وفي الجزء السادس عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء السادس عشر من رواية عالمي
*• الامان ڪله في قلب شخص يسمع منك الڪلمة الخطأ ويرد : ” اعرف بِنيتك بس خانك التعبير 
“..*
قلت ليه بأنفعال انت ازاي بتعمل كده بترفع نخرتك علي الفاضي على الناس المحتاجين يتعالجو يعني عشان انت دكتور معروف تقعد تفتري مثلا افتري حمشي اشوف دكتور تاني وانت في ستين الف داهيه وم حأبرر ليك ابدا والعاوز تفهمو افهمو ماهو م ممكن ياخ عالم وحشه مليانه ذئاب قربت ابكي ومشيت بسرعه قبل يشوف دموعي ويقول ضعيفه أمنية بتناديني من الزعل م سمعتها مشيت السوبر القدام البحر اشتريت كرستاله مويه وطلعت دقيت لي امنيه قالت لي جايه لمن جات قالت لي بنان الحصل شنو قلت ليها بحكي ليك ف الفندق هسي ارح نرجع قالت لي حيوصلنا دكتور سلطان قلت ليها م طايقه قالت لي طيب يلا مشينا مشي اصلا الفندق قريب لمن وصلت صليت المغرب العشاء مع بعض عشان راحو بقيت احضر قالت لي احكي قلت ليها طيب تعالي اقعدي قعدت حكيت ليها كل شي حصل قالت لي هو شكلو حساس قلت ليها مف راجل حساس
د رافع نخرتو بس قالت لي م قلنا م نحكم ساي قلت ليها ممم بس م شفتي بتكلم معاي كيف شخصية غير الكانت بتضحك وتهظر قالت لي امسحيها ف وشي وبعدين الحركه بجد بايخه وبتنرفز الزول قلت ليها عايني انا م غلطانه قالت لي الاتنين غلطانين سكت منها وفتحت تلفوني بقيت بتصفح ف الفيس تلفوني دق كان الغالي
رديت قلت ليه ي حبيبي قال لي قله ادب كلام فاضي ضحكت قلت ليه عشان قلت ليك حبيبي م تندمني ي ابوي 
قال لي كيفك ومشيتي للعلاج قلت ليه والله لسه م لقيت دكتور قال لي أسرعي عشان يامن خطب وعرسو قريب قلت ليه يامن الواحد د قال لي اي واخوهو برضو قال بعملو العرس ف يوم واحد وانتهى الموضوع قلت ليه بتين طيب قال لي اسبوعين ورسلت ليك قروش تشتري من هناك وديل م تجيبي ليهم عشان اشترو قلت ليه امي كيف قال لي كويسه والله قلت ليه م سألت مني قال لي هي م عارفه بتواصلي معاك احسن تتلاقو عديل قلت ليه أن شاء الله يا ابوي طيب طمني على خالتو قال لي كويسة يا بتي كويسة اااا بنان ااا يلا يلا وقفل طوالي استغربت ابوي مالو طلعت البلكونه المنظر حلو بقيت افكر ف حياتي وياربي حرتبها كيف بنان هي اضربي الهم بي الفرح بقيت مشغله اغاني وبرقص واغني أمنية فكت السماعه قالت لي بتكلم معاك قلت ليها مالك قالت لي ابوك قال ليك شنو قلت ليهال امنيه عرس يامن وعبد السلام بعد اسبوعين قالت لي زغروته لي عبد السلام بس دقيقه بنان انتي م زعلانه؟ قلت ليها بردت يا امنيه وبعدين م بقدر انسي الحصل الا اواجهو واقول كلامي المحبوس ف قلبي قالت لي احسن شي تعمليهو والله وان شاء الله ترجعي بنان قلت ليها امنيه انتي عارفه انا بحبك قدر شنو دعمتيني كتير يقيتي لي الصحبة الصح في الزمن الصح امنيه انا كنت قايله انك بتكرهيني ورحمه كانت صحبتي شديد اتغيرت مني بس عشان بدر امنيه انا بجد لقيت فيك السند والاخت وكل شي في بالك انتي امنياتي المستجابه قالت لي حديثِك موسيّقى هادئة ينصت لها قلبي قلت ليها ايقضني صوت حبك لي ودعني اتغير قالت لي تعلقت بك منذ ان عرفت قلبك ابيض كل هذا البياض ك لبس الإحرام ونور السماء قلت ليها امنيه انا بقوم اتلب ليك بي جاي قالت لي وهي بتضحك بنان قبيل كيفتيني شديد والله قلت ليها م فهمت بتين جعلت قلبك يتكيف
قالت لي بنان انتي كده حلوة ظرافتك ونستك كلامك الحلو كيفتيني لمن واسيتي البت انا كنت بدمع لأن صحبتي وصلت الحد د كيفتيني شديد ولمن عاينت لي دكتور سلطان لقيتو مبتسم لي الضرس الأخير فرحت اكتر وهو اتكيف منك كتير قلت ليها م هو واضح انه اتكيف مني قالت لي بنان حترجعي تفهمي الناس على المظاهر وترجعي نقطه الصفر قلت ليها نفسي اعرف انتي بتدافعي ليهو لي قالت لي م بدافع بس الاتنين غلطانين قلت ليها عايني بكره حفتش علاج بدل اقعد كده لان العرس وعايني نحن لازم نتمزمز قالت لي محتاجين صراحه قلت ليها اسكتي بس عايني شعرنا قالت لي هو كويس بس م مهتمين بيه قلت ليها حرفيا ارح ندخل نشوف وصفات انا لازم اندمهم والحسهم التراب قالت لي ي م قادرة عليكدخلنا وبقينا نفتش ونبحت في الوصفات َانا متحمسه شديد بقينا اسبوع مواصلين كل يوم خلطه وش وشعر وجسم غايتو بجد الغربه بتغير ومفعولها ببدء بسرعه م زي السودان في الأسبوع د تابعت مع دكتور تاني وكل يوم بديني حاجه اجربها غايتو م اطمنت استخرت كتير ف يوم امنيه قالت لي ي بنان ارح معاي المستشفى حاسه بطني واجعني قلت ليها اكل هنا وكدة طيب دقيقه لبسنا ومرقنا وصلنا قلت ليها انا بنتظرك بره قاالت لي عارفاني بخاف قلت ليها طيب يلا يلا دخلنا قالت لي انا حاجزه قلت ليها خليك من حاجزه وشوفي للمستشفى د الزول يدردق فيها عديل قالت لي اقسم حرفيا قلت ليها انا حشتغل هنا ضحكت قالت لي ولا في الاحلام قلت ليها ممكن ادخل كورسات اسعافات أوليه قالت لي والله ممكن بس انتي باقي ليك اسبوع قلت ليها لا م حمشي وحشتغل هنا م نفسي انزل قالت لي
معناها م حنزل زاتي قلت ليها امنيه قالت لي ولا حرف ودخلت انتظرتها بره طلعت قالت لي اتخيلي الاكل م نفع معاي قلت ليها امنيه حترجعي السودان قالت لي والله م نفسي انا زاتي والله كنت ماشه بس عشان اغير ليك جو لكن انا نفسي اقعد لسه ف مصر دي قلت ليها طيب نقعد طوالي بس عاوزه اشتغل هنا نفسي بجد دخلت فيها قالت لي طيب تعالي وجرتني لي تحت ومشت علي مكتب المدير دقت مكتب المدير قلت ليها وووواي جنيتي م مستعده انا قالت لي هشش م تنطقي بي كلمه قال ليها اتفضل دخلنا سلمنا عليه امنيه قالت ليه يا دكتور عاوزين ممرضه لاني سمعت انكم محتاجين قال ليها عندك حد ولا سؤال بس قالت ليه اختي دي قال لي بتعرفي تناولي الحاجات وتعرفي اسمائها قلت ليه ايوه قال لي تعالي املي الاستماره د مليتها وانا برجف من الخوف وحاسه اني في حلم كيف يوافق بسرعة د وبدون الاختبار واي بنان انتي م دكتوره عشان يديك اختبار قلت ليه اداوم متين قال لي انتي م بتعرفيش عاداتنا اكيد من اليوم المساء قلت ليه اليَوووووم؟ قال لي ايوه اليوم قلت ليه وزمن الشغل كم قال لي من الصباح لي المساء ومرات على حسب العملياات والمرضي انت عندك مشكله ي ست قلت ليه ابدا 
قال لي دي البطاقه ودق لي زول جا قال ليه اديها الزي حق السكرتيرات بقي قال ليه عولم ي دكتور مشا وجا ف تلات دقايق كده واداني اتنين قلت ليه متشكره المدير قال لي اتفضلي بقي طلعت وانا بشتم في نفسي من التهور د امنيه ضحكت قالت لي م شفتي ملامح وشك حضنتها قوي وانا م مصدقه والله قلت ليها….
*_-_-_-_-_-_-_-_-_-_-_-_-_-*
*لمحت فيك راحه المشاوير البعيده ولفت النسمه الحنينه الجاية من جوف المضيق
*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء السابع عشر من رواية عالمي
لقراءة الجزء السابق : الجزء الخامس عشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
