هيا بنا لنبدأ قراءة الجزء التاسع ونتعرف علي ماذا سيحدث من جديد من الأحداث والمواقف المشوقة، هبا بنا دون المزيد من المقدمات .
الجزء التاسع من رواية ضوء في آخر النفق
وفجأه ناض وائل من طاوله وقام دخانه ومفاتيحه ونقاله واتجه قدام طاولة منى وفى الوقت هوا منى قعدت تقول لهدى …
منى …… هددددددددى وائل هددددددى قلبببببى خلاص بنمووووت بيوقف … جى جى جىىىىىىىىىى
وهنا هدى قاعده ماتلفتتش لين سمعت صوت وائل يقول ..
وائل ….. السلام عليكم ..
هدى … وعليكم السلام ..
بينما منى قعدت ساكته تشبحله لين هدى نخصتها باش فاقت وقالتله ..
منى … وعليكم السلام … وبعدين قامت مدكرتها وقالت …
منى … نستأدن منكم توا عندى محاضره ..
وبينما هيا طلعت قعد وائل يشبحلها ومصدوم بطريقه الا رداته بيها وبعدين طلع يجرى وراها وشدها من ايدها وقاللها …
وائل …. هدا كل الا تقدرى عليييييه رددددى ؟؟ تمشى وتسيبنى ردددى ؟؟
منى .. وائل نحى ايدك ونقص صوتك ناس يشبحولنا .. وبعدين انى مطلقه ومايصحش نوقفو على بعض هكى ..
وائل …. خللللللللللليك انتى اطلقتتتتتتتى ؟؟ رددددى ؟؟
وهنا منى للحظات انصدمت كيف طلعت الكلمه من فمها من غير قصد وقالتله ..
منى .. شن يهم توا ؟؟ وائل بالله عليك ارخى ايدى ناش تشبحلنا وانت دكتور والكل يعرفك وسيبنى فى حالى لانى بجد تعبت ومش مستعده ننصدم تالت مره بالله عليك انسانى والله انى تعبت …
وائل …. تعالى معاى …
منى … وين ؟؟ ووووووين ماشى بيا ارخى ايدى وااااائل والله نلم عليك ناس وااااااااااائل ..
وائل …. تعااااااااااالى معاى وعيطى لين تعى انى مش فارقه معاى دنيااااا كلها …
مشو مع بعضهم للجردينه وراء الكليه وقعمزو على العشب وقاللها …
وائل …. تعرفى بتقولى اى شى يستفزنى بنولع فيك ونلم عليك جردينه كلها من الاخير …
منى …. انى اصلا ماعنديش شى نقولهولك ..
وائل … لا انتى تحبيبنى صح ؟؟ قوووووولى ؟؟؟ وشد ايدها وقاللها قوليلى … قووولى ؟؟
منى … << نزلت راسها شوى بعدين قاملها راسها شوى فاشبحتله وقالتله ايه بتعبير وجهها وبعدين قعدت تبكى ..>> وهنا قاللها …
وائل …. واخيررررررا قولتيها واخيرااااااا قولتيها يامعفنه حرام عليك هكى حررررررام ..
وهنا شبحتله وقعدت تشبحله شوى بعدين ضحكتله ضحكه كانت مليانه كلها حب فاقاللها ..
وائل …. واخيرااااااااااااااااا ياناس خلاص قلبى بيوقف خلاص .. نقولك شى يالله على اول مأزون يالله ههههههههه نهااااار ابيض مش مصدق انك قولتيها
منى … شن الفايدة وائل ؟؟ مستحيل نكونو لبعض صدقيى ..
وائل …. علاش ؟؟ علاش تى والله نتحدى دنيا كلهااااااااااااااا على خاطرك والله لو تكونى لحد تانى نقتلك ونقتل روحى معاك … ياشفشه انى نتخايل فيك كل يوم فى حوشى تطيبلى ونلعبو مع بعض كارطه وتعلمينى ندير مبكبكه هههههه وقبل نوم تحكيلى حكايه …. بتحرمينى من هدا كله ؟؟؟
وفجأه طبس خدى تلفونها من غير ماتحس وكتب رقم تلفونه ودار اتصل باش يطلعله رقمها ورد تلفون واول ماشبحاته قالتله ..
منى … وائل انت خديت رقمى على اى اساس ؟؟
وائل … على اساس انك حبيبتى وحياتى ورح تكونى مرتى وام صغارى وكل دنيا هيا ..
وهنا منى ابتسمت ونزلت عيونها فاقاللها …
وائل … مش مصدقه انتى ؟؟؟ باهى استنى ..
وفجاة وقف وقعد يعيط ويقول …
منى نحبببببببببببببك … ورح تكونى مررررتى وام صغاررررررى والناس كلها رح تشهد عليننننننا ..
وفجاه جو 3 رجاله من جماعة الامن وقالوله ؟؟
الامن …. << مع تصفيقه من بعيد >> اووووووووووو ديفيد بيكهام واووووووووو عندنا فى لبيبه واحنا مانندروش تعال ياروح امك تعال نوريك شغل على اوصوله …
وهنا طبس وائل وقاللها ..
وائل … احنا حانتهزء ياقدعان ههههههه .. نوضى بسرعه خودى شنطتك وبرى نوووووضى وتوا نكلمك العشيه ..
ناضت منى وجت بتمشى وكيف تلفتت قالولها ..
الامن … تعالى هنا ياحلوه تعالى وين ماشيه معقوله ياجنيفر لوبيز تسيبى ديفيد … بعون الله رح تونسو بعض فى المكتب هيا .
وائل … برى انتى … هيا مادخلكمش بها وقسما بالله لو ماتطلعوهاش من الموضوع الا مانقلب دنيا فوقى لوطى ..
وائل …. برررررررررررررررررى انتىىىىىىىىىىى …
وطبعا منى مشت من هنا وقلبها يطق على 100 وتلفتت وراها ولقت انا وائل يتعارك مع واحد منهم واصواتهم بدو فى طالع فامشت تجرى قبل ماتصير ايتها حاجه ومشت لمحاضرتها طول واول ماكملت كلمت بوها وروحت طول … وهيا فى سياره اتصلت بيها هدى فاقامت تلفون منى وقالتلها …
هدى … ايوا روحتى ؟؟
منى .. لا لا قاعده فى سياره ..
هدى .. اوك اول ماتروحى كلمينى طول ماشى ..
منى … ماشى ماشى ..
روحت منى بدلت وتغدت واتصلت بى هدى تحكيلها وبعد ماحكتلها كل شى قعدت تسمع فى مؤيد يكلم فى امه والباين انا نقاشهم كان حد فاقالت لهدى …
منى …. هدى مؤيد حسه يتعارك مع ماما خلى نمشى نشوفهم يالله توا سلام ..
هدى … استنى استنى … شن اخباره توا ؟؟ استاحشته ؟؟
منى .. سكرى ياخفيفه انتى ماطقيتيش 24 ساعه ماتكلموش فى بعض وبعدين هدا لصالحك بالك يزن على امى هكى ويجو يتمو فيك ..
هدى … اى اى صح هههههههههه ماخفنى زفت يالله سلام ..
مشت منى للمطبخ ولقت امها واقفه تدير فى مقروض ومؤيد يقوللها ..
مؤيد .. بنت نبيها وخايف تضيع منى علاش ياما تديرى هكى ..
امه … قتلك توا مش وقته بعد العيد يومن عاش ..
مؤيد …. علااااش مش توا فاهمنى بس ..
منى …. امى مؤيد عنده الحق الباين انكم طولتوها راهو وبيختوها قداش ليه موضوع مفروض اقل شى تديرو فض وبيان توا ..
مؤيد … شنى يعنى خلاص هدا اخر كلام عندك ؟؟
امه …. ايه وبرا تفاهم مع بوك هونى انى طلعونى منها …
نقولك شى انتى الموضوع كله فى ايدك لكن مادمك انتى مسكره راسك هكى تى والله ماعاد قاعد فيها الحوش باهى وانسو واحد اسمه مؤيد .. وغمز لمنى وهنا منى فهمت لعبه وقالتله ..
منى ….. مؤؤؤؤؤيد غير استنى يامؤؤؤؤيد غير بالعقل يامؤيد غير وين ماشى توا معقوله بتطلع وتلم حوايجك … تى غير وين بتمشى ماعندك حد …
مؤيد …. بنفرش فى شارع ونرقد مادخلكم فيا .
امه ….. وووووووليدى استنى يامؤيد استنى تربح ماترعشش امك فى هالعشيه تررررربح استنى والله بعد بكرا نكونو عندهم غير استنى ياوليدى ..
وهنا مؤيد تلفت على جنب وضحك وبعدين لوح صاكو وحوايجه وقال خلاص خلووووونى توا لنتش فى روحى نااااااار خلووووونى ..
وطلع وقربع الباب وراه ونزل فى شارع وبعت رساله لهدى كاتب فيها …
<< ردى بسرعه نبيك ضررروى الموضوع فيه موت او موت ردددددى >>
واتصل بيها طول وردت عليه وقالتله ..
هدى …. الو ايوا حبيبى 
مؤيد …. احم احم << يادبلة ختوووبه عقبلنا كلنا ونبنى توبه توبه فى عشى حبنا نتهنى بالخطوبه ونعيش اجمل حياه >>
بااااااااااااااااااااااااركيلى واخيرااااا قررت نخطب هههههههههههه
هدى … مصح وجهك هيا هادى … باه الف مبروك ليك وليها هيا سلام ..
مؤيد …. استنى استنى ياعبيطه ههههههه اكيد انتى صاحبة دبله يعنى من غيرك منتدبس فيه … بس بشرط نكملو شوط ولامس ههههههههههه نبصر نبصر استنىىىىىىىىىىىىىىىىىىى ……
تراضو هدى وومؤيد على بعض ومافاتش اسبوع وتمت فضانية مؤيد على هدى ومارتاحش مؤيد الا ما حدد يوم تلبيسه وكانت بسيطه جدا بحكم مرض اب هدى وفى اليوم معهود والا كانت تستنى فيه هدى باللحظه ودقيقه وكان مؤيد من قبلها بيوم وهوا طلع محل خاش محل ويقيس فى البدله الا بيخش بيها وحتى بعد ماستقر على بدلة وخداها … كان مازال لاخر لحظه مش مستقر … وقف على المريه ويشوف …..
وفجأه منى تخش عليه …
منى … هيا شن واتى ياعريس ولامازال ؟؟
مؤيد …. شن رايك هكى حلوه بصراحه اول مره ناخد بدله كحله … باهى ماتحسيش انا لون السوريه الارزق كحلى زايد مغمقها ؟؟
منى …. تمام تمام تهببببببل … تلفونى يشرين بنمشى نشوف منى هادى اكيد هدى هيا بسررررررعه …
طلعت منى بسرعه وقامت تلفون ولقاته رقم غريب وقالت …
منى …. الو …
رقم غريب …. نسيتنى ؟؟
رقم غريب …. على خاطرك كليت طريحه ونسيتى ..
منى ….. ههههههه عرفتك بس توقعت انك انت نسيتنى ..
وائل ….. مستحيل ننساك حتى ولو دنيا كلها شغلتنى عليك صارتلى شوى ضروف قاهره رح نحكيلك عليها …
منى … << وهيا كيف بترد عليه خش موؤيد عليها وقاللها ..
مؤيد …. منى نستنو فيك فى سياره هيااااااااااا
منى …. اوك … << وبعد ماطلع مؤيد ..>> خلاص توا مضطرا نسكر اوك
وائل … امتى نكلمك ؟؟
منى … مش عارفه ..
وائل …. اوك خلاص نتصل بيك بعد ين ردى اوك سلام ..
سكرت منى تلفون ومالخقتش تحط تلفون لين اتصلت هدى وقالتلها …
هدى …. منى شن قريب توصلو ؟؟؟
منى … أي اهو كيف طلعت من الحوش بس قوليلى شن لبستى ؟؟
هدى .. قفطان ابيض من جهت الخضر منفوخ شوى للركبه عليه جاكيت اسودا واكسسورات على اسود وسبته سودا … اسمعى اول ماتوصلى رنيلى .. هياااا سلام
يتبع……..
لقراءة الجزء التالي : الجزء العاشر من رواية ضوء في آخر النفق
لقراءة الجزء السابق : الجزء الثامن من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
