله …
نزار : هي رد بالك ع روحك الرصيد يأشر … سﻻمات
رامي : سﻻمات

رامي يفكر … ﻻﻻ مهما كان مبتور مش زي محروق جسمي كله متفحم كيف بناخدها …يﻻ ان شاء الله خير والله نفسيتي صفر من هالموضوع صفر اخيه عالدنيا وخﻻص … الحمدلله ع كل حال الحمدلله

نزار : رامي يسلم عليك يالبنة
لبنى : كلمته
نزار : اي وقال حاله باهي وكويس لبنى : بالله مادسش عليا
نزار : والله بجديات هكي قالي
لبنى : باهي الحمدلله …
نزار : جعان يامروة …
خ رقية : نوضي فيسع حطي لخوك لقمة ياكلها
مروة : هي دقايق بس

حنين : خيرك امبلمة
غادة : بنكتب مسج لنزار
حنين : شنو اقتنعتي
غادة : بشنو
حنين : بكﻻمي وكﻻم امك
غادة : انحبه لكن
حنين : لكن شنو
غادة : انحبه لكن الباين مش حنعيش معاه سعيدة
حنين : ابعتيله مسج وافسخي وخودي مكرم
غادة : ﻻ مكرم هارب … وحتى فسخت مش حنتزوج مكرم …
حنين : به ماقتيليش بوك شن قال
غادة : بوي حتى هوا رايه من راي امي
حنين : امك مش موافقة وبوك مش موافق وحنين اتشوف فيها مأساة كان قعدتي معاه …
دمعوا عيون غادة على الشخص اللي حباته وقالت : خلي نكتبله مسج اصﻻ حتى حرام ناخده ومانهتمش بيه واﻻ نقوله كلمة هكي واﻻ هكي بدون قصد وتصير حساسيات و نطلقوا

نزار : والله زي مانقولكم تو … مقعمزبن تحت الشجرة وفجاة
رماية رصاص فجرت بعضه وقعدنا نجرو واالي اتجي فيه ربي يصبره
خ رقية : ﻻ حول الله
صفاء : كمليها يمى … ﻻ حول وﻻ قوة اﻻ بالله
خ رقية : ايه وﻻ قوة اﻻ بالله

حنين : ها شن كتبتي …
غادة : ايه… قاعدة نكتب…. اهو تميت … كتبتله عزيزي نزار انت شاب ماتتعيبش وانا حبيتك بس عيلتي يبوني نفسخ لسبب ممكن اكيد انت حتعرفه … سامحني مكرم تعال خود حاجاتك … وسامحني مرة تانية
حنين : باهي مسج منمق ابعتي
غادة : والله ماهاين عليا اخخخخ وخﻻص… اهو تم اﻻرسال …

لبنى : والله حالة هالثورة خدت وﻻدنا
خ رقية : الله غالب… كمل ماكلتك وليدي كمل
نزار : من مطيبه الكسكسي ضرسي
مروة : ايه
نزار : زابطه تطييبك ﻻزم تكتري فلفل ﻻزم
* ف هاللحظة وصل مسج لنزار من غادة *
لبنى : هههههه بش يقعد ناشط ومشطشط
* فتح المسج وقال : هههههه يامشطشط انتي
* وقري المسج من غادة كان مبتسم تلاشت اﻻبتسامة …
شن بيصيييير في نيزوووووكيف بتكون ردة فعله مع نفسيته الشبه مدمرة على خاطر رجله هدا اللي حنعرفوه في الجزء القادم .

يتبع……..

لقراءة الجزء التالي : الجزء الحادي والثلاثون من رواية عاصفة الصمت

لقراءة الجزء السابق : الجزء التاسع والعشرون من رواية عاصفة الصمت

للإطلاع علي فهرس اجزاء الرواية : رواية عاصفة الصمت ( جميع الاجزاء كاملة ) للكاتبة لوزة

جميع الحقوق محفوظة للكاتبة لوزة .