وفي الجزء الثالث من رواية اصبحت حياتي يا تري ماذا سنري من أحداث جميلة مع ابطالنا ؟ دعونا نعرف إجابة هذا التساؤل في السطور التالية بإذن الله مع الكاتبة زين الشريف .
الجزء الثالث من رواية اصبحت حياتي
العسكري: يافندي اهو جبنا جارهم اللي هنا
الامر: سلام عليكم اسفين على الاجعاز
الراجل: لا ولا يهمك خير شن في
الامر: نبي نسألك المزرعه هذي بأسم من
الراجل: اها المزرعه هذي ل ياسر الطرابلسي
وديما يجيها
الامر :كنت متوقع الشي هذا باهي مش ملاحظ فيها حركه غريبه
الراجل: والله يعلم الله انهم مضايقينا لاكن منقدروش نتكلمو ديما يجيب في صياع ويسكرو للصبح واليومين هذين يجن في سيارات عرم ويصبو رجاله ماسكين سلاح
الامر: تمام مشكور
الراجل: العفو اي شي نا موجود
الامر: لاتمام تقدر تروح
ودارو مداهمه وصار ضرب ومات عسكري مالهش اي ذنب والرصاصه كانت من ياسر
الشي هذا خلا الامر يزيد يبي يمسكهم
وفعلا مسكوهم وشدوهم للسجن
وبدو فيهم ضرب ع خاطر العسكري اللي مات وماله اي ذنب
وبدو تحقيق معاهم
وأعترفو من كثرة الضرب
اما ياسر كان ينكر حتى والي معاه اعترفو هو قعد ينكر ويهدد فيهم والله يجو جماعتي يكسرولكم المكان هذا كله على بعضه منكمش عارفين من ماسكين
الامر: من بالله
ياسر: انا ياسر اللي يخافو مني كلهم تو تعرفو انا من لما يجو يكسروكم
الامر: بضحكة هزوه قتلي ياسر وقرب راس ياسر منه اسمع ياياسر مسكنا اللي اكبر منك وريناهم هم من فأعترف بالهدوء خير مانزيدوك ولعند اخر لحظه وهو ينكر
الأمر: جيبولي مراد
جابوه وحطوه قدام المحقق
المحقق: مراد مش عارف شن بنقولك والله وعدتك اني نصبي معاك ونساعدك بس
مراد :بس ملقيتوش ادهم وتهمه ثبتت علي صاح
المحقق: شن بنقول البارح بعد جاني ياسر شكيت في امره وخليتهم يراقبوه وفعلا لما راقبوه لقوه ماشي لمزرعه
مراد: بس انا شن دخلني ب ياسر
المحقق: جايك بالكلام ولما درنا مداهمه وراح فيها عسكري ضحيه لقينا معاه ادهم
مراد: متقولهاش 
معقوله ادهم يدير هكي
المحقق: اعترفو انهم اتفقوو مع بعضهم مش بس هم اللي تفقو عليك ومعاهم ثلاث من اصحابك وولد جيرانكم قسمو انفسهم مجموعه خطفو البنت وجابوها للحوش ولخرين قتلوها وكلموك والبارح كانو محتفلين بنصرهم الي انقلب عليهم 
مراد: لاحول الله هذوم كانو خوتي ياربي علاش هكي
المحقق :وسع بالك وتوا انت طلعت برئ وتقدر تطلع ولما يحددو لمحكمه لازم تحضر عشان يثبتو برائتك٠
مراد :مشكور مشعارف شن نقول بس ممكن طلب اخير
المحقق :
عادي اطلب
عادي اطلبمراد: بنشوف ادهم ولو شوي
المحقق :حاضر بس خمس دقايق
مراد: تمام…..
……………….. ………………….
علي : كمل يومه وهو في قلبه غصه وكتم الموضوع وكره روحه وانه كان يشتغل ويتعب لخاطرها
وكره حتى اي وليه يشوفها….
وتما مجروح وقرر انه يحط تركيزه في الشغل وبس
حاولو اصحابه يعرفو شن صارله مبش يحكي ولا بأي شكل
كان يقوللهم مصار شي متسكنوش مش تشوفو في كويس وناكل ونشرب اللي فقلبي مدخلكمش بيه
اما وسن :سيبت صاحبها بعد باعها وكرهاته
وندمت ع انها خانت علي وفضلت عليه واحد سكار
وقاعده تعض في اصابعها ندم بس هو ولا معدل وحاولت ترن عليه لقاته مغير شفراته ومانع اي طريقه توصلها له…..
ما الطريق العوجه هكي نهايتها
….
….………………………………….
اما استبرق مسكينه تلملم في الحوش وذايبه بين الحوش والشغل ودنيتها حايسه
اخ نعيمه : نعيمه اسمعي لنقني نبي استبرق
نعيمه : وخوذها حلال عليك
استبرق: حلال على منو وكانت هذي اول مرا دافع على نفسها لانها خلاص ملت ووصلت حدها
نعيمه: من خذا رأيك اللي نقولها تمشي عليك وانتي زي الشاطره
وانت خش دير معاها اللي تبيه اصلن هذي مش مستواك عشان تتزوجها دير لي تبيه فيها محد يقدر يكلمك اصلن هاذي زي امها
استبرق: شيلي سيرة امي من لسانك واياكي تاعودي تقولي اسمها وفشرتي انتي وخوك انه يلمس شعره مني ولا ياخذني وخشت تبكي
اخ نعيمه: علش هكي توا جرحتيها انا نبيها بالحلال وكان راجل في النقطه هذي
نعيمه : عدي هذي ساقطه مش من مستوانا لاكن مدام انت تبيها تاخذها وغصبن عنها
اخ نعيمه: ايوه لاني منقدرش نعيش بلاها نحبها نا
نعيمه: حبك برص من زينها هي صاح جميله ونظيفه لاكن عايشه خدامه متشرفكش لاكن الله غالب انت الي اخترت اليوم نحكي مع راجلي ولما يوافق نكلمك وتعال انت وخوتي وصباياهم اخطبوها
اخ نعيمه :تمام يخليك ليا يأحلى اخت فدنيا
استبرق :تبكي تبكي خشت عليها نعيمه
نعيمه: تعرفي والله لو تعاودي تحكي معاي بطريقه اللي مبدري والله نشوهك تسمعي في نشوووهك وضربتها كف وبكرا ولما يجي خوي يخطب فيك وافقي وألا اقسم بالله نقتل قبس
قبس هذي اخت استبرق وبنت نعيمه وهي نقطة ضعف استبرق والشي اللي مخليها تستحمل العيشه هذي هي وياها قريبات في العمر وصحبات ويحبن بعضهن ونعيمه تهدد في استبرق بيها ب بنتها
استبرق: شن دخلها رماس ملهاش دخل
نعيمه :وافقي ع خوي خيرلك
قبس: علاش هكي ياماما في ام تهدد بقتل بنتها انتي مش ام انتي
نعيمه: لما نفتكو منها وفلوس بوك يكونو لنا بس توا تشكريني
قبس واستبرق يبكوووو
قبس : اياكي توافقي هي تهدد بس متقدر ديرلي شي راه
استبرق :منقدر نخاطر بيك
قبس: احكي لبابا لامتى بتسكتي
استبرق :توا نشوف انشالله خير
قبس : نشالله
…………………….. ……….
اما سيرين فرحانه بطير من الفرحه عشان اعلنو ان الجامعة بعد اسبوع وجوها بنات خالها وتحكيلهم ع فرحتها
شيماء بنت خالها:سوسو لك سنه في جامعة مفيش اي جو
سيرسن: شيمو مانك عارفتني منحبش الحاجات هذين ولا نفكر فيهن تقول مانك تؤمي
شيماء: نعرفك غير نرفز فيك نحبك لما تنكلبيباهي ماجاك حد ولا في حد في راسك
باهي ماجاك حد ولا في حد في راسكسيرسن:نعلي نااا الي نحقه يقولي نحبك وانتي مفلمه خواتي وانتن وصحباتي قالولكن علي مستر بن وبعدين جوني اكثر من واحد دزوا ارقامهم ونا نرفض ألا واحد هو مدزش بس كان يبحت فياا زين ماشاللش عيونه من علي لدرحة ارتكبت
شيماء: أكيد جميللل
سيرين: هو جماله خليه ع جنب لاكن تريحتله بكلللل سبحان الله وكأنه هو الوحيد الي جذبني بينهم جمااال بس هو مش من جامعه ومعش شفته بكل
شيماء : حيحي هذا كله من وراي احكيلي شن مواصفاته مدام مش من جامعه شن جابه
سيرين: والله شنقولك طوله متوسط جسمه عنده عضلات ويهبلل ولا لبسته شن نقولك يناااري
ولا وجها الملائكي ااه خليني ساكته
شيماء:باهي شن جابه ينعلي سهفتيني انني نشوفه
سيرين: هو جا ياخذ في بنت شكلها تقرا في التقنيه بعدها معش شفته يناااري ياشيمو مشال عيونه من علي ااه ربي يجمعني بيه لاني بجد هو الوحيد اللي خش قلبي
شيماء:يااارب ياارب هيا نديرو لعصور
سيرين: هيا……
فايزه ام شيماء: اها شفتن زولي تبن ديرن العصور نعرفكن
شيماء وسيرين: ههههه مشكله انك فاهمتنا
فايزه: نعرف ناا
…………………………………
مراد خش عليه ادهم
ادهم٠
مراد: مستغرب متسحابش ان ربي ياخذ في الحق وينصر في المظلوم
ادهم: س ساا
مراد: اس ولا كلمه ولا تحاول تطلب السماااح ياخاين
ادهم:
مراد: بنسألك سؤال وجاوب بصراحه خليك صادق ولو مرا وحده
أدهم: شنو٠
مراد: عليش درت هكي وبعتني ونا كنتلك اخ عليش؟؟
ادهم: شوف مشعارف شن بنقولك
مراد: متنكسفش مش في محلها الكسفه غير قول
ادهم: عشان انت معش تمن عندك فلوس كاش ونا نبي نفتح مشروع وانت معندكش وطلبت منك اكثر من مرا قعدت تقولي المصرف مابوش يعطوني
مراد: وفعلا المصرف مابوش يعطوني لان المبلغ كبير يعني نا عمري مسكت عليك حاجه..
ادهم: معمركش قصرت بس نا مش عارف شن صارلي
مراد: باهي كمل
ادهم: شوي جاني ولد سيدك ياسر قالي سمعت انك بدير مشروع ومحتاج فلوس كاش قتله اها قالي ومراد معطكش قتله لالا معنداش كاش كلهن في المصرف ومبوش يعطوهن له
ياسر: واللي يعطيهم لك
ادهم :باالله عليك والله مستحقلهن المشروع هذا رابح ١٠٠ في ١٠٠ بالله عليك عطيهملي
ياسر :فيه مقابل
ادهم: الي تبيه
ياسر: خوذ لاكن نقولك تحرق روحك تحرقها منفهمكش ووهاك وقع الشيكات
ادهم :وقعت بدون مانفكر في شن نتيجه ولا انه ياسر اكبر نصاب ومنحط
وخذيت لفلوس ودرت المشروع وربحت
بعد فتره جاني ياسر يهدد في بالشيكات قالي المقابل انك انت تخسر كل شي رفضت اكثر من مرا لعند ماحاول انه يبلغ فيا وانت عارف ان هلي معندهمش غيري ومرضى وافقت ونا متمزط منبيش نوافق وقالي مراد طيح سمعته قبل بعدها ندبرو ل فلوسه
واتفقنا وصار الي ياريته ماصار وكنت بنجي نعترف بعد خذيت الشيكات هددني بقتل هلي
مقدرتش سامحني ياخوي سامحني بالله عليك والله كله من طمع الفلوس يخيي
مراد: وهو متقزز منهم قاله خوي معش تقولها كان عندك اخ ومات ليش مجيت حكيت راه مخليتكش تبات ليلا في سجن وخذيت للشيكات بمعرفتي ليش بس
ادهم :انعمن عيوني سامحني
مراد: عمري ماحقدت على حد نا مسامحك لكن ادعي ربك هو اللي يسامحك ودم بنت بريئه في رقبتك ملقيتو طيحوني الا بقتل بنت ليش يا أذكياء محطيتو مخدرات وتريحتو ياويلكم من الله واخرى دم العسكري اللي مات وماله اي ذنب
ادهم:
ربي يسامحني شن درت في روحي نا الله لا يسامحك ياياسر
ربي يسامحني شن درت في روحي نا الله لا يسامحك ياياسرمراد :طالع
ادهم: مراد
مراد :خير في شي نسيت تقوله
ادهم: هلي يامراد ملهمش دعوه يامراد هلي رد بالك منهم
مراد قربله وحط يده ع كتف ادهم وقرب منه:
هلك هم هلي زي ماوعيت من ونا صغير ومش نا اللي ننسا العشره وهلك اعتبرهم زي وانت قاعد واحسن
وطلع …
وهنا كانت نهايت صحبه زي االاخوه بسبب الطمع والفتنه متخليش حد يغيرك ع صاحبك متخليش الفلوس يغيرنك …..”
ومراد طلع وروح للحوش وحكو لامه كل شي وامه تمت تبكي وقالولها موضوع وتم خلاص وقررو انهم يسيبو مكان سكنهم
مراد: علاش نطلعو هذي رابع ولا خامس مرا نطلعو شن كل مايسيرلنا شي بنهربو لعند امتى نهربو لعند امتى بس
بوهم : اني خلاص كرهت طرابلس بكل معش عندي فيها حد خوتي وتبريت منهم وهلي وموتو نبي نطلع منها بكل
الام: اي اي خلينا نطلعو مليت ونا لا نطلع لا نخش ومانعرف حد هذا كله خوف منهم لعند امتى وتجمعو العائله وخذو قرار انهم الأسبوع الجاي يطلعو من طرابلس بكل
وفعلا بدو يلملمو في حوايجهم وعرضو حوشهم للبيع في نفس الليله
وجا الليل وكل حد يبي يرقد فجأه الدنيا نقلب اصوات وعياط وبكااا
نزل مراد يجري لقا امه تبكي عليش ينعلااااي وتلطم ع وجها
مراد :خيركم شن في؟؟
امه: هيثم خذووه ينعللااااي هيثم ولدي ينعلااااااي
وطلع لقا خوه الصغير هيثم معبا دم والدنيا شايله وبوه مطبس يبكي وادم يواسي فيهم وهو بروحه يبكي
استوعب انهم قتلو خوه
طلع يبي ياخذ حق خوه شده ادم
لالا ليش هكي مديرش شي سادنا اللي صار ودموعه ينزلو وحضنو بعضهم وهم يبكو ع خوهم الصغير البريئ..
..هلبت هذيك الليله وكأنها مليون ليلة………..ومراد ماسك روحه بالغصب حاس انه هو السبب فلي صار للبنت ولخوه و العسكري
……………………………………
اما علي : جا من برا وخش عزق تلفونه وجاكته وخش دار حمام ساخن وخش تحت البطانيه وهو حاس انه تعبان ومهموم رفع عيونه للفوق وقال يااارب عوضني خير ….ونوم سرق عيونه الذابلات…
…يتبع …….
لقراءة الجزء التالي : الجزء الرابع من رواية اصبحت حياتي
لقراءة الجزء السابق : الجزء الثاني من رواية اصبحت حياتي
للإطلاع علي فهرس اجزاء الرواية : جميع روابط اجزاء رواية أصبحت حياتي للكاتبة زين الشريف
جميع الحقوق محفوظة للكاتبة زين الشريف
