وفي الجزء الثامن من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء الثامن من رواية عكس ما تمنيت
روبا دخلت المطبخ عملت الشاي وطلعت ادتو ليه هو كان بعاين ليها
روبا الشاي ببرد اشرب ماشة اجهز ليك ملابسك
محمد حاضر
روبا دخلت الغرفة طلعت ليه غيار وحضرت ليه الحمام دخل محمد الغرفة
محمد روبا جهزتي الحاجات
روبا اي
محمد شكرا
روبا م ردت لي
شال غيارو ودخل ادوش وطلع لبس هدومو
محمد روبا انا طالع انتي وين
روبا انا في المطبخ
محمد دخل ليها المطبخ انا ماشي
روبا طيب في امان الله عايز تاكل شنو بعدين
محمد اي حاجة
روبا طيب وطلع
روبا مشت غرفتها ادوشت وعملت الشاي مشت لأم محمد اشان تصحيها استغربت انها م صحت الليلة لأنه بتصحى تصلي الصبح حاضر دخلت ليها قربت منها امي امي
ام محمد بتأن ااااااااااه ي بتي صدااع وحمى جسمي واجعني
روبا لمست جبتها طيب نمشي الدكتور
ام محمد طيب محمد وين
روبا طلع الشغل ليه ساعة
أمه محمد طيب تضربي ليه
روبا حاضر طلعت ضربت ليه مرة واتنين وتلاتة م رد رجعت لأمه كانت راقدة امي نمشي لأنه م برد جابت ليها توب ومساعدتها تغسل وشها وتلبس ولبست هي عباية وشالت قروش والبطاقة حقتها حقت البنك
ومفتاح عربيتها وسندتها لحدي م وصلو العربية تاني حاولت تتصل ليه بس م رد مشو المستشفى دخلَو للدكتور
الدكتور اتفضل…… العيان منو
روبا امي
الدكتور مالك ي حجة حاسة بشنو
ام محمد صداع وحمى وكسير جسم
الدكتور غالبا يكون في ملاريا
روبا طيب ي دكتور والمفروض ي حصل
الدكتور اعمله لي الفحوصات دي
روبا طيب حاضر تسلم وساقت امها ومشو الفحص عملو الفحص وانتظروا النتايج اتصلت لي محمد
برضو م رد اتصل بالفندق رد ليها موظف الاستقبال
روبا ممكن لو سمحت اكلم استاذ محمد
الموظف استاذ محمد بقطر هو وأستاذة ياسمين في المطعم تحبي أحول ليه المكالمة
روبا لا شكرا عن اذنك وقفلت وقررت انا م تتصل لي تاني النتايج طلعت شالتها ودخلت الدكتور
روبا اتفضل يا دكتور ذا نتايج الفحص
الدكتور شالها قراها امممم والدتك عندها ملاريا وتايفد ح اكتب ليك ليها علاج كل يوم حبة وبعد تخلصه فايتمين وكمان الغذاء والراحة
روبا اكيد ي دكتور
الدكتور تمام بالعافية أن شاء الله
روبا أن شاء الله تسلم
الدكتور العفو وطلعت
روبا ماما ارح
ام محمد قال شنو
روبا تايفد وملاريا نمشي نشتري العلاج ونمشي البيت
أمه طيب
مشو العربية روبا مشت صيدلية المستشفى شالت العلاجات واتحركو وفي طريقها جابت فواكه وخضار ولحم وجداد ومشو البيت
روبا امي ترتاحي وانا بجي
أمه طيب
روبا دخلت المطبخ عملت ليها سندوتشات مربى وعصير شالتهم ليها اكلتها وشربت العصير والحبوب
روبا ترتاحي انتي طيب انا برة لو احتجتي حاجة
أمه حاضر ربنا يبارك فيك ي بتي
روبا انتي امي
طلعت عملت ليها شوربة وعملت الاكل لمحمد كانت حاسة انها تعبانة شديد ادوشت وعملت الاكل لأمها
روبا ماما عملت ليك شوربة حلوة زيك
أمه تسلمي انتي الاحلى
روبا يلا ح نخلص شوربة الجداد كلها وانا شويت ليك الجديد اشان تقدري تاكل
أمه طيب روبا سندتها وبدت تاكل خلصت اكل وادتها عصير وشالت الصينية
روبا ممكن ارقد جمبك
أمه اكيد تعالى رقدت جمبها وحضنتها روبا من التعب نامت من غير م تحس ام محمد كمان نامت
الساعة تسعة محمد دخل البيت مشي لأمه لقها نايمة وفي علاجات جمبها طلع غرفته في نفس اللحظة روبا كانت طالعة من الحمام…حمد مساء الخير
روبا مسا الخير
محمد امي عاينة انا لقيت العلاجات في غرفتها
روبا اي مشينا الدكتور وعندها ملاريا وتايفد
محمد وكيف م تتصلي علي
روبا راجع تلفونك اي صاح انا ح انوم مع ماما وطلعت
محمد طلع تلفونو لقى منها 10 مكالمات انتبه انه التلفون صامت. مشى لقها في المطبخ وافقة بتسوي ليه في العشا
محمد انا اسف التلفون كان صامت.
روبا والله الاعتزار م لي امشي اعتزر ليها انا اصلا م كنت منتظرة منك حاجة
محمد روبا قالها بنهرة
روبا نعم
محمد اكلمي كويس وحاسبي على كلامك
روبا انا قلت ليك قلت ليك الاعتزار م لي لوالدتك
محمد انتي لي بتفتشي للمشاكل
روبا انا
محمد اي انتي
روبا محمد لو سمحت انا م دايرة نقاش م عندي طاقة ليه.
محمد لا انا عايز اتكلم
روبا طيب اتكلم سامعاك
محمد انا اسف والله التلفون كان صايلنت
روبا طيب
محمد شنو هو الطيب
روبا انا مفروض اعمل شنو
محمد انتي بتجيبي البرود دا من وين
روبا انت قلت تلفونك كان صايلنت وانا عملت واجبي الموضوع خلص شوفتني لومتك عابتتك لا انا م لي دخل بالموضوع اصلا انت اتاخرت على امك م علي انا م اتصلت ليك اشاني يبقى وين انا من الموضوع اشان تعتزر مني
محمد شايفة كدا انتي
روبا ايوا وياريت تاني تخلي تلفونك عادي اشان لو والدتك مشت منو
محمد مشى لوالدتو لقها صحت امي اسف والله تلفوني كنت مصمتو
أمه م مشكلة كتر خيرها روبا والله م قصرت معاي ودتني الدكتور والعلاج والاكل وم خلت لي شي ربنا يخليها ي رب
روباا يعني انا م بتك لي تقولي كدا..
أمه اكيد بتي
روبا يلا انا جبت ليك الاكل كان بيض مسلوق وسلطة وشوربة
أمه م دايرة والله
روبا لالا م في الكلام دا لازم تاكل الدكتور قال لازمك تغذية فحناكل وبعدين ناخد الدوا
أمه حاضر بدت تاكل روبا مشت جابت العصير والدواء ادتهم ليها محمد كان بعاين ليها بابتسامة
امه بعد روبا طلعت البت دي لو فقتها ح تخسر كتيير انت كنت مع ياسمين صاح انا سمعتها المكالمة لمن ضربت للفندق
محمد انا م فاهم حاجة احكي لي
أمه انا لمن تعبت انت كنت طلعت اتصلت ليك بس م رديت مشينا الدكتور وتاني اتصلت ليك بس برضو م رديت فاتصلت ليك في الفندق كلمها بتاع الاستقبال انك مع ياسمين بتفطورو بعد خلصنا رجعنا البيت على البت دي للان م أكلت لقمة
محمد وهي زعلت
أمه م بينت لي مشاعرها بس من الم بتزعل لكن رجلها يكون مع وحدة غريبة لا كمان البت الكان دايرة قبيلها محمد انت م فكرت في نظرت الناس ليها م فكرت في مشاعرها مفروض احترمها اكتر من كدا حتى لو انت وياسمين تعاملكم عادي هي احتاجتك وم لقتك جمبها
محمد هي قالت لي م بتحس بالأمان ناحيتي م دايرة تكون معاي يا أمي
أمه غبي على فكرة هي بتحبك بس خايفة روبا من البنات الك بتبني حياتها على حاجة م دايمة خت نفسك مكانها ح تقبل انه زوجتك تكون مع واحد تاني حياتك بتبنيها ممكن تتدمر في لحظة محمد حسسها بالأمان انت م بتقدر تحصل على كل حاجة يا ياسمين يا روبا لكن الاتنين لا
محمد طيب احسسها بالأمان كيف
أمه انك تختار وتستقر انت اول انت مشوش كلام ياسمين زعزعك الإنسان المشوش م ببني لو بنا بناه بكون هش وبدمر بأقل موقف فيا محمد ارس يا تواصل مع روبا وتتجاوز ياسمين يا مع ياسمين وتتجاوز روبا لكن الحلول الوسط في الزواج م بتنفع
محمد طيب حاضر افكر وبصل لقرار بكلمك طيب
أمه طيب
محمد تصبحي على خير
طلع غرفته
محمد روبا
روبا جاتو ايوا
محمد اكلتي
روبا م عندي نفس
محمد طيب جيبي الاكل وتعالى
روبا حاضر
محمد غير روبا جابت ليك الاكل
اقعدي اكلي وم اسمع منك كلمة
روبا تفاديا للنقاش قعدت أكلت وهو كمان كان بحاول يفتح معها مواضيع بس كانت بتجاوب على قدر السؤال
محمد الله تسلم يدك الاكل حلو
روبا العفو وشالت الصينية
محمد روبااااا
روبا حاضر جاية جاتو نعم
محمد عجبني اسمك
روبا اسمي نادتني اشان تقول لي عاجبني اسمك
محمد تؤ لا منديك اشان اعتزر منك انا كنت مع ياسمين بنفطر م كنا برانا كنا مع التيم كله ووالله تعاملنا في حدود
روبا وانا م سألتك
محمد انتي بقيتي قطيمة وبتاعت حجج والله اللعب في الكيبورد حقك منو
روبا ضحكت من طريقته القالها بينا
محمد عاين ليها ولضحكتها ي رب دايما اكون سبب فرحك وضحكتك
روبا احم انا نعسانة دايرة انوم ماشة انوم جمب ماما احتمال تحتاج حاجة
محمد امممم اهربي زي كل مرة
روبا م بهرب داير حاجة قبل م انوم. محمد لا بس م في تصبح على خير انا زي رجلك يعني
روبا روباا تصبح على خير
محمد م بقولها كدا وشدها عليه بقولها كدا 
روبا بعدت منه انت مجنون وطلعت
محمد ضحك فيها طيب والله بتحبني بس انا غبي على قول امي
روبا مشت غرفة ام محمد لقتها نايمة كانت مبسوطة بتبرير محمد وكمان قربه منها بس َم عارفة نهاية الموضوع دا شنو ونامت وهي بتفكر
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء التاسع من رواية عكس ما تمنيت
لقراءة الجزء السابق : الجزء السابع من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
