وفي الجزء الخامس من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الخامس من رواية عديم الضمير
تاني يوم 
هشام فاق غير ملابسه
حنان فاقت
هشام ابتسملها: صباحوو 
حنان: صباح الخير .. وناضت طلعت من الغرفة
هشام تكنطه بس حاول يكون عادي باس بنته ورش عطر وطلع
حنان: ريحت العطر واصله لعندي ليش هدا كله انت ماشي للخدمه ولا ماشي تدهور
هشام تعصب سيطر ع روحه: رشه هيا.. وقعمز بفطر
حنان: اي واضح من ريحتها انها رشه
هشام تعصب دف الكرسي وطلع وقربع الباب
حنان قعمزت نزلت راسها تبكي 
هشام نسي هاتفه ومفاتيح السيارة
طقق طقق
حنان فتحت
هشام خش وصكر الباب: تبككي؟
حنان مسحت دموعها: لااا. وخش المطبخ
هشام لحقها شدها ولفها ليه: ودووي يابنت الناس شن في خيرك
حنان دموعها نزلو: مافي شي
هشام: اهدددي معاد تبكي قوليلي خيرك
حنان تبكي وتمسح ف دموعها
هشام: تي تكلممي
حنان: شفت الهاتف وشفت بطاقة الاعتذار
هشام: الهاتف لـ ف الدولاب ؟
حنان: اي اسمع هشام عارفه انك تبي ولد وانه اني معاد حملت من تلاته سنين بس صدقني عادي بس ماتحرمني منك ولا من بنتي بس
هشام ضحك: نص عقل 
حنان تصعبت: ليش تضححك
هشام: واني استغربت من اسلوبك امس متعصبه ومش عوايدك
حنان: مني هيا؟
هشام ضحك : مافي غيرك
حنان : والهاتف؟
هشام: الهاتف لـ رحمه لانه زعلانه
حنان: اضايقت بس صدقني فكرت انك بريء
هشام: بارك الله فيك انك فكرتي، بس خلي ف راسك هشام حبيبك مايديرهاش
حور طلعت من غرفة:بابا
هشام: تمام باي حورتي
حور دارت باي بيدها 
.
.
رحمه طالعه للكليا لبسة وطلعت: صباح الخير
هشام خاف ع رحمه: صباح النور خليك بعيده رحمه
رحمه: ليش؟
هشام: عشان التهاب رئتين لعندك اني عطري قوي
رحمه بعدت: كويس قتلي يلا باي
هشام: ديري بالك ع روحك
رحمه: باي… وطلعت
هشام طلع ورها وشاف نفس سيارة امس ف شارعهم
.
.
وسام ف سيارته يسوق
ترررن ترررن
وسام فتح الخط: ايووه
هشام: السيارة لـ قلت متع صفوان قدام حوشي!!
وسام: عاارف اني جايك استنى
هشام صكر الخط وقعد واقف لكن لم اختفت رحمه السيارة لحقتها
وسام وصل فتح الشباك: اركب بسرعه
هشام ركب:بسرعه من هني
رحمه ماشيه ف طريق
وسام وقف السيارة
هشام:رحمه اركبي بسرعه
رحمه:ليش اني وصلت اصلا؟
هشام:رحمممه معاي وسام بس اركبي
رحمه ركبت من الخلف:خيرك
وسام يسوق بسرعه
هشام:مافيش كلية اليوم
رحمه:هشام احكي شن في
وسام: هشام بعد اذنك اني نتفاهم معاها
هشام:ادووي
وسام عيونه ف الطريق :اسمعي ف سيارة تلحق فيك والشخص لـ ف السيارة فادي
رحمه:ميهمنيش نزلوني عندي محاظره
هشام تعصب:رحمممه
رحمه تكحح وزادت كحتها وتككحح
وسام عدل المرايا علها:مدي ايدك تحت الكرسي ف شيشه مياة
رحمه تكححح بشكل يخووف
هشام: ماتشربيش افتحي الشباك تنفسي
رحمه تكححح وجها احمر
هشام خاف.وسام وقف وقف وقققف
وسام وقف السيارة مستغرب شن سبب الكححه هادي؟؟؟؟؟
هشام نزل بسرعه فتح الباب متع رحمه:اهدي تنفسي ببطىء اهدددي
وسام يشوف ف المرايا؟؟؟؟؟؟
رحمه تكح بس بشكل بسيط شوية:اني كويسه خلاص
هشام:اهددي ماتخافيش
وسام:خيرها
هشام:مريضه؟بنرجعوها ياوسام
وسام:تم اركب
هشام رجع لمكانه ركب تلفتت لـ رحمه:تنفسي ببطىء واهدي مافي شي
وسام كان عنده فضووول يعرف شنو مرض رحمه؟؟بس مقدرش يسال
ووصلو ونزلت رحمه وهشام نزل خدي سيارته
.
.
عدي بعد سهر ناض واخيرا وطلع:صباخ الخير
امه حميدة:صباح الخيرات
عدي قعمز
حميدة مدتله سندوتش وعصير:كنت بنوضك اهوو نضت بروحك
عدي:قعمزي يايمه
حميدة سحب كرسي وقعمزت:نشالله خير
عدي من التلبك ابتسم: يمه بدون مقدمات نبيك تخطبيلي !!
حميدة 
:الحمدلله من اليوم نكلم خالتك
:الحمدلله من اليوم نكلم خالتكعدي قام حاجبه:شن دخل خالتي؟!
حميدة:قالت عندهم بنت جيرانهم واني حطيت عيني علها …قاطعها
عدي:لا.لا.لا اني نعرف بنت
حميدة وجها تغير:تعرفهااا نشالله بتاخد بنت من الصياعااات
عدي تعصب:واني من امتى نتبع ف الصياعااات
حميدة:منين جاتك البنت ملا؟؟؟!؟
عدي تنرفز:يمه اني معنديش فيه الجو وانتي تعرفي ماتنرفزينيش
حميدة: منييي بنت منووو تكلم
عدي:مانعرفهاش شفتها سالت علها امس اسمها مرام ومعنديش بها علاقه بكل البنت عجبتني ونبي نجيهم من الباب بس
حميدة: منين
عدي:من ال،،،، جنب حوشهم ف ملاهي
حميدة:اممم وعاطي علم للعيلة؟
عدي:لا مش توا بنخطبها اصلا
حميدة: امتى؟ عشان نعطي علم لـ اختك ناخدها معاي وتكون جاهزة
عدي: يوم الجمعه بعد العصر …وناض
حميدة:افطر تعالى
عدي:خديت عندي خدمه مستعجل
عدي ركب غير ملابسه وفتح نت ونزل والهاتف ف ايده بعتلها(صباحوو)
بعتلها(بنتقدملك يوم الجمعه يكون بعلمك)
مرام كانت ف الكليا ومش فاتحه النت
.
.
رحمه خشت للحوش وشافت حور ركبت لـ غرفتها ع طول وداهشه
فايزة خش بسرعه:يساتر خيرك 
رحمه بملابسها تلوحت ع السرير: الرئتين ياماما
فايزة قربت:يساااتر اهددي ليش نفجعتي ولا خفتي ولا خيرك
رحمه تتنفسس: بسيطه
حنان خش وشاده ف ايدها حور:رحمه وجك اسود فحمه خييرك
رحمه تشوف ف السقف وتتنفس
فايزة: رئتيها ضعاف لم تخاف ولا تنفجع يضيق علها النفس
حنان:ياقلبي عليك وجهك اسود هلبااا نتصل بـ هشام يجي ياخدها؟
رحمه قامت صبعها بمعنى لا
رحمه تتنفس بعمق
حنان فتحت الشباك
حور ركبت ع السرير: عميمه ملييضه (مريضه)
رحمه تتتنفس وهزت راسها بمعنى اي
حور بستها ع راسها ونزلت من فوق السرير
رحمه كللل تفكيرها خايفه من وسام وبس كان واضح انه متعصب وواضح انه ناار وكان زايد ف السرعه متع السيارة رحمه خاافت هلبااا
.
.
مرام طلعت لـ ساحه فتحت نت جتها رسالة عدي قرتها
عدي جاته Seen بعتلها (ردي عليا، او ديري ردت فعل اقل شي)
مرام بعتتله( هكي طوول خطبه قصدي نصدمت و تلبكت معقولا من لقائين هكي طوول)
عدي ضحك بعتلها ريكورد : زي معيلتكم عندها قانون عدم الارتباط، عيلتنا عندها قانون لـ تتمنى لـ اختك امتنى لـ بنات الناس
مرام فتحت الريكورد ابتسمت (اممم تقلد ف كلامي يعني 
)
(اممم تقلد ف كلامي يعني )عدي بعتلها( هكي من الاول توكلت ع ربي)
)مرام (ونعمه بالله )
)عدي (عندي خدمه توا سلام) وصكر النت
مرام صكرت
.
.
وسام نزل للكافي ويفكر داخله: اني تقربت من بنت مريضه وكل يوم نخوف فها وعيشتها ف رعب… وخش قعمز
صاحب القهوة: طلبك؟
وسام: نسكافيه ساده
صاحب القهوة: تواني.. ومشي
وسام طلع هاتفه واتصل
رحمه شافت الرقم صكرت الباب وبصوت واطي: الوو
وسام طبعاا مغرور ومن ازفت الناس (حشاكم) مافي ف فمه كلمه حلوة
وسام: سؤال؟ انتي شن عندك؟
رحمه خافت: ليش اسمع وسام اني معنتش نبيك تعرف صدقني ولـ اول مرة بنحكي معاك بجديات اني مكنتش نبيك تعرف مرضي واني لم رفضتك رفضت بسبب المرض صدقني مش عشان انت تشرب او شي تاني اني محبيتش نخنقك بمرضي(وبدت تبكي بعبرتها) مؤيد لم خطبني رفضت واصر عليا وبعتلي بوه وعمامه لـ خوي هشام وشيخ هشام حكاله ع مرضي ومؤيد وافق عليا وهو يعرف حالتي و…. قاطعها
وسام: ادووي شن مرضك؟
رحمه تبكي خدت نفس: ماتقولش لـ خالتي سماح
وسام: ومن امتى بيني وبين سماح هدرزه ادووي
رحمه: حساسيه ف الرئتين لم نخاف او يفجعني شخص ينضغطو عليا … قاطعها
وسام: تاخدي ف اكسجين؟
رحمه: اي عندي اكسجين
وسام: من امتى؟
رحمه تنهدت:
وسام: عندك حساسيه من العطور والدخان ؟
رحمه: اي ممنوع عليا نرش عطر او نقعد جنب شخص مدخن
وسام: الفترة لـ تستخدمي فها الاكسجين؟
رحمه: قبل النوم
وسام: تاخدي ف حبوب او ايباري؟
رحمه: حبوب لم تصير معاي الحالة بس
وسام: لم…. وسكتتت تحشم
رحمه: لم شنو
وسام تحشم كان يبي يسألها ع ال 
رحمه فهماته سكتت
وسام: اححم اي اني نعرف حالتك وفهمت كل شي يصير معاك وحفظتهم توا نبي نعرف ليش
رحمه: تكلم ليش شنو؟
وسام: اححم ليش لم نسالك تجاوبي بعفوية؟
رحمه سكتت
وسام: ر رحمه سامحتيني؟
رحمه ساكته
وسام: مكنتش نعرف بـ انك رفضتي بسبب مرضك … قاطعاته
رحمه تكدب: الوو اوووو تسمع فيااا الووو وينك وسام وسام تسمع فيا
وسام يسمع فها ويسمع ف اسمه
رحمه فكراته مايسمعش فها: وساام وينك الوو
وسام لم سمع كلمة وينك قلبه 
بووم بووووم بوووم
بووم بووووم بووومرحمه كحت وبدت تكح
وسام سمع كحتها بيتكلمه لكن تصكر الخط
وسام عادو اتصل ردت ع الخط لكن مزاال يسمع ف صوت كححح
رحمه تككح بعتتله رسالة (بعدين نتصل بيك بناخد اكسجين)
وسام يسمع ف كحتها جاته رساله قرها:خودي اكسجين لكن ماتصكريش الخط
رحمه تتنفس ع الاكسجين:خليني ف حالي
وسام: ليش اني مادرت شي المرة هادي
رحمه تتنفس بصوت عالي بللاكسجين
وسام يسمع ف نفسها:ليش تكحيي خفتي؟
رحمه بلاكسجين: لا مافي شي يخوف
وسام:احكيلي
رحمه:لم نخاف او نتوتر او يفجعني شخص هكي يصير معاي
وسام
رحمه تبكي : اني مش طبيعيه زيك وزي باقي الناس اني مش زيك تقدر تطلع وتخش وتتنفس مرتاح..قاطعها
وسام:باه اسكتي وتنفسي واهددي
صاحب القهوة حط الكوب النسكافيه:تفضل..ومشي
وسام خدي رشفه:اهددي ريلاكس
رحمه حولت الاكسجين:وسام
وسام قلبه :نعم
:نعمرحمه: شفقت عليا صح؟
وسام بيتكلم قاطعاته
رحمه: عرفه روحي شن درت
وسام ناض طلع ركب ف السيارة: نحب ننتقم نحب نشوف الناس لـ تكرهني تتعذب قدامي بس خلاص بما انه انتي عندك سبب مقنع اااااااا اني (غمض عيونه)اسف
رحمه: انك تعتدي عليا ف حوشك مايكفينيش الاعتذار اني بسببك كل مانشوف روحي ع المرايا نذكر شن صار…قاطعها
وسام:لمستك صح بس مافي بيني وبينك شي رسمي
رحمه:شن تحس انت فهمني؟
وسام: اول مرة نندم ع شي درته برغبتي (صوته علي ف السيارة)اني لم عرفت انه خالتك طلباتك ليا فرحت اول مرررره ف حياااتي نفرررح لم عرفت انك بتكوني ليا قررت نتغير سماح وصلتها عندكم وكنت فرحان زي الغبي لاني شايفك ونعرفك لم تزورو ف سماح شفتك من لم بوي تزوج سماح شفتك وف الاسبوع شفتك…قطعاته
رحمه: كيف بس اني مطلعتش برا كيف تشوف فيا
وسام تنهد: ف الدور التاني كاميرا
رحمه:تبببصر 
وسام: وحسن شي شفتك بيه انك تتصرفي بمزاج يعني بشخصيتك مش دلوعه وخفيفه شفتك ع طبيعتك كيف تتصرفي مع خالتك تضحكي ف بوي كلل شي
رحمه: لدرجه هادي….وركبت الاكسجين
وسام:لم طلباتك سماح تحشمت مني بدت تفوت ف لايام وماتبيش تقولي انك رافضه واني من حركات سماح عرفتك رافضه وهني رجعت وسام الاول وحلفت معاد نتغير عشان حد
رحمه تتنفس ع الاكسجين وداايخه: س سام
وسام قام حاجبه:الوو
رحمه طاحت
وبصدفه سبحان الله
حنان خشت:انزلي كسدي معاي قعدت برووحي
…انتبهت انه الدار فاضيه بس جت عينها ع الاكسجين طايح ع الارض جنب السرير الجها التانيه
تتبع
لقراءة الجزء التالي : الجزء السادس من رواية عديم الضمير
لقراءة الجزء السابق : الجزء الرابع من رواية عديم الضمير
للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
