وفي الجزء الأول من رواية ظلموني للكاتبة زهرة الشيخ دعونا نبدأ في معرفة كيف ستبدأ الأحداث وعن شخصيات الرواية ؟ في السطور التالية بإذن الله ، فهيا بنا .
الجزء الأول من رواية ظلموني
( لا للعنصريه)
عز الدين : ف السياره ويكلم ف امه ف التلفون واللهي يا امي شن بنقولك ولدت اي وياريتها ماولدت
ام عز الدين رتاج : شن في ياولدي خيرك تتكلم هك
عز الدين : يا امي ولدت توام بنات وحده بيضه قمر والتانيه اسود من سواد اليل شكلها حارقتها الشمس من بطن امها
رتاج : احي ماتقولها كيف صار ما عندنا حد اسود في عيلتنا ع من متوحمه مرتك
عز الدين: مش عارف ال بووووووم خشت فيه شاحنه ونقطع الاتصال وانقطع النفس معاه
.
.
.
اسعفو عز الدين بسرعه واهله جو للمستشفى عياط وصريخ بعد سمعو انه مات
وسلمى بعد سمعت باالخبر بكت بكت بكت اوووك علي٣ا نا شن بندير ارملت ف ه العمر ماعندنا حتى سنتين متزوجين ياربي شبحت ف بنتها السمره كله منك كله منك وجه فقر
وطبعا ام عزو مافي شي ماقاته لي سلوى وتعاف من بنتها السمره ماكان حد يبي يرفعها ولا يشوفها ولا يقربها
كان مستوه العنصريه عندهم مالها حد
روحت سلوى مع اهل زوجها وجتها امها ساعدتها وبدت تهتم باالتوام ومافرقت بيناتهم
بدا العزا وناس خاشه طالعه تباركلها وتعزيها ف نفس الوقت وكلهم مستغربين من التوام مش من اللون لانه مختلفات هلبا
سلوى : نفسيتها ادمرت بعد وفاة زوجها وزادت دمرت بعد رت كيف يعاملو فها وفي بنتها ماعندها مادير تبكي وخلاص
وسمو التوام ريماس وإلماس
بعد مرور اسبوع ع نفس الحاله
ف الصبح
الباب
طق طق طق طق
امينه ام سلمى : تفضلي
خشت رتاج: س ع
امينه / سلوى : ع س
رتاج : كيف حال صحتك توا يا سلوى
سلوى : باهي ماشي الحال
رتاج : قعد باهي والبنت السمره تغيرت بشرتها ولا مزال
امينه : عمري ماسمعت بي بني ادم يتقشر
رتاج : ماعدلت عليها 
كيف حال ألماس
كيف حال ألماسسلوى : بخير ماتخلي فيا نرقد عكس اختها
رتاج : اها باهي تو تتعودي نا ننزل ناخد دواي قبل لا ننسا
سلوى : تمام رد بالك ع روحك
امينه:
خيرها هيا مع البنت
خيرها هيا مع البنتسلوى : امي انتي بروحك تشحي فيها كيف شكلها
امينه : استغفر الله ياربي بنتك ره حني عليها وربي لي خالقها وانتي خيرك معاها
سلوى : اااه ياربي
ريماس : فاقت تعيط
سلوى : امي بللهي عليك ارفعيها تعبتني
امينه: ربي يشوف فيك ره
سلوى: قلبت اعيونها ورقدت
امينه : استغفر الله ورفعت ريماس تبوس فها وتلعب فها وشربتها الحليب رقدت
امينه الصبح قبل لا تروح رفعت معاها ريماس
.
.
قعدو علي هدا الحال لمدة 40يوم
بعدها قررت سلوى تمشي عند امها لانه لي خاش ولي طالع من عياتهم يعاير فهاوسلفاتها مافي شي ماقالوه ليها ع بنتها السمرا
ف الصبح
سلوى فاقت بدري تلم ف دبشها ف الشنطه ورفعت بنتها ونزلت
كلهم متلمين ع سفرة الفطور
سلوى : صباح الخير
كلهم : صباح الورد
سلفتها عائشه : صباح النحس
رتاج:
سلوى
نا جايا بنودعكم بنمشي لحوش هلي
نا جايا بنودعكم بنمشي لحوش هليرتاج : باهي يابنتي براحتك وحتجتي شي كلميني مش حنقصر معاك تو نكلم علي يروح بيك
علي هدا طبعا خو عز الدين مش متزوج وكان الوحيد لي مايفرق بين ريماس والماس وطول ه المده هوا لي صارف عليهم
سلوى : تمام ومشت ف داخلها تحساب بيمنعوها ولا يقولولها اقعدي معانا
عائشه :من يوم جت الشرقاويه ياي محلاها وصغيره ومش عارفه شن وكنتو تفرقو بينا اهو جابتلكم النحس ماليها سنه ونص مات ولدكم فوق منها جايبتلكم حفيده سوده مشيه بلا رجعه ان شالله
محمد خو عزالدين وراجل عائشه: سكري فمك وامشي لغرفتك قبل لا نقلب ام السفره ع راسك
عائشه: قلبت عيونها ومشت
وسلوى كانت تسمع ف كل شي ووجعها كلام سلفتها هلبا٠
اول ماروح علي من العمل قاتله امه يوصل سلوى لبيت هلها
علي : كيف تمشي لبيت هلها
رتاج : كيف كيف بتمشي هي ترملت وماعندها شي يربطها بينا تو وبتمشي تسكن عند امها
علي : كيف مافي شي يربطنا بيها وبنات خوي ناسيتهن ولا كيف ومن بيصرف ع ريماس والماس هلها وعندهم عمام لا مافي طلعه من هنا بنات خوي مايتربن بعيد اكيد انتم لي ضايقتوها ببنتها السمره ناس عنصريه
رتاج : الله يهديك يا ولدي المرا مضايقه وتبي تمشي عند هلها وحني لي بنصرفو عليهن ليش لا
علي : كلمه وقلتها مافيش مشي ومشى علي متكنطي لعند سلوى
الباب طق طق طق
سلوى : لبست وشاحها تفضل
علي : فتح الباب يزيد فضلك
سلوى : كيف حالك
علي : بخير والحمدلله وين التوام
سلوى: ألماس هيا رفعتنا وعطتها ل علي
علي : ربي يحفظها عسوله وين ريماس
سلوى : اا روحت بيها امي
علي : كيف وعلاش تروح بيها
سلوى : لانه اليوم حتى حنا مروحين بنمشي لبيت هلي
علي : وعلاش بتمشي في حد غلط معاك ولا قصرنا معاك
سلوى : لا والله بس نبي نروح لعند امي تعرف انه من يوم تزوجت باتي توفى قعدت بروحها
علي: اها باهي تمام وتي روحك بس بشرط انك ماتبعدي عنا البنات وكل يوم حنجي نشوفهن
سلوى : تمام شكرا بارك الله فيك ماقصرت معانا
علي : ولو هي وتي روحك
سلوى : واتيه
علي: تمام انزلي هي هاك ألماس وعطيني شنطك
سلوى : اوكك
نزل علي
رتاج : شني بتروح بيها
علي : اي افرحو بنروح بيها
عائشه:
رتاج : باهي
وطلع ولع السياره وقاعد يستنا في سلوى
نزلت سلوى مع ألماس سلمت عليهم وطلعت ركبت مع علي
وصلت سلوى لعند بيت هلها نزلت ونزل معاها علي بيشوف ريماس بنت خوه قعد خمسه دقائق وعطا مبلغ لي سلوى بيش تصرف ع التوام وروح
امينه : احسن مادرتي انك روحتي والله
سلوى: ايه والله
ريماس : تبكي
سلوى : وخيرها هيا تو
امينه من امس هكي تشرب شوي من حليب المرضعه ماتبيه رضعيها انتي
سلوى : خليها ع حليب المرضعه نا حليبي يادوب يسد ألماس
امينه : استغفر الله خيرك معاها البنت ليش تفرقي بينهم بس الزوز طالعات من بطنك ره
سلوى : امي والله تعبانه بنمشي ندوش لي ألماس ونرقد ومشت
امينه : شبحت في ريماس تبكي الله غالب يابنتي ماعندك غيري مش عارفه ليش كلهم هك يظلمو فيك وانتي ماعندك ذنب لاكن عادي من اليوم انتي بنتي نا
عدت دوشت لي ريماس وبدلتلها ورقدتها وعدت طيب وضمت وكلمت سلوى تنزل تتغدا
بعد مرور سبع سنوات طبعا ع نفس الحال
علي : تزوج وعنده بنتين وولد وعمره مانسا ألماس وريماس هوا لي صارف عليهم
امينه : هي لي تعاني وتهتم وكبرت ريماس وربتها
سلوى: كانه ماعندها زوز بنات تهتم ب ألماس فقط ريماس عادي حتى لو تقعد يوم كامل ماشافتها
ريماس : كانت تحب اختها هلبا وديما تبي تلعب معاها وخلوقه ماتعلي ف صوتها ع حد ومحترمه وتحب تتقرب من امها اما جدتها كانت كل حياتها هي وعمها علي
ألماس : كانت تكره شي اسمه ريماس كانه مش اختها ولا عايشن مع بعض كانت ديما تضرب فيها وماطيقها وماتحب جدتها ولا عمها ولا حد خاطي امها
ف الصبح ع سفرة الفطور
امينه : هاكي ريماس كولي هي هدا صلصة الطن لي تحبيها وكمليها كلها ره
ريماس : حاضر ماما قسمتها بنص ألماس هاكي ضوقي منه حلو
ألماس : ووواك عليا مانبيه كوليه انتي خليني ف حالي
امينه : عيب اعليك ألماس ضوقي منه ماتزعليها
ألماس : مانبيه خليها تزعل انتي مادخلك
ريماس : اصلا معاش بنعطيك
سلوى : صوت انتي وياها راسي يوجع
ريماس : اسفه ماما
ألماس : ماهي امك امي نا
ريماس:
تبكي
تبكيامينه: استغفر الله نفس الحاله ديما اسكتي خلاص حبيبتي هي بش نشريلك جيلاطي
ريماس : به
سلوى: شني ماما شن قلتي ع الموضوع
امينه : واللهي شن بنقولك كان تبيه ع بركة الله بس حتى نا بنرجع لشرق غادي
سلوى : علاش
امينه : هكي خيرلي ع الاقل نرجع لبيتي الاول
سلوى : تمام انا اليوم نكلم علي ونقوله
سلوى في واحد تقدملها من الشرق متزوج تنين قبلها وحده طلقها والتانيه قاعده وغني غنا فاحش وطبعا طمعت ف فلوسه مش حبا فيه ووافقت
سلوى : اتصلت ب علي وقاتله يجيها تبيه ف موضوع
الباب طق طق طق
ريماس : انا انا بنفتح اكيده عمي علي
ألماس:
امينه : ردبالك راك طيحي
فتحت الباب
ريماس : عمووو وحضناته
علي: ههه بنتي الاموره رفعها فوق ع كتافه
ريماس : وااك عليا عمي بنطيح بنطيح هههه
علي: ماطيحي شادك كويس ياهبله
خش وسلم عليهم كلهم
ألماس : عمي شن جبتلي ف الكيس
امينه : سلمي ع عمك قبل
علي : تعالي نوريك
جاته وقعدت جنبه طلع عروستين من الكيس هدي ليك يا ألماس
ألماس : حلوه تشبهلي
سلوى : قولي شكرا لعمو
الماس:
علي : وين ريماس
ريماس: ههههه عمي انا فوقك نسيتني
علي : هههه هاك هدي ليك
ريماس : شكرا شكرا عموو
ألماس : عمي علاش جايبلها عروسه هيا
علي: بيش تلعبو مع بعضكم
ألماس : ليش ماجبتلهم عروسه سوده تشبهلها
علي : عيب عمو مافي فرق بين البيضه والسمراء
الماس : لا في فرق السوده شينه زي ريماس
علي: شبح ف سلوى
سلوى: الماس امشي العبي ف غرفتك
الماس : به
علي : ونعم التربيه
سلوى: اا مش عارفه علاش هك قالت
علي : فوتيها صغيره مش دنبها دنب لي ربها المهم شن هو الموضوع لي قلتيلي عليه
ريماس : عمو بنمشي لماما
علي : تمام
سلوى :اافي واحد تقدملي ويبي نتزوجو وبنعيشو ف الشرق
علي: كيف قصدك بتاخدي البنات بعيد
سلوى : لا شوي وبترجع امي مع البنات مش حطول
علي: اممم به ربي يتمملك ع خير بس ديما نبي نتواصل مع البنات وقبل لا تمشو خبريني نجي نشوفكم
سلوى
علي : المهم نا تو بنروح قبل لا تطلع ريماس وتقول ماشيه معاي
سلوى : اوك بسلامه
وروح علي ومايحسابه انه سلوى كادبه عليه وانه مابيردو لطرابلس
سلوى: افففف
ريماس : ماما وين عمو
سلوى: مانندري عنه ومشت
ريماس:
بعد مرور يوم
امينه / سلوى : يجهزو ف الشناطي
ريماس : ههههههه اخر مره اخر مره عمو
علي : هي رفعها ودار بيها ولعبها لين تعبت ورقدت
ألماس : ماكانتش تحب تلعب مع عمها لانه يحب ريماس
علي : هاك هدا مصروفهن ورد بالك عليهن هي تو عندي عمل وبنروح
امينه : اقعد مازال معانا
علي : لا نروح قبل لا تفيق ريماس
امينه : تمام هي بسلامه ولدي
علي : سلمك وطلع
امينه : كملت نا ره
سلوى: حتى نا كملت
امينه : اتصلي بيه امتاع التاكسي طول
سلوى : اوك تو نكلمه
بعد ربع ساعه وصل صاحب التاكسي
ورفعو الشناطي
ريماس : ماما عمو علي مابيمشي معانا
امينه : لا حبيبتي بس اكيد حيجينا
ركبو ف السياره ونطلقو لشرق
وصلو ……
ومن هنا حتبدا قصة ألماس وريماس
يتبع ………
لقراءة الجزء التالي : الجزء الثاني من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
