وفي الجزء الثاني هل برأيك سوف تبدأ الأحداث في التسارع أم سيكون هناك رأي آخر للكاتبة أميرة رمضان داخل حبكة الرواية ؟ كل هذا وأكثر سوف نعرفه في السطور القادمة .
الجزء الثاني من رواية عادت لكي تنتقم
عمران : لو كنت جيت ملقتكش في المكتب زي مقولتلك كنت علقتك وخليتك عبره
سيف : ليه يا باشا تعمل فيا كل ده ده انا حتي خطيب بنتك وكلها كام شهر وابقي جوزها
عمران :انا معرفش امي في الشغل ومفيش فرق بين غريب او قريب
سيف بصوت واطي : انت هتقولي كلو انت بتقدرو وبطلع عينه
عمران: بتقول حاجه ي سيف
سيف: لاء ابدا ي باشا هو انا اقدر
عمران : تمام اتفضل
سيف: اي ده ي فندم
عمران : ده ملف قضيه سلاح عايزك تشتغلي علي القضيه دي بايدك واسنانك الناس دي بقيلها زمن طويل بيهربو سلاح بره مصر وجوه مصر الملف ده في شويه معلومات عنهم هما مين وازاي تعاملتهم في التجاره وكمان جتلنا معلومات انهم هيهربو كميه سلاح راهيبه الفتره الجايه دي بقي عليك انت تعرف المعاد والمكان وتقبض عليهم
سيف: امرك ي فندم اي اوامر تانيه
عمران : لاء اتفضل انت
_______________
عند مرام
(طلعت مرام من المعسكر مع خالد
ووصلو المكان وكان عباره عن بيت كبير (فله)وباين عليها انها قديمه
اول ما نزلت مرام من العربيه حست بشويه خوف بس الخوف ده اختفي لما افتكرت ماضيها البشع)
خالد : مرام
مرام بجمود :نعم
خالد : احنا هنستني الكبير بتاعنا هنا وهو هياجي بعد ساعه كده
مرام ، ماشي
(دخلت البيت ورغم أن البيت واسع بس بالنسبه لمرام سجن وكانت بتتفرج علي المكان بارف وضيق بمعني اصح مش طايقه حد وشافت بنت جميله جدااا عمرها في حدود 19سنه عيونها زرقه وشعرها اسود وبشرتها بيضه واول ما البنت شافت مرام ضحكتلها وابتسمت مرام ليها وبعدين كشرت تاني وقعدت تستني كبير العصابه لما ياجي)
____________________________
في الجامعه عند رغد وياسمين
رغد :الجميل زعلانه ليه
ياسمين : ممكن تسيبيني في حالي انا لاطيقاكي ولا طايقه اخوكي
رغد : الله وانا مالي ي لمبي الحق عليا اني سايبه محضراتي وجايه اقعد معاكي
ياسمين : معلش يا اختي عطلاناكي عن الامتياز وماهو محدش عارف يتكلم معاكي لانتي ولا اخوكي تموتو في مصلحتكم
رغد بضحك: انا عن نفسي بعشق مصلحتي جدا
ياسمين ، رغددددد مش ناقصه برود اهلك ع الصبح
(ضحكه رغد وفهمت ان ياسمين متضايقه جدا وعايزه تحكي تفضفض )
رغد :قوليلي سيف مزعلك ليه كده
ياسمين : هو ده يزعل حد ابدااا
يابنتي كل يوم من وقت متخطبنا يصحي الصبح ارن عليه اشحت كلمتين بالعافيه ويطلع علي شغلو وطبعا مستحيل نتكلم وهو في الشغل حرصا علي سلامه البيشتغلو معاه لاحسن اعملهم ازاعاج
(رغد مقدرتش تمسك نفسها من الضحك وضحكت عليها بصتلها ياسمين بغضب )
رغد : احم كملي كملي
ياسمين بانفعال ،وياجي بليل ارن عليه لما اعرف منك او من بابا انه وصل البيت يبقي جاي فاصل من الشغل واول مابيدخل اوضته بيترمي علي السرير وينام وبرضو لو لحقت اتكلم كلمتين معاه قبل النوم ده انا لو كنت اذكار الصباح والمساء كان طول شويه وهو بيقولهم ده مره سابني ونام وانا بكلمو
اعاااااا
اعاااااارغد : طب ماهو ….
قاطعتها ياسمين بصوت عالي وقالت ، متبرريش انا عارفه انه شغله صعب لكن انا من حقي عليه انه يهتم بيا شويه ده امبارح قالي صحيني الساعه ٧ الصبح
من قبل ٧ وانا عماله ارن عليه ساعه وربع مبيردش عليا
رغد : لاء ملكيش حق تزعلي منه ي ياسمين هو الصبح مبيردش علي اي حد اصلا انا شخصيا بتعب معاه لما بصحيه
وماما بتصوت وبتبقي ناقصه تلم علينا الناس عشان يصحي
ياسمين : دانتو عليه منخوليه وانا جوعت
رغد : يقطع الحب علي الارتباط ع الجواز علي العايزينو 
يلا نروح نفطر انا عصافير بطني بتهوهو
يلا نروح نفطر انا عصافير بطني بتهوهو **(رغد العطار 22سنه في سنه رابعه حقوق عنيده ومرحه ومتهوره ملامحها جميله عيونها سوده وبشرتها قمحيه وشعرها اسود جسمها فلات ومحجبه )
_________________________
عند مرام بعد ساعتين انتظار
(دخل واحد وقال انسه مرام عادل باشا وصل وخالد باشا طالبك علي هناك
راحت مرام للمكان الموجودين فيه هو عباره عن اوضه كبيره زي المكتب دخلت واول مشافت الشخص ده
افتكرت ماضيها وقت ما قتلو ابوها قدام عنيها ضربات قلبها ذادت والشر كله اتجمع في عينها
بس داست علي ايدها عشان تهدا لان ده مش الوقت المناسب وده مش القتل وابوها ده واحد كان موجود معاهم فضلت تصبر نفسها بانها تهدي عشان تصل للقاتل )
خالد : دول الرجاله ي فندم
بص عادل علي مرام
عادل : هي دي الكلمتني عنها
خالد : ايوا ي فندم
عادل : وانتي مستعده لشغل معانا
مرام بثبات: احنا لسه متفقناش عشان اكون مستعده او لاء
عادل باستغراب : اتفاق اي انتي ملكيش انك تعرفي حاجه انتي هنا تعملي القولك عليه
مرام: تؤتؤ انا مفيش حد يؤمرني انت مش شاريني انا اشتغل معاك بمزاجي وبالطريقه التعجبني غير كده امشي وتشوف حد غيري
عادل : انتي عارفه اني ممكن اقتلك هنا ومحدش يجيب عنك خبر
مرام : عارفه بس لو قد كلمتك فكر بس انك تلمس شعره مني
عادل : انتي بتتحديني
مرام : مش من مصلحتي اني اتحداك ي نشتغل بالطريقه الانا اوافق عليها ي كل واحد يروح لحالو
عادل : عجبته قوتها وانها مبتخفش وده الهما عايزينو
قالها في عمليه ان نفذتيها بدون متتمسكي هدخلك معايا في الشغل الكبير وطاقه القدر هتتفتحلك
(خالد بصدمه مفيش حد يعرف شغلهم الكبير غيرهم ليه هيدخل وحده لسه جديده معاهم )
مرام : اي هي العمليه دي واعتبرها تمت
عادل : تهريب سلاح
مرام : بابتسامه اديني معاد العمليه والمعلومات عن الناس الهتستلم واعتبر العمليه تمت
عادل :بس خلي بالك الشرطه عينها علينا
مرام : الشرطه عينها علي البلد واحنا فداء البلد وضحكو
عادل : خالد هيعرفك كل حاجه عن العمليه وطريقه التنفيذ دي ليكي انتي اما نشوف قد الثقه دي ولا لاء
مرام : انا مبكونش قد ثقت حد انا بكون قد شغلي وهو ده المطلوب ع معتقد
عادل بابتسامه رضا ،طبعا هو ده المطلوب ريحي انهارده وبكرا هنبدء نعرفك المعلومات عن العمليه
خرجت مرام وقال خالد لعادل
خالد :اي الانت عملته ده ي كبير مينفعش اننا نعرفها كل حاجه عننا كده بسرعه
عادل بابتسامه : انت اي الخلاك جبتها هنا
خالد : عشان شفتها وهي بتدرب وكانت ممتازه وكمان باين عليها قويه عشان كده جبتها تشتغل اي حاجه معانا لكن مش الشغل المهم ده
عادل : وانا دخلتها شغلنا لاني شايف في عنيها كمية شر وقوه لو استغلتها في شغلنا هترفعنا فوق اوووي
خالد : بس انت كده ي كبير بتساويها بيا
عادل : انا معنديش في الشغل غالي وهي لسه مشتغلتش اما نشوف شغلها ي تتساوي بيك يتبقي اقل منك ي تبقي اعلي منك محدش عارفه بكرا فيه اي
**(عادل الزناتي عمره ٥٠سنه تاجر سلاح )
_______________
عند مرام
( كانت ماشيه وشافت نفس البنت بتحاول تمشي وفي واحد واخد العكاز بتاعها وبيضايقها بصت مرام علي البنت كانت عندها رجل صناعيه )
البنت :لو سمحت ي عامر باشا هات العكاز مش عارفه امشي
عامر : طب اتحايلي عليا شويه كمان
البنت ببكاء : بالله عليك اديني العكاز
عامر :ماشي خديه اهو وجات البنت تاخدو فسحب عامر العكاز مره وحده ووقعت البنت علي الارض
اتضايقت مرام جدا
ومسكت ايد عامر بقوه وضوافرها غارزه في ايدو وهو كان بيتالم وضربته بالبوكس في وشه نزفت مناخيرو وادتلو شالوط في رجله فقد توازنه ووقع علي الارض وراحت مرام للبنت وادتلها العكاز
وقالت لعامر
_حزاري اشوفك قريب منها تاني وانا وقتها هخلي وشك البتتباهه بيه ده شوارع
ومشت مرام والبنت
(عامر مش مستوعب ان بنت تضربو كده )
عامر بغضب : ودي بقي تطلع مين بس ماشي ورحمت امي لعرفك ازاي تمدي ايدك عليا تاني
**(عامر سليمان 26سنه طويل وبشرته بيضه وعيونه خضره وسيم جدا ومغرور شغال مع العصابه في تجاره السلاح )
______
عند مرام والبنت
البنت :انا مش عارفه اشكرك ازاي بس انتي كده حطيتي نفسك في مشكله عامر الكلب ده ممكن ياذيكي
ضحكت مرام وقالت يبقي يوريني هيعمل معايا اي
البنت بفخر : بس انتي كنتي جامده وانتي بتنفخيه الله عليكي ي بطل مصر
ابتسمت مرام علي شكل البنت وهي بتمدح فيها
البنت : انا اسمي روان وانتي اسمك اي
مرام : وانا اسمي مرام
روان : اسمك جميل اوووي قريب من اسمي ، عندك كام سنه
مرام : سكتت لحظه تفتكر بقي عندها كام سنه
روان : اي هي محتاجه التفكير ده كلو
مرام : اصلي مش مهتمه اني اعرف عمري بس ياستي عمري 21سنه
روان : ايواا وانا هبدء في 19بعد شهر
مرام : طب يستي كل سنه وانتي طيبه
روان: وانتي عيد ميلادك ايمتي
(مرام افتكرت اخر عيد ميلاد لها مع وابوها وامها غمضت عنيها بصعوبه عشان تنسي اليوم ده
روان خدت بالها ان مرام زعلت من السؤال ده فغيرت الكلام)
روان : انا عامله اكل طعمو حلو تعالي ذوقيه واديني رايك
وانشغلو مع بعض
___________________
جاءالليل
دخل سيف البيت وكان تعبان
ليلي : حبيبي جيت تعالي يلا العشا جاهز
سيف : ياريت عشان انا جعان وهموت من النعس
نزلت رغد : هو انت مش وراك غير الشغل والنوم مابتعملش حاجه تانيه في حياتك
سيف : اسم الله عليكي ي بت انتي اخر وحده تتكلمي ي غيبوبه داحنا بنوديكي الكليه بالعافيه كل حياتك نوم دانتي من كتر النوم البتناميه بننسي انك عايشه معانا اصلا
رغد : نينننننننني
سيف : اهو لما متعرفش ترد تعمل حركه العبط دي
ليلي : بطلو خناق بقي وكلو انا مش عايزه صداع
رغد : البيه ابنك شكلو ناسي انه خاطب
سيف : ايوا بقي الكلام علي كده وبعدين بقي انتي مالك خاطب ولا مش خاطب
رغد : لاني عمري مشفتك بتتكلم مع خطيبتك زي اي اتنين مخطوبين
سيف : هي ياسمين اشتكتلك
رغد : ومن غير متشتكي انا عن نفسي لو مكانها افسخ الخطوبه في ساعتها احنا بنتخطب عشان نتدلع لكن شغل الاهمال بتاعك ده مينفعش معانا والله لو ما اهتمية بالبت شويه لاجوزها لوحد غيرك
سيف : وده في شرع مين ده ي خليل ي غبي
رغد : في شرع اني انا البيست بتاعتها ممكن في ثانيه اخليها متبقاش طايقه تبص في وشك فحذر مني بقي
سيف : اي ده انتي هتعملي مهمه ولا اي ي بت داحنا مخلينك عايشه معانا عشان التموين غير كده مسمعش صوتك وقام لطشها بالقفا
رغد :خلاااااص سكت يخربيت تقل ايدك
_______________
(عند ياسمين كانت قاعده بتتفرج علي التلفزيون )
ياسمين : بابا هو يونس هينزل ايمتي انت مش ملاحظ انه طول المره دي
عمران : حكم الشغل بقي
ياسمين : وهو حكم الشغل انه حتي ميتصلش علينا
زهره : انا مش عارفه اصلا ليه طلعلك في الشغل ده مكان اشتغل اي حاجه تاني هو انا ناقصه مش كفايه انت دانا حاسه ان اعصابي باظت من الخوف عليكم
عمران : اي ي ام يونس كل ده ولسه قلبك مجمدش شوفي انا بقالي كام سنه متجوزك وكل مره تقولي الكلمتين دول ليا ودلوقتي بتقوليهم لابنك
ياسمين : لاء وخدي الكبيره وكمان خطيب بنتك انا مش عارفه اي الورطنا في العيله دي وبعدها موبايلها رنياسمين : اهو جه علي السيره
عن اذنكم بقي
سيف : وحشتيني
ياسمين بحب :وانت كمان وحشني اوووي
سيف : دانتي واقعه في حبي بقي
ياسمين : اسم الله عليك
سيف: اكلتي ي مزتي
ياسمين : ايوا من حوالي نص ساعه
سيف : انا مش عارف هنفضل في موضوع الخطوبه ده لحد ايمتي انا زهقت
ياسمين بصدمه :زهقت مني
سيف : ايوا زهقت وانتي خطيبتي كده ايمتي بقي وتبقي مراتي
ياسمين بابتسامه :معلش ي حبيبي كلها سنه واخلص دراستي
سيف : طب وفيها اي تخلصيها وانتي متجوزه
ياسمين : لاء ده كان اتفاقنا من الاول
سيف : خلاص نستني وامري لله
وقال بانفعال بقولك اي انا عايزك تقطعي علاقتك بالبت اختي دي
ياسنين بضحك :لييه
سيف: والله حاسس ان الجوازه هتبوظ بسببها دي عليها عمار البيوت
ياسمين : متقولش كده علي بيستي يااض
سيف : ياااض ؟!اهو اول مجبنا سيرتها انتي اتحولتي مش قولتلك
ضحكت ياسمين
ونسيبهم مع بعض ونروح عند مرام
______________
روان : علفكره انتي انهارده هتنامي معايا لحد ميجهزو مكان ليكي بكرا
مرام : معلش بقي استحمليني
روان : وانا افديكي الساعه لما تاجي تنوريني في اوضتي
مرام : يعيني يعيني اي الدلع ده كلو
وظبطو مكان تنام فيه مرام وقبل النوم
مرام :روان انتي هنا من ايمتي
روان: من حوالي سنتين
مرام :واي الجابك هنا
روان : غصب عني طبعا اني اجي هنا انا كنت في دار ايتام والراجل بتاع العصابه ده بياجي ياخد اطفال يكونو سنهم كبير ياخدم طبعا بطريقه غير قانونيه وده لان مدير الميتم راجل ظالم والراجل بتاع العصابه ياخدهم ويوديهم مكان يتدربو وبعدها القوي فيهم بيشتغل معاه والضعيف بيموت او لو كده يبيعو اعضاؤه
مرام: انتي بتتكلمي جد هما بيعملو كده فعلا
روان: امال انتي مفكره اي كتير ماتو وكتير اشتغلو معاهم وكتير ماتو وهما شاغلين معاهم
مرام :يعني هما بيتاجرو في الاعضاء
روان : مش بظبط كده بس اهم بيستفيدو مننا علي قد ميقدرو
مرام : برضو معرفتش انتي جيتي هنا ازاي
روان : مره عامر الزفت ده كان جاي ياخد ولاد من الميتم
وبعدها شافني هناك واصر انه ياخدني مدير الميتم قاله دي بنت وكمان غبيه هتاخدها تعمل اي معاكم
قاله هاخدها وملكش فيه
وبعدها جيت هنا وانا من وقت مجيت وانا بتمني اليوم الامشي فيه من هنا حتي لو هكون ميته
مرام :طب ورجلك كده من ايمتي
توترت روان :وقالت من زمان بس هما عالجوني وركبولي رجل صناعيه وبقدر امشي بس ده مش لله هما عملو كده عشان اساعدهم في شغلهم
مرام :ازاي
روان : يعني علي حسب الطلب ممكن ابقي خدامه اعملهم شغل البيت وممكن يستغلو جمالي بان الف علي واحد مليونير واخدرو وهما يتصرفو معاه يخلوه يمضي علي ورق مهم يساومو ناس تانيه اهو اي حاجه في شغلهم القذر ده
مرام: قولتيلي بس انتي علطول بتمشي بالعكاز ده؟
روان: لاء طبعا بمشي من غيرو عادي
مرام : امال لما خد العصايا مقدرتيش تمشي ليه
روان : لاني انا تعبت طول اليوم واقفه علي رجليا وانا مينفعش اقف فتره طويله فعشان كده كنت عايزه العكاز
مرام : متقلقيش هتمشي من هنا في اقرب وقت
روان :وانتي جيتي هنا ليه
مرام : انا جيت هنا بمزاجي
بصتلها روان وقالت : هو انتي زيهم غريبه مش باين عليكي
مرام :لاء انا مش زيهم لسه هبقي زيهم
روان سكتت
مرام :اي غيرتي نظرتك نحيتي
روان : لاء ابدا بس بفكر اي اليخليكي تعملي كده
مرام : حكايه كبيره مش وقتها ويلا ننام عشان هنشوف هنعمل اي بكرا
(بتغمض عنيها وهي بتفكر يتري هيحصل اي بكرا)
يتبع……….
لقراءة الجزء التالي : الجزء الثالث من رواية عادت لكي تنتقم
لقراءة الجزء السابق : الجزء الأول من رواية عادت لكي تنتقم
للإطلاع علي فهرس اجزاء الرواية : جميع اجزاء رواية عادت لكي تنتقم كاملة للكاتبة أميرة رمضان
جميع الحقوق محفوظة للكاتبة أميرة رمضان .
