الجزء الثالث عشر من رواية متعصب واحببته

تم رمضان وجا(العيد )

الكل متجمعين في فيلا علي

هبة ≈من صبح ربي في المزين دابحة روحها بالمكياج

غادة≈ نفس الشي بس الفرق ان هيا خبرة من غير مزين

عليا≈ كالعادة زي ما تعرفوها

زياد ≈راقد مش عارف وين ربي حاطة

في فيلا زين

جود≈ استنوا اندير لكم عطر

لمار≈ حيييي!!

جود≈ انخلعت.. خيرك!!

لمار≈ طالعة حلوه خالتي جود

جود≈ ههه عطك السلامة خلعتيني عيونك الحلوات

زين≈ جاهم.. بتكلم جت عينه ع جود استك الراجل سرح

جود≈ انحرجت.. انست انها مش لابسة عبايتها كانت لابسة قفطان لونه كريمي طالع مع بشرتها وماشي مع جسمها المهم طالعة تجنن .. لبست عبايتها.. احم زين

زين≈ واقف متكي ع الباب و سرحان في جود ..

جود≈ زين!!

زين≈ فاق .. احم احم انا نستناكم في السيارة ماطولو .. عدا

اول ما وصلو عيدو سلمو زين عدا مع الرجاله

النساوين كلهم يشوفو لجود ع جمالها وبساطتها ويتساسرو

جود ≈مشت للمطبخ تعيد ع الخدم وتساعدهم

في الحديقة

الصغار يلعبو

سمر ≈الله شعرك حلو من داره ليك

لمار≈ بدلع ..خالتي جود

غادة ≈جت.. بخبث ..حبيبتي لولو تعالي

لمار≈ جتها.. نعم

غادة≈ تسحب كلام..من لبسك ياحلوه

لمار≈ بدلع ..خالتي جود

غادة≈ تضرب فيكم هيا

لمار≈ لالا

غادة≈ باهي خالتك جود ترقد معاكم ولامع بابا

لمار ≈مع بابا

غادة≈ تغلي من داخل خلاص اقلبي وجهك.. وصلت الى تبيه..

لمار≈ .. عدت

ع الغدا

غادة≈ انتي ارفعي هذا>> تقصد جود

جود≈ والكل

غادة≈ تضحك..اوو سوري انسيت انك توا مرت زين مش خدامة

جود≈ دموعها في عيونها كانت عارفة انها تقصد الموقف ناضت مشت الحمام

عليا ≈توزع في ابتسامات.حصل خير تفضلو تفضلو الاكل يبرد غادة≈ ابتسمت ع الجنب.. بجنبها هبة

هبة≈ هههه تستاهل خير ما درتي فيها

غادة ≈مازال مارت شي غير تصبر شوي

جود في الحمام تمسح في دموعها تعدل ع المرايا خدت نفس طويل وطلعت وكأنه مش صاير شي

في العشية

جن نساوين يعيدن ومن بينهم ثريا

جود≈ تسلم بالاحضان.اهلين مدام ثريا كل سنة وانتي طيبه

ثريا ≈بفرح.. وانتى بالف خير كيف حالك انتي

جود≈ مبتسمة.. الحمدلله بخير وانتي كيف حالك

ثريا≈ بعد شفتك بالف خير انتي شن اخبارك انتي وزين

جود≈بعد سمعت اسم زين قلبها .. ءاا

ثريا ≈جود

جود≈ اه نعم!!

ثريا ≈ههه وين سرحتي من بدري نكلم فيك

جود≈ انا الحمدالله

ثريا≈ ربي يحفظك ويوفقك واالله تريحتلك من اول ماشفتك خشيتي لـ قلبي..

جود≈ مبتسمة.. تسلمى .. رن تلفونها .. معليش شوي نرد

ثريا≈ خودي راحتك

جود≈ .. ناضت من جنبهم وردت

زين ≈الو

جود ≈شعور غريب وكأنه اول مرة تسمع صوته .. احم اهلين

زين ≈انا برا في الحديقة الخلفية اطلعي

جود ≈انشاءالله خير شن فيه !!

زين≈ انا برا ما طولي.. فصل

جود≈ مخلوعة تحساب شن صاير مشت تجري ..

وصلت جود كان زين عاطيها بظهرا

جود≈ نعم زين خير شن صاير

زين≈ جا بيتكلم بس بعد شافها مش عارف شن صارله ماقدر يتكلم

جود≈زين خيرك!!

زين≈ ءاا شي وتي روحك انتي والصغار بنطلعو مشوار

جود ≈توا!!

زين ≈ماحول من عليها.. المهم ماتتأخري انا في السيارة

جود≈ ارتبكت من نظراته.. ءاا باهي.. جت بتمشي

زين≈ قرب منها بصوت واطي .. استني.. مرة ثانية ماتطلعيش من غير حجاب

جود≈ حست روحها بيغمى عليها من قربه.. وخرت ومشت تجري من ولا كلمة

زين ≈يحرك في شعره مستغرب في نفسه .. كان يقدر انه يقوللها الكلمتين في التلفون بس ليش يدير هكي مش فاهم تصرفاته

جود≈ خشت داخل واضح انها مش ع بعضها لونها متغير.. سلمت وطلعت هيا والصغار

في السيارة

لمار≈ بابا وين بنعدو

زين≈ مبتسم.. لما نوصلو توا تعرفي

لمار≈ اه بابا قولي راه نزعل

زين≈ يضحك.. توا تعرفي لما نوصلو حتفرحي واجد

جود≈ سرحت في ضحكته بدون شعور ابتسمت..

زين≈ لاحظ انه حد يشوف فيه .. جت عينه في عين جود

جود≈ ارتبكت و انحرجت لما جت عينها في عين زين لفت وجهها لنافذة

زين≈ ابتسم ..وعدل قعدته مركز في السواقة

لمار ≈ بعفوية.. اليوم سألتني غادة وقاتلي خالتى جود ترقد مع بابا او معاي انا وليث

زين ≈وجود يشوفو لبعضهم

زين≈ ماسك اعصابه وشن قلتيلها

لمار≈ قلتلها ترقد مع بابا

زين≈ ضرب يده ع الدومان ونفخ.. هذا الى كنت حاسب حسابه شفتي

جود≈ مصدومه ما توقعت توصل بيها الوقاحة لعند هنا

وصلو

لمار≈ بفرح.. هيييي .. ملاهيي

زين≈ العبي بشوي انتي وليث بدون عرايك

لمار≈ حاضر يا ريس

زين≈ قرسها من خشمها.. انتي الخوف كله منك جود استنيني هنا شوي نجيب حاجات ونجي مش مطول

جود≈ اكتفت بهز راسها بمعني باهي

زين ≈عدا

جود≈ قاعدة ع الكرسي تفكر في حياتها كيف انقلبت 180درجة بين يوم وليلة بسبب مخططات وسخة ماتعرف من وراهم و زياد ماشفاته من هدك اليوم تحبه بس مش قادرة تسامحه والصغار كيف متعلقة بيهم لدرجة ما توصف و زين≈ مش عارفة مشاعر مبعثرة حياة ملخبطة فاقت ع صوت شباب

1≈ بس بس ياحلو اول مرة نعرف انه القمر يطلع في النهار

2 ≈نحصلو النمبر ياعنبر

جود≈دارت روحها مش معدلة فتحت التلفون تفاديا للمشاكل وتدعي في داخلها انه يعدو قبل مايجي زين لانه حيصير كارثة لو جا وشافهم

زين≈ جا في يده كيس فيه شوية معلبات.. قرب منهم حدف الكياس.. تفضل انت وياه خيرك

1≈ انت الى خيرك

زين≈ انا خيرني توا تشوف ومسكه من سوريته وبدو يضربو قي بعض في اخر لحظة

جود≈ حطت يدها ع كتفه.. زين تربحك عيد مانبو مشاكل

زين≈ شاف فيها.. دفه على طول ايده..ربي كاتبلك عمر جديد

2≈ بخوف..ينوض في صاحبه سامحنا ما نسحابوها العيلة

زين≈ بصوت عالي.. اقلب انت وياه

هربو الشباب من الخوف

جود ≈ تشوف فيه صارلك شي

زين ≈معصب.. خيرك ما كلمتيني لما يضايقو فيك

جود≈ لاحظت انه في دم.. طلعت من شنطتها منديل نظيف..

اسكت ما تتكلم.. قربت منه تمسحله

زين ≈توتر

جود≈معصبة.. تمسحله ..يعني ضروري تضربهم في عيد ربي

زين≈وخر عنها و مسك يدها.. يعني تبيني نشوفهم يتحرشو فيك ولا في غيرك ونسكت

جود≈ لا اضربهم وقتلهم ونا نموت من الخوف عليك

انحرجت من كلمتها طلعت من غير ماتحس قلبها دق دق دق حركات هنود..

احم انا ماشية مع الصغار.. عدت

زين≈ مصدوم من كلمتها.. ابتسم وجاب الكيس ولحقهم بجنب الالعاب.. شافهم من بعيد حس انه متزوج طفلة كانت مرة تلعبهم ومرة تلعب معاهم بس لما شاف الفرحة في عيون لمار وليث تأكد انه قراره صحيح ع صوت تلفونه

زين≈ الو كريم

كريم ≈اهلين استاذ نحب نقولك انه توصلنا لاشياء مهمة

زين ≈ابتسم.. تمام انا مسافة الطريق وحنجيكم بس استمر في مراقبة تحركاتهم وسجلات الاتصالات

كريم≈ حاضر استاذ

زين≈ هيا حبايبي تأخرنا

لمار ≈بترجي.. مزال وقت نبو نلعبو

زين≈ مرة تانية توا انا مشغول

لمار ≈بعد تفكير بس حتجيبنا مرة تانية راه

زين ≈يضحك.. حاضر

حطهم في الفيلا وعدا لـ كريم

عند زياد

هبة≈ وين ع خير وانت مانشوف فيك بكل،

زياد≈ من غير نفس.. خيرك

هبة≈ انفجرت.. شنو خيرني وانت من لما تزوجنا ما نشوف فيك بكل قريب قبل الزواج كنت نشوف فيك اكثر من لما بعد تزوجنا و حتى شهر عسل ما رفعتني ولا اطلع فيا مطاعم مولات ولا اي شي انا فديت كل يوم تطلع الصبح بدري ماترجع الا اخر الليل وشارب اخرى وامك من جيهة ثانية كل شي تبي تدخل فيه حتى خصوصياتنا شوف خوك مبدري طلع مرته تعلم حتى شوي انا خلاص تعبت فديت العيشة هذي مش قادرة نستحمل اكثر من هكي

زياد≈ واقف ومربع يديه بطريقة مستفزة .. انا ضربتك ع يدك وقتلك وافقي عليا انتي بروحك قلتي نبيه

هبة≈ اصلا انت ماعندك درة احساس او رجوله ايه مش راجل انت ….

وقبل لا تكمل كلامها حصلت كف من حيث لا تدري وطاح فيها ضرب نباش لقبور وبعد دقيقة جت عليا ع صوتهم العالي تحز بينهم هبة لمت دبشها ومشت لبيت هلها حرجانة

ام هبة≈ اللطف خيره شكلك هكي

هبة≈ تبكي.. هىء هىء هذا الكلب ولد الكلب هىء زياد

اختها≈ تهدي فيها.. حي عليه ملعون بوه كيف يضربك في اول يوم العيد يسحاب ماوراك حد هذا

ام هبة≈ اكيد مسحورين هذي عين ما صلت ع النبي وين الخارب خليني نكلم اختي نفهم منها الموضوع

مرت الايام وتم العيد وبدا العام الدراسي

هبة رجعت لـ زياد بعد ماعرفت مصلحتها وين

جود≈ شوف ليث لمار اشطر منك تعلمت بسرعة خيرك انت مازال ما تعلمت الزايد والناقص

لمار≈ شوف مثلا عندنا 6كلاب و6 كلبات وكل كلبة وكلب تزوجو جابو 6 كم يصير عندنا ولد كلب

ليث≈ 36

جود≈ميتة من الضحك..ههه من علمها ليك الطريقة هذي

لمار≈ عمو زياد

جود≈ اول ما سمعت الاسم تلاشت الابتسامة..

ثريا≈ قلبي تعلق فيها يا عثمان مش عارفة ليش

عثمان ≈ مش عارف شن بنقولك

ثريا≈زي ما قتلك انا نحس انها بنتي وانها ما ماتت

عثمان≈ شن تخرفي يامرا ممكن هذا من كثر ماحبيتيها قعدتي تتوهمي

ثريا≈

عند الشباب كالعادة

زيدان≈ مرة في واحد منور منور منور مات قص الضي

وليد≈ انت سكر فمك وريح عظامك احسنلك

زيدان≈ انت مش عاجبك الجو طريقك بيضة قصدي دحية

زياد≈م الفرق بين الفسق والفستق

زيدان≈يفكر سؤال ذكي بس حنجاوبك وهو لا يحلى الفسق الا بالفستق

زياد≈ انها اجابة عظيمة مارأيك يا شيخ عبد العليم

وليد ≈بدل ماتشربو عشان تنسو خليكم تريس وواجهوا بدل ماتهربو زي المعيل

زياد≈ يشرب ويبكي بصوت عالي..ههه الكلام ساهل صح لما شخص تعطيه ثقة عمياء تتخلا عن الكل عشانه هو في النهاية يبيعك ببلاش تسحاب هذي ساهلة انك تشوف حبيبتك متزوجها واحد غيرك وفوقها خوك لما انت تدير حاجات انت ما تحبهم ولا تبيهم بس عشان تقهر شخص ودمره وفي النهاية ما دمر انقهر غيرك تسحابها ساهلة هذي الخيانة بروحها تكفي تكلم داير روحك فيها افلاطون تنصح تكلم قول ساهلة

وليد مطبس راسه مثأتر ومش قادر يرد لانه عارفة انه مش ع وعيه

زيدان≈ الدموع في عيونه.. وانا شن انقول والله نحبها انا نحبها بس هيا باعتني والله العظيم درت كل جهدي نشتغل ليل ع نهار ماخليت شغلة ماشتغلتها وشهادتي هندسة انا بتوفق قاعدة شادة مكان في الدولاب قدمت ع كم وظيفة حكومية ما قبلوني كل يوم تطلب طلب اكبر من الى قبله مرة فلوس مرة لبسة ووو شن ندير نسرق سرقت كم مرة سرقت ونصبت عشان انفدلها طلباتها بس شن كان منها باعتني قالتلي ما مفي نصيب عشان هه تقدملها واحد حالته متريحة وافقت عليه بنت #$تسحاب هذي ساهلة

وليد≈ مطبس راسه ..ع الاقل انتم شرعيين عندكم اب وام متزوجين بالحلال

زياد و زيدان ≈ مصدومين ويشوفو فيه

وليد≈ يشوف فيهم ويبكي.. ايه انا غير شرعي ما نعرف بوي حياتي ومستقبلي كله ضايع ورغم كل شي وقت جيت بنكمل نص ديني بنخطب ما وفقو لان ماعندي اصل ولد حرام يعني انا اخترت اني نكون ولد حرام وغير شرعي مافي حد اختار يكون من اصله وفصله .. مسح دموعه.. الناس ماترحم

آآه.. انا مروح شباب

زيدان≈ بصوت عالي..وليد!!

وليد≈ وقف..

زيدان≈ جاه حظنه.. سامحنا

وليد ≈ههه عادي

زياد ≈ههه تعالو نكملو السهرة ما ورانا شي

وليد ≈بشرط مايكون فيها لا فسق ولا فستق

زيدان≈ يضحك.. موافقين غير تعال بس فيها تفاهة

بعد تسمع مصيبة غيرك تهون عليك مصيبتك بجد

جود ≈لمار خيرك حبيبتي!!

لمار≈ بصوت واطي.. مريضة

جود≈ مست حرارتها لقتها مرتفعة مشت رفعتها وحطتها في دارها هيا وزين ع السرير وجابت مية مصقعة عشان الكمادات جود≈ توا شن تحسي

لمار≈ تبكي.. مزال مريضة

جود≈ هذا اكيد بردة لانك طلعتي في المطر

ليث≈ جا يبكي..مخلوع

جود≈ خيرك حبيبي ليث

ليث≈ نبي بابا

جود≈ تعال ارقد ع السرير توا يجي بابا مش مطول

ليث≈ جا رقد

جود≈ مست حرارتها لقتها مزال مرتفعة.. ياربي شن ندير افف وينك يازين .. رنت عليه

جود≈ الو زين

زين≈ خيرك فيه حاجة !!

جود ≈ماحبت تخلعه.. لا سلامتك بس لمار حرارتها مرتفعة درتلها كمادات مازال مرتفعة ماعرفت شن ندير

زين≈ تمام في الطريق انا

جود حظنت لمار

دقائق وجا زين

خش يجري غمر لمار .. خيرك بابا شن تحسي

لمار≈ نزلني نبي ماما جود

زين ≈مستغرب..

لمار≈ خليني في حظنك دافي زي ماما بنقولك ماما ديما!!

زين ≈تنهد.. يكلم في جود.. شنو حرارتها انخفضت

جود≈ مش واجد

زين≈مشا جاب كاشيك.. جبت مخفض حرارة احتياط.. نوضي بابا≈ خودي الدوا

لمار≈ مانبي الدوا مانحبه نا!!

زين≈ هيا عشان تعدي الحرارة يابابا

جود ≈ حبيبتي خودي الدوا عشان غدوا انديرو كيكة مع بعض ونلعبو

لمار ≈باهي

زين≈ مصدوم كيف قدرت تقنعها بسهولة..

لمار≈ خدت الدوا ورقدت لانه فيه نسبة منوم

زين≈ غمرها وحطها في سريرها

جود≈ عدي غير دبشك توا انا نقعد معاها

زين≈ تمام.. عدا يغير

جود≈ قاعدة في جنبها تمسحلها ع شعرها.. شافت حرارتها انخفضت.. الحمدالله

زين≈ جا.. ها شنو حرارتها!!

جود ≈بفرح.. الحمدالله انخفضت ..

كان السراير فوق بعضهم و سرير لمار الفوقي جود كانت بتنزل من الدروج..

زين….

يتبععع….

لقراءة الجزء التالي : الجزء الرابع عشر من رواية متعصب واحببته

لقراءة الجزء السابق : الجزء الثاني عشر من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .