وفي الجزء التاسع عشر من رواية حتي الممات للكاتبة الموهوبة نور عبدالسلام يا تري ماذا سنري من جديد مع ابطالنا وهل سيكون هناك أحداث مشوقة يا تري ؟ كل هذا وأكثر سوف نعرفه في السطور التالية بإذن الله .
الجزء التاسع عشر من رواية حتي الممات
ليان روحت لحوش صكرت الباب خشت لدارها
قعمزت ع سرير بتعب فتحت شنطتها طلعت تليفونها تكتب رسالة اعتذار لمالك بدت تكتب انا اسفة ع اللي صار صبح
تؤ مش زابطة نبعتله تسجيل احسن لا نرن عليه وخلاص
مالك اااااااااا يعيط في هذك الموقف حاول يتمالك اعصابه لكن لما روح لحوش انفجر من الغيره ع مرته رن تليفونه شاف اسمها ع تليفون كان مسجل
بشرى عيونه نار لكن حاول يبين انه طبيعي الو
ليان اهلين مالك انا اسفه ع الكلام اللي طلع مني ف صبح جديات انت مش هك را نا كنت مقهورة وفشيت غلي فيك انت انسان كويس بكلل انا منعرفش نحكي يعني نفترش مهم انا نعتذر منك
منحبش نجرح حد او نكسر خاطر وخصوصا انت
نبي حتى لو تطلقنا تكون بيناتنا ذكرى حلوة ولا شنو
مالك صح صح
ليان انت مش زعلان مني
مالك صنع الابتسامه ع وجهه لا مش زعلان
ليان يلا باي منعطلكش
مالك صكر تليفون وردت نفس النظرات شريرة
(ليان نوعا ما تريحت لكن جانب فيها يقول شن تبي
منه انتي لوين تبي توصلي ب حركاتك هذين وهدرزتك عليه عاجبك جو تبي ترديله لكن بطريقة
غير مباشرة )
رهف مقعمزه ف صالة هيا واحمد رهف لابسه فستان حوش قصير لونه رصاصي
احمد حط سبسي في فمه
رهف خذت الولاعه ولعتله
احمد زفر تعالي
رهف منحبش ريحه دخان نمشي جوا
احمد توا نطلع نا
رهف لا خليك حبي تطلعش لو نحصل نبيك ديما ف الحوش
احمد مخلل نبقى
رهف اي ههه وخشت لدار
احمد يفصل ف جسمها ب عيونه
غيث خش مروح باطل من العمل لقا مرته مقعمزه ع تليفون وتضحك
غيث قعمز وشافلها مزال الغداء
اسيل شوي بس نعلق ونصبي
غيث حاول يكتم غضبه ويشوف لعند امتى حالها هذا
اسيل صبت جابت تبسي وموس فيه طماطم وخيار وقعمزت حذاه
غيث اسيل مش وقت سلاطة توا كيف خطرلك ديري سلاطة امشي حطيلي الغداء بروحه
اسيل ونا ف شن ندير هذا الغداء شرموله
غيث كيف غدانا شرموله
اسيل مش وقت تسواي وعيت ساعة 1
غيث وليش ماتوعى ساعة 9 10 11 تحسابي روحك صغيرة
اسيل غيث انتبه لكلامك وانت تحكي معاي
غيث شن نننتبه انا راجل ولا انتي انا الغالط ولا انتي
اسيل ريت ريت ريت راجل الراجل صح يمشي يجيب لحم ودجاج مش يشكي ويتوحم
غيث مش يومتا جبتلك لحم ومفروم وكبده وحطيت مح كبدي عشان هلك جايين وينهم
اسيل قلتها بروحك هلي جو وكلوهن
غيث معقوله وكال يشبع سنة كليتوه ف يوم واحد
اسيل اللي زاد عطيته لهلي
غيث ونا نشحت من اللي يسوى واللي مايسوى
عشان هلك يكملو في ليلة هلك كل يوم عندنا
اسيل هلي يجوني مرة ف سنة
غيث مرة ف سنة اخرى هلك كل خميس ضروري يجو عندنا كان مش خميس يختارو يوم اخرى
اسيل انت حاسد هلي
غيث لا انتي فقرتيني هذا كله اما نقولك نبي نكلم خواتي تقلبي وجك حتى كي نعزمهن هنا يرفضن
عارفات انك متبيهنش
اسيل خلاص نكد نكد شكلك ف عقلك وحده اخرى وتبي اطفشني قولها
غيث تقعدي فيها وطلع قربع الباب وراه
ف العشية اتصلت فيه وجا لقاها لابسه ومكيجه
غيث وين ان شاء الله
اسيل خوذني عند هلك
غيث مش بالغصب لو متبيش تقعدي
اسيل درت كيكه عشان خاطرك وخاطرهم
غيث ابتسم هيا باهي
اسيل خذت معاها كيكه حفساكه طبعا عشان متخليش يجيب حاجة لحم او دجاجه متبيش
يصرف قرش على هله كنك وقفت
غيث نجيب حاجات
اسيل لا مش وقتهن مرات يطلعو ولا حاجة
غيث 5 دقايق بس
اسيل رقيتلها ان غيث نزل وبعدها شافاته طالع ب اكياس اكياس قريب تموت من الغيظ ووووووو
ياريتني ماقتله شيلني لهلك يارب مايخشش ان
شاء الله يعطيه لي نا بيش ندسه ماينتبهنش
ولكن غيث نزل ب الاكياس وهيا انقهرت تسحن سحننن
مرام غيث
غيث اهلا اهلا ياطشه شن جو
مرام تمام شن جبت
غيث هاك لك ول اختك
ليان جت سلمت عليه سلام عادي
غيث تعالي ياحيوانه وخذاها ف حضنه
غيث باس شعرها والله مايستاهلك لكلب انتي خساره فيه
ليان شخبارك
غيث تمام
اسيل خير شخبارك
ليان مدت يدها تمام كيف حالك
اسيل تمام وعيونها يدورن ع الاكياس مش باينات اهلا مرام وين معش تجينا
مرام سلمت بالخد واللهي مدرسة وهك
اسيل اممم تعالن الحوش حوشكن
غيث طبعا والا نزعل منهن لو ماجن مهم نهرب نا قبل ماتجي الحيزبونه وسمع صوت كعبها يطقطق
من عند لدروج
غيث تجيب سيرة ولاد الحرام ينطولك ف المنام
مرام هههههه
غيث سلام وطلع يجري
مرت بوهم خير خير انستينا
اسيل شخبارك اعميمه الله يانسك وبدن يسلمن بالخد وزعم كبد الاثنين شر من بعضهن نفاق وثقاله
ليان قعمزت فوق صالون صاله ومسكت ريموت تلفزيون تغير ف قنوات حطت ع تفاحة الممنوعة
اندر ويلديز تعرفوهن ماعلينا نردو لروايتنا
ليان ياسبحان الله هذي خطر علي وحده نعرفها سراقة رجاجيل
مرام ضحكت
مرت بوها مش عاجبها الكلام وقالت هذول ايش
ليان باكستان شن تشوفي قدامك اتراك يحكو تركي
مرت بوهن تفهمي عليهم
ليان نفهم اها في ترجمة تحت
مرت بوهن نظر بالهون
ليان كبر شين ياحنه
اسيل مشد عزمك فعلا لنقنك قوية تفرجي ع تلفزيون وهك وحده غيرك مقطعه روحها بكاء
ليان حاطه صوابعها واحد فوق حاجبها وثاني تحت وذنها قريب من الخد وتفرج ع تلفزيون وتسمع ف اسيل ب ملل
اسيل صحه لك بنت امك والله رجاله كلهم كي بعضهم ياخذ سوك والله مايلقى كيفك
ليان رفعت حواجبها ب تهزي
اسيل العيب منك ولا منه لكن اكيد منه عينه زايغه ولا ميحبش صبايا اصلا
ليان حطت ريموت ع طاوله وصبت لبست سباطها
اسيل وين توا غير قعدنا
ليان عندي امتحان نقرااا
اسيل هذا صح عمرك ماتسمعي كلام حد يقولو ع المطلقات متقراش ماتشتغلش جهل بمعنى كلمة
ليان شافتلها ب ازدراء ومشت وسيبتها
مرت بوهن فعلا الحاج مدلعهن ماعندش ع تعقيد
مرام لحقت اختها
اسيل وين مزال ماشبعنا منك حتى انتي
مرام عندي واجب نكتبه ونجي
اسيل تمام بنجاح حبيبتي
مرام فتحت دار ع اختها شن اديري
ليان متمدده وتصفح ع تليفون نكسد ع نت ولا نقعد معاهن شن هذا قريب ننفجر من الملل
مرام معاك حق ثقيلات هن الاثنين شوفي شن معاي
ليان حي من وين جبتيهن
مرام غيث جابهم
ليان نجك لي عليك كريم مش مرته حفساكه
مرام بخلل حتى ظفرها مايهون عليها تقصه
ليان مبردها نوعيه هذي مانحبها
مرام كبت اللي ف الاكياس ع سرير ليان
شوكولاطات انواع واشكال شيبس من كل نوع
مكسرات وعصائر وزبادي شراب وجولاطي
ليان اكيدا نازلات قرمه فينا تحت
مرام اكيدة
ليان يانعلي بخااال ولا العقارب الاثنين بوهن وخوهن مدلعينهن صدق فيها راجلها طلقها فانص قاعده تقرا ف جامعة
مرام ولا لصغيرة فتانه نشواله اول ماجت اختها وقفت ف صفها
ليان تلقاهن يدعن علينا وعلى بابا وعلى غيث بيش يورثن
مرام قاعد عمي صالح ف شوكة نسيتيه
ليان وووه هذا ماياخذن منه لا حق لا باطل
انفتح الباب
امير : كان عاطي ب ظهره
عليا : من انت
امير : برم مسك يد امه باسها شن هجمال مدموزيل
عليا : اميري وليدي وضبطاته بقوة
امير : امي امي ويخبط ع ظهرها بخفة
عليا : نجيلي وليدي ياربي نجيلي وليدي
امير : وين باتي
عليا : جوا خش ليش متعب روحك
امير : ريت ه تعب
عليا : حطت باقة الورد ف فازه ملتها اميه
وحطت بكلاوة ع مصطبى الكوجينة
امير : بوييي
ابراهيم : اهلا اهلا حمدلله ع سلامه
امير : الله يسلمك يابوووي
عليا : وذانه معش تصرخ
امير باابتسامه : شخباركم
عليا : الحمدلله وقعدت تبكي
امير : قرب ل امه ليش ليش لبكاء بس
عليا : مرايفه عليك
امير : احلى ام ف العالم
عليا : نبي نفرح فيك
امير : يا يمي عليك سريب
عليا : باهي قولي عندك وحده ف راسك نا نخطبها لك
امير : ابتسم وعيونه قلوب قلوب في لكن مش توا ف الوقت مناسب
عليا : امتى
امير : مزال يمي صبر صبر
عليا : باه هيا ليبية
امير : اها طالبة عندي
عليا : حمدلله طمنتني انها مسلمة وزيدها انها ليبية نحسابك متعرف ع شي فاجرة من هذك لبلاد
امير : ههه المعارف واجد لكن زواج ناخذ الا وطني عرفتني انتي
عليا : الا عرفتك
حلا : تكتب ف الواجب خش خوها
مراد : حلا اختي سمحه
حلا : اكيد تبي مصلحه
مراد : ياعيني عليك تحدديلي سروال هذا والسوريه هذي
حلا : عرفتك والله هات
مراد : اصليه بكل هاك 5 جنيه
حلا : تشوف ل 5 ومصدومه شن عندك لهدرجة مناسبة مهمه
مراد : عازمني صاحبي ع الغداء
حلا : شكرا شكرا زيدني 3 خمسات اخرى ونحددلك دبشك كله
مراد : ملحي ياطماعه
حلا : خزي
مراد : طلع يغني وخش لداره
رهف جابت تبسي فيه توست ل احمد وقعمزت جنبه ع صالون
رهف احمد
احمد عيونه
رهف بنفطر بكرة عند ماما
احمد ونا
رهف شن تبي بين البنت وامها بنبقو وحدنا
احمد باهي باهي مافيش مشي مالا
رهف بدلع احمدد
احمد خلاص خلاص توا ناخذك
رهف حياتي انت وباسته من خده
احمد لا هذي متشبعنيش نا ودفها ع صالون وجا فوق منها وووو عيب
مالك خش لقا اخته تقلي ف دحي
مالك سلام
روان سلام تبي
مالك لا منوره صب اميه
روان مالك متزعلش روحك عشانها والله انت الف وحده تتمناك صحباتي كلهن معجبات فيك
مالك ههه امتى كبرتي انتي
روان من زمان غير مش منتبهلي
مالك تمام مرة جاية ننتبهلك
روان دارت نص وطلعت من كوجينة
مالك حط ع حساب ليان ع الفيس يشوف ف شن تنزل
روان خش لدارها فتحت مكالمة فيديو
تيم شن تاكلي
روان دحي
تيم صحه ياقلبي
روان سلمك
تيم كذا نزلي سوسته مش حاميه
روان عيب بعد نتزوجو تشوف
تيم بنشوف
روان تيمو حبيبي خلي جو سمح
تيم باه ع راحتك
روان زعلت
تيم لا عليش بنزعل
روان غير قول زعلت
تيم مزعلتش يرا انت متبيش انتي حره
روان باه خلاص توا نوريك نزلت سوسته جاكه
تيم شن هذا يافرخه نعلي منك لو نجيك توا
روان شن ادير لو تجي
تيم
بعد العشاء طلعت ليان ورا مرت بوها لمربوعه
واسيل ومرام ف كوجينة يغسلن ف العوايز
ليان خيرررر
غيث خير
ليان نا درت شاهي عطوني رايكم
اسامه اكيد سمح كيفك
ليان اكيد
غيث اكيد مر كيفك
ليان توا تشوف توا تشوف
غيث خههه
ليان اصبرو نصورو مع بعضنا سيلفي صورة عائلية
طبعا مرت بوهن الباردة جت دكت خشمها
ليان عيطت ب علو حس مرااااااام
مرام كانت تعزق في اللي فضل شن في
اسيل شوفي شن تبي وتعالي
مرام باه ماتقربي شي توا نجي
اسيل باه
مرام جت شن في كنك تعيطي
ليان تعالي بناخذو صورة عائلية
مرام هيي جيت
ليان مدت تليفون لمرت بوها معلش ياانتي صورينا
مرت بوهم فايزة اسمي فايزة عيب ياليان
ليان ننسى يامرت بابا هيا صورينا طبعا ليان متبيش مرت بوهم تطلع معاهم ف صورة ف دارت الحل هذا
ليان هيا ابتسمو وانتو تقول تصورو ف صورة لجواز سفر
مرت بوهم راقيلها
طبعا ليان كل شوي تطلب تعاود تصور من جديد عشان مرام ماتغسلش العوايز تخلي اسيل ديرهم بروحها
قعدو ساعة وهما يصورو
مرام خشت لقت اسيل مقعمزه ولابسه عبايه وحجابها حيي متقوليش غسلتي العوايز بروحك
اسيل عادي متعوده ديما بروحي
مرام ياعليك فضيحة
ليان ههه شورخ اختي هذي را مرت خونا يعني مش برانيه الحوش حوشها ولالا يااسيل وغمزتلها
اسيل اي صح وين غيث
ليان ف مربوعة تبي تروحي خليك
اسيل لا تعبانه بنرقد
ليان باهي على راحتك
اسيل غيث نمشو
غيث هيا مع سلامه يابوي توصي ع حاجة
اسامة سلامتك ولدي عاودوها
اسيل ان شاء الله هيا وطلعت طول طريق وهيا تسحن تعبي ف راسه اختك الهانم اللي اسمها ليان
دارت سلاطة تلقلق مش مغسوله زين وشاهي خفيف اميه هذا كله عشان ماتغسلش العوايز
ومرت بوك دارت العشاء طبيعي مش هتغسل
ماقعد الا نا ومرام وطبعا مرام كلمتها ليان عشان ماتساعدنيش عرفتهن طروح اختك وحركاتها
غيث خلاص خلاص نفختي راسي را من بدري وانتي تحكي
اسيل مش هامك يعني
غيث شن تبيني ندير نضربهن يعني خواتي را كنك انتي
اسيل وبعدين شنو اللي جبتهن ماشفتهنش نا بكل
غيث شوكولاطات وعصير
اسيل ريت يدسدسن خواتك افرض نا حامل عاد وتسهفت
غيث توا نجيبلك منهن ماتنقيش عليهن نذكرهن الا بعد وين ونجيبلهن را هذين قرعة امي وصتني عليهن
اسيل شقلبت عيونها من وين تعبي وتغيره عليهن بيش يزعل معاها ويصبي معاها ومعش يوقف مع خواته حست روحها مهما دارت تفشل ويزيد يحبهن
ثاني يوم الصبح ع طاولة الفطور ملتمين خديجة
مالك احمد روان طبعا الحاج سعد ف شغل مايقعدش ف الوقت هذا
خديجة : عجوز كبيرة واقفه ف شارع ومعاها ولدها مايمشيش جا واحد درس عليهم وركب الولد ف سيارة وركب العجوز وصلهم لعند الحوش وعطاهم
فلوس وقاللهم تنقصكم اي حاجة كلموني ولما تمشو العيادة نا نشيلكم ومصاريفكم ع حسابي
احمد وروان ياكلو ويشوفو ل امهم
عكس مالك ياكل ومنزل راسه تحت
خديجة تعرفو من الفاعل الخير البطل هذا
روان : من
خديجة : مالك ولدي البطل
مالك : ضحك من قاللكم بس
خديجة : مافيش حاجة تخفى عني ابدا
احمد : يغمس ويشوفلهم
روان : ماشاء الله عليك مالك سوبر ليبيا
احمد : ونا
روان : انت غير اقعد سوبر ف حوشكم وساهل الباقي
احمد : شقصدك يافرخه اه
مالك : ناض مسك راس امه باسه وطلع
خديجة : على وين
مالك : شغل
خديجة : واللهي واللهي خسارة فيها هذك البومه
ماتعرف قيمتك
ليان : صباح الخير دكتور
امير : ابتسم صباح نور تفضلي اقعدي
ليان : معلش يادكتور مافهمتش نقطة هذ ممكن تعاودها
امير : طبعا كم عندنا ليان
ليان : ابتسمت ب ريبه منه
امير : شوفي وبدا يشرح ومرة مرة يشوف ل ليان
ليان : اها وهذي
امير : تمام فهمتي
ليان : شكرا دكتور جديات انت احسن دكتور شرحك بسيط مافيش تعقيد ويوصل بسرعة
امير : يشوفلها كيف تحكي ب عفويه وقال ليان انت وراجلك شن جو بينكم
ليان عقدت حواجبها : كيف يعني شن جو
امير ابتسم ب خوف : ماتفهمينيش غلط حسيت انكم متوترين ويعامل فيك ب عنف انت متستاهليش هك تستاهلي الاحسن اللي هو انا
ليان : انت كيف تسمح لنفسك تحكي معاي ب طريقة هذي اولا ثانيا انا متزوجة وع ذمه راجل
عمري مانفكر نحكي بنيه سيئة مع حد ونا ع ذمه راجل ثاني ياريت تخلي بينا احترام وقدر
امير : ماتنسيش روحك تحكي مع استاذك
ليان : انت استاذي ايوا ياريت معش تدخل ف حياتي ولا خصوصياتي
امير : هكي تمت انتي طالبة عندي را تسقطي
ليان : سقطني وجامعة ميسا عليك لو كان حياتي
مش نجاح ولا سقوط حياتي بين يديك مانديرش
حاجة تغضب ربي ع خاطر مصلحتي عن اذنك وطلعت
حلا : عزمتك ع الغداء
مرام : عارفه ماامس قلتيها لي
حلا : ننسى قلتيها لهلك عشان مياخدوكش من هنا تروحي معانا
مرام : ااا
حلا اهو جا بابًا عرفتك متقبليش مراد وديما عرايك انتو الاثنين قلت لبابا ياخذنا اليوم
مرام : احسن افتكيت منه خوك اعوذ بالله وركبن
سلام عليكم
بوه حلا وعليكم سلام ورحمة الله مرحبا
مرام مرحبتين عمو
وصلن للحوش
حلا : نحنا جينا
ام حلا ثريا : خير خير انستن شخبارك شخبار هلك
مرام : الحمدلله كيف حال صحتك اعميمه
ثريا : الحمدلله بدلن دبشكن وانتي ياحلا بعد تغيري ساعديني
حلا : الحقيني وخشن لدار حلا
مرام : نساعدكن
حلا : انتي اليوم ضيفة لانك اول مرة تجينا مرة اخرى نخلوك تغسلي حوش كله
مرام : ضحكت حقيرة
حلا : هاكي توته بدلي ونت علقتلك اهو كسدي علي ما كملت مع ماما وجيتك وطلعت
مرام : تغير ف دبشها
حلا : مراد عدا
ثريا : لا مزال راقد عليش
حلا ؛ هيييه معزوم هذا ليش راقد لعند توا مشتله تجري مراد مراد نوض وقت ساعة 1 ونص
مراد: باهي يعني
حلا :مش قلت عازمك صاحبك ع الغداء
مراد :وووو نسيت وطلع يجري للحمام خذا دوش ع سريع
حلا :مشت تكمل مع امها الغداء
مراد يدور ع سروال والقميص اوف اكيده ف دار حلا فتح الباب تباوع يسمع ف صوت اخته وامه ف الكوجينة طلع يجري هو عريان من فوق بس من
تحت لابس منشف فتح دار اخته
مرام كانت ع سناب حلا شوفي عبوره شن نزلت وتشوف
مراد
مرام
يتبع ……..
لقراءة الجزء التالي : الجزء العشرون من رواية حتي الممات
لقراءة الجزء السابق : الجزء الثامن عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
