الجزء العاشر من رواية الزوجة التائهة بين الأحلام والواقع

وفي الجزء العاشر هل يا تري ستكون الأحداث في صالح ابطال الحكاية أم سيظهر شخص جديد يقلب الطاولة رأساً علي عقب؟ كل هذا وأكثر سنعرفه في السطور التالية .

الجزء العاشر من رواية الزوجة التائهة بين الأحلام والواقع

ليلى ….. اهلين خالتى شن اخبارك وشن اخبار خالى والبنات ان شالله كلهم بخير.

خالة ليلى… الحمد لله يابنيتى وانتى شن حالك وحال احمد؟؟؟؟؟ .
ليلى … الحمد لله ياخالتى بس حابه نسالك سوال وراس اروى بنتك تقولى الحق ؟؟؟؟
خالة ليلى ….. نعم بنيتى وراس بنيتى نقولك الحق .. من امتى انى اصلا نشد عليك فى شى اصلا ..
ليلى ….. مده الا فاتت كلها نكلم فى امى بس صوتها مش عاجبنى ولما نسال فيها على بوى دوب ماتجاوب
وبعدها توزع فيا وتصكر … شن فى ياخالتى قوليلى لانى قلبى حاس فى شى صاير ..
خالة ليلى …. والله يابنيتى برغم انا امك حلفتنى انى مانقولك شى بحكم انك عريسه وماتبيش تغششك وانتى برا وتنكد عليك بس صار الوقت انك تعرفى راهو بوك المده الا فاتت كلها مريض رجعتله نكسه مره تانيه ومره هادى جاته قويه وعلى القلب وامك رفعاته للمستشفى واليوم صبح زاد تعب ودخلوه على عنايه الفائقه وقال دكتور انا لازم يقعد تحت ملاحظه 24 ساعه وانه فى خطر ويا يطلع منها هالازمه يأما ……… وباللهى عليك ياليلى تبطلى بكى وماتخلنيش نندم انى قوتلك ووالله اكتر من نصيبنا فى دنيا مارح نشوفو شى ..
وفجأه احمد طلع لقى ليلى طايحه على ارض ومنهاره بالبكى وفى ايدها سماعه فا لوح فوطه من ايده وطلع يجرى من حمام وقامها وغمرها وقاللها ….
احمد ……. ليلى شن فى قوليلى خيررررك شن الا صار …. وبعدين خدى سماعه وسمع خالتها تقوللها
خالة ليلى …. ليلى بنيتى … ردى عليا يابنيتى باللهى عليك ماترعشنى عليك فى هالليل …. الوووووو ليلى
احمد….. نعم خالتى انى انى معاك احمد باللهى دقيقه بس خليك على خط
وخدى ليلى قعمزها على الكرسى الا جانب تلفون وبعدها خدى سماعه وقال لخالتها
احمد …. الو ….. اهلين خالتى باللهى قوليلى شن فى خيرها ليلى شن قولتيلها؟؟؟؟.
خالة ليلى …. شن بنقولك ياوليدى والله بو ليلى مده الا فاتت تعب ورفعوه للمستشفى واليوم صبح خش للعنايه فائقه .. وبينى وبينك حالته متأزمه هلبه ومااضنيش يطلع منها هكى قالو الاطباء فاباللهى عليك ياوليدى خليك جنبها وماتسيبهاش راهى زى بنيتى اروى واكتر وراهى متعلقه بى بوووها هلبه فوق ماانت تتصور .
احمد …. اكيد ياخالتى من غير ماتوصى …. وقالو حالته باهى ايه ايه لالا حتى انى نحس انا رح ينوض زى الاسد ان شالله باهى مالا خالتى توا سلملى على خالى وفى امان الله << وفى داخله يقول غير علاش بلطيلها شكاره ياخالتى فى مره وحده ربى يهديك وانتى قريب جلطيها هيا وان شالله غير تصدق كدبة حاله باهى بعد الا سمعاته منك >>
خاله ليلى … فى امان الله وليدى
وبعدين حط سماعه وخدى ليلى من ايدها وحطها على سرير وغطها وقعد طول ليلى يواسى فيها وتقريبا مارقدش لين غمضت عيونها وفى صبح ناض لقاها واقفه على روشن وتبكى فاقاللها….
احمد…. صباح الخير حبيبتى
ليلى …. صباح الخير احمد
احمد…… ليلى مش قتلك من امس بطلى دموع وبكى يعنى عاجبك توا بوك ينوض حاله باهى وانتى ترقدى بعده وياسيدى انى متاكد انا بوك رح ينوض حاله باهى وازمه وتفوت بعون الله
ليلى …. بس انى حاسه انى فى شى بيصير انى اصلا قلبى مقبوض من امس وامس شوف خالتى شن قالت
احمد …. لاحول الله ياربى استهدى بالله ياليلى شن قلبك مقبوض مامقبوض صدقينى مافىه شى ورح ينوض منها زى حصان وهيا توا بنطلب فطور هنا وبتقعمزى تفطرى زينى وفكينا من نكد ايواااااااااااااااا اهو نقولهالك من توا تنكدى تنزوز عليك هههههه ايه ايه نتزوز شنى عندك مشكله اصلا حتى شرع حللى اربعه
ليلى ..باللهى يااحمد انت وين وانى وين توا وبعدين غير اعرف تنطقها قبل نتزوج ..
احمد … اها … بدينا نعرفو نلقحو .. الله الله كنا فى جره وطلعنا برا … صدق الا قالك علمنهم شحاته سبقونا على ابواب وضحكلها ضحكه بسيطه بس لقاها تشبحله بس فى عالم تانى يعنى الجته معاه والعقل مع بوها…
ليلى …. انى مش قوتلك خلاص وبعون الله انى متاكد انها ازمه بسيطه وتعدى وبعدين انتى عارفه انا الناس الكبار كلهم يكبرو فى موضوع … تى انى امى لما بوى جاته جلطه قبل هوا فى المستشفى وهيا تقولى كانا بوك مات زعمك وين ندفنوه هههههه شكلها العزيزة مرمله على واحد تانى واهو توا ناض زى الاسد ويخى مره مره نوض نلقى فى دارهم واللعه على اللمبه الحمرا لمبة الطوارى هههههه …
وطبعا ليلى بعد كلام احمد ليها طمنها هلببببببه ودعت فى داخلها انا بوها يكون حاله كويس وانا هادى مجرد سحابة صيف وتعدى .. وبعدين قالت لاحمد…
ليلى …. احمد انت كان تبى تطلع اطلع بس انى مش رح نطلع لين نطمن على بابا ورح نقعد نستنى اى اخبار عليه وانى بنزيد شوى ونتصل بى امى ..
احمد……. ليلى انتى عارفه انى مش رح نطلع بدونك ورجلى على رجلك لو طلعت ولو بتقعدى انى معاك بس غلط انتى الا ديرى فيه معقوله تخلى امك بدل مايكون بالها على بوك بس يكون بالها معاك ومع بوك وبعدين انتى هكى بتحطى خالتك فى موقف مش حلو فالدلك خلينا اليوم فى الاوتيل مع بعض عادى ماعنديش مشكله المهم اتصال اليوم لا ……..واصلا قبل 24 ساعه مش رح تعرفى شى وكانا لقدر الله صار شى خالتك خدت رقم ورح تتصل بينا تقولنا …… ماشى ولا لا
ليلى … ماشى حبيبى صح كلامك ومعاك حق مفروض مانزيدش نوتر ماما ياسرها الهم الا هيا فيه
احمد…… ايوااااااااا خليك هكى شاطره ومطيعه وهيا نوضى كم بتفطرى معاى
ليلى ….. واللهى ماعندى نيه يااحمد ماتغصبش عليا … بس رح نشرب قهوه معاك بس لانا حاسه راسى بيطربق .
احمد …. راسك اكيد بيوجعك لانا امس مابطلتيش بكى بس خلاص انسى امس والا صار كله وتعالى هيا نفطرو واشربى قهوتك…
وخدها احمد فى حضنه وحط ايده ورا ظهرها وهيا حطت راسها على كتفه ومشو جيهت طاولة فطور وقعمزة على كرسى وخدت قهوتها وقعدت تشبحله .. وهوا يفطر وفجأه شبحلها وقاللها ..
زى مفجوع ولا له تقولى اول مره نشوف ماكله …… فاهيا شبحتله شوى وبعدين معاش قدرت تشد ضحكتها وقتله لا لا… والله ماهو هدا السبب الا خلانى نشبحلك بس منظرك كيف قولت الكلمه وملامح وجهك تضحك هههه …… فاهوا قاللها كان نندرى عليك هالجمله بتغيرلك جوك راهو قولتها من امس …..
بس قوليلى …. بجد علاش شبحتيلى اكيد مش معجبه بيا صح ههههههه على قولت صاحبنا ديما يقولى ماتاخدش فى روحك مقلب وتصدق لما تلقى بنت تشبحلك راهو <<<<< مش كل واحد يشبحلك يعنى معجب بيك مرات طايحه فردت كندرته وشاك فيك >>>> فامرات انتى كندرتك معاش لقيتيها متلا وجايه تدورى عليها فى وجهى عادى عادى راهو تصير فى ارقى العائلات هههههه … مشى قتله مش قتلك انت مهبوووووول رسمى ….. فاقاللها
احمد…. اكيد مهبول ومهبول مايطيحش الا فى مهبوله زيه بدليل فى واحده عاقله قبل شوى كانت فاتحتها مانحه وتوا تضحك زى مجنونه ههههههههههه والله << ده انتى عليكى حكم >> هههههههه
ليلى …. تصور يااحمد شى …. انت على قد عصبيتك ومرات تبدا كلامك زى مدب لما تتعصب بس واللهى انت اطيب منك مافيش ..
احمد …وهادى شن نفهمها اهانه متلا ولا مديح ……. بالفعل انتم ليبين هكى ماتفهم شى من شى هههههههه بس تعرفى شى .
ليلى …. اها .
احمد…. الطيبه فى الوقت هوا بدت عيبه …. يعنى اد لم تكن دئبا اكلتك دئاب وانى على فكره مؤمن بالحكمه هيا هلبه لانى للاسف عشتها بحدفيرها بس فقت منها بااحلى صدمه فى حياتى وهيا انتى ياصدمة حياتى انتى هههههههه
ليلى …. باهى باهى يااحمد زيد تسهوك وانى مش فى بابك
احمد… وانى اصلا نحاول نطلع فيك من هالمود النكدى الا انتى فيه لانا بصراحه مش حلو عليك نكد ولو قعدتى هكى رح نتزوز عليك هههههههههه
ليلى …. شورك انت متسبل….. انت ديرها وتوا تشوف شن ندير فيك ….. تعرف يااحمد والله مش دوه بس واللهى نحاول ننسى ونطمن نفسى بس مش قادره قلبى واكلنى على بابا انى نحبه هلببببببه يعنى تقدر تقول انى بنته المدللة الا نبيه ناخده ويخاف عليا من نسمه الطايره تصور لما نمرض هوا يقعد ساهر جنبى طول الليل وحتى فى امتحاناتى هوا الا ينوض فيا …. و بعد الامتحان هوا اول حد يطمن عليا شن درت يعنى تقدر تقول هوا كل حياتى
احمد ……. اه هكى بنغير انى … تعرفى لو مش بوك الا تدوى عليه راهو نضت كفختك كف باهى بس لانه بوك بلعتها وسكتت ..
فاليلى طبعا ابتسمتله ونزلت راسها وقالتله ……
تعرف يااحمد نحس راسى بيتفجر ممكن لو سمحت تلقى شنطه فى حمام صغيره تجيبلى منها حبتين بندول..
فاقاللها احمد اوك …….ومشى للحمام وهوا فى طريق دكرت شى…. انا حبوب منع الحمل مع بندول فى نفس شنطه فاناضت تجرررررى وقالتله احمد … فاكان كيف بيحط ايده على سوستة السريته وبيفتحها فا لكن بعد ماسمعها تنادى وقف وتلفت وقاللها نعم .. مشى قالتله ..
ليلى …. ممكن تطلع شوى من حمام غير ناضو عليا اعصاب معاده وبطنى توجع فيا فابسرعه اطلع نبى توليت … فاهوا رد عليها وقاللها اوك وطلع وهيا سكرة باب الحمام وحطت ايدها على قلبها وقعدت تفكر شوى وتقول انى شن الا خلانى نتصرف هكى وناخدهم من غير علمه من الاول……. خلاص انى رح نقوله توا والا يصير يصير فا جبدت سيفون متع التوليت وصبت على وجهها ميه وطلعت ومقرره انها رح تقوله ولما طلعت لقاته مش موجود فا قعمزت بينها وبين نفسها للحظات وقالت انى شن ظمنى لو قولتله مايتغيرش عليا وبعدين مرات بدون شى يتغير عليا ويرجع لاميره وانى نقعد شايله دنب بيبى بروحى لانى مش رح نرضى نقعد معاه لو دار هكى وبعدين هوا مايحبنيش وانى مش رح نفكر نجيب معاه بيبى لمجرد انه بس يحب صغار لا … مش رح نحمل حاليا الامانحس انا هوا يحبنى ومتمسك بيا زى ماانى نحبه … وطبعا هيا تتناقش بينها وبين نفسها فجأه فتح باب الغرفه وخش فاقالتله …
ليلى ……وينك حبيبى دورت عليك مالقيتكش…
احمد… لا والله بس مالقيتش رصيد فى نقالى فانزلت جبت كرت وجيت … علاش فى شى ؟؟؟
ليلى ….. قعدت تشبحله شوى …. بعدين قالتله لا لا مافى شى حبيبى غير قلقت عليك بس قولت مرات صار شى ..
احمد …. اه يالى خايفه عليا انتى اه رجعتنى لايام صبا بالله ايامت سميحه شباشب ههههههه دكريات ستت
ليلى ….. هههه شن تدوى انتى واللهى مهبول بجد من سميحه هادى هههه
احمد … الحق الحق والله حتى انى مانعرفهاش سمعت عليها من احمد حلمى بس ههههههههههه..
ليلى ….. احمد …. نبى نقولك شى وبدون تكشيخ….. انى قلبى مقبوض على بابا ونبى نطمن عليه *ـــ*
احمد …….. باهى ياليلى انتى توا فوتى الموضوع وانى وعد نتصل بى امك ولا خالتك فى الليل ونفهم منها ولا نقولك شى نبعت خوى عصيووو شخصيا ويمشى يطمن على بوك شن رايك .. بس تعرفى قبلها مانبيش اى نكد ولا دموع واى شى ايواااااااااااااااا وكان نسمع اه بس ها ركزى فى اه بس مش دمعه كامله اه بس بس ياويلك منى رح ندير فيك عمل ماهو عمل هههههه
ليلى ….. انت امتى بتبطل صايعه انى وين وانت وين ..
احمد … انى ماقولت شى غلط مش تعرفى انك انتى الا نفسك امره بسوء ههههههه هههههههههه دنا غلباااااااااان ههههههه وتوا نوضى باللهى عليك من مكانك خشى غسلى وجهك وتعالى نهدرزو وفكينا من نكد ايواااااااا
ليلى …. اوك دقيقه بس .
خشت ليلى للحمام غسلت وجهها وطلعت وقعمزو وبعدين سالته وقالتله احمد شن اكتر اغنيه تحب مشى قاللها ….
احمد …. كيف يصيير تطلق طير يجرى تحتك ههههههه ..
مشى قتله بجد غير قول يااحمد مشى قالها شن تقصدى يعنى مش عاجباتك الاغنيه متلا هههه هههه بعدين قالها
احمد … بجد بجد ….. انتى … واللهى انتى اغنيتى المفضله ..<<< الليل ياليلى يعاتبى ترا ترا ترا …. ويقول لى سلم على ليلى ترا ترا ترا …. الحب لا تحلو نسائمه الا ادا غنى الهوى ليلى >> ….
ليلى ….. هههههههه واللهى انتى يااحمد تهبببببل … وصوتك ههههههههه مانحكيلش ياوديع انت
احمد …. ليلى …..
ليلى … دقيقه بس نكمل ضحكتى ههههههههههههههههههه صوتك مش طبيعى ههههههههههههههههههههههه .
احمد …. انى نحبك …….
ليلى … هههههه ه ه ه ؟؟؟؟؟؟؟؟؟؟ شن قولت ؟؟؟
احمد ……….. انى نحبببببببببببببببببببببببببك نحببببببببببببببببببببك ومانعرفش كيف وامتى وعارف بتقولى امتى واحنا لين شهر مع بعض بس او اقل بشوى انى نقولك مانعرفش انى الا نعرفه انى نحبك ببساطه …. ناضت ليلى وحضناته بقوه وقتله توا رح نجاوبك على منى كتب اسمك فى كتاب ….. طبعا جارتنا يامعفن ههههههههههه وقعدو يضحكو مع بعض وضكاتهم البريئه فى كل مكان وبعدين قاللها وانتى ليلى ؟؟؟؟؟
ليلى ….. انت شن رايك ؟؟؟
احمد انى نبى نسمع رايك انتى …. انتى تحبنى زى ماانى نحبك ؟؟؟؟
وفجاه وهيا تشبحله اتصل تلفون احمد ….. فاقعد يشبحلها وقالها جاوبينى مشى شبحتله وابتسمت وقتله غير رد قبل فا قاللها وتجاوبينى بعدها فاقتله ونجاوبك بعدها مع ابتسامه بريئه وهوا فتح الخط وقال ….
احمد …. الو عصيووووو شن جو ؟؟؟ واللهى يامعفن كيف كنت نبى نتصل بيك مستاحشك هلبببه ونبى نطلب منك خدمه بس يالله ادكر القط يجيك ينط ؟؟؟؟
عصام …. اييييييييييييييه على حوش مصالح هدا مايعرفنيش الاوقت مصالح …. انى شن قولتلكم اصلا عارف اى حد يقولى عصيوووووو معناها نمنع طول لانا الواو الا فى الاخير هوا بيجى على عداب جلدى هههههه
احمد .. واللهى يامعفن تعرف انى نعزك هلبه كان هدا مانطلب منك انت بدات ….
عصام …. ههههههه اصلا ماعندكش حد غيرى للاسف مالا منى بتتطلب من هدكا الا برعاية << يافشل .. يافشل >> هههههه
احمد …. واللهى الا معزه ياعصيووووووو راه بس مهم شن حال امى وبوى والبنات والعويله كلها >>
عصام … باهى الحمد لله .. غير اسمع اسمع …. انى جيت بنقولك شى مهم بخصوص بو ليلى ؟؟ راهو .
احمد …..شن فى عصام خير ان شالله …..
عصام …… انتم سمعتو ان بو ليلى راقد فى مستشفى ومريض هلبه
احمد …. ا يعطيك مايجيك… ياخلع فرايسك زى ما صبيت على ركابى الميه من هالصبح ..
عصام …. خير فيتك عودى باللهى منك تقول خناى تكلم فيا هههههه اهوا بان الوجه الحقيقى ليك مش قولت انى اسم دلع يجى فى المصالح بس
احمد …. ماهوا نت يافرخ سكرونيا وعلى عموم اى ييييييييه نعرفو هههههههه..
ليلى .. احمد خيره بوى شن فى ؟؟؟؟ قولى ماتكدبش عليا شن فى ..
احمد .. دقيقه بس عصام خليك على خط ….. << مافى شى ياليلى غير خوى متخريط هوا يرعش فينا من هالصبح داير روحه فالح وبيقولنا بوك مريض شوى >> ….
عصام ….. الوووووووووووووووو 1 2 3 حول الووووووووو ههههههه
احمد … خير فيتك نكلم فى بنت الا رعشتها على بوها ..
عصام ….. انى متخريط …. تى باهى باه مقبوله منك باهى توا اختصر شن كنت تبى منى قبل مانصكر بسرعه مش فاضى عندى زباين فى محل ؟؟
احمد … عيصووووو …. نبيك تمشى فى الليل تطمن على بو ليلى فى مستشفى بعد ماتكمل مشوايرك باهى وانت اكيد عارف هوا راقد وين ؟؟
عصام …. انى اصلا قولت اسمى مايجيش الا فى مصالح بس نقولك شى انى توا غيرته اسمى معاش عصام ولا توا اسمى برنيه ماشى ورونى كيف بيتدلع توا باهى …. ورح نمشى نسال على خاطر ليلى بس مش على خاطرك ولما تروح توا نوريك متخريط كيف شكلها ….
احمد .. ههههههه تى باهى باهى … اسمع تعرف وين راقد بو ليلى ولا لا ؟؟؟؟
عصام … اكيد نعرف مالا كيف قوتلك بافهومى توصلنى الاخبار ياحلو اول بااول مش تعرف خوك منى بس وماتلعبش معاه …..
احمد …. تى باهى باهى خلاص فى الليل نستنى منك فى اتصال وسلملى على عويله كلها…
عصام ….مالا هيا توا تشاو عليك وسلملى على ليلى هلبه … تشاوووووو.
احمد … ها ارتحتى اهو كلمته وبيكلمنا فى الليل وتوا هيا يدلى حوايجك ونطلعو نتمشو شوى لين يتصل بينا عصام وصدقينى حتى لو تهربتى على انك تجاوبى على سوالى توا فارح نعرف بعدين بروحى ياشفشه …. فاهيا ضحكت وشبحتله وقتله….
ليلى …… اوك حبيبى …
وقعدو يتمشو ويهدرزو واحمد يحاول يغيرلها فى جوها وحتى الغدى غصب عليها تغصيب وحاول يفتح معاها كل موضيع لحد مافات اليوم كله وروحو فى الليل وليلى تستنى فى نقاله امتى يشرين وهما كيف وصلو وبدلو حوايجهم واحمد خش للحمام وفجاه تلفونه يشرين فاجيت ليلى وتشوف فى اسم عصيام على التلفون فاقالت لاحمد …
ليلى .. احمد بسرعه عصام يتصل بيك
احمد طلع بسرعه وقال الوووووو..
عصام ………..

يتبع……….

لقراءة الجزء التالي : الجزء الحادي عشر من رواية الزوجة التائهة بين الأحلام والواقع

لقراءة الجزء السابق : الجزء التاسع من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .