وفي الجزء الأول من رواية المشوه دعونا نبدأ في معرفة كيف ستبدأ الأحداث في الرواية وعن شخصيات ابطالنا ؟ كل ذلك في السطور التالية بإذن الله مع الكاتبة ميشو محمد ، قراءة حلوة بإذن الله .
مقدمة رواية المشوه
بنحكو في القصة هادي عن العنصرية
غياث شخص يعني من تشوه ف ايده اليسار ف المرفق ويعاني من تنمر بشكل كبير 
غياث لـ تخلى عليه بوه بسبب زوجته التانيه وعاش باقي عمره شخص منعزل عن الصحبه وعن الناس بسبب التشوه لفي ايده
ف فترة ف الشتي
غياث مغطي ايده لابس جاكيت كمامه طوال وتعرف ع بنت وتعلقت بيه وبعد الشتي تقابل معاها وشافت التشوه لفي ايده
غياث خش للكافي: انتي شن قتلك مانبيكش يابنت ناس افهمي والا نوصل ف خوتك
خلود مشفتش التشوه: نتعرف عليك بس خيرك انت
غياث: بلمنظر لـ انتي بيه مستحيل تملي عيني
خلود كانت بنت صايعه شعرها برا وصوتها عالي وجوها اخييي
خلود شافت التشوه: ياعععععع تقرف ايدك
غياث شافلها: بلمنطق هدا ولبسك ياشوارعيه مستحيل يقبل بيك حد
خلود: وباايدك هادي يامشوه مستحيل تشوفلك ولا بنت وعفكره لم حبيتك حبيت شكلك مكنتش نعرف التشوه هدا
غياث طلع وسيبها
بعد فترة جاته ورقه وفيها اجازة من العسكريه
غياث خش المعسكر: ليش الاجازة ف سو تفاهم
المدير: انت وتلاته زملائك خديتو اجازة مكافئة ليك ع خدمتك الكويسه
غياث: مانبيش اجازات اني الغي لوسمحت
المدير: اسف مش مني وبعدين هادي مكافئه
غياث قبل الاجازة وجاته خدمه ف مزرعه يكون حارس
غياث: من ملازم الى حارس يلا عادي احسن من تقعمزي ف الحوش ووافق ع خدمته ف المزرعه ومكانش يعرف انه قصته بتبدى ف المزرعه
الجزء الأول من رواية المشوه
لميس طلعت من الكلية وتوجهت للبيت ز عادتي كل يوم
ع سفرة الغدي
عدنان بابا: امس خانبوو من المزرعه خروف صغير ووالمس خروف نبي شخص يكون معاي ف الخدمه ضروري
جهاد: مانعرفش اني لـ ريحك ديره
نور تغديت ونضت
قريت نظمت اموري
ولصراحه اني مانحبش اجواء للمزرعه البقر والاحصنه والحيوانات وحشرات 
ومانزورش فها هلباااا بعد مرة نخش هيا تكون جنب حوشنا
ع سفرت اعشي
عدنان فرحان يتعشى: بكري كلمت صاحبي وحصلت شاب طويل عريض يكون ف المزرعه لفترة رح يكون تجربه
جهاد: كويس المهم اني بنسافر الاسبوع الجاي
عدنان: امتى بتكمل وتاخد الشهادة وياسرك من السفر
جهاد: قربت ونكحلك عيونك بشهادة الطب يا بوي
عدنان: يارب… وناض ياخد ف الرقيله
تاني يوم خوتي التنين متلهفين يشوفو الشخص هدا لبيخدم عندنا
جهاد: بوي الولد كويس تمام مقلت شي بس سؤال لـيش ف ايده هكي
عدنان:خيره
علي خوي الكبير: مشوه
لميس بدون ماتنتبه:ياناااري مسكين
عدنان:كيف يعني يخوف ولا كيف خيركم
علي:لا مايخوفش بس هكي تحسه شخص جدي مايتكلمش الا وقت تكلمه قعمزنا نهدزو معاه ونضحكو وهو زي رجل الكرسي
لميس وقفت:اني تاخرررت ع الكلية من قصتكم ع الصبح باي…وطلعت
لميس طلعت: جي خاااطري نشوفه خيرها ايده…وطلعت للكلية ف الباص
الساعه عشرة
عدنان طلع للمزرعه:سلام عليكم
تلفتت بصوته الغليظ :وعليكم السلام
عدنان شاف ايده ع طول وساكت
غياث: احممم لو المنظر يهمك تقدر تضردني عادي ياعم
عدنان شافه شخص قوي وجسمه قوي:لحكوه عليك انك ظابط صح
غياث:بزبط
عدنان:ليش تشتغل حارس نبي نعرف قصدي شاب طول وعرض ليش ما…وسكت مقدرش يكمل تحشم كان يبي يقوله ليش مش ف حوشك
غياث:بما انك المسؤال ع خدمتي عندك اني بنقولك اني توا ف اجازة بلغلط مكنتش نبي اجازة بس صارت وخلاص وف الموضوع لسكتت عليه اني فهمت عليك اني مش متزوج
عدنان:ربي يبعتلك بنت حلال تتفضل عندي بعد شوية نوريك الوراق ونتفقو ع خدمتك
غياث:تمام مية فلمية بعد شوية نلحقك
عدنان طلع
لميس رجعت من الكلية طبعا رجعت من طريق المزرعه ولم وصلت عند المزرعه طلع شخص منها وكان ف نفس مستوى مشيتي شافلي جانب وكمل طريق وترافقنا ف طريق وتفجآة لم انيفتحت باب الخارجي بنخش لحقني
لميس:عفوا
غياث: اني نشتغل ف المزرعه نبي العم عدنان
لميس:اهاا تفضل خش
خشينا مع بعض
لميس فتحت المربوعه:تفضل ولا تحب تقعمز برا؟
غياث: هو عادي بس يناسبني برا
لميس: اوكي خدو ايمينك تلقى طاولة وكراسي تفضل غادي وانديلك بابا
غياث: يزيد فضلك..ومشي جنب للحوش
غياث قعمز ف داخله يدور، اول مرة شخص يوقف قدامي مايشوفش ف مرفق ايدي البنت انتبة ع ايدي حسيت بس محبتش تحرجني وتشوفلها:ونعم التربية 
عدنان طلع:انستنا
غياث وقف:الله ياانسك
وقعمزو وبدو يتفقو ع اشياء والوراق
غياث قم عيونه ف لميس تقربلهم وف ايدها للقهوة وبنفس ملابس الكلية حطتها
لميس:تفضلو
غياث شافله: بارك الله فيك بس مانخدش ف منبهات اني اسف
لميس:اهاا تشرب عصير
غياث: بجد اسف بس لا متعبيش روحك
عدنان:لا عصير ولا منبهات ملا شن تشرب
غياث:هكي مرتاح
عدنان: تمام بس ولو عصير طبيعي
غياث شاف لـ لميس ع وجها علامات التعب وواضح اصلا بما انها قعده بملابس الكلية
لميس: اوكى طبيعي..وخشت
دقايق
غياث وقف: عادي المبلغ بنسبة ليا المهم منقعمزش ف الحوش
عدنان:تمام
لميس قدمت العصير:اسفه تاخرت عليك تفضل
غياث كان واقف عجنب يعني ايده واضحه بس صح عيونه مش لميس بس يحس بنظراتها بس لميس محبتش تشوف ايده ابدا لانها تعرف انه بيحس بشعور مش حلو
غياث شرب العصير شافلها:صحيتي تعبتك معاي
لميس:صحين
غياث وقف:سلمك وتوا نستاذن
عدنان:اذنك معاك
لميس خشت:مسكين سمح بكل بس مرفق ايده مشوه بس ليش مدارش عملية تجميل كان احسن
وفات يومي عااااااادي فوق ماتتصورو
تاني يوم واقفه ونستنى ف الباص تاخر هلباا شفت تجاة المزرعه غياث كان قدام الباب حسيته واقف يتعرف ع منظر الشارع كان جنبنا حوالي اربعه بيوت بس كنا ف مكان شبه غباء
غياث كان لبس نص كم وكانت ايده ووواضحه شاف عجنب وشاف لميس تستنى وكل شوية تشوف ساعتها ف ايدها
غياث قعد واقف
ووصلت الباص
غياث قرب للباص من شباك الباص:صباح الخير
صاحب الباص:صباح النور
غياث:الشي هدا معاد يتكرر ياريت معاد تتاخر
صاحب الباص:حاظر…ونزلت عينه ع ايد غيات وقفو عيونه ع ايده
غيات تلفت واتجه للمزرعه من جديد
لميس قعمزت ف الباص قلبي دق يهبل كيف تكلم عليا اول مرة شخص يتكلم عليا صح بابا وخوتي موجودين بس مايحسوش بيا
وقريت كملت محاظراتي تمام ورجعت للحوش
وكان غياث قدام الباب واقف يصلح ف الجرار (ماطور او جرار) تلفت وجت عينه ف عينها محبش يكلمها
لميس فاتت من جنبه:ربي يعاونك
غياث شافلها:تسلمي
لميس كملت طريق وحسه خطواتي تقققيله
وباقي ايامنا فاتو عادي الباص معاد يتاخر الحمدلله
بعد فترة سافر جهاد وعلي ف حوشه طبعاا متزوج علي وعنده ولد يقرا صف اول بس اسمه محمد
في يوم عشيه جي علي ومعاه محمد
لميس نكنس ف الجنان:محمودي
علي: سارة عند امها محمد بيقعد عندك لميس
لميس:اوكي
علي طلع
لميس حدفت المكنسه لم طلع وسيبني:ليش ماحد يسال عليا حتى كيف حالك ماسالني ولا كيف قرايتك ولا شي
غياث كان واقف ع الباب الخلفي وسمعها طقطق
لميس قامت المكنسه ولبسة وشاحها وقربت من الباب: اهلين
غياث:اهلين بيك كيف الحال
لميس:تمام حمدلله وانت
غياث:كويس بوك كلمني ع الهاتف وقالي نجي ناخد مبلغ عشان ماكلت الحصان وهكي
لميس: اهاا مانعرفش كم قالك
غياث: اني اول مرة نشتفل الشغله هادي مانعرفش كم يكلف
لميس: نعطيك الف
غياث:الف؟؟؟
لميس: اني مانعرفش كم حق ماكلتهم
غياث:اوكي خلاص تو انظم اموري وبعدين نرجع ناخد المبلغ
لميس:اوكي باي
غياث مشي والللف فكرة جت عباله،البنت مختلفه مشفتش ايدي اول مرة نحس بنفسي شخص عادي ومش مشوه
غياث مشي لسوق وخدي ماكله للحيوانات ع حسابه ورجع
صلاة المغرب
طق طقه وحده ويسمع ف عياط لميس داخل فتح الباب وشافها مقعمزة ف جنان بدون وشاح والاباين انها ف شخص ضربها
غياث قرب: شن في خيرك احكي صاير شي
لميس عيونها دموع شافتله وجت عينها ف عينه كان عقدهم بعصبيه شافت الخوف ف عيونه الخوف لـ معمرها شفاته ف عيون بوها او عيون خوتها
الخوف لـ معمرها شفاته ف عيون بوها او عيون خوتها غياث:اهدي واحكي في شي
لميس بعبرتها: محمد كان هني (اشرت بصبعها ع درجيح ف الجنان) يلعب سيبته وخشيت نقرا بعدين استفقتله طلعت معاد لقيته والباب مفتوح (شهقت) جي علي هني ملقاش ولده ضربني وطلع يدور عليه ولقاه ف المزرعه يلعب من الكلب
غياث:اهدي فهميني من علي ومن محمد
لميس: علي خوي الكبير لشفته اول واحد وولده محمد لكن معاي بكري روحو توا
غياث عيونه خانوه وشاف لـشعرها طويل ونااااااااعم تلفتت عطها بظهره: عدلي روحك
لميس وقفت وقامت وشاحها من الارض: انت ليش جيت تبي شي
غياث تلفتت وشافلها: ولا شي بس وين بوك
لميس:مانعرفش ف ايام يقعد بتلاته ايام برا الحوش
غياث بصدمه: اني مش رح ندخل اكثر من هكي تصبحي ع خير
لميس:وانت بخير
غياث طلع
تاني يوم
لميس استنيت والشمس كلتني من الحرارة
غياث فوق السطح وشافها نزل وقربلها :صباح الخير
لميس ابتسمت:صباح لنور
غياث:ليش بوك مايوصلك الباص يتاخر هلباا
لميس:بابا راقد برا
غيات:اهاا
لميس: لم عيطت عليه يومها خاف اسبوع يجيني بسرعه توا مفعول الخوف مشي
غياث ابتسم: رح نوصيه الباين انه شخص كويس هو
تتتررررن ترررن
لميس فتحت المايك عشان السماعه متع الهاتف فاسده:صباح الخير بابا
عدنان: اسمعي اتصل متع الباص صل البنات ونساك اليوم
لميس:بس كيف… طوووط
غياث مصدم ف بوها
لميس بنرة باكية: وهدا اسمه بوي
غيات بيتكلم بس خشت
العشيه
غيات ف المزرعه زي كل يوم عادي
لميس خشت: سلام
غياث:وعليكم
لميس مدت صحن:تفضل
غياث:هدا شنو
لميس:بابا مش منتبة عليك انك ماتكلش اني صح مانعرفش بس نعرف انه المزرعه فاضيه
غياث خدي الصحن محبش يرفضه: دافعتي عليا يومها فا قرر صاحب الباص يرفض يوصلك
لميس: عندك علم بلمشكله لصارت؟؟ حكلك
غياث مكانش يعرف بس جاب رقم صاحب الباص من اي لميس عدنان واتصل بيه يستفسر ع السبب جاوبه انها سببت مشكله ف الباص مع بنات دافعت عليك وصكر الخط مافهمش غياث ف شنو دافعت عليه:ممكن توضيح
لميس: تذكر لم انت كلمت صاحب الباص وقتها ف بنات ف الباص وشافو( سكتت كانت تبي تقول ايدك مقدرتش) المهم يتنمرو عليك ف صارت مشكله
غياث: شافو وسكت كملي ع شنو تنمرو وااهااا ع ايدي صح
لميس: اسمع… قاطعها
غياث: معادش اديري مشاكل عشاني اني متعود ع نظرات الناس
لميس: مافها شي ايدك اني مانشوف ف شي مجرد جرح بسيط او تشوه بس لا اكثر
غياث قلبه 
: ايدي مشوها ف المرفق كيف ماتشوفي ف شي؟؟؟؛ !!
: ايدي مشوها ف المرفق كيف ماتشوفي ف شي؟؟؟؛ !!لميس: شي طبيعي من ربي ليش… قاطعها
غياث: اول شي تشوه هدا المرعب لـ يخلي ف الناس تبعد عليا وليخلي ف الصغار يخافو من ايدي مش من ربي هدا الشي بوي رسمه ع ايدي
لميس: بوك شوهك ؟؟؟!!
غياث: شن اسمك؟
لميس: اسمي لميس كنت مفكرتك تعرف
كنت مفكرتك تعرفغياث: لا بس خفت نسأل
لميس: عادي اي شي اسال بلعكس
غياث: ممكن تكون نشغلت عليك امك اوشي عطلتك
لميس تلاشات ابتسمتها: ماما ميته، اي يلا باي… وطلعت
غياث
تتبع 
قراءة الجزء التالي : الجزء الثاني من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
