الجزء الثامن عشر من رواية الزوجة التائهة بين الأحلام والواقع

هيا بنا سريعاً لنبدأ قراءة الجزء الثامن عشر من إبداع الكاتبة كيندا حيث جميل الخيال والأحداث بين أبطال الرواية فجهز نفسك وهيا بنا .

الجزء الثامن عشر من رواية الزوجة التائهة بين الأحلام والواقع

بينما احمد قعد يقلب فيها فى راسه شن بيقول بيكدب على ليلى ولا يقوللها الحق باهى من قال تصدقه وماتقولاش …

ربى فضحكم وانتم كنتم مع بعض فى سياره ولو كدب مرات ينفضح ويطلع مش راجل وتكبر مشكله وبعدين ضرب راسه على ايده وقام تلفون باش يتصل بى ليلى ولكن وصلت رساله على نقال فا جى بيفتحها اتصلت ليلى وقالتله ….. اها حبيبى شن صاير معاك شنى فى شى
احمد…… لا لا حبيبتى مافى شى تلفونى باين نسيته فى مكتب ولقاه حد من موظفين لانى ركبت فتشت سروالى ومالقيتاش
ليلى … باهى كيف نتصل بيه نلقاه مشغول ؟؟؟
احمد …… ممكن فى حد يحاول يتصل بيا بس توا بكرا انشاللله ناخده ونشوف من اتصل بيا
ليلى …. اوك حبيبى انى اصلا حاسه بيك اكيد تعبان طول اليوم وتروح مهدود حيلك ومش مركز …. بس انى حابه انى نهدرز معاك الليله لانى حاسه نفسى مستاحشتك…
احمد … انى تعبان ليلى توا ووراى بكرا سته وستين حاجه …. بس غدوا نروح بيك ولا مازال ؟؟
ليلى … اوكى حبيبى تعالى خلاص لانى حاسه نفسى احسن ..
احمد … اوك ليلى بس انى مده هادى رح نتاخر هلبه لانا عندى مشروع مهم جدا وبديت فيه توا وخاشه معاى شركات كبار فامرات نروح فى الليل …
ليلى … اوك حبيبتى نستناك امتى ماتروح مش مشكله
احمد …. اوك حبيبتى بكرا ان شالله نخطم عليك بس مش معروف امتى لانا فتره هادى زى ماقتلك احتمال نروح موخر هلبه
ليلى … اوك حبيبى …. حمودى اسهر معاى الليله انى عندى نيه نسهرو لصبح
احمد |….. انى عندى خدمه هلبه وتعبان فااسف بنصكر توا لانى خلاص معاش نشوف فى شى قدامى واصلا فى رقم من بكرى يخش علينا انتظار الباين صاحبة صفاء فابننزل نعطيها تلفون وبنرقد
ليلى … اوك احمد براحتك….. تصبح على خير
احمد …. وانتى من اهل الخير
……. صكر احمد نقال وللحظه قعد يفكر هوا علاش كدب عليها هل لانا هوا خايف عليها او خايف تفهمه غلط او خايف تشك فيه ويخش شيطان بينهم …. باهى ولو ليلى عرفت انا هوا كدب عليها وانا السكرتيره روحت معه وانا هيا الا كانت شاغله تلفون …. باهى ولو قاللها هل تصدقه او لا …. وفجأه وهوا فى سرحانه شاف رساله وصلت على نقال صفاء فافتحها ولقى صهيب باعتلها ….
<< صفاااااااء علاش تليفونك مشغوووول من بكرى ردى….. والا قسما بالله نجى فم حوشكم ونفجرك فيه ……. فى منى تكلمى ساعه 12 فى لليل ردى وتعرفى المره هادى لانبى نسمع منك نحبك ولا امووووه نبى تقوليلى فى منى كنتى تكلمى بس ردددددى عليا تووووووووا اهو بنتصل بيك توا >>>
صيهب…… طوووووووط …طووووووط …. الووو فى منى كنت تكلمى ؟؟؟
احمد …. فى حناك بااااااااااااااااااااااا…….. انت الا منى وعلاش تتصل هنا تكلم …
صهيب …… اه ا ه انت منى لو سمحت ياخوى ….. هدا مش رقم سندس؟؟؟
احمد ….. سندس امك يامسخ قسما بالله الا نلاقيك ونعرف انت منى وتو نوريك نحبك وامووووه كيف شكلها تى وقسم بالله الا مانشردك وتوا تشوف ياوسخ … صار بتفجر حوشنا صار تى واللهى الا مانفجرك انت ياكلب

صهيب …… ياخويا انت فاهم غلط …….. طوط طوط طوط طوط ……. سكر فى وجهى …….. حى على صفاء حى شن درت انى بس …. مشت ريبش ….. اااااااااااخ ياربى اخ انى غبى انى حمار انى بهيم <<< كأن قالى حوشنا … معناها خوووووووها ياكبدى شن درت نهااااااااارى حرف نلطم ولا نجيب لطمه طلتم بدلى …. بنت بيقتلوها اااااااااااااااااااه ياربى اه …..<< قعد صهيب راكبه فيه نار لانا ماعرفش يتفاهم مع احمد وعارف لو اتصل بيه مش رح يرد وممكن يفجر نقال اصلا بينما احمد….
لوح نقال على سرير وطلع يجرى فم حوش من فوق وقعد يقول
احمد ….. صفااااااااااااااااااء … صفاااااااااااااااااااء تعالى هنا ياكلبة الكلاب تعالى فوق نبيك …. وقسما بالله ماتجيش بروحك نقتلك
صفاء …. حاظر شوى بس نحط الا فى ايدى احمد ….. نهارى احرف يامروه والله شكله فى شى والله الا مايقتلنى من صوته حى علياااااااااااا قوليلى شن ندير نشرب سم ولا نشرب وركينه و حى عليييييييييييا يامروه اكيد عرف
مروه …. لا لا اكيد مافى شى غير شوفيه وقوليلى شن الاكشن الابيصير معاك هههههههه << وفى داخلها تقول انى جاريه ه يا بلوعة مجارى اهو توا انتى الا جاريه .ودنيئه بعد >>
احمد ……….صفاااااااااااء بتجى ولا نجى نكرك من شعرك
صفاء ….اهو جيت خلاص احمد …..
مروه …. باى حبيبتى صفاااااء نلتقى فى نعيم ان شالله هههههههه
احمد ….. وحيوووووانه الا معاك قوليلها تجى معاك وتجيب تليفونها …..
مرووووه …. اه اه بجد قصدك هدا يدوى ….. صفاء وراس امك ماتقوليهاش اه اه اه وراس امك لا قصدى علاش يبى تلفونى
صفاء …. هيا تعالى هي نركبو لنعيم معا ان شالله …. مش تورى فى فلاحتك اك طحتى معاى وورينى توا شن مصيرنا فى نعيم الا فوق اصلا ياوجه نحس مانجتمعش معاك الا فى الكوارت
…. طبعا خشو للحوش لقو احمد مولع دخانه وواقف وقاللهم ..

احمد……… قعمزى انتى وياها هنا قعمززززززززى …… انتى هاتى تلفونك ….. افتحى ام الباسورد افتحى ولانكسرررررره ….. ياعينى ياعينى هدا شنى هداااااااااااا شنى تى والله ياكلاب الامانوريكم ….. تى ووالله الامانربيكم رابايه جديده ….وانتى ياكبيره ياعاقله ياهاديه …. صار بيفجر حوشنا …. واللهى ….. ترا قوليلى باللهى من هل بتيستا ولا جون سينا هدا الا تكلمى فيه ترا قووووووووولى …. لاو بيعطيك اموووووووووووووه يااوسخه وسخاااااااات شنى تانى خلاص هازيه على تريس الا عندك ولا هزايه على بوك …. شنى قصدك كانا بوك مريض وجاته جلطه حنا مش تررررريس تكلمىىىىىىىىىى…… وتعرفى لو تكدبى ماتلومى الا نفسك انى قاعد ماسك نفسى …. ولا انتى ….. قصدى انى خلاص ياررررررررررررربى خلاص انى تعرفو لو تقعدو تانيه واحده قسما بالله الامانقتلكم بس لانى عطيت لنفسى وعد انى مش رح نحط ايدى على واحد منكم مهما كان بس واللهى الاما نكرهكم فى روحكم ماشى ….. جامعه مافيش انسياها …. تلفون مافيش مدرسه مافيش …… ايه ايه انتى ياكلبة كلباااات مافيش مدرسه ….. تلفونااااات بح …. مصروف بح ….. طلعه وخشه لا …. من دار مافيش ….. فاهمييييييييين والوسخ الحقير الا تكلمى فيه تو نعرفه وتو تشوفى شن ندير فيه ….. وانتى دلوعة امه الا يكلم فيك وانتى فرخه فى مدرسه …. زوريه باللهى وهوا فى حبووووس ماشى ….. وتوا اقلبببببببببببببى وجهك انتى وياااه لوووووطه وانى نازل وراكم …… اى اى تعالى هنا تعالى …… ليلى تعرف انك تكلمى فيه صح….. رددددددددى ….
صفاء ….. انت مش فاهم يااحمد ماهو …..
احمد ….. هدكا اليوم كنتى عندها وكل يوم ستيك كتيك عليها وتدو وفى سر معنااااااااااااااااها تعرف ولا لا …. خلاص خلاص فهمت
انزل احمد لوطه وقال لامه ………..
…. الكلام الا قولته يتنفد بى الامر الواحد وهما يعرفو بروحهم بناتك من بكرا لاجامعه لامدارس لاتلفونات ماشى والا قولته يتنفد بالامر الواحد ومانبيش حد يدخل ..
ام احمد …. وليدى غير شن فى ياوليدى
احمد ….. مانبيش ندوى فى شى نهائيا ولانبى حد يتدخل ابدا حتى ولادك ماشى والا نقزله نبيه يتنفد بالامر الواحد ….
ركب احمد زى مجنون وخش لحوشه وولع دخان وبدى يدخن زى مجنون وتفكر انا ليلى كانت تندرى وماقالتلاش وهوا زى طرطور وهوا منبها من قبل انها مافى شى درقه عليه وقعد يفكر ويفكر لحد شاف لساعه لقاها ساعه 6 ونص صبح ….. خش للحماما لبس حوايجه ومشى … واول ماوصل وخش للمكتب طول قام تلفون وقال للسكرتيره …
احمد …. هاتى كل الاطلبته منك وحطيه على مكتب بسرعه
سكرتيره …. اوك بش مهندس
…. خشت للمكتب وقالتله ….
صبا الورد باش مهندس هدام كل الورق الاطلبتهم منى وكل سنه وانت طبيب اليوم عيد ميلادك ونتمنى انك تقبل منى هديه هيا وتكون من مقاسك …
احمد …. شكرا بارك الله فيك بس مش رح نقدر ناخدها الهديه للاسف بس كاانى خديتها …. وبرى كلمى وسام قوليله يوتيلى غرفة الاجتماعات بسرعه … وخودى باب وراك
سكرتيره ….. اوك بش مهندس … وفى داخلها تقول علاش ماباش ياخدها هدا كله على خاطر البريجيت باردو متعه يعطيها سم ان شالله>>
احمد …. استنى شوى ….. حطى نقالى على مكتب وهاك نقالك وعبيلى مق قهوه
سكرتيره …. حاضر … وحطتله القهوه وخدت نقالها وطلعت …. قعدت تبكى وتسحن وتترد لانا احمد ماباش ياخد هديتها وتقول زفت حظى الاسود اليوم انا لما انى جبتله الهديه طلع متعفلق بس واللهى الا ما نعطيهاله وانى نعرف كيف ومش اليوم بكرا …
كمل احمد الاجتماع وقعد فى خدمه غاطس لحد الليل وفى الليل روح وخطم على ليلى واتصل بيها وقاللها …
احمد…. اطلعى انى فم الباب ومانبييييييش نخش اطللللعى تواااااااااا
طلعت ليلى وركبت سياره على فم ساكت وولع سياره وطلع بيها والغبره وراه وبعدين فجأه \رس على جنب وقاللها …..
احمد …..

يتبع ……

لقراءة الجزء التالي : الجزء التاسع عشر من رواية الزوجة التائهة بين الأحلام والواقع

لقراءة الجزء السابق : الجزء السابع عشر من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .